Мисирден чыгъыу 19
19
Исраиллиле Синай тауну къатында
1Исраил улулары Мисирни жеринден чыкъгъанларыны ючюнчю айында, жангы айны тамам биринчи кюнюнде Синай атлы къуу жерге жетгендиле. 2Рефидимден атланып, Синай атлы къуу жерге келгендиле. Анда, къуу жерде, тауну аллында Исраил улула къонуш салып тохтагъандыла.
3Мусса таугъа ёрлеп, Аллахны аллына чыкъды. Раббий таудан аны чакъырып:
– Якъупну юйюрюне былай айт, Исраил улуларына муну билдир: 4«Мисирлилеге не этгеними, сизни къуш къанатла бла кётюрюп айланнганча жюрютюп, Кесиме алып келгеними кёргенсиз. 5Алай бла сиз, Мен айтханны этип, сыйлы кесаматымы тутсагъыз, битеу халкъланы арасында Мени багъалы хазнам болурсуз. Нек дегенде, битеу дуния Меникиди, 6сиз а Манга дин къуллукъчуланы патчахлыгъы эмда сыйлы миллет болурсуз». Исраил улуларына айтырыкъ сёзлеринг быладыла, – деди.
7Мусса таудан тюшюп, халкъны тукъум таматаларын жыйгъанды эмда Раббий анга буюргъан битеу бу сёзлени алагъа айтханды. 8Битеу халкъ да бирча:
– Раббий айтхан затланы барын да толтурурбуз, – деп жууап берди.
Мусса да, Раббийге къайтып, халкъны жууабын келтирди.
9Раббий Муссагъа:
– Ма, Мен санга къалын булут ичинде келирме да, Мен сени бла къалай сёлешгеними халкъ эшитип, ёмюрге да санга ийнаныр, – деди.
Мусса да халкъны сёзлерин Раббийге айтды. 10Раббий Муссагъа былай айтды:
– Халкъгъа бар да, аны бюгюн бла тамбла таза эт. Кийимлерин жуусунла. 11Ючюнчю кюннге хазыр болсунла. Ючюнчю кюн Раббий битеу халкъны кёз аллында Синай таугъа тюшерикди. 12Халкъгъа тауну тёгерегинден ызлыкъ тартып, анга: «Таугъа ёрлемезге эм аны этегине тиймезге сакъ болугъуз. Таугъа ким тийсе да, ёлтюрюллюкдю. 13Анга къол тиймесин, аны ташла бла тюйюп неда садакъдан атып ёлтюрсюнле. Мал болса да, адам болса да, ол сау къалмасын», – деп айт. Ала, созулуп согъулгъан сур быргъы тауушну заманында, таугъа ёрлерге боллукъдула.
14Сора Мусса таудан халкъгъа тюшюп, халкъны тазалагъанды, ала кеслерини кийимлерин жуугъандыла. 15Мусса халкъгъа:
– Ючюнчю кюннге хазыр болугъуз. Бу заманда къатынларыгъызгъа жууукълашмагъыз, – дегенди.
16Ючюнчю кюн, танг атхан заманда, кёк кюкюреуле, элияла, тауну башында къалын булут эмда бек кючлю мюйюз быргъы таууш болгъанды, алай бла къонушда болгъан битеу халкъ титирегенди. 17Мусса халкъны къонушдан чыгъарып, Аллах бла тюбеширге элтгенди. Тауну этегинде сюелип тохтагъандыла. 18Синай тау, аны юсюне от ичинде Раббий тюшгени себепли, саулай тютюнлене эди. Ожакъдан чыкъгъан тютюнча, андан тютюн чыгъа эди. Эмда саулай тау бек титирей эди. 19Мюйюз быргъы таууш да кючлюден кючлю болуп бара эди. Мусса сёлеше эди, Аллах да кёкню кюкюретип, анга жууап бере эди.
20Раббий Синай тауну башына тюшгенде, Муссаны тау башына чакъыргъанды, Мусса да ёрлегенди. 21Раббий Муссагъа:
– Тюш да халкъгъа айтып билдир, ала Раббийни кёрюрге чекден ётмесинле; ётселе, кёпле къырылырла. 22Раббийге жууукълашхан дин къуллукъчула да, Раббий аланы жокъ этмез ючюн, кеслерин тазаласынла, – деди.
23Мусса Раббийге:
– Халкъ Синай таугъа чыгъаргъа болаллыкъ тюйюлдю, нек дегенде, Сен бизге: «Тауну тёгерегине чек тартып, аны сыйлы эт», – деп, айтып тыйгъанса, – деди.
24Раббий да анга:
– Бар, тюш, Харунну да алып, артха ёрле. Дин къуллукъчула бла халкъ а, Раббийге ёрлейик деп, чекден ётмесинле. Алайсыз Ол аланы жокъ этер, – деди.
25Сора Мусса энишге тюшюп, бу затланы халкъгъа билдиргенди.
