ရိမ့ၤ 12
12
တဲၤအီၣ်အသဲဒဳခရၱာ်အပူၤ
1ယသဲပူၤဝ့ၤတစီာ်, ယတၤမီၤသံကမှါအံၣ်ပီၢ်ကဘၱာ်စဲာ်အတဲၤခီၣ်ဝဲၤမှီးဘဲာ် အစာ်ဘိပွဲၤအတးနံၤတဲၤကမဳၤအီၣ် တစီာ်နဳၤ, ဒဳတဲၤအံာ်ထာ်သံန့ၤဘၱစဲာ်အစာ်ဘိတဲၤလှူၣ်စါထံ အဘဲာ်သးကဘၱာ်စဲာ်တစီာ်နဳၤ. 2တီၤနံၤဖၱးနံၤပီၢ်မဲးပၠၤ လၢ်ခဳးဖဳး အအီၣ်ခွဲဘးသံတစီာ်အတဲၤဖၱးတဲၤမဲၤမဲး. မၱာ်ဘါချဲး ပီၢ်သံတဲၤကမ့ၤအ့း လိၤဒဳတဲၤကမဳၤကမၢ်အသဲအပူၤနဳၤ. အယဳၤမၱာ်ကျဲးသအီအဒဲလၱၢ်ဝၤ ကဘၱာ်စဲာ်အတဲၤသးအဲးနံၤကၱာ် အမဲၤသၱာ်ဟဲဝၤတဲၤဇွၱၢ်တဲၤအဲးထဲၢ် ကဘၱာ်စဲာ်သးအဲးနံၤကၱာ်တဲၤ အပ့ထာ်ဇီၤထာ်အမီၤမဲၤတစီာ်နဳၤ.
3ဒဳယနံၤဘဲာ်ခရၱာ်အတဲၤလှၱအပူၤနဳၤ, ယသးအဲး နှးနီးနှးပဲၤ သံတပွဲၤတပွဲၤလၤဓူၢ်အကတဖၱးဓဳၤဖၱးမူၤအန့ၤလိၤချဳးလိၤဘးနီးနဳၤ. တပွဲၤတပွဲၤလၤဓူၢ်ဘဲာ်သၱာ်ဟဲလၤက့ၤအန့ၤဒဳကဘၱာ်စဲာ်အံာ်လၤနံၤစဲာ် တဲၤဘူၣ်အတဲၤခၠံးအပူၤနဳၤ. 4အစာ်ဘိဝၤနဲၤဘၱစဲာ်တကျိအီၣ် အံာ်စူးဒ့ခၣ်ပီၢ်အမဳအမဳၤအခီ, 5ဒဳခရၱာ်တဲၤန့ၤဘၱစဲာ်တကျိ အလီၤနဳၤဝၤမၱာ်အဘဲာ်ကၠးဘဲာ်ထီလှဲးလၢ်ဝၤလီၤလီၤ. 6ဒဳခရၱာ်ဝၤနံၤဘဲာ်တယၢ်သိး လှဲးလၢ်ဝၤနီးအခဳးအစဲ, တဲၤအံာ် လၤနံၤဝၤ တစီာ်မၱာ်မၱာ်တလၤလှဲးလၢ်ဝၤနီးနီး. နကယၱၢ်ဘဲာ်ဘ့ာ်မ့ဝံ အတဲၤအံာ် လၤဒဳၣ်, မဲၤအံာ်ပီၢ်နအဲစာ်ဘိနတဲၤဘူၣ်ဒီဆးနဲၤနဳၤ. 7အဘဲာ် ကၠး တဲၤအူအံာ်စာ်အံာ်ဒဳၣ်, မဲၤအံာ်ပီၢ်နအဲဒဳအလ့ၤအူအံာ်စာ် အံာ်အတဲၤမဲၤ အပူၤနဳၤ. အကဘဲာ်ကၠးတဲၤသဲာ်အံာ်ပၠၤဒဳၣ်, မဲၤအံာ်ပီၢ်စဲာ်ဒဳတဲၤသဲာ်အံာ် အိးစဲာ်အကျဲနဳၤ. 8အသိၣ်အံာ် သီအံာ်တဲၤတစီာ်ကဒီၣ်အူဒီဆး ဒီဧဲၤတဲၤ, အမဲၤလှူၣ်မဲၤတါတဲၤတစီာ်အသးကလှိဒီဧဲၤ. အခဳးအန့ၤတစီာ် ကသးကလဳၢ်ဒီဧဲၤ, အအံာ်က့ၤစာ်က့ၤတဲၤတစီာ်ကသးလဳၢ်သးလၤအံာ် ဒီဧဲၤ.
