သဓဳဖဳး 26
26
စီၤပီလူးအတဲၤယၱၢ်ဘဲာ်ဒဳဆးဖြးအကြံးပၤအလှီမီၢ်
1အလ့ၤကါဆးဖြးအကြံးပၤဒီၣ်ကဲၤ စီၤပီလူး, “နသးအဲးဒီၣ်တၤနဲၢ်ဒဳၣ် ဒီၣ်ဒီဧဲၤ,” စဒီၣ်လၢ်ဝၤဓဳၤ. စီၤပီလူးတဒါထာ်ဝှါအစူးခီး, စဒီၣ်ဝဳၤလၤအံာ်စန့ၤကယဳၤ—
2“အဳဆးဖြးအကြံးပၤ, ယကမဳၤ လၤက့ၤယန့ၤ အကလဲၤဝၱၤ, ဒဳအကဆီထဳးအီၣ် နလှီမီၢ်ခိတနံၤယဳၤကၱာ်အကဒီၣ်ရှံက့ၤယူဒၤဖဳး အမဲၤယဲၤတဲၤမှူတစီာ်ယဳၤနဳၤ. 3ဒဳၣ်ချဳမၱာ် အဇၤအပျၤဒဳအဘဲာ်ကၠးယူဒၤဖဳးတစီာ်အနူၤအဒီ ကၱာ်အဟိအယီၤတစီာ်နဳၤ. မဲၤကနဳၤဒဳၣ်, ယတၤ မီၤထာ်နဲၤ အကခီးသးဒီကၱာ် ဆီးခ့န့းပီၢ်ယဲၤ တကၱာ်.
4“လှ့ယပံၤစဖဳးနဳၤ, ယမၱာ်ပၠၤတၤ နဲၢ်နဳၤ ယူဒၤဖဳးအအီၣ်ယရူၤၡလ့ၣ်တစီာ် သၱာ်ဟဲ လဳတပွဲး. စဲာ်တစီာ်သၱာ်ဟဲထဲၢ် အအူဆူးယအီၣ် ဒဳယထံယက့ၤ, အလ့ၤကါယလ့ၤအီၣ်ကဲၤဒဳ ယရူၤၡလ့ၣ်အူးနဳၤ. 5စဲာ်တစီာ်အသးမၱာ် အီၣ်ဒဳအကကခးသဲသၱးယနံၤခံဒဳၣ်, စမဲၤဇၤတပွဲး. မၤနဲၢ် စသၱာ်ဟဲယဲၤအဒ့ာ်ထာ်ကၠးလၤ ကဲၤ ကၱာ် သၱာ်ဟဲတပွဲးထဲၢ် ယအီၣ်အံာ်ဝၤနူၤဝၤဒီ, ယမဲၤကိာ်ကဲၤဖၤရံၤရှဲဖဳးထဲၢ်အအီၣ်အံာ်မှ့း တ့း ကျ့းတဲၤမှဲးလၤတစီာ်အကါနဳၤ. 6ကၱာ် ခဳ နဳၤယဳၤဒဳယတဲၤဆးရှံအံာ်အကနံၤဘဲာ်ကဘၱာ်စဲာ် အၣ်မါခးအံာ်ဝၤဖံဝၤဖူတစီာ်အခဳးအစဲ, ယဘဲာ် မှူဓဳၤရၤကီကယဳၤ. 7တဲၤအၣ်မါခး အံာ် မၱာ်ဝၤရှံးကၠံၢ်ခွံနဳၤသဘဲတၤထာ်သဲမူၤဆဲမူၤနဲၤ အကနံၤဘဲာ်တဓဲနဳၤ. အဳဆးဖြး, ဒဳတဲၤဆးရှံအံာ် အနဳၤတဓဲအခဳးအစဲ, ယူဒၤဖဳးတစီာ်ဆးယီၤကဲၤ ယဲၤ. 8ကဘၱာ်စဲာ်ကဘးဝဲၢ်ထဳးက့ၤ အသံတစီာ်နဳၤ, သံအအီၣ်ဘ့ယဳၤတစီာ်တဘူၣ်မၤ နီးနဲၢ်.
