Жаратылыу 33

Якъуп Эсау бла тюбешеди

1Якъуп къарап, Эсауну 400 адам бла бирге келе тургъанын кёргенди. Сора Леяны, Рахелни эм эки къарауашны сабийлерин айырып, кеслерине бергенди. 2Къарауашланы бла аланы сабийлерин алда, Леяны бла аны сабийлерин аланы ызларындан, Рахелни бла Юсюпню уа эм артда салгъанды. 3Кеси уа барыны да алларында баргъанды эм къарындашына жууукълашып, жерге дери жети кере баш ургъанды.

4Эсау анга тюберге чабып барып, аны къучакълагъанды да, аны боюнуна тагъылып уппа этгенди. Экиси да жилягъандыла. 5Сора Эсау къарап, къатынланы бла сабийлени кёрюп:

– Была сени кимлерингдиле? – деп соргъанды.

– Къулунга Аллахны ахшылыгъындан берилген сабийлеримдиле, – дегенди Якъуп.

6Сора къарауашла бла аланы сабийлери жууукълашып, баш ургъандыла. 7Лея бла аны сабийлери да жууукълашып, баш ургъандыла. Ахырында Юсюп бла Рахел жууукълашып, баш ургъандыла.

8Сора Эсау:

– Ол мен тюбеген сюрюулеринг а неди? – деп соргъанды.

– Сен манга ыразы болур ючюндю, жюйюсханым, – дегенди Якъуп.

9– Къарындашым, менде кёп барды, – дегенди Эсау. – Сеники сенде къалсын.

10– Угъай, – дегенди Якъуп, – сен манга ыразы эсенг, тилейме, саугъамы къабыл эт. Сени бетинги, Аллахны бетин кёргенча кёрдюм. Сен манга жарыкъ бет бла тюбединг. 11Мен санга келтирген саугъаларымы ал. Аллахны ахшылыгъындан, мени хар нем да барды.

Алай тилеп, Якъуп Эсаугъа саугъасын алдыргъанды.

12Сора Эсау:

– Кел, кетейик, мен да аллынгда барайым, – дегенди.

13Якъубʼа анга былай айтханды:

– Бийим биледи, сабийле къарыусуздула, къой-эчкилерим бла ийнеклерим да саулукъладыла. Аланы бир кюннге сюрюп кетсек, битеу мал къырылып къалыр. 14Бийим къулундан алгъа барсын, мен а аллымдагъы малла эм сабийле баргъаннга кёре акъырын барырма эм Сеирде бийиме келирме.

15– Жанымда болгъан адамладан бир къауумун сени бла къояйым сора, – дегенди Эсау.

– Ол неге керекди? – дегенди Якъуп. – Бийим манга ыразы болгъа эди ансы!

16Эсау ол кюн окъуна кесини жолу бла Сеирге къайтханды. 17Якъубʼа Суккотха кёчгенди. Анда ол кесине юй ишлегенди, малларына да халжарла этгенди. Аны ючюн бу жерни атына Суккот#33:17 Суккот атны магъанасы – «халжарла». деп атагъанды.

18Якъуп Паддан-Арамдан къайтханында, Кенанны жериндеги Шекем шахаргъа сау-саламат келгенди да, шахарны аллында тохтагъанды. 19Ол чатырын къургъан сабанны кесегин Шекемни атасы Хаморну улуларындан 100 кюмюш ахчагъа#33:19 100 кюмюш ахчагъа – чюйют тилде «100 кеситагъа». «Кесита» деген ёлчемни ауурлугъун бюгюнлюкде биз билмейбиз. сатып алгъанды. 20Анда къурман этилиучю жер салып, анга «Аллах, Исраилни Аллахы» деп атагъанды.

Currently Selected:

Жаратылыу 33: МалкъСК

Highlight

Copy