9သံတဲၤဘဲာ်လီၢ်ကတမၱာ်ဒီပီၢ်ဧဲၤအပရၤဆးနီး. မၱာ်တဲၤသး အဲးနံၤတဲၤအဲးဒဳၣ်လံကၱာ်အတအဲးနီး. 10ဘဲာ်လီၢ်လှဲးပီၢ်လၢ်ဝၤ အစာ်ဘိအသဲပူၤဝ့ၤနဳၤ, ကၱာ်ဒဳဘဲာ်ယးဘဲာ်လှဲးပီၢ်လၢ်ဝၤအစၱးအထွဲး. 11သးကလဳၢ်မဲၤပီၢ် တဲၤကဘၱာ်စဲာ်အနံၤခံဒဳတဲၤသးကလဳၢ်ကၱာ် တဲၤထူးခဳးထူးအါ အပူၤနဳၤ. သံတဲၤဆးရှံအံာ်ကအီၣ်မၤဒဳၣ်, အကမဲၤမီၤ မဲၤမၤ တပွဲးသံ. 12သံတဲၤဆးရှံအီၣ်အခဳးအစဲသးကနၢ်အံာ် ပီၢ်. သးပျဲၢ်ပီၢ်မဲးတဲၤပၤတဲၤဆဲအကျဲမဲး, မၱာ်သဘဲထာ်ပီၢ်အသဲာ်ယိ. 13ပၠၤစာ်ထၱးတပွဲၤပွဲၤကအီၣ်ပၤအီၣ်ဆဲမၤဒဳၣ်, အံာ်က့ၤစာ်က့ၤပီၢ်စဲာ်. သံ တဲၤဖၱးတဲၤမဲၤတစီာ်ကမၱာ်ဘဲာ်တဲၤခီၣ်ဝဲၤမှီးဘဲာ်.
14ဟိးဝၱၤပီၢ်ပၠၤအလိၤမဲၤဆဲးညဲသံတစီာ်နဳၤ. ဝှိး ကၱကဲာ်မဲး စဲာ်မဲး, ဟိးဝၱၤစဲာ်တခီ. 15သးလဳၢ်သးလၤ အံာ်ကိာ်အသးလဳၢ်သး လၤတစီာ်ကၱာ်အဳးသဳးအဳးသးကိာ်ပီၢ်အအဳးမူးအဳးရၤတစီာ်အကါ. 16ဒဲလၱၢ်ယါသိးပီၢ်သံတဲၤခီၣ်ဝဲၤမှီးဘဲာ်ပၠၤလဳစါစဲးအခဳး, စာ်မဲးပၠၤအမူၢ်ကါ မဲး, မၱာ်မဲၤ သီၣ်ပီၢ်အဆဲးညဲဖဳးတစီာ်နဳၤ. မဲၤမီၤပီၢ်မဲးသံန့ၤလီၤမဲး.
17မဲၤက့ၤပီၢ်မဲးတဲၤခဳးလံၢ်ဒဳတဲၤတအဲးနီးအစဲမဲး. မၱာ်ပၠၤကိ အပွဲၤကကဲာ်ထၱးဒီဧဲၤသံတဲၤကမဳၤမၱာ်အထာ်ယၱၤကဓူၤနဳၤ. 18မၱာ် သံနဳၤ, အစာ်ဘိသံကဲာ်ထာ်အဓ့, အီၣ်ယၱၢ်အီၣ်ဒွါပီၢ်ပၠၤကိအပွဲၤ. 19မဲၤက့ၤပီၢ်မဲးတဲၤခဳးလံၢ်တပျါမဲး, အဳအသီၣ်, လဲၢ်လၤပီၢ်ဒဳကဘၱာ်စဲာ်အစူးခီးပူၤနဳၤလီၤ. အစာ်ဘိစဲာ်စါထံဒီၣ်နဳၤ, “တဲၤမဲၤ က့ၤအခဳးလံၢ်မၱာ်ယအဲ, ယကအံာ်က့ၤကီစဲာ်တစီာ်,” ကဘၱာ်စဲာ်အၣ်မါခးအံာ်ဒဳၣ်. 20မၱာ်အအီၣ်ဝ့ၤ, “နသဲဒဲဒီၣ်ကသးဝံာ်ဒဳၣ်, နမီၤအံာ်စဲာ်တဲၤအၣ်. စသးအီ ဒဳၣ်, စအီဒီဧဲၤစဲာ်. နဲၤကမဲၤကနဳၤဒဳၣ်, နကဝူၤလၤဝှါမှၱးအူဒဳစကဳာ်ခဳးနဳၤ.” 21မဲၤဒၱာ်ဒါတဲၤတအဲးနီးအကျဲကၱာ်နဳၤပဲၤပီၢ်စဲာ်ကၱာ်တဲၤအအဲးလီး.