9“ယဲၤသဲန့ၤကမဳၤကဲၤထဲၢ်ယတဲၤ မဲၤမၱာ်အကထာ်ဒ့ဒီၣ်ယ့ၣ်ရှူးနစၤရ့းဖဳးအမံၤ. 10ယမဲၤကဲၤတဲၤအယဳၤဒဳ ယရူၤၡလ့ၣ် အူးပူၤနဳၤ. ယထၱးနံၢ်ပၠၤစါထံအီၣ်အဲပွဲၤဒဳတဲၤ ကၱတၱၢ်အပူၤ, ဒဳပၠၤလှူၣ်တဲၤအဓဳၤတစီာ်အတဲၤ အံာ်လၤယဲၤအဖျူအသရ့ာ်ကၱာ် စဲာ်တစီာ်ဘဲာ်စံး ရးသံနဳၤ, ယဒဲလၱၢ်ထာ်ယတဲၤပဲၢ်သး အထာ်ဒ့ ဒီၣ်စဲာ်တစီာ်လီၤ. 11အီၣ်အဲပျာ်ယလ့ၤနံၢ် ဘူၣ်ဘျီၣ်အပူၤကၱာ်မဲၤယဳၤမဲၤနှါစဲာ်တစီာ်စာ်ဘိထဲၢ် စကပၢ်ဖျီးမံပီၢ်စတဲၤဘူၣ်နဳၤ. ယတဲၤသးဓဳၤစခဳး မဲၤပွ့အစာ်ဘိယလိၤစဲာ်ဓဳၤဒဳပၠၤဒဳထံက့ၤအလဝ့ၤ နဳၤ.
စီၤပီလူးဒီဆးအတဲၤဘါချဲး
(သဓဳဖဳး ၉:၁-၁၉, ၂၂:၆-၁၆)
12“ဘ့ယလ့ၤဒဳဒၤမ့ၤစ့းအူး အကဖီၣ်ပၠၤတစီာ်အခၠၱးနဳၤ, ယလ့ၤကိာ်ကဲၤပၠၤလှူၣ်တဲၤအဓဳၤတစီာ် အတဲၤစိသလဲကၱာ်အတဲၤ သဓဳ, 13ကၱာ်အဳဆးဖြး, ဘ့လူၤမူၤထံး ထာ်နဳၤ, ယစာ်ထၱးကဲၤအကဲၢ်ကပြီၤဓဳၤလံကၱာ် လူၤမူၤအအီၣ်ဒဳမီၢ်ခဳးအလှၱလၤနဳၤတဓဲလှၱလၤ ဘဲာ်ခွဲဘးကဲၤယဲၤကၱာ်အဟဲးကိာ်ယကါတစီာ်နဳၤ. 14ဝၤလၤခူးဒဳလၢ်ခဳးကိအပွဲၤကၱာ်တဲၤ အလ့ၢ်တဓဲအဒီၣ်ယဲၤဧ့ၤဘြံၤဖဳးအလ့ၢ်, ‘စီၤစီလူး, စီၤစီလူး, နလိၤမဲၤဆဲးညဲမၤယဲၤနဲၢ်. နကထံနှဲး လှၱးမၱာ်တဲၤအပၤတမဳၤ,’ အဒဲကဲၤယဲၤဓဳၤ. 15ကၱာ်ယဒဲကဲၤ, ‘နမၱာ်ဒီပီၢ်ပွဲၤ, အဳဘၱာ်စဲာ်.’ တဲၤအလ့ၢ်ဒီၣ်ရှံက့ၤယဲၤ, ‘ယမၱာ်ယ့ၣ်ရှူး, နလိၤ မဲၤဆဲးညဲတပွဲၤနဳၤ. 16ပရၤဆါဒဳၣ်, ဝဲၢ်ထဳးပီၢ်. ယပီၤထာ်ထၱးနဲၤမၱာ် အကလဲၢ်ထာ်နဲၤ ယဇိၤဖဳးအကခးနတဲၤစာ်ထၱးယဳၤသဲသၱးဒဳနစာ်ထၱး ထဳယဲၤခဳတနံၤနဳၤ, ကၱာ်ဒီအလ့ၤကါယကပီးထာ် ထၱးဝ့ၤနဲၤနဳၤ. 