Мисирден чыгъыу 28
28
Дин къуллукъчуланы кийимлери
(Чыгъ. 39:1)
1– Сен Исраил улуланы арасындан къарындашынг Харунну бла аны уланларын кесинге жууукълашдыр. Харун бла аны Надаб, Абиху, Элазар эм Итамар деген уланлары Манга дин къуллукъчулукъ этерле. 2Къарындашынг Харун аламат эм ариу кёрюнюр ючюн, анга сыйлы кийимле тикдир. 3Мен кёллерине хунерлик салгъан битеу усталагъа, Харун Манга дин къуллукъчулукъ этсин деп, айт, аны айырып сыйлы этер ючюн, ала анга сыйлы кийимле тиксинле. 4Ма, ала этерик кийимле: ёшюнлюк, эфод, къаптал, накъышлы узун кёлек, сарых#28:4 Сарых – орус. тюрбан. эм белибау. Къарындашынг Харун бла аны уланлары Манга дин къуллукъчулукъ этсинле деп, алагъа сыйлы кийимле тигер ючюн, 5устала алтын, кёк, къызгъылдым эм ачы къызыл бетли жюн эмда иничге гетен алсынла.
Эфод#28:6 Эфод – ботагъа ушаш, баш дин къуллукъчу киюучю сыйлы гетен тыш кийим.
(Чыгъ. 39:2-7)
6– Алтындан, кёк, къызгъылдым эм ачы къызыл бетли жюнден эмда ийирилген иничге гетенден уста согъулгъан къумачдан эфод да этсинле. 7Ол жалгъаныр ючюн, аны эки къыйырында эки жалгъаучу имбашлыкъ болургъа керекди. 8Эфодну юсюндеги уста тигилген белибау да, тамам эфодча, алтындан, кёк, къызгъылдым эм къызыл бетли жюнден эмда ийирилген иничге гетенден ишленирге керекди.
9Эки оникс таш алып, аланы юсюне Исраилни уланларыны атларын тужур этип жаздыр. 10Аланы алтысыны атларын бир ташха, алтысыны да атларын бирси ташха, бир-бири ызындан, туугъанларына кёре тюшюрт. 11Тужур салыучу уста мухур ишлегени кибик, ол эки ташха Исраилни уланларыны атларын тужур этип жаздыр да, аланы алтындан ишленнген уялагъа орнатдыр. 12Ол эки ташны, эфодну эки имбашлыгъына салдыр. Ол ташла Исраил улулагъа эсгертиу ташладыла. Харун аланы атларын Раббийни аллында эсгертип турур ючюн, кесини имбашларында жюрютюрюкдю. 13Ташланы уяларын алтындан ишлет. 14Сырма алтындан эки сынжырчыкъ да, жыжымча бурдуруп, ишлет. Сора сынжырчыкъланы уялагъа бегитдир.
Оноу ёшюнлюк
(Чыгъ. 39:8-21)
15– Уста ишленнген оноу ёшюнлюк этдир. Ол да эфод этилгенча, алтындан, кёк, къызгъылдым эм ачы къызыл бетли жюнден эмда ийирилген иничге гетенден болсун. 16Ол тёртгюл, эки къатлы, узунлугъу бир къарыш, кенглиги да бир къарыш болургъа керекди. 17Анга уяларына салыннган ташланы тёрт тизгин этдирип салдыр. Биринчи тизгин: къызыл накъут, топпас, жашил зумурут. 18Экинчи тизгин: феруза, накъут, налмас. 19Ючюнчю тизгин: кёк накъут, агат, аметист. 20Тёртюнчю тизгин: сары накъут, оникс, яспис. Ала алтын уяларына салыныргъа керекдиле. 21Онеки таш боллукъду. Хар бирине, мухур жазылгъанча, Исраилни уланларыны атлары башха-башха тужур этип жазылыргъа керекдиле. Была Исраилни онеки тайпасын кёргюзтген ташла болсунла.
