Мисирден чыгъыу 16
16
Манна бла бёденеле#16:1 Бёдене – орус. перепел, перепёлка.
1Сора Исраил улуларыны битеу жамауаты Элимден атланып, Мисирни жеринден чыкъгъанларыны экинчи айыны онбешинчи кюнюнде Элимни бла Синайны арасындагъы Син атлы къуу жерге келгендиле. 2Исраил улуларыны битеу жамауаты къуу жерде Муссагъа бла Харуннга тырман этип башлагъандыла. 3Исраил улулары алагъа:
– Ай, биз Раббийни къолундан Мисирни жеринде ёлсек эди уа! Анда биз эт бишген къазанларыбызны къатларында олтуруп, ётмекни тойгъунчу ашап тургъанбыз. Сиз а битеу бу жамауатны ачдан къырыр ючюн, бизни бу къуу жерге чыгъаргъансыз, – дей эдиле.
4Сора Раббий Муссагъа:
– Ма, Мен сизге кёкден ётмек жаудурурма. Халкъ чыгъып, кюн сайын бир кюннге кереклисин жыйсын. Мени насийхатларымы тутарыкъ болурламы деп, аланы сынарма. 5Алтынчы кюн а, келтиргенлеринден аш хазырлагъанда, ол башха кюнледе жыйгъанларындан эки кере кёп боллукъду, – деди.
6Сора Мусса бла Харун Исраил улуларыны барына да:
– Сизни Мисирни жеринден Раббий чыгъаргъанын, сиз ингирде билирсиз. 7Эрттенбла да Раббийни аламатлыгъын кёрюрсюз. Раббийге тырман этгенигизни, Ол эшитгенди. Бизге тырман этерча, биз а небиз? – дедиле.
8– Раббий сизге ингир ушхуургъа эт бергенде, эрттенбла да, тойдургъунчу ётмек бергенде, мынга тюшюнюрсюз. Раббий Анга тырман этгенигизни эшитгенди. Биз а небиз? Тырман этгенигиз бизге тюйюлдю, Раббийгеди, – деди дагъыда Мусса.
9Сора Мусса Харуннга:
– Исраил улуларыны битеу жамауатына: «Раббийни аллына чыгъыгъыз, Ол тырман этгенигизни эшитгенди», – деп айт, – деди.
10Харун Исраил улуларыны битеу жамауатына сёлеше тургъан заманда, ала айланып, къуу жерге къарадыла да, ма, Раббийни аламатлыгъы булутда кёрюндю.
11Раббий Муссагъа:
12– Мен Исраил улуларыны тырман этгенлерин эшитгенме. Алагъа: «Ингирде эт ашарсыз, эрттенбла уа ётмекден тоярсыз, сора Мен Раббий Аллахыгъыз болгъанымы билирсиз», – деп айт, – деди.
13Ингирде бёденеле учуп келип къонушну басхандыла, эрттенбла уа къонушну къатында чыкъ тюшгенди. 14Чыкъ къуругъанда, жер юсюнде къырпакъ кибик къуу жерни юсюнде жарма сыфатлы бир ууакъ зат кёрюндю. 15Исраил улулары аны кёрюп, бир-бирлерине:
– Бу не затды? – дей эдиле.
Ол не болгъанын, ала билмей эдиле. Мусса алагъа:
– Бу, Раббий сизге ашаргъа берген ётмекди, – деди. – 16Раббий ма былай буйрукъ этгенди: «Хар ким аны ашар чакълы жыйыгъыз. Хар адамгъа бирер омер#16:16 Омер къуюлгъан затланы ёлчесиди. 1 омер – 2,2 литрге тенгди., хар кимни чатырында болгъан жанланы санына кёре жыйыгъыз».
17Исраил улулары алай этгендиле, кими кёп, кими аз жыйгъандыла. 18Омер бла ёлчелегенлеринде, кёп жыйгъан адамны артыгъы, аз жыйгъан адамны да кемлиги болмагъанды. Хар ким кеси ашар чакълы жыйгъанды.
19Мусса алагъа:
– Бир киши да аны тангнга дери къалдырмасын, – дегенди.
20Ала уа Муссагъа тынгыламай, андан бир кесегин таннга дери къалдыргъандыла. Сора ол къуртланып, аман ийис этгенди. Мусса да алагъа ачыуланнганды.
21Аны эрттенликде эртте, хар ким ашар чакълы жыя эди. Кюн къыздыргъан заманда уа, ол эрип къала эди. 22Алтынчы кюн ашны эки кере кёп – хар адамгъа экишер омер – жыйгъандыла. Жамауатны битеу бачамалары келип, Муссагъа билдиргендиле.
23Ол алагъа:
– Раббий ма былай айтханды: «Тамбла ырахатлыкъ кюндю, Раббийни сыйлы шабат кюнюдю. Биширирге керек затларыгъызны биширигиз, сууда биширирге керек затларыгъызны да, сууда биширигиз. Андан къалгъан затны уа, бир жанына салып, тангнга дери асырагъыз», – дегенди.