17ယကမဲၤလှိထာ်ကီနဲၤဒဳ အံၣ်စရ့လးဖဳးတစီာ်အစူးခီးပူၤကၱာ်ပွဲၤသူကူာ်ဖဳးတစီာ်အစူးခီးပူၤ ထဲၢ်ယသဓဳလ့ၤနဲၤဒဳစဲာ်တစီာ်အီၣ်နဳၤ. 18နကဘါထာ်ဘဲာ်ကီစမူၤကၢ်ဓူ စာ်ဘိ ထဲၢ်စကဒးဘးက့ၤစန့ၤ တဲၤလှၱအကျဲ ဒဳတဲၤခံး အပူၤနဳၤ, ကၱာ်စအီၣ်ဝှါဒဳမဳၤဒဲးလၱးအစူးခီးပူၤ, စကက့ၤဘးထၱးပီၢ် ကဘၱာ်စဲာ်ကၱာ်နံၤဘဲာ်ပီၢ် တဲၤဘူၣ်ဒဳယအီၣ်, တဲၤခီၣ်ဝၤအတဲၤဘါပျဲးကၱာ် အဘဲာ်မဲၤစါထံတစီာ်အနံၤခံ တဲၤအံာ်လၤနဳၤ,’ စဒီၣ်ကဲၤယဲၤဓဳၤ.
စီၤပီလူးဒီဆးအတဲၤဖၱးတဲၤမဲၤ
19“အဳဆးဖြးအကြံးပၤ, အလ့ၤကါ ယတထာ်ခဳးကါပ့ၤမီၢ်ခဳးအတဲၤစာ်ထၱးနီး. 20မၱာ်ယဒီထိးဒီတလဲၤကဲၤတခီ, အအူဆူးမၱာ် ပၠၤအအီၣ်ဒဳဒၤမ့ၤစ့းအအူးပူၤတစီာ်နဳၤ, အလ့ၤ ကါပၠၤအအီၣ်ဒဳယရူၤၡလ့ၣ်အူးပူၤကၱာ် ပၠၤအအီၣ်ဒဳယူဒၤက့ၤအပူၤတစီာ်နဳၤကၱာ် ဒဳပွဲၤသူကူာ် ဖဳးတစီာ်ပာ်ပာ်, ယနှးစဲာ်တစီာ်ကဆးလၤက့ၤ အသးကၱာ် က့ၤဘးထၱးကဘၱာ်စဲာ်, ဒဲလၱၢ်ထာ်ဒဳ တဲၤဘါချဲးသးကၱာ်တဲၤဖၱးတဲၤမဲၤအပူၤနဳၤ. 21တဲၤအယဳၤအခဳးအစဲ, ယူဒၤဖဳးတစီာ်ဖီၣ်ဝှါ ယဲၤဒဳ ဇရၢ်ဓဳၤအပူၤနဳၤ, စသးအဲးမဲၤသံကဲၤယဲၤ. 22မၱာ်ဒဳကဘၱာ်စဲာ်အတဲၤဟိးဝၱၤဟိးမီၤ အခဳးအစဲ, ယဆီထဳးအီၣ်မှ့းတ့းကျ့းကီ ထိဓဳၤခဳ တနံၤယဳၤ, ခးသဲသၱးကီဒဳပၠၤအဓဳၤဓဳၤအရှံးရှံး လဳ စါစဲးအလှီမီၢ်, ယဒီၣ်ကဲၤတဲၤထဲၢ်အယၢ်သိးသိး ဝံတစီာ်ကၱာ်စီၤမိၤၡ့အတဲၤဒီၣ်တီၤလီၤ အကဖၱ ထာ်, 23ထဲၢ်ခရၱာ် ကခးဘဲာ်ကီတဲၤဆဲး ညဲပတီၤကၱာ်စကထာ်ပဳၤက့ၤကီတဲၤသံကျဲနဳၤ, စကဒီၣ်လှၱထာ်ကီ တဲၤကလှၱလၤဘဲာ်ကီဝၤပၠၤ တစီာ်အခဳး ကၱာ် ပွဲၤသူကူာ်ဖဳးတစီာ်အခဳးခဳးနဳၤ.”
