Мисирден чыгъыу 15
15
Муссаны зикири
1Ол заманда Мусса бла Исраил улулары Раббийге бу зикирни этгендиле:
«Раббийге зикир айтама,
Ол бийикге кётюрюлгенди;
атны да, атлыны да
тенгизге атханды.
2Раббий мени кючюмдю, зикиримди,
мени къутхарыучу Олду.
Ол мени Аллахымды, Анга махтау саллыкъма;
атамы Аллахыды, Аны сыйын кётюрлюкме.
3Раббий аскерчиди!
Аны аты Раббийди!
4Фыргъауунну мажарларын, аскерин да
тенгизге атханды.
Аны сайлама аскер башчылары да
Къамиш тенгизде батхандыла.
5Аланы тенгизни терен сууу басханды;
ала, таш кибик, тереннге тумаланнгандыла.
6Я Раббий! Сени онг къолунг
къудурети бла белгили болгъанды!
Я Раббий! Сени онг къолунг
душманны ууатханды!
7Аламатлыгъынгы уллулугъу бла,
Санга къажау тургъанланы жойгъанса.
Чамланыуунгу ийгенсе,
ол да аланы, саламныча кюйдюрюп къойгъанды.
8Сени бурун юфгюрюуюнгден суу
эки жанына туракълагъанды,
Акъгъан суу къабыргъача болуп къалгъанды,
тенгизни терен сууу къаты болгъанды.
9Душман махтаннганды:
„Къууайым, жетип тутуп,
хазна юлешейим;
жаным аланы затларындан токъ болсун,
къылычымы чыгъарайым,
къолум аланы къырып бошар“, – дегенди.
10Сен желинг бла юфгюргенсе,
сора аланы тенгиз басханды;
ала терен сууну ичине
къоргъашинча кёмюлюп къалгъандыла.
11Я Раббий, аллахла арасында
Сени кибик ким барды?
Эй сейир ишле Этиучю,
Сени кибик сыйлылыгъы бла хурметли,
махтаугъа тийишли ким барды?
12Сен онг къолунгу узатдынг –
аланы жер жутуп къойду.
13Кесинг жулуп къутхаргъан бу халкъны
мархаматынг бла элтип бараса.
Къудуретинг бла сыйлы мекямынга
ашырып бараса.
14Халкъла эшитип, титирерикдиле;
Филистде жашагъанланы къоркъуу аллыкъды.
15Эдомну бийлери жунчуп къаллыкъдыла,
Моабны башчыларын титиреу аллыкъды,
битеу Кенанда жашагъанла эс ташларыкъдыла.
16Аланы къоркъуу бла къайгъы алсын!
Раббий! Сени халкъынг ётгюнчю,
Сен Кесинге алгъан бу халкъ ётгюнчю,
Сени билек кючюнгю уллулугъундан
ала таш кибик къурушуп къалырла.
17Я Раббий! Халкъынгы ары келтирип,
Кесинги тауунгда,
Сен аны Кесинге мекям этген жерде,
Бийим, Сен жаратхан сыйлы жерде
аланы орнатырыкъса.
18Раббий ёмюрледе да, ёмюрлюкде да патчахлыкъ этип турлукъду».
19Алай бла фыргъауунну атлары, аны мажарлары бла эм атлылары бла бирге тенгизге киргенлей, тенгизни сууун Раббий алагъа айландыргъанды. Исраил улулары уа тенгизни ортасындан къургъакъ жер бла ётгендиле.
Мариямны зикири
20Сора Харунну эгечи, Мариям файхамбар къолуна дауурбас алгъанды, битеу тиширыула да дауурбас къагъып, тепсеп, аны ызындан чыкъгъандыла. 21Мариям аланы алларында зикир айтханды:
«Раббийге зикир айтыгъыз;
Ол бийикге кётюрюлгенди.
Атны да атлысын да
тенгизге атханды».
Ачы суу татлы болады
22Мусса исраиллилени Къамиш тенгизден алып кетгенди. Ала Шур атлы къуу жерге чыкъгъандыла. Къуу жерни юсю бла юч кюнлюк жол барсала да, суу табалмагъандыла. 23Мара атлы жерге келгендиле. Мараны сууу ачы болгъаны себепли, аны ичалмагъандыла. Ол жерни атына «Мара»#15:23 Мара сёзню магъанасы – «ачы татыу». деп да, аны ючюн аталгъанды. 24Сора халкъ Муссагъа тырман этип:
– Биз не ичейик? – дегенди.
25Мусса Раббийге къаты тилек этгенди. Раббий анга бир агъач кёргюзтгенди да, Мусса аны суугъа атханда, суу ичерге жараулу болуп къалгъанды.
Раббий анда халкъгъа бегимлерин бла насийхатларын билдиргенди, анда халкъны сынагъан да этгенди.
26Ол анга:
– Раббий Аллахынгы айтханына эс бёлюп тынгыласанг, Аны кёзюне тюз кёрюннген затны этсенг эмда Аны фарызларына къулакъ ийип, битеу бегимлерин тутсанг, Мен мисирлилеге берген аурууладан санга бирин да келтирмем. Мен – санга саулукъ бериучю Раббийме, – дегенди.
27Сора ала Элимге келгендиле. Анда онеки шаудан бла жетмиш хурма терек бар эди. Анда сууланы къатында ыстауат салып тохтагъандыла.