24Сора, Мусса буйрукъ этгенича, аны бир жанына салып къойгъандыла, ол ийис да этмегенди, аны ичинде къуртлары да болмагъанды.
25– Аны бюгюн ашагъыз, – дегенди алагъа Мусса. – Бюгюн Раббийни шабат кюнюдю. Аны бюгюн аулакъда табарыкъ тюйюлсюз. 26Аны алты кюн жыйыгъыз, жетинчи кюн а шабат кюндю. Ол кюн ол боллукъ тюйюлдю.
27Халкъдан бир къауумла жетинчи кюнде да жыяргъа чыкъгъандыла, болсада, табалмагъандыла. 28Сора Раббий Муссагъа:
– Сиз Мени фарызларымы бла насийхатларымы тутуудан не заманнга дери тайып турлукъсуз? 29Эсигизде тутугъуз, Раббий сизге шабат кюнню бергенди, ол себепден алтынчы кюнде эки кюнлюк ётмегигизни береди. Хар ким кеси жеринде къалсын, жетинчи кюн бир киши да жеринден чыкъмасын, – дегенди.
30Алай бла халкъ жетинчи кюн тынчайгъанды.
31Исраилни халкъы ол ётмекни атына «Манна»#16:31 «Манна» сёз оригиналда «Бу не затды?» дегенден келеди. атагъанды; ол, гёлендир#16:31 Гёлендир – орус. кориандр. урлукъча, акъ эди, татыуу уа бал гюттюча эди. 32Мусса:
– Раббий ма былай буюргъанды: «Сизни Мисирни жеринден чыгъаргъан заманымда, Мен сизге къуу жерде ашатхан ётмекни туудукъларыгъыз кёрюр ючюн, асыраргъа бир омер маннадан толтуруп къоюгъуз», – дегенди.
33Сора Мусса Харуннга:
– Бир къошун ал да, аны бир омер маннадан толтуруп, туудукъларыгъызгъа асырар ючюн, аны Раббийни аллында салып къой, – дегенди.
34Раббийни Муссагъа буйрукъ этгени кибик Харун маннаны асыраргъа Шагъатлыкъ Кюбюрню аллына салгъанды. 35Исраил улулары, адам жашагъан жерге келгинчи, къыркъ жылны манна ашап тургъандыла. Ала Кенанны жерини чегине келгинчи, манна ашап тургъандыла.
36Бир омер а эфаны#16:36 Эфа къуюлгъан затланы ёлчесиди. 1 эфа – 22 литрге тенгди. он юлюшден бириди.
Currently Selected:
Мисирден чыгъыу 16: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 16
16
Манна бла бёденеле#16:1 Бёдене – орус. перепел, перепёлка.
1Сора Исраил улуларыны битеу жамауаты Элимден атланып, Мисирни жеринден чыкъгъанларыны экинчи айыны онбешинчи кюнюнде Элимни бла Синайны арасындагъы Син атлы къуу жерге келгендиле. 2Исраил улуларыны битеу жамауаты къуу жерде Муссагъа бла Харуннга тырман этип башлагъандыла. 3Исраил улулары алагъа:
– Ай, биз Раббийни къолундан Мисирни жеринде ёлсек эди уа! Анда биз эт бишген къазанларыбызны къатларында олтуруп, ётмекни тойгъунчу ашап тургъанбыз. Сиз а битеу бу жамауатны ачдан къырыр ючюн, бизни бу къуу жерге чыгъаргъансыз, – дей эдиле.
4Сора Раббий Муссагъа:
– Ма, Мен сизге кёкден ётмек жаудурурма. Халкъ чыгъып, кюн сайын бир кюннге кереклисин жыйсын. Мени насийхатларымы тутарыкъ болурламы деп, аланы сынарма. 5Алтынчы кюн а, келтиргенлеринден аш хазырлагъанда, ол башха кюнледе жыйгъанларындан эки кере кёп боллукъду, – деди.
6Сора Мусса бла Харун Исраил улуларыны барына да:
– Сизни Мисирни жеринден Раббий чыгъаргъанын, сиз ингирде билирсиз. 7Эрттенбла да Раббийни аламатлыгъын кёрюрсюз. Раббийге тырман этгенигизни, Ол эшитгенди. Бизге тырман этерча, биз а небиз? – дедиле.
8– Раббий сизге ингир ушхуургъа эт бергенде, эрттенбла да, тойдургъунчу ётмек бергенде, мынга тюшюнюрсюз. Раббий Анга тырман этгенигизни эшитгенди. Биз а небиз? Тырман этгенигиз бизге тюйюлдю, Раббийгеди, – деди дагъыда Мусса.
9Сора Мусса Харуннга:
– Исраил улуларыны битеу жамауатына: «Раббийни аллына чыгъыгъыз, Ол тырман этгенигизни эшитгенди», – деп айт, – деди.
10Харун Исраил улуларыны битеу жамауатына сёлеше тургъан заманда, ала айланып, къуу жерге къарадыла да, ма, Раббийни аламатлыгъы булутда кёрюндю.
