Мисирден чыгъыу 27
27
Толусунлай кюйдюрюлген къурман этилиучю жер
(Чыгъ. 38:1-7)
1– Къадаркъан агъачдан къурман этилиучю жер ишлет. Ол тёртгюл болсун: узунлугъу беш къары, кенглиги да беш къары, бийиклиги уа юч къары болсун. 2Аны тёрт мюйюшюнде да, аны бла бир агъач кесекден мюйюзле ишлет. Къурман жерни жез бла тышлат. 3Анга кюлюн тёгерге челекле, кюрекле, тазла, сенекле, мыдых алыучу сауутла ишлет – битеу кереклери жезден болсунла. 4Анга, жезден, кюл агъыучу, аугъа ушаш чалдиш ишлет. Чалдишни тёрт мюйюшюне тёрт жез тогъай этдир. 5Чалдиш, къурман жерни жарымына дери жетерча, аны къурман жерни тюп жаныны тёгерегине салдыр. 6Къурман жерге къадаркъан агъачдан къурукъла ишлетип, аланы жез бла тышлат. 7Къурман жерни кётюрюп элтирик заманда, къурукъларын аны эки жанында тогъайлагъа кийир. 8Аны къангаладан жый эм ичи бош болсун. Санга тауда кёргюзтюлгенича, алай этдир.
Сыйлы Мекямны арбазы
(Чыгъ. 38:9-20)
9– Сыйлы Мекямгъа арбаз ишлет. Арбазны къыбыла жаныны жабыулары, согъулгъан иничге гетенден этилсинле, бир жаныны жабыууну узунлугъу жюз къары болсун. 10Жабыулагъа жыйырма багъана, багъаналагъа да жезден жыйырма аякъ тюп ишлерге керекди. Багъаналаны ыргъакълары эм аланы илгиклери кюмюшден болсунла. 11Аны кибик арбазны шимал жанына да узунлугъу жюз къары болгъан жабыу этилсин, жабыулагъа жыйырма багъана, багъаналагъа да жезден жыйырма аякъ тюп ишленсин. Багъаналаны ыргъакълары эм аланы илгиклери кюмюшден болсунла.
12Арбазны кюнбатыш жаныны жабыулары уа эллишер къарыгъа жетсинле. Жабыулагъа он багъана, багъаналагъа да он аякъ тюп ишленсин. 13Арбазны кюнчыгъыш жаныны жабыулары да эллишер къары болсунла. 14Кирген жерни бир жанында онбеш къарылыкъ жабыула тагъылсынла; жабыулагъа юч багъана, багъаналагъа да юч аякъ тюп этилсин. 15Кирген жерни бирси жанында да онбешкъарылыкъ жабыула болсунла; жабыулагъа юч багъана, багъаналагъа да юч аякъ тюп ишленсин.
Арбазны къабакъ эшигини жабыуу
16– Арбазны къабакъ эшигини жабыууну кенглиги жыйырма къары болсун. Ол, кёк, къызгъылдым эм ачы къызыл бетли жюнден бла ийирилген иничге гетенден согъулгъан, накъышла да салыннган къумачдан тигилсин. Жабыугъа тёрт багъана, багъаналагъа да тёрт аякъ тюп ишленсин. 17Арбазны тёгерегини битеу багъаналары кюмюш байламлыкъла бла бегейтилирге керекдиле. Багъаналаны ыргъакълары кюмюшден, аякъ тюплери уа жезден къуюлсунла. 18Арбазны узунлугъу жюз къары, битеу кенглигине керилгени уа элли къары, бийиклиги беш къары, жабыулары ийирилген иничге гетенден, багъаналаны аякъ тюплери уа жезден болсунла. 19Сыйлы Мекямда битеу хайырланылгъан керекле, аны битеу къазыкълары эм арбазны битеу къазыкълары да жезден этилсинле.
Чыракълагъа зейтун жау
(Леб. 24:1-4)
20– Исраил улулагъа буюр, ала санга, хар дайым да чырахтанны чыракълары жанып, жарыкъ берип турур ючюн, зейтун терекни кёгетинден этилген таза зейтун жау келтирип турсунла. 21Тюбешиу Чатырда, Шагъатлыкъ Кюбюрню аллындагъы жабыуну тыш жанында, Харун эм аны уланлары Раббийни аллында чыракъланы ингирден эрттенликге дери жаннганлай тутсунла. Бу Исраил улуларыны тёлюлерине ёмюрлюк жорукъду.
