Жаратылыу 39
39
Юсюп Потифарны юйюнде
1Юсюпню уа Мисирге келтирген эдиле. Аны ары келтирген исмаиллыладан Потифар атлы мисирли Юсюпню сатып алгъанды. Потифар – Фыргъауунну ёзюрю, патчахны бегеуюллерини башчысы эди.
2Раббий Юсюп бла болгъаны себепли, ол этген ишлеринде жетишимли адам болгъанды. Ол мисирли бийини юйюнде жашай эди. 3Юсюпню бийи Раббий аны бла болгъанын эм аны битеу этген ишинде жетишимлик бергенин кёргенди. 4Юсюпге ыразы болуп, аны энчи къуллукъгъа алгъанды. Сора аны кесини юйюне таматагъа салып, битеу болгъан затын аны къолуна берип къойгъанды. 5Ол Юсюпню кесини юйюне бла битеу болгъан мюлкюне таматагъа салгъан замандан башлап, Юсюпню хатеринден Раббий мисирлини юйюне берекет бергенди эм аны битеу болгъан затында: юйюнде да, сабанында да, – Раббийни берекети бар эди. 6Ол себепден Потифар битеу болгъан затын Юсюпню къолунда къойгъанды, ашагъан ётмегинден башха бир затха да къайгъырыр кереклиси жокъ эди.
Юсюп субай санлы эм ариу бетли эди. 7Юсюпге бийни къатыныны кёзю къарагъанды да, ол анга:
– Мени бла жат, – дегенди.
8Юсубʼа унамай, бийини къатынына былай айтханды:
– Ма, мен бу юйде тургъанлы, мени бийим бир зат ючюн къайгъырмайды, битеу болгъан затын мени къолума берип къойгъанды. 9Бу юйде менден уллу жокъду. Ол манга сенден башха хар неге да эркинлик бергенди. Сен а аны къатыныса да! Бу уллу аманлыкъны этип, мен Аллахха къажау гюнях къалай этер эдим да?
10Потифарны къатыны хар кюн сайын Юсюпге алай айта эди, Юсубʼа аны бла жатаргъа, аны бла бирге болургъа окъуна унамай эди.
11Бир кюн Юсюп юйге жумуш этерге киргенди, юйдегиледен а ичинде киши жокъ эди. 12Бийини къатыны Юсюпню кийиминден сермеп тутуп:
– Жат мени бла, – дегенди.
Юсубʼа андан ычхынып къачып, тышына чыкъгъанды, кийими уа тиширыуну къолунда къалгъанды. 13Ол къатын, Юсюп кийимин аны къолунда къоюп, къачып, тышына чыкъгъанын кёргенде, 14къычырып юйдегилерин чакъыргъанды эм алагъа былай айтханды:
– Къарагъыз, бу чюйютлюню юйюбюзге келтиргендиле, ол а бизни бедишлик этеди! Ол мени бла жатар ючюн манга келген эди, мен а уллу къычырыкъ этдим. 15Ол а, мени хахай этип къычыргъанымы эшитип, кийимин да менде къоюп, къачып, тышына чыкъгъанды.
16Ол Юсюпню кийимин, бийи юйюне къайтхынчы, кесинде къойгъанды. 17Бу сёзлени анга жангыдан айтханды:
– Сен бизге келтирген чюйютлю къул мени бедишлик этерге манга келген эди. 18Мен хахай этип къычыргъанымда уа, ол кийимин менде къоюп, тышына къачханды.
19Къатыны анга: «Къулунг манга былай этгенди», – деп айтхан сёзлени эшитгенде, Юсюпню бийи ачыудан жаннганды. 20Юсюпню тутуп, патчахны тутмакълары тургъан зинданнга салгъанды.
Юсюп зинданда
Алай бла Юсюп зинданнга тюшгенди.
21Раббий а Юсюп бла эди, анга ахшылыкъ этгенди эм зинданны таматасыны кёзлеринде анга ыразылыкъ бергенди. 22Зинданны таматасы анда болгъан битеу тутмакъланы Юсюпню къолуна берип къойгъанды, ала анда хар не этселе да, ол оноу эте эди. 23Зинданны таматасы Юсюпню оноуунда болгъан бир затха да къарамай эди: Раббий Юсюп бла эди эмда аны битеу этген ишине жетишимлик бере эди.
