Мисирден чыгъыу 6
6
1Раббий Муссагъа:
– Энди Мен фыргъаууннга не этеригими кёрюрсе. Къудуретли къолума бойсунуп, ол аланы жиберир; къудуретли къолума бойсунуп, ол аланы къыралындан къыстап окъуна иер, – деди.
2Сора Аллах Муссагъа сёлешип, былай айтды:
– Мен Раббийме. 3Мен Ибрахимге, Исхакъгъа эм Якъупха Къудуретли Аллах деген атым бла кёрюне тургъанма, Раббий#6:3 Раббий – оригиналда «Яхве» – Аллахны энчи аты. Къ. 3:15. деген атым бла уа Кесими алагъа танытмагъанма. 4Ала анда кёчюп айланнган жерлерин, Кенанны жерин алагъа берирме деп, Мен ала бла кесаматымы салгъанма. 5Мен мисирлиле жесир этип тутхан Исраил улуларыны ынчхагъанларын эшитгенме да, кесаматымы эсиме келтиргенме. 6Ол себепли Исраил улуларына былай айт: «Мен Раббийме. Мен сизни мисирлилени унукъдурууларыны тюбюнден чыгъарлыкъма, къуллукъ болумугъуздан азат этерикме, къудуретли къолум бла алагъа азап салып, сизни жулуп къутхарлыкъма. 7Сизни Кеси халкъым этерикме эмда Аллахыгъыз боллукъма, сизни Мисирни унукъдуруууну тюбюнден чыгъаргъан Раббий Аллахыгъыз Мен болгъанымы билирсиз. 8Мен сизни Ибрахимге, Исхакъгъа эм Якъупха берирге ант этген жерге элтирикме, аны сизге мюлк жерге берликме. Мен Раббийме».
9Мусса бу сёзлени Исраил улуларына айтханды. Ала уа асыры амалсыздан, къыйын ишден унукъгъандан Муссагъа тынгыламагъандыла. 10Сора Раббий Муссагъа:
11– Бар, Мисирни патчахы фыргъаууннга айт, ол Исраил улуларын къыралындан жиберсин, – деди.
12Мусса Раббийни аллында:
– Ма, Исраил улулары да тынгыламайдыла манга, фыргъауун а манга къалай тынгылар? Мен сёзге уста тюйюлме, – деди.
Муссаны бла Харунну тукъум тарыхлары
13Раббий Муссагъа бла Харуннга сёлешгенди да, Исраил улуларын Мисирни жеринден чыгъарыр ючюн, аланы юсю бла Исраил улуларына эм Мисирни патчахы фыргъаууннга буйрукъ бергенди.
14Исраиллилени тукъум таматалары была эдиле:
Исраилни тюнгючю Рубенни уланлары: Ханох эм Паллу, Хесрон эм Кармий. Была Рубенни юйюрлеридиле.
15Шимонну уланлары: Емуел, Ямин, Охад, Яхин, Сохар эмда кенанлы къатынны уланы Шаул. Была Шимонну юйюрлеридиле.
16Лебийни уланларыны атлары, тукъум тарыхларына кёре, быладыла: Гершон, Кохат, Мерарий. Лебийни ёмюрю уа 137 жыл эди.
17Гершонну уланлары, юйюрлерине кёре: Либний бла Шимий.
18Къохатны уланлары: Амрам, Исхар, Хеброн, Уззиел. Кохатны ёмюрю уа 133 жыл эди.
19Мерарийни уланлары: Махлий бла Муший.
Тукъум тарыхларына кёре, лебийлилени юйюрлери быладыла.
20Амрам атасыны эгечи Йохебедни къатыннга алгъанды. Йохебед анга Харунну бла Муссаны тапханды. Амрамны ёмюрю уа 137 жыл эди.
21Исхарны уланлары: Корах, Нефег, Зихрий.
22Уззиелни уланлары: Мишаел, Элсафан, Ситрий.
23Харун Аминадабны къызы, Нахшонну эгечи Элишебаны къатыннга алгъанды. Элишеба анга Надабны эм Абихуну, Элазарны эм Итамарны тапханды.
24Корахны уланлары: Асир, Элкъана, Абиасаф. Корахлыланы юйюрлери быладыла.
25Харунну уланы Элазар Путиелни къызларындан бирлерин къатыннга алгъанды. Ол да анга Пинехасны тапханды.
Юйюрлерине кёре, лебийлилени тукъум таматалары быладыла.
26«Исраил улуларын Мисирни жеринден жыйын-жыйын этип чыгъарыгъыз», – деп Раббий алагъа айтхан Харун бла Мусса – быладыла.
27Исраил улуларын Мисирден чыгъарыр ючюн, Мисирни патчахы фыргъауун бла сёлешген Мусса бла Харун – быладыла.
Харун Муссаны атындан сёлешеди
28Раббий Муссагъа Мисирни жеринде сёлешген кюн, 29анга:
– Мен Раббийме. Мен санга айтхан затланы барысын да Мисирни патчахы фыргъаууннга айт, – деген эди.
30Мусса уа Раббийге:
– Ма, мен сёзге уста тюйюлме. Фыргъауун манга къалай тынгылар? – деген эди.
Currently Selected:
Мисирден чыгъыу 6: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