24ဘ့စဒီၣ်ကးဝှါစန့ၤနဳၤ, စီၤဖ့စတူး ကဲာ်ဧဳၤထာ်ကၱာ်ဒီၣ်ကဲၤ, “စီၤပီလူး, နပျူၤထဳ. နတဲၤသၱာ်ဟဲတစီာ်မဲၤပျူၤကဲၤနဲၤ,” စဒီၣ်လၢ်ဝၤ ဓဳၤ.
25စီၤပီလူးဒီၣ်ရှံက့ၤစဲာ်, “အဳတဲၤအဓဳၤ, စီၤဖ့စတူး, ယတပျူၤနီး, မၱာ်ယဒီၣ်တဲၤတၱၢ် တဲၤမှးအသ့ပွ့ၤလီၤ. 26ဆးဖြးအကြၱးပၤ, နသၱာ်ဟဲတပွဲးတဲၤအယဳၤတစီာ်ယဳၤ, ကၱာ်ယယၱၢ်ဘဲာ်ထၱးနဲၤဒဳ တဲၤလှၱတဲၤပျါအပူၤ, အတမၱာ် ပွဲးနနံၤခံ အနှးနှါတမံနီး, မၤနဲၢ်ဒဳၣ်, တဲၤအယဳၤ တစီာ်တဖၱထာ်ကဲၤဒဳ တဲၤဟူၣ်တဲၤဇီၤအကျဲ တမံနီး. 27အဳဆးဖြးအကြၱးပၤ, နဘူၣ်တပွဲးဝံတစီာ်နဳၤဧါ. ယသၱာ်ဟဲတပွဲး နဘူၣ်စဲာ်တစီာ် နဳၤ,” စဒီၣ်ဓဳၤ.
28ဘ့နဳၤဆးဖြးအကြၱးပၤဒီၣ်ကဲၤ စီၤ ပီလူး, “တကၱာ်ပ့ၤလီၤ, နကမဲၤဖၱထာ်ကဲၤယဲၤ ခရၱာ်ဖဳး နကမဳၤကဲၤနအဲဓဳၤဧါ,” စဒီၣ်လၢ်ဝၤဓဳၤ.
29စီၤပီလူးဒီၣ်ရှံက့ၤစဲာ်, “တကၱာ်ပ့ၤ ဇၢ်ဝှါ, အီၣ်ယၱၤဝ့ၤဇၢ်ဝှါ, ယသဘဲထာ်ဒဳကဘၱာ် စဲာ် အလှီမီၢ်, ထဲၢ် တဘဲာ်ထ့နဲၤလီၤနီး, မၱာ်ခိတနံၤအဆီး ခ့န့းယတဲၤယၱၢ်ဘဲာ်အယဳၤတစီာ် လိ စါစဲးကမၱာ်ပီၢ်စာ်ဘိယဲၤနဳၤ, ဒဳအပျိာ်ဘဲာ်ထးလး ပံၤအချဳနဳၤ,” စဒီၣ်လၢ်ဝၤဓဳၤ.
30ဘ့နဳၤဆးဖြးဝဲၢ်ထဳးကဲၤ, မၢ်ဓဳၤ ကၱာ်နီၢ်ဘ့ၤနံက့ၤကၱာ်ပၠၤကိအပွဲၤဝဲၢ်ထဳးကဲၤ, 31ကၱာ်ဘ့စဲာ်တစီာ်က့ၤဆီဓူၢ်ဆီးဒဲ ကၱာ် တီၤတီၢ်မၤယၤအခၠၱးနဳၤ, စလၤကျၤလှဲးကဲၤ လၢ် ဝၤထဲၢ်, “ပၠၤအယဳၤတပွဲၤတမဲၤနံၤ ကဲၤတဲၤ ဒဳ အမီၤတးနံၤတဲၤသံကၱာ်တဲၤထၱးနံၢ်တဲၤကၱတၱၢ်ပူၤ တမံနီး,” နဳၤ. 32ဆးဖြးအကြၱးပၤဒီၣ် ကဲၤစီၤဖ့းစတူး, “ပၠၤအယဳၤတပွဲၤတယဳၤထာ်မၤ ရိမ့ၤအဆးဖြးဓဳၤနီးဒဳၣ်, စမီၤဘးလှိဝှါထဳတခီ,” စဒီၣ်လၢ်ဝၤယဳၤ.