Currently Selected:
Жаратылыу 39: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Жаратылыу 39
39
Юсюп Потифарны юйюнде
1Юсюпню уа Мисирге келтирген эдиле. Аны ары келтирген исмаиллыладан Потифар атлы мисирли Юсюпню сатып алгъанды. Потифар – Фыргъауунну ёзюрю, патчахны бегеуюллерини башчысы эди.
2Раббий Юсюп бла болгъаны себепли, ол этген ишлеринде жетишимли адам болгъанды. Ол мисирли бийини юйюнде жашай эди. 3Юсюпню бийи Раббий аны бла болгъанын эм аны битеу этген ишинде жетишимлик бергенин кёргенди. 4Юсюпге ыразы болуп, аны энчи къуллукъгъа алгъанды. Сора аны кесини юйюне таматагъа салып, битеу болгъан затын аны къолуна берип къойгъанды. 5Ол Юсюпню кесини юйюне бла битеу болгъан мюлкюне таматагъа салгъан замандан башлап, Юсюпню хатеринден Раббий мисирлини юйюне берекет бергенди эм аны битеу болгъан затында: юйюнде да, сабанында да, – Раббийни берекети бар эди. 6Ол себепден Потифар битеу болгъан затын Юсюпню къолунда къойгъанды, ашагъан ётмегинден башха бир затха да къайгъырыр кереклиси жокъ эди.
Юсюп субай санлы эм ариу бетли эди. 7Юсюпге бийни къатыныны кёзю къарагъанды да, ол анга:
– Мени бла жат, – дегенди.
8Юсубʼа унамай, бийини къатынына былай айтханды:
– Ма, мен бу юйде тургъанлы, мени бийим бир зат ючюн къайгъырмайды, битеу болгъан затын мени къолума берип къойгъанды. 9Бу юйде менден уллу жокъду. Ол манга сенден башха хар неге да эркинлик бергенди. Сен а аны къатыныса да! Бу уллу аманлыкъны этип, мен Аллахха къажау гюнях къалай этер эдим да?
10Потифарны къатыны хар кюн сайын Юсюпге алай айта эди, Юсубʼа аны бла жатаргъа, аны бла бирге болургъа окъуна унамай эди.
11Бир кюн Юсюп юйге жумуш этерге киргенди, юйдегиледен а ичинде киши жокъ эди. 12Бийини къатыны Юсюпню кийиминден сермеп тутуп:
– Жат мени бла, – дегенди.
Юсубʼа андан ычхынып къачып, тышына чыкъгъанды, кийими уа тиширыуну къолунда къалгъанды. 13Ол къатын, Юсюп кийимин аны къолунда къоюп, къачып, тышына чыкъгъанын кёргенде, 14къычырып юйдегилерин чакъыргъанды эм алагъа былай айтханды:
– Къарагъыз, бу чюйютлюню юйюбюзге келтиргендиле, ол а бизни бедишлик этеди! Ол мени бла жатар ючюн манга келген эди, мен а уллу къычырыкъ этдим. 15Ол а, мени хахай этип къычыргъанымы эшитип, кийимин да менде къоюп, къачып, тышына чыкъгъанды.
16Ол Юсюпню кийимин, бийи юйюне къайтхынчы, кесинде къойгъанды. 17Бу сёзлени анга жангыдан айтханды:
– Сен бизге келтирген чюйютлю къул мени бедишлик этерге манга келген эди. 18Мен хахай этип къычыргъанымда уа, ол кийимин менде къоюп, тышына къачханды.
19Къатыны анга: «Къулунг манга былай этгенди», – деп айтхан сёзлени эшитгенде, Юсюпню бийи ачыудан жаннганды. 20Юсюпню тутуп, патчахны тутмакълары тургъан зинданнга салгъанды.
Юсюп зинданда
Алай бла Юсюп зинданнга тюшгенди.
21Раббий а Юсюп бла эди, анга ахшылыкъ этгенди эм зинданны таматасыны кёзлеринде анга ыразылыкъ бергенди. 22Зинданны таматасы анда болгъан битеу тутмакъланы Юсюпню къолуна берип къойгъанды, ала анда хар не этселе да, ол оноу эте эди. 23Зинданны таматасы Юсюпню оноуунда болгъан бир затха да къарамай эди: Раббий Юсюп бла эди эмда аны битеу этген ишине жетишимлик бере эди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024