22Оноу ёшюнлюкге, сырма алтындан бурулуп, эшилип этилген сынжырчыкъла этдир. 23Ёшюнлюкге, алтындан эки тогъай такъдыр, эки тогъайны ёшюнлюкню эки мюйюшюне бегитдир. 24Эшилген эки алтын сынжырчыкъны ёшюнлюкню къыйырларындагъы эки тогъайгъа сууурт. 25Эки сынжырчыкъны эки къыйырын а ёшюнлюкдеги эки оруннга салдырт эмда эфодну бет жанына, имбашлыкълагъа къысдырт. 26Дагъыда эки алтын тогъай ишлет, аланы да ёшюнлюкню тюп мюйюшлерине тагъып, эфодну ич жанына салыннган жеринде бегитдир. 27Аны кибик эки алтын тогъай ишлетип, аланы да эфодну эки имбашлыгъыны тюп жанында тутдурсунла, аны бет жанында жалгъаннган жеринде эфодну уста эшилген белибаууну огъары жанында кёклесинле. 28Ёшюнлюкню тогъайларын эфодну тогъайларына кёк жюнден эшилген тартма бла къысаргъа керекдиле. Алай бла ёшюнлюк, эфодну уста этилген белибаууну огъары жанында къалып, эфоддан тюшмей турур.
29Харун сыйлы жерге кирген заманда, Мен, Раббий, аланы тохтаусуз эсгерир ючюн, Исраилни уланларыны атларын оноу ёшюнлюкде, кесини жюрек жанында жюрютюп турур. 30Оноу ёшюнлюкге Уримни бла Тумимни#28:30 Урим бла Тумим – эфодну юсюндеги ёшюнлюкде болгъан эки гитче таш эдиле. Ала Аллах буюргъанны билир ючюн жюрютюлгендиле. сал. Харун сыйлы жерге, Раббийни аллына кирген заманда, ала Харунну жюрегини къатында болурла. Харун, Исраил улулагъа оноу этер ючюн, Уримни бла Туммимни дайым Раббийни аллында кесини жюрегини къатында жюрютюп турур.
Дин къуллукъчуну башха кийимлери
(Чыгъ. 39:22-26, 30-31)
31– Эфодну тюбюнден кийилген къапталны саулай кёк бетли этдир. 32Аны тюз ортасында башы кирирча тешик болсун. Тешикни тёгерегине, жыртылмаз ючюн, кюбени баш тешигинеча, санжох#28:32 Санжох – кийимни къыйыры бла тигилген узун иничге зат; орус. – оторочка. салыныргъа керекди. 33Аны этеклерини тёгерегине кёк, къызгъылдым эм къызыл бетли халыладан анар суратла этдир, араларында алтын къонгуроучукъла да салынсынла. 34Къапталны этегини тёгерегинде алтын къонгуроучукъ бла анар, алтын къонгуроучукъ бла анар болсунла. 35Харун ол къапталны къуллукъ этген заманда кийсин. Ол Эм Сыйлы Жерге, Мен Раббийни аллыма киргенде бла чыкъгъанда, къонгуроучукъланы тауушу эшитилир да, ол ёлмей къалыр.
Раббийни Сыйлысы
36Сырма алтындан сыйдамланнган къангачыкъ этдир, аны юсюне, мухургъа жонулуп жазылгъанча, «Раббийни Сыйлысы» деп, тужур#28:36 Тужур – агъачда, сюекде къазылып, салыннган сурат, оюу; орус. – резьба. этдир. 37Аны кёк тартма#28:37 Тартма́ – орус. – шнур, шнурок. бла сарыхха бегитдир. Ол сарыхны ал жанында бегисин. 38Къангачыкъ Харунну мангылайында болсун да, Исраил улуланы Манга келтирген битеу сыйлы саугъаларыны кемликлерин ол кесини боюнуна алыр. Мен, Раббий, алагъа ыразы болур ючюн, къангачыкъ дайым аны мангылайында турсун.
39Иничге гетенден узун кёлек да тикдир, сарыхны да иничге гетенден ишлет, белибаугъа да накъыш салынсын.
Башха дин къуллукъчуланы кийимлери
(Чыгъ. 39:27-29)
40Харунну уланлары аламат эм ариу кёрюнюр ючюн, алагъа узун кёлекле, белибаула, башлыкъла этдир. 41Къарындашынг Харуннга бла аны уланларына ол кийимлени кийдирип, аланы майла, дин къуллукъчулукъгъа сал эмда айырып сыйлы эт. Сора ала Манга дин къуллукъчулукъ этерле.
42Аланы уятлыкъларын жабаргъа, беллеринден базыкъ бутларына дери жетген гетен ич кёнчекле тикдир. 43Харун эм аны уланлары Тюбешиу Чатыргъа киргенде неда Сыйлы Жерде къуллукъ этер ючюн, къурман этилиучю жерге жууукълашханда, терс болуп ёлмез ючюн, ол ич кёнчеклени киерге керекдиле. Бу – Харуннга бла аны тукъумуна ёмюрге да жорукъ болсун.
