Жаратылыу 28
28
1Сора Исхакъ Якъупну чакъырып, анга алгъыш этип, быллай осуят этгенди:
– Кенанлы къызладан къатын алма. 2Мычымай тебиреп, Паддан-Арамгъа, анангы атасы Бетуелни юйюне бар. Ол жерден, анангы къарындашы Лабанны къызларындан кесинге къатын ал. 3Къудуретли Аллах а сени алгъышлы этсин, сени битимли этип кёбейтсин эмда сенден кёп халкъла туусунла. 4Аллах санга эм туудукъларынга Ибрахимни алгъышын берсин, Ол Ибрахимге тежегенича, бу сен кёчюп айланнган жерге сен ие болуп къал!
5Сора Исхакъ Якъупну жибергенди, ол да Паддан-Арамгъа, арамлы Бетуелни жашына, Якъупну бла Эсауну аналары Рабийгъатны къарындашына – Лабаннга – кетгенди.
6Исхакъ Якъупха алгъыш этип, аны Паддан-Арамгъа, андан кесине къатын алыргъа ийгенин, Эсау билгенди. Эмда Якъупха ыразылыкъ бере тургъанда, анга: «Кенанлы къызладан къатын алма», – деп осуят этгенин, 7Якъуп да атасыны бла анасыны айтханларын этип, Паддан-Арамгъа кетгенин, Эсау кёргенди. 8Алай бла Эсау кенанлы къызла атасы Исхакъны кёлюне жетмегенлерин ангылагъанды. 9Сора Эсау Исмаилгъа барып, къатынларыны юсюне, дагъыда, Ибрахимни жашы Исмаилни къызы, Небайотну эгечи Махалатны кесине къатыннга алгъанды.
Якъупну тюшю бла Аллахха берген сёзю
10Якъуп Беэр-Шебадан чыгъып, Хараннга атланнганды. 11Бир жерге келип, кюнню батханы ючюн, анда кече къалыргъа тохтагъанды. Ол жерни ташларындан бирин алып, башына жастыкъ этип жатханды. 12Тюшюнде ол жер юсюнде сюелген басхыч кёргенди, аны баш жаны уа кёкге жете эди. Аллахны мёлеклери аны бла ёрге ёрлей эм энишге тюше эдиле. 13Аны къатында#28:13 «Исхакъны къатында» неда «басхычны къатында». Неда «басхычны юсюнде». Раббий тура эди да:
– Мен – Раббийме, сени къарт атанг Ибрахимни Аллахыма эм атанг Исхакъны Аллахыма, – дегенди. – Бу сен жатхан жерни Мен санга эм туудукъларынга берликме. 14Туудукъларынг жер букъусуча кёп боллукъдула; сиз кюн батхан жанына, кюн чыкъгъан жанына, шимал жанына эм къыбыла жанына жайылырыкъсыз. Сени юсюнг бла эм урлугъунгу юсю бла жерни битеу миллетлери алгъышлы боллукъдула. 15Ма, Мен сени блама. Къайры барсанг да, сени хар жерде да сакъларыкъма эмда бу жерге къайтарлыкъма. Мен сени атарыкъ тюйюлме, санга айтханымы толтурлукъма.
16Якъуп жукъусундан уяннганды да кеси-кесине: «Кертиси да, бу жерде Раббий барды, мен а билмегенме!» – дегенди. 17Къоркъуп, ол:
– Бу жер къалай къоркъунчлуду! Бу – Аллахны юйюдю, башха зат тюйюлдю, бу – кёклени къабакъларыды, – дегенди.
18Эрттенликде эртте туруп, Якъуп башына жастыкъ орунуна салгъан ташны алгъанды да, аны сын таш этип сюегенди эмда аны юсюне зейтун жау къуйгъанды. 19Ол жерни атына Якъуп Бейт-Эл#28:19 Бейт-Эл атны магъанасы – «Аллахны Юйю». атагъанды. Ол шахарны алгъыннгы аты уа Луз эди. 20Сора Якъуп, нюзюр этип, былай айтханды:
– Аллах мени бла болуп, мени бу бара тургъан жолумда сакъласа эм манга ашаргъа ётмек, киерге кийим берсе, 21мен да атамы юйюне сау-саламат къайтсам, сора Раббий мени Аллахым болур, 22мен сын этип сюеген бу таш да Аллахны юйю болур. Сен манга берген затны барындан да, мен Санга ондан бирин берирме.