Currently Selected:
သဓဳဖဳး 26: GBA
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
သဓဳဖဳး 26
26
စီၤပီလူးအတဲၤယၱၢ်ဘဲာ်ဒဳဆးဖြးအကြံးပၤအလှီမီၢ်
1အလ့ၤကါဆးဖြးအကြံးပၤဒီၣ်ကဲၤ စီၤပီလူး, “နသးအဲးဒီၣ်တၤနဲၢ်ဒဳၣ် ဒီၣ်ဒီဧဲၤ,” စဒီၣ်လၢ်ဝၤဓဳၤ. စီၤပီလူးတဒါထာ်ဝှါအစူးခီး, စဒီၣ်ဝဳၤလၤအံာ်စန့ၤကယဳၤ—
2“အဳဆးဖြးအကြံးပၤ, ယကမဳၤ လၤက့ၤယန့ၤ အကလဲၤဝၱၤ, ဒဳအကဆီထဳးအီၣ် နလှီမီၢ်ခိတနံၤယဳၤကၱာ်အကဒီၣ်ရှံက့ၤယူဒၤဖဳး အမဲၤယဲၤတဲၤမှူတစီာ်ယဳၤနဳၤ. 3ဒဳၣ်ချဳမၱာ် အဇၤအပျၤဒဳအဘဲာ်ကၠးယူဒၤဖဳးတစီာ်အနူၤအဒီ ကၱာ်အဟိအယီၤတစီာ်နဳၤ. မဲၤကနဳၤဒဳၣ်, ယတၤ မီၤထာ်နဲၤ အကခီးသးဒီကၱာ် ဆီးခ့န့းပီၢ်ယဲၤ တကၱာ်.
4“လှ့ယပံၤစဖဳးနဳၤ, ယမၱာ်ပၠၤတၤ နဲၢ်နဳၤ ယူဒၤဖဳးအအီၣ်ယရူၤၡလ့ၣ်တစီာ် သၱာ်ဟဲ လဳတပွဲး. စဲာ်တစီာ်သၱာ်ဟဲထဲၢ် အအူဆူးယအီၣ် ဒဳယထံယက့ၤ, အလ့ၤကါယလ့ၤအီၣ်ကဲၤဒဳ ယရူၤၡလ့ၣ်အူးနဳၤ. 5စဲာ်တစီာ်အသးမၱာ် အီၣ်ဒဳအကကခးသဲသၱးယနံၤခံဒဳၣ်, စမဲၤဇၤတပွဲး. မၤနဲၢ် စသၱာ်ဟဲယဲၤအဒ့ာ်ထာ်ကၠးလၤ ကဲၤ ကၱာ် သၱာ်ဟဲတပွဲးထဲၢ် ယအီၣ်အံာ်ဝၤနူၤဝၤဒီ, ယမဲၤကိာ်ကဲၤဖၤရံၤရှဲဖဳးထဲၢ်အအီၣ်အံာ်မှ့း တ့း ကျ့းတဲၤမှဲးလၤတစီာ်အကါနဳၤ. 6ကၱာ် ခဳ နဳၤယဳၤဒဳယတဲၤဆးရှံအံာ်အကနံၤဘဲာ်ကဘၱာ်စဲာ် အၣ်မါခးအံာ်ဝၤဖံဝၤဖူတစီာ်အခဳးအစဲ, ယဘဲာ် မှူဓဳၤရၤကီကယဳၤ. 7တဲၤအၣ်မါခး အံာ် မၱာ်ဝၤရှံးကၠံၢ်ခွံနဳၤသဘဲတၤထာ်သဲမူၤဆဲမူၤနဲၤ အကနံၤဘဲာ်တဓဲနဳၤ. အဳဆးဖြး, ဒဳတဲၤဆးရှံအံာ် အနဳၤတဓဲအခဳးအစဲ, ယူဒၤဖဳးတစီာ်ဆးယီၤကဲၤ ယဲၤ. 8ကဘၱာ်စဲာ်ကဘးဝဲၢ်ထဳးက့ၤ အသံတစီာ်နဳၤ, သံအအီၣ်ဘ့ယဳၤတစီာ်တဘူၣ်မၤ နီးနဲၢ်.