Currently Selected:
Мисирден чыгъыу 28: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 28
28
Дин къуллукъчуланы кийимлери
(Чыгъ. 39:1)
1– Сен Исраил улуланы арасындан къарындашынг Харунну бла аны уланларын кесинге жууукълашдыр. Харун бла аны Надаб, Абиху, Элазар эм Итамар деген уланлары Манга дин къуллукъчулукъ этерле. 2Къарындашынг Харун аламат эм ариу кёрюнюр ючюн, анга сыйлы кийимле тикдир. 3Мен кёллерине хунерлик салгъан битеу усталагъа, Харун Манга дин къуллукъчулукъ этсин деп, айт, аны айырып сыйлы этер ючюн, ала анга сыйлы кийимле тиксинле. 4Ма, ала этерик кийимле: ёшюнлюк, эфод, къаптал, накъышлы узун кёлек, сарых#28:4 Сарых – орус. тюрбан. эм белибау. Къарындашынг Харун бла аны уланлары Манга дин къуллукъчулукъ этсинле деп, алагъа сыйлы кийимле тигер ючюн, 5устала алтын, кёк, къызгъылдым эм ачы къызыл бетли жюн эмда иничге гетен алсынла.
Эфод#28:6 Эфод – ботагъа ушаш, баш дин къуллукъчу киюучю сыйлы гетен тыш кийим.
(Чыгъ. 39:2-7)
6– Алтындан, кёк, къызгъылдым эм ачы къызыл бетли жюнден эмда ийирилген иничге гетенден уста согъулгъан къумачдан эфод да этсинле. 7Ол жалгъаныр ючюн, аны эки къыйырында эки жалгъаучу имбашлыкъ болургъа керекди. 8Эфодну юсюндеги уста тигилген белибау да, тамам эфодча, алтындан, кёк, къызгъылдым эм къызыл бетли жюнден эмда ийирилген иничге гетенден ишленирге керекди.
9Эки оникс таш алып, аланы юсюне Исраилни уланларыны атларын тужур этип жаздыр. 10Аланы алтысыны атларын бир ташха, алтысыны да атларын бирси ташха, бир-бири ызындан, туугъанларына кёре тюшюрт. 11Тужур салыучу уста мухур ишлегени кибик, ол эки ташха Исраилни уланларыны атларын тужур этип жаздыр да, аланы алтындан ишленнген уялагъа орнатдыр. 12Ол эки ташны, эфодну эки имбашлыгъына салдыр. Ол ташла Исраил улулагъа эсгертиу ташладыла. Харун аланы атларын Раббийни аллында эсгертип турур ючюн, кесини имбашларында жюрютюрюкдю. 13Ташланы уяларын алтындан ишлет. 14Сырма алтындан эки сынжырчыкъ да, жыжымча бурдуруп, ишлет. Сора сынжырчыкъланы уялагъа бегитдир.
Оноу ёшюнлюк
(Чыгъ. 39:8-21)
15– Уста ишленнген оноу ёшюнлюк этдир. Ол да эфод этилгенча, алтындан, кёк, къызгъылдым эм ачы къызыл бетли жюнден эмда ийирилген иничге гетенден болсун. 16Ол тёртгюл, эки къатлы, узунлугъу бир къарыш, кенглиги да бир къарыш болургъа керекди. 17Анга уяларына салыннган ташланы тёрт тизгин этдирип салдыр. Биринчи тизгин: къызыл накъут, топпас, жашил зумурут. 18Экинчи тизгин: феруза, накъут, налмас. 19Ючюнчю тизгин: кёк накъут, агат, аметист. 20Тёртюнчю тизгин: сары накъут, оникс, яспис. Ала алтын уяларына салыныргъа керекдиле. 21Онеки таш боллукъду. Хар бирине, мухур жазылгъанча, Исраилни уланларыны атлары башха-башха тужур этип жазылыргъа керекдиле. Была Исраилни онеки тайпасын кёргюзтген ташла болсунла.