Currently Selected:
Жаратылыу 28: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Жаратылыу 28
28
1Сора Исхакъ Якъупну чакъырып, анга алгъыш этип, быллай осуят этгенди:
– Кенанлы къызладан къатын алма. 2Мычымай тебиреп, Паддан-Арамгъа, анангы атасы Бетуелни юйюне бар. Ол жерден, анангы къарындашы Лабанны къызларындан кесинге къатын ал. 3Къудуретли Аллах а сени алгъышлы этсин, сени битимли этип кёбейтсин эмда сенден кёп халкъла туусунла. 4Аллах санга эм туудукъларынга Ибрахимни алгъышын берсин, Ол Ибрахимге тежегенича, бу сен кёчюп айланнган жерге сен ие болуп къал!
5Сора Исхакъ Якъупну жибергенди, ол да Паддан-Арамгъа, арамлы Бетуелни жашына, Якъупну бла Эсауну аналары Рабийгъатны къарындашына – Лабаннга – кетгенди.
6Исхакъ Якъупха алгъыш этип, аны Паддан-Арамгъа, андан кесине къатын алыргъа ийгенин, Эсау билгенди. Эмда Якъупха ыразылыкъ бере тургъанда, анга: «Кенанлы къызладан къатын алма», – деп осуят этгенин, 7Якъуп да атасыны бла анасыны айтханларын этип, Паддан-Арамгъа кетгенин, Эсау кёргенди. 8Алай бла Эсау кенанлы къызла атасы Исхакъны кёлюне жетмегенлерин ангылагъанды. 9Сора Эсау Исмаилгъа барып, къатынларыны юсюне, дагъыда, Ибрахимни жашы Исмаилни къызы, Небайотну эгечи Махалатны кесине къатыннга алгъанды.
Якъупну тюшю бла Аллахха берген сёзю
10Якъуп Беэр-Шебадан чыгъып, Хараннга атланнганды. 11Бир жерге келип, кюнню батханы ючюн, анда кече къалыргъа тохтагъанды. Ол жерни ташларындан бирин алып, башына жастыкъ этип жатханды. 12Тюшюнде ол жер юсюнде сюелген басхыч кёргенди, аны баш жаны уа кёкге жете эди. Аллахны мёлеклери аны бла ёрге ёрлей эм энишге тюше эдиле. 13Аны къатында#28:13 «Исхакъны къатында» неда «басхычны къатында». Неда «басхычны юсюнде». Раббий тура эди да:
– Мен – Раббийме, сени къарт атанг Ибрахимни Аллахыма эм атанг Исхакъны Аллахыма, – дегенди. – Бу сен жатхан жерни Мен санга эм туудукъларынга берликме. 14Туудукъларынг жер букъусуча кёп боллукъдула; сиз кюн батхан жанына, кюн чыкъгъан жанына, шимал жанына эм къыбыла жанына жайылырыкъсыз. Сени юсюнг бла эм урлугъунгу юсю бла жерни битеу миллетлери алгъышлы боллукъдула. 15Ма, Мен сени блама. Къайры барсанг да, сени хар жерде да сакъларыкъма эмда бу жерге къайтарлыкъма. Мен сени атарыкъ тюйюлме, санга айтханымы толтурлукъма.
16Якъуп жукъусундан уяннганды да кеси-кесине: «Кертиси да, бу жерде Раббий барды, мен а билмегенме!» – дегенди. 17Къоркъуп, ол:
– Бу жер къалай къоркъунчлуду! Бу – Аллахны юйюдю, башха зат тюйюлдю, бу – кёклени къабакъларыды, – дегенди.
18Эрттенликде эртте туруп, Якъуп башына жастыкъ орунуна салгъан ташны алгъанды да, аны сын таш этип сюегенди эмда аны юсюне зейтун жау къуйгъанды. 19Ол жерни атына Якъуп Бейт-Эл#28:19 Бейт-Эл атны магъанасы – «Аллахны Юйю». атагъанды. Ол шахарны алгъыннгы аты уа Луз эди. 20Сора Якъуп, нюзюр этип, былай айтханды:
– Аллах мени бла болуп, мени бу бара тургъан жолумда сакъласа эм манга ашаргъа ётмек, киерге кийим берсе, 21мен да атамы юйюне сау-саламат къайтсам, сора Раббий мени Аллахым болур, 22мен сын этип сюеген бу таш да Аллахны юйю болур. Сен манга берген затны барындан да, мен Санга ондан бирин берирме.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024