Currently Selected:
ရိမ့ၤ 12: GBA
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
ရိမ့ၤ 12
12
တဲၤအီၣ်အသဲဒဳခရၱာ်အပူၤ
1ယသဲပူၤဝ့ၤတစီာ်, ယတၤမီၤသံကမှါအံၣ်ပီၢ်ကဘၱာ်စဲာ်အတဲၤခီၣ်ဝဲၤမှီးဘဲာ် အစာ်ဘိပွဲၤအတးနံၤတဲၤကမဳၤအီၣ် တစီာ်နဳၤ, ဒဳတဲၤအံာ်ထာ်သံန့ၤဘၱစဲာ်အစာ်ဘိတဲၤလှူၣ်စါထံ အဘဲာ်သးကဘၱာ်စဲာ်တစီာ်နဳၤ. 2တီၤနံၤဖၱးနံၤပီၢ်မဲးပၠၤ လၢ်ခဳးဖဳး အအီၣ်ခွဲဘးသံတစီာ်အတဲၤဖၱးတဲၤမဲၤမဲး. မၱာ်ဘါချဲး ပီၢ်သံတဲၤကမ့ၤအ့း လိၤဒဳတဲၤကမဳၤကမၢ်အသဲအပူၤနဳၤ. အယဳၤမၱာ်ကျဲးသအီအဒဲလၱၢ်ဝၤ ကဘၱာ်စဲာ်အတဲၤသးအဲးနံၤကၱာ် အမဲၤသၱာ်ဟဲဝၤတဲၤဇွၱၢ်တဲၤအဲးထဲၢ် ကဘၱာ်စဲာ်သးအဲးနံၤကၱာ်တဲၤ အပ့ထာ်ဇီၤထာ်အမီၤမဲၤတစီာ်နဳၤ.
3ဒဳယနံၤဘဲာ်ခရၱာ်အတဲၤလှၱအပူၤနဳၤ, ယသးအဲး နှးနီးနှးပဲၤ သံတပွဲၤတပွဲၤလၤဓူၢ်အကတဖၱးဓဳၤဖၱးမူၤအန့ၤလိၤချဳးလိၤဘးနီးနဳၤ. တပွဲၤတပွဲၤလၤဓူၢ်ဘဲာ်သၱာ်ဟဲလၤက့ၤအန့ၤဒဳကဘၱာ်စဲာ်အံာ်လၤနံၤစဲာ် တဲၤဘူၣ်အတဲၤခၠံးအပူၤနဳၤ. 4အစာ်ဘိဝၤနဲၤဘၱစဲာ်တကျိအီၣ် အံာ်စူးဒ့ခၣ်ပီၢ်အမဳအမဳၤအခီ, 5ဒဳခရၱာ်တဲၤန့ၤဘၱစဲာ်တကျိ အလီၤနဳၤဝၤမၱာ်အဘဲာ်ကၠးဘဲာ်ထီလှဲးလၢ်ဝၤလီၤလီၤ. 6ဒဳခရၱာ်ဝၤနံၤဘဲာ်တယၢ်သိး လှဲးလၢ်ဝၤနီးအခဳးအစဲ, တဲၤအံာ် လၤနံၤဝၤ တစီာ်မၱာ်မၱာ်တလၤလှဲးလၢ်ဝၤနီးနီး. နကယၱၢ်ဘဲာ်ဘ့ာ်မ့ဝံ အတဲၤအံာ် လၤဒဳၣ်, မဲၤအံာ်ပီၢ်နအဲစာ်ဘိနတဲၤဘူၣ်ဒီဆးနဲၤနဳၤ. 7အဘဲာ် ကၠး တဲၤအူအံာ်စာ်အံာ်ဒဳၣ်, မဲၤအံာ်ပီၢ်နအဲဒဳအလ့ၤအူအံာ်စာ် အံာ်အတဲၤမဲၤ အပူၤနဳၤ. အကဘဲာ်ကၠးတဲၤသဲာ်အံာ်ပၠၤဒဳၣ်, မဲၤအံာ်ပီၢ်စဲာ်ဒဳတဲၤသဲာ်အံာ် အိးစဲာ်အကျဲနဳၤ. 8အသိၣ်အံာ် သီအံာ်တဲၤတစီာ်ကဒီၣ်အူဒီဆး ဒီဧဲၤတဲၤ, အမဲၤလှူၣ်မဲၤတါတဲၤတစီာ်အသးကလှိဒီဧဲၤ. အခဳးအန့ၤတစီာ် ကသးကလဳၢ်ဒီဧဲၤ, အအံာ်က့ၤစာ်က့ၤတဲၤတစီာ်ကသးလဳၢ်သးလၤအံာ် ဒီဧဲၤ.