22Оноу ёшюнлюкге, сырма алтындан бурулуп, эшилип этилген сынжырчыкъла этдир. 23Ёшюнлюкге, алтындан эки тогъай такъдыр, эки тогъайны ёшюнлюкню эки мюйюшюне бегитдир. 24Эшилген эки алтын сынжырчыкъны ёшюнлюкню къыйырларындагъы эки тогъайгъа сууурт. 25Эки сынжырчыкъны эки къыйырын а ёшюнлюкдеги эки оруннга салдырт эмда эфодну бет жанына, имбашлыкълагъа къысдырт. 26Дагъыда эки алтын тогъай ишлет, аланы да ёшюнлюкню тюп мюйюшлерине тагъып, эфодну ич жанына салыннган жеринде бегитдир. 27Аны кибик эки алтын тогъай ишлетип, аланы да эфодну эки имбашлыгъыны тюп жанында тутдурсунла, аны бет жанында жалгъаннган жеринде эфодну уста эшилген белибаууну огъары жанында кёклесинле. 28Ёшюнлюкню тогъайларын эфодну тогъайларына кёк жюнден эшилген тартма бла къысаргъа керекдиле. Алай бла ёшюнлюк, эфодну уста этилген белибаууну огъары жанында къалып, эфоддан тюшмей турур.
29Харун сыйлы жерге кирген заманда, Мен, Раббий, аланы тохтаусуз эсгерир ючюн, Исраилни уланларыны атларын оноу ёшюнлюкде, кесини жюрек жанында жюрютюп турур. 30Оноу ёшюнлюкге Уримни бла Тумимни#28:30 Урим бла Тумим – эфодну юсюндеги ёшюнлюкде болгъан эки гитче таш эдиле. Ала Аллах буюргъанны билир ючюн жюрютюлгендиле. сал. Харун сыйлы жерге, Раббийни аллына кирген заманда, ала Харунну жюрегини къатында болурла. Харун, Исраил улулагъа оноу этер ючюн, Уримни бла Туммимни дайым Раббийни аллында кесини жюрегини къатында жюрютюп турур.
Дин къуллукъчуну башха кийимлери
(Чыгъ. 39:22-26, 30-31)
31– Эфодну тюбюнден кийилген къапталны саулай кёк бетли этдир. 32Аны тюз ортасында башы кирирча тешик болсун. Тешикни тёгерегине, жыртылмаз ючюн, кюбени баш тешигинеча, санжох#28:32 Санжох – кийимни къыйыры бла тигилген узун иничге зат; орус. – оторочка. салыныргъа керекди. 33Аны этеклерини тёгерегине кёк, къызгъылдым эм къызыл бетли халыладан анар суратла этдир, араларында алтын къонгуроучукъла да салынсынла. 34Къапталны этегини тёгерегинде алтын къонгуроучукъ бла анар, алтын къонгуроучукъ бла анар болсунла. 35Харун ол къапталны къуллукъ этген заманда кийсин. Ол Эм Сыйлы Жерге, Мен Раббийни аллыма киргенде бла чыкъгъанда, къонгуроучукъланы тауушу эшитилир да, ол ёлмей къалыр.
Раббийни Сыйлысы
36Сырма алтындан сыйдамланнган къангачыкъ этдир, аны юсюне, мухургъа жонулуп жазылгъанча, «Раббийни Сыйлысы» деп, тужур#28:36 Тужур – агъачда, сюекде къазылып, салыннган сурат, оюу; орус. – резьба. этдир. 37Аны кёк тартма#28:37 Тартма́ – орус. – шнур, шнурок. бла сарыхха бегитдир. Ол сарыхны ал жанында бегисин. 38Къангачыкъ Харунну мангылайында болсун да, Исраил улуланы Манга келтирген битеу сыйлы саугъаларыны кемликлерин ол кесини боюнуна алыр. Мен, Раббий, алагъа ыразы болур ючюн, къангачыкъ дайым аны мангылайында турсун.
39Иничге гетенден узун кёлек да тикдир, сарыхны да иничге гетенден ишлет, белибаугъа да накъыш салынсын.
Башха дин къуллукъчуланы кийимлери
(Чыгъ. 39:27-29)
40Харунну уланлары аламат эм ариу кёрюнюр ючюн, алагъа узун кёлекле, белибаула, башлыкъла этдир. 41Къарындашынг Харуннга бла аны уланларына ол кийимлени кийдирип, аланы майла, дин къуллукъчулукъгъа сал эмда айырып сыйлы эт. Сора ала Манга дин къуллукъчулукъ этерле.
42Аланы уятлыкъларын жабаргъа, беллеринден базыкъ бутларына дери жетген гетен ич кёнчекле тикдир. 43Харун эм аны уланлары Тюбешиу Чатыргъа киргенде неда Сыйлы Жерде къуллукъ этер ючюн, къурман этилиучю жерге жууукълашханда, терс болуп ёлмез ючюн, ол ич кёнчеклени киерге керекдиле. Бу – Харуннга бла аны тукъумуна ёмюрге да жорукъ болсун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024