Currently Selected:
Мисирден чыгъыу 15: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 15
15
Муссаны зикири
1Ол заманда Мусса бла Исраил улулары Раббийге бу зикирни этгендиле:
«Раббийге зикир айтама,
Ол бийикге кётюрюлгенди;
атны да, атлыны да
тенгизге атханды.
2Раббий мени кючюмдю, зикиримди,
мени къутхарыучу Олду.
Ол мени Аллахымды, Анга махтау саллыкъма;
атамы Аллахыды, Аны сыйын кётюрлюкме.
3Раббий аскерчиди!
Аны аты Раббийди!
4Фыргъауунну мажарларын, аскерин да
тенгизге атханды.
Аны сайлама аскер башчылары да
Къамиш тенгизде батхандыла.
5Аланы тенгизни терен сууу басханды;
ала, таш кибик, тереннге тумаланнгандыла.
6Я Раббий! Сени онг къолунг
къудурети бла белгили болгъанды!
Я Раббий! Сени онг къолунг
душманны ууатханды!
7Аламатлыгъынгы уллулугъу бла,
Санга къажау тургъанланы жойгъанса.
Чамланыуунгу ийгенсе,
ол да аланы, саламныча кюйдюрюп къойгъанды.
8Сени бурун юфгюрюуюнгден суу
эки жанына туракълагъанды,
Акъгъан суу къабыргъача болуп къалгъанды,
тенгизни терен сууу къаты болгъанды.
9Душман махтаннганды:
„Къууайым, жетип тутуп,
хазна юлешейим;
жаным аланы затларындан токъ болсун,
къылычымы чыгъарайым,
къолум аланы къырып бошар“, – дегенди.
10Сен желинг бла юфгюргенсе,
сора аланы тенгиз басханды;
ала терен сууну ичине
къоргъашинча кёмюлюп къалгъандыла.
11Я Раббий, аллахла арасында
Сени кибик ким барды?
Эй сейир ишле Этиучю,
Сени кибик сыйлылыгъы бла хурметли,
махтаугъа тийишли ким барды?
12Сен онг къолунгу узатдынг –
аланы жер жутуп къойду.
13Кесинг жулуп къутхаргъан бу халкъны
мархаматынг бла элтип бараса.
Къудуретинг бла сыйлы мекямынга
ашырып бараса.
14Халкъла эшитип, титирерикдиле;
Филистде жашагъанланы къоркъуу аллыкъды.
15Эдомну бийлери жунчуп къаллыкъдыла,
Моабны башчыларын титиреу аллыкъды,
битеу Кенанда жашагъанла эс ташларыкъдыла.
16Аланы къоркъуу бла къайгъы алсын!
Раббий! Сени халкъынг ётгюнчю,
Сен Кесинге алгъан бу халкъ ётгюнчю,
Сени билек кючюнгю уллулугъундан
ала таш кибик къурушуп къалырла.
17Я Раббий! Халкъынгы ары келтирип,
Кесинги тауунгда,
Сен аны Кесинге мекям этген жерде,
Бийим, Сен жаратхан сыйлы жерде
аланы орнатырыкъса.
18Раббий ёмюрледе да, ёмюрлюкде да патчахлыкъ этип турлукъду».
19Алай бла фыргъауунну атлары, аны мажарлары бла эм атлылары бла бирге тенгизге киргенлей, тенгизни сууун Раббий алагъа айландыргъанды. Исраил улулары уа тенгизни ортасындан къургъакъ жер бла ётгендиле.
Мариямны зикири
20Сора Харунну эгечи, Мариям файхамбар къолуна дауурбас алгъанды, битеу тиширыула да дауурбас къагъып, тепсеп, аны ызындан чыкъгъандыла. 21Мариям аланы алларында зикир айтханды:
«Раббийге зикир айтыгъыз;
Ол бийикге кётюрюлгенди.
Атны да атлысын да
тенгизге атханды».
Ачы суу татлы болады
22Мусса исраиллилени Къамиш тенгизден алып кетгенди. Ала Шур атлы къуу жерге чыкъгъандыла. Къуу жерни юсю бла юч кюнлюк жол барсала да, суу табалмагъандыла. 23Мара атлы жерге келгендиле. Мараны сууу ачы болгъаны себепли, аны ичалмагъандыла. Ол жерни атына «Мара»#15:23 Мара сёзню магъанасы – «ачы татыу». деп да, аны ючюн аталгъанды. 24Сора халкъ Муссагъа тырман этип:
– Биз не ичейик? – дегенди.
25Мусса Раббийге къаты тилек этгенди. Раббий анга бир агъач кёргюзтгенди да, Мусса аны суугъа атханда, суу ичерге жараулу болуп къалгъанды.
Раббий анда халкъгъа бегимлерин бла насийхатларын билдиргенди, анда халкъны сынагъан да этгенди.
26Ол анга:
– Раббий Аллахынгы айтханына эс бёлюп тынгыласанг, Аны кёзюне тюз кёрюннген затны этсенг эмда Аны фарызларына къулакъ ийип, битеу бегимлерин тутсанг, Мен мисирлилеге берген аурууладан санга бирин да келтирмем. Мен – санга саулукъ бериучю Раббийме, – дегенди.
27Сора ала Элимге келгендиле. Анда онеки шаудан бла жетмиш хурма терек бар эди. Анда сууланы къатында ыстауат салып тохтагъандыла.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024