Currently Selected:
Мисирден чыгъыу 19: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 19
19
Исраиллиле Синай тауну къатында
1Исраил улулары Мисирни жеринден чыкъгъанларыны ючюнчю айында, жангы айны тамам биринчи кюнюнде Синай атлы къуу жерге жетгендиле. 2Рефидимден атланып, Синай атлы къуу жерге келгендиле. Анда, къуу жерде, тауну аллында Исраил улула къонуш салып тохтагъандыла.
3Мусса таугъа ёрлеп, Аллахны аллына чыкъды. Раббий таудан аны чакъырып:
– Якъупну юйюрюне былай айт, Исраил улуларына муну билдир: 4«Мисирлилеге не этгеними, сизни къуш къанатла бла кётюрюп айланнганча жюрютюп, Кесиме алып келгеними кёргенсиз. 5Алай бла сиз, Мен айтханны этип, сыйлы кесаматымы тутсагъыз, битеу халкъланы арасында Мени багъалы хазнам болурсуз. Нек дегенде, битеу дуния Меникиди, 6сиз а Манга дин къуллукъчуланы патчахлыгъы эмда сыйлы миллет болурсуз». Исраил улуларына айтырыкъ сёзлеринг быладыла, – деди.
7Мусса таудан тюшюп, халкъны тукъум таматаларын жыйгъанды эмда Раббий анга буюргъан битеу бу сёзлени алагъа айтханды. 8Битеу халкъ да бирча:
– Раббий айтхан затланы барын да толтурурбуз, – деп жууап берди.
Мусса да, Раббийге къайтып, халкъны жууабын келтирди.
9Раббий Муссагъа:
– Ма, Мен санга къалын булут ичинде келирме да, Мен сени бла къалай сёлешгеними халкъ эшитип, ёмюрге да санга ийнаныр, – деди.
Мусса да халкъны сёзлерин Раббийге айтды. 10Раббий Муссагъа былай айтды:
– Халкъгъа бар да, аны бюгюн бла тамбла таза эт. Кийимлерин жуусунла. 11Ючюнчю кюннге хазыр болсунла. Ючюнчю кюн Раббий битеу халкъны кёз аллында Синай таугъа тюшерикди. 12Халкъгъа тауну тёгерегинден ызлыкъ тартып, анга: «Таугъа ёрлемезге эм аны этегине тиймезге сакъ болугъуз. Таугъа ким тийсе да, ёлтюрюллюкдю. 13Анга къол тиймесин, аны ташла бла тюйюп неда садакъдан атып ёлтюрсюнле. Мал болса да, адам болса да, ол сау къалмасын», – деп айт. Ала, созулуп согъулгъан сур быргъы тауушну заманында, таугъа ёрлерге боллукъдула.
14Сора Мусса таудан халкъгъа тюшюп, халкъны тазалагъанды, ала кеслерини кийимлерин жуугъандыла. 15Мусса халкъгъа:
– Ючюнчю кюннге хазыр болугъуз. Бу заманда къатынларыгъызгъа жууукълашмагъыз, – дегенди.
16Ючюнчю кюн, танг атхан заманда, кёк кюкюреуле, элияла, тауну башында къалын булут эмда бек кючлю мюйюз быргъы таууш болгъанды, алай бла къонушда болгъан битеу халкъ титирегенди. 17Мусса халкъны къонушдан чыгъарып, Аллах бла тюбеширге элтгенди. Тауну этегинде сюелип тохтагъандыла. 18Синай тау, аны юсюне от ичинде Раббий тюшгени себепли, саулай тютюнлене эди. Ожакъдан чыкъгъан тютюнча, андан тютюн чыгъа эди. Эмда саулай тау бек титирей эди. 19Мюйюз быргъы таууш да кючлюден кючлю болуп бара эди. Мусса сёлеше эди, Аллах да кёкню кюкюретип, анга жууап бере эди.
20Раббий Синай тауну башына тюшгенде, Муссаны тау башына чакъыргъанды, Мусса да ёрлегенди. 21Раббий Муссагъа:
– Тюш да халкъгъа айтып билдир, ала Раббийни кёрюрге чекден ётмесинле; ётселе, кёпле къырылырла. 22Раббийге жууукълашхан дин къуллукъчула да, Раббий аланы жокъ этмез ючюн, кеслерин тазаласынла, – деди.
23Мусса Раббийге:
– Халкъ Синай таугъа чыгъаргъа болаллыкъ тюйюлдю, нек дегенде, Сен бизге: «Тауну тёгерегине чек тартып, аны сыйлы эт», – деп, айтып тыйгъанса, – деди.
24Раббий да анга:
– Бар, тюш, Харунну да алып, артха ёрле. Дин къуллукъчула бла халкъ а, Раббийге ёрлейик деп, чекден ётмесинле. Алайсыз Ол аланы жокъ этер, – деди.
25Сора Мусса энишге тюшюп, бу затланы халкъгъа билдиргенди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024