9“ယဲၤသဲန့ၤကမဳၤကဲၤထဲၢ်ယတဲၤ မဲၤမၱာ်အကထာ်ဒ့ဒီၣ်ယ့ၣ်ရှူးနစၤရ့းဖဳးအမံၤ. 10ယမဲၤကဲၤတဲၤအယဳၤဒဳ ယရူၤၡလ့ၣ် အူးပူၤနဳၤ. ယထၱးနံၢ်ပၠၤစါထံအီၣ်အဲပွဲၤဒဳတဲၤ ကၱတၱၢ်အပူၤ, ဒဳပၠၤလှူၣ်တဲၤအဓဳၤတစီာ်အတဲၤ အံာ်လၤယဲၤအဖျူအသရ့ာ်ကၱာ် စဲာ်တစီာ်ဘဲာ်စံး ရးသံနဳၤ, ယဒဲလၱၢ်ထာ်ယတဲၤပဲၢ်သး အထာ်ဒ့ ဒီၣ်စဲာ်တစီာ်လီၤ. 11အီၣ်အဲပျာ်ယလ့ၤနံၢ် ဘူၣ်ဘျီၣ်အပူၤကၱာ်မဲၤယဳၤမဲၤနှါစဲာ်တစီာ်စာ်ဘိထဲၢ် စကပၢ်ဖျီးမံပီၢ်စတဲၤဘူၣ်နဳၤ. ယတဲၤသးဓဳၤစခဳး မဲၤပွ့အစာ်ဘိယလိၤစဲာ်ဓဳၤဒဳပၠၤဒဳထံက့ၤအလဝ့ၤ နဳၤ.
စီၤပီလူးဒီဆးအတဲၤဘါချဲး
(သဓဳဖဳး ၉:၁-၁၉, ၂၂:၆-၁၆)
12“ဘ့ယလ့ၤဒဳဒၤမ့ၤစ့းအူး အကဖီၣ်ပၠၤတစီာ်အခၠၱးနဳၤ, ယလ့ၤကိာ်ကဲၤပၠၤလှူၣ်တဲၤအဓဳၤတစီာ် အတဲၤစိသလဲကၱာ်အတဲၤ သဓဳ, 13ကၱာ်အဳဆးဖြး, ဘ့လူၤမူၤထံး ထာ်နဳၤ, ယစာ်ထၱးကဲၤအကဲၢ်ကပြီၤဓဳၤလံကၱာ် လူၤမူၤအအီၣ်ဒဳမီၢ်ခဳးအလှၱလၤနဳၤတဓဲလှၱလၤ ဘဲာ်ခွဲဘးကဲၤယဲၤကၱာ်အဟဲးကိာ်ယကါတစီာ်နဳၤ. 14ဝၤလၤခူးဒဳလၢ်ခဳးကိအပွဲၤကၱာ်တဲၤ အလ့ၢ်တဓဲအဒီၣ်ယဲၤဧ့ၤဘြံၤဖဳးအလ့ၢ်, ‘စီၤစီလူး, စီၤစီလူး, နလိၤမဲၤဆဲးညဲမၤယဲၤနဲၢ်. နကထံနှဲး လှၱးမၱာ်တဲၤအပၤတမဳၤ,’ အဒဲကဲၤယဲၤဓဳၤ. 15ကၱာ်ယဒဲကဲၤ, ‘နမၱာ်ဒီပီၢ်ပွဲၤ, အဳဘၱာ်စဲာ်.’ တဲၤအလ့ၢ်ဒီၣ်ရှံက့ၤယဲၤ, ‘ယမၱာ်ယ့ၣ်ရှူး, နလိၤ မဲၤဆဲးညဲတပွဲၤနဳၤ. 16ပရၤဆါဒဳၣ်, ဝဲၢ်ထဳးပီၢ်. ယပီၤထာ်ထၱးနဲၤမၱာ် အကလဲၢ်ထာ်နဲၤ ယဇိၤဖဳးအကခးနတဲၤစာ်ထၱးယဳၤသဲသၱးဒဳနစာ်ထၱး ထဳယဲၤခဳတနံၤနဳၤ, ကၱာ်ဒီအလ့ၤကါယကပီးထာ် ထၱးဝ့