9သံတဲၤဘဲာ်လီၢ်ကတမၱာ်ဒီပီၢ်ဧဲၤအပရၤဆးနီး. မၱာ်တဲၤသး အဲးနံၤတဲၤအဲးဒဳၣ်လံကၱာ်အတအဲးနီး. 10ဘဲာ်လီၢ်လှဲးပီၢ်လၢ်ဝၤ အစာ်ဘိအသဲပူၤဝ့ၤနဳၤ, ကၱာ်ဒဳဘဲာ်ယးဘဲာ်လှဲးပီၢ်လၢ်ဝၤအစၱးအထွဲး. 11သးကလဳၢ်မဲၤပီၢ် တဲၤကဘၱာ်စဲာ်အနံၤခံဒဳတဲၤသးကလဳၢ်ကၱာ် တဲၤထူးခဳးထူးအါ အပူၤနဳၤ. သံတဲၤဆးရှံအံာ်ကအီၣ်မၤဒဳၣ်, အကမဲၤမီၤ မဲၤမၤ တပွဲးသံ. 12သံတဲၤဆးရှံအီၣ်အခဳးအစဲသးကနၢ်အံာ် ပီၢ်. သးပျဲၢ်ပီၢ်မဲးတဲၤပၤတဲၤဆဲအကျဲမဲး, မၱာ်သဘဲထာ်ပီၢ်အသဲာ်ယိ. 13ပၠၤစာ်ထၱးတပွဲၤပွဲၤကအီၣ်ပၤအီၣ်ဆဲမၤဒဳၣ်, အံာ်က့ၤစာ်က့ၤပီၢ်စဲာ်. သံ တဲၤဖၱးတဲၤမဲၤတစီာ်ကမၱာ်ဘဲာ်တဲၤခီၣ်ဝဲၤမှီးဘဲာ်.
14ဟိးဝၱၤပီၢ်ပၠၤအလိၤမဲၤဆဲးညဲသံတစီာ်နဳၤ. ဝှိး ကၱကဲာ်မဲး စဲာ်မဲး, ဟိးဝၱၤစဲာ်တခီ. 15သးလဳၢ်သးလၤ အံာ်ကိာ်အသးလဳၢ်သး လၤတစီာ်ကၱာ်အဳးသဳးအဳးသးကိာ်ပီၢ်အအဳးမူးအဳးရၤတစီာ်အကါ. 16ဒဲလၱၢ်ယါသိးပီၢ်သံတဲၤခီၣ်ဝဲၤမှီးဘဲာ်ပၠၤလဳစါစဲးအခဳး, စာ်မဲးပၠၤအမူၢ်ကါ မဲး, မၱာ်မဲၤ သီၣ်ပီၢ်အဆဲးညဲဖဳးတစီာ်နဳၤ. မဲၤမီၤပီၢ်မဲးသံန့ၤလီၤမဲး.
17မဲၤက့ၤပီၢ်မဲးတဲၤခဳးလံၢ်ဒဳတဲၤတအဲးနီးအစဲမဲး. မၱာ်ပၠၤကိ အပွဲၤကကဲာ်ထၱးဒီဧဲၤသံတဲၤကမဳၤမၱာ်အထာ်ယၱၤကဓူၤနဳၤ. 18မၱာ် သံနဳၤ, အစာ်ဘိသံကဲာ်ထာ်အဓ့, အီၣ်ယၱၢ်အီၣ်ဒွါပီၢ်ပၠၤကိအပွဲၤ. 19မဲၤက့ၤပီၢ်မဲးတဲၤခဳးလံၢ်တပျါမဲး, အဳအသီၣ်, လဲၢ်လၤပီၢ်ဒဳကဘၱာ်စဲာ်အစူးခီးပူၤနဳၤလီၤ. အစာ်ဘိစဲာ်စါထံဒီၣ်နဳၤ, “တဲၤမဲၤ က့ၤအခဳးလံၢ်မၱာ်ယအဲ, ယကအံာ်က့ၤကီစဲာ်တစီာ်,” ကဘၱာ်စဲာ်အၣ်မါခးအံာ်ဒဳၣ်. 20မၱာ်အအီၣ်ဝ့ၤ, “နသဲဒဲဒီၣ်ကသးဝံာ်ဒဳၣ်, နမီၤအံာ်စဲာ်တဲၤအၣ်. စသးအီ ဒဳၣ်, စအီဒီဧဲၤစဲာ်. နဲၤကမဲၤကနဳၤဒဳၣ်, နကဝူၤလၤဝှါမှၱးအူဒဳစကဳာ်ခဳးနဳၤ.” 21မဲၤဒၱာ်ဒါတဲၤတအဲးနီးအကျဲကၱာ်နဳၤပဲၤပီၢ်စဲာ်ကၱာ်တဲၤအအဲးလီး.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.