11Раббий Муссагъа:
12– Мен Исраил улуларыны тырман этгенлерин эшитгенме. Алагъа: «Ингирде эт ашарсыз, эрттенбла уа ётмекден тоярсыз, сора Мен Раббий Аллахыгъыз болгъанымы билирсиз», – деп айт, – деди.
13Ингирде бёденеле учуп келип къонушну басхандыла, эрттенбла уа къонушну къатында чыкъ тюшгенди. 14Чыкъ къуругъанда, жер юсюнде къырпакъ кибик къуу жерни юсюнде жарма сыфатлы бир ууакъ зат кёрюндю. 15Исраил улулары аны кёрюп, бир-бирлерине:
– Бу не затды? – дей эдиле.
Ол не болгъанын, ала билмей эдиле. Мусса алагъа:
– Бу, Раббий сизге ашаргъа берген ётмекди, – деди. – 16Раббий ма былай буйрукъ этгенди: «Хар ким аны ашар чакълы жыйыгъыз. Хар адамгъа бирер омер#16:16 Омер къуюлгъан затланы ёлчесиди. 1 омер – 2,2 литрге тенгди., хар кимни чатырында болгъан жанланы санына кёре жыйыгъыз».
17Исраил улулары алай этгендиле, кими кёп, кими аз жыйгъандыла. 18Омер бла ёлчелегенлеринде, кёп жыйгъан адамны артыгъы, аз жыйгъан адамны да кемлиги болмагъанды. Хар ким кеси ашар чакълы жыйгъанды.
19Мусса алагъа:
– Бир киши да аны тангнга дери къалдырмасын, – дегенди.
20Ала уа Муссагъа тынгыламай, андан бир кесегин таннга дери къалдыргъандыла. Сора ол къуртланып, аман ийис этгенди. Мусса да алагъа ачыуланнганды.
21Аны эрттенликде эртте, хар ким ашар чакълы жыя эди. Кюн къыздыргъан заманда уа, ол эрип къала эди. 22Алтынчы кюн ашны эки кере кёп – хар адамгъа экишер омер – жыйгъандыла. Жамауатны битеу бачамалары келип, Муссагъа билдиргендиле.
23Ол алагъа:
– Раббий ма былай айтханды: «Тамбла ырахатлыкъ кюндю, Раббийни сыйлы шабат кюнюдю. Биширирге керек затларыгъызны биширигиз, сууда биширирге керек затларыгъызны да, сууда биширигиз. Андан къалгъан затны уа, бир жанына салып, тангнга дери асырагъыз», – дегенди.
24Сора, Мусса буйрукъ этгенича, аны бир жанына салып къойгъандыла, ол ийис да этмегенди, аны ичинде къуртлары да болмагъанды.
25– Аны бюгюн ашагъыз, – дегенди алагъа Мусса. – Бюгюн Раббийни шабат кюнюдю. Аны бюгюн аулакъда табарыкъ тюйюлсюз. 26Аны алты кюн жыйыгъыз, жетинчи кюн а шабат кюндю. Ол кюн ол боллукъ тюйюлдю.
27Халкъдан бир къауумла жетинчи кюнде да жыяргъа чыкъгъандыла, болсада, табалмагъандыла. 28Сора Раббий Муссагъа:
– Сиз Мени фарызларымы бла насийхатларымы тутуудан не заманнга дери тайып турлукъсуз? 29Эсигизде тутугъуз, Раббий сизге шабат кюнню бергенди, ол себепден алтынчы кюнде эки кюнлюк ётмегигизни береди. Хар ким кеси жеринде къалсын, жетинчи кюн бир киши да жеринден чыкъмасын, – дегенди.
30Алай бла халкъ жетинчи кюн тынчайгъанды.
31Исраилни халкъы ол ётмекни атына «Манна»#16:31 «Манна» сёз оригиналда «Бу не затды?» дегенден келеди. атагъанды; ол, гёлендир#16:31 Гёлендир – орус. кориандр. урлукъча, акъ эди, татыуу уа бал гюттюча эди. 32Мусса:
– Раббий ма былай буюргъанды: «Сизни Мисирни жеринден чыгъаргъан заманымда, Мен сизге къуу жерде ашатхан ётмекни туудукъларыгъыз кёрюр ючюн, асыраргъа бир омер маннадан толтуруп къоюгъуз», – дегенди.
33Сора Мусса Харуннга:
– Бир къошун ал да, аны бир омер маннадан толтуруп, туудукъларыгъызгъа асырар ючюн, аны Раббийни аллында салып къой, – дегенди.
34Раббийни Муссагъа буйрукъ этгени кибик Харун маннаны асыраргъа Шагъатлыкъ Кюбюрню аллына салгъанды. 35Исраил улулары, адам жашагъан жерге келгинчи, къыркъ жылны манна ашап тургъандыла. Ала Кенанны жерини чегине келгинчи, манна ашап тургъандыла.
36Бир омер а эфаны#16:36 Эфа къуюлгъан затланы ёлчесиди. 1 эфа – 22 литрге тенгди. он юлюшден бириди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024