Currently Selected:
Мисирден чыгъыу 27: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 27
27
Толусунлай кюйдюрюлген къурман этилиучю жер
(Чыгъ. 38:1-7)
1– Къадаркъан агъачдан къурман этилиучю жер ишлет. Ол тёртгюл болсун: узунлугъу беш къары, кенглиги да беш къары, бийиклиги уа юч къары болсун. 2Аны тёрт мюйюшюнде да, аны бла бир агъач кесекден мюйюзле ишлет. Къурман жерни жез бла тышлат. 3Анга кюлюн тёгерге челекле, кюрекле, тазла, сенекле, мыдых алыучу сауутла ишлет – битеу кереклери жезден болсунла. 4Анга, жезден, кюл агъыучу, аугъа ушаш чалдиш ишлет. Чалдишни тёрт мюйюшюне тёрт жез тогъай этдир. 5Чалдиш, къурман жерни жарымына дери жетерча, аны къурман жерни тюп жаныны тёгерегине салдыр. 6Къурман жерге къадаркъан агъачдан къурукъла ишлетип, аланы жез бла тышлат. 7Къурман жерни кётюрюп элтирик заманда, къурукъларын аны эки жанында тогъайлагъа кийир. 8Аны къангаладан жый эм ичи бош болсун. Санга тауда кёргюзтюлгенича, алай этдир.
Сыйлы Мекямны арбазы
(Чыгъ. 38:9-20)
9– Сыйлы Мекямгъа арбаз ишлет. Арбазны къыбыла жаныны жабыулары, согъулгъан иничге гетенден этилсинле, бир жаныны жабыууну узунлугъу жюз къары болсун. 10Жабыулагъа жыйырма багъана, багъаналагъа да жезден жыйырма аякъ тюп ишлерге керекди. Багъаналаны ыргъакълары эм аланы илгиклери кюмюшден болсунла. 11Аны кибик арбазны шимал жанына да узунлугъу жюз къары болгъан жабыу этилсин, жабыулагъа жыйырма багъана, багъаналагъа да жезден жыйырма аякъ тюп ишленсин. Багъаналаны ыргъакълары эм аланы илгиклери кюмюшден болсунла.
12Арбазны кюнбатыш жаныны жабыулары уа эллишер къарыгъа жетсинле. Жабыулагъа он багъана, багъаналагъа да он аякъ тюп ишленсин. 13Арбазны кюнчыгъыш жаныны жабыулары да эллишер къары болсунла. 14Кирген жерни бир жанында онбеш къарылыкъ жабыула тагъылсынла; жабыулагъа юч багъана, багъаналагъа да юч аякъ тюп этилсин. 15Кирген жерни бирси жанында да онбешкъарылыкъ жабыула болсунла; жабыулагъа юч багъана, багъаналагъа да юч аякъ тюп ишленсин.
Арбазны къабакъ эшигини жабыуу
16– Арбазны къабакъ эшигини жабыууну кенглиги жыйырма къары болсун. Ол, кёк, къызгъылдым эм ачы къызыл бетли жюнден бла ийирилген иничге гетенден согъулгъан, накъышла да салыннган къумачдан тигилсин. Жабыугъа тёрт багъана, багъаналагъа да тёрт аякъ тюп ишленсин. 17Арбазны тёгерегини битеу багъаналары кюмюш байламлыкъла бла бегейтилирге керекдиле. Багъаналаны ыргъакълары кюмюшден, аякъ тюплери уа жезден къуюлсунла. 18Арбазны узунлугъу жюз къары, битеу кенглигине керилгени уа элли къары, бийиклиги беш къары, жабыулары ийирилген иничге гетенден, багъаналаны аякъ тюплери уа жезден болсунла. 19Сыйлы Мекямда битеу хайырланылгъан керекле, аны битеу къазыкълары эм арбазны битеу къазыкълары да жезден этилсинле.
Чыракълагъа зейтун жау
(Леб. 24:1-4)
20– Исраил улулагъа буюр, ала санга, хар дайым да чырахтанны чыракълары жанып, жарыкъ берип турур ючюн, зейтун терекни кёгетинден этилген таза зейтун жау келтирип турсунла. 21Тюбешиу Чатырда, Шагъатлыкъ Кюбюрню аллындагъы жабыуну тыш жанында, Харун эм аны уланлары Раббийни аллында чыракъланы ингирден эрттенликге дери жаннганлай тутсунла. Бу Исраил улуларыны тёлюлерине ёмюрлюк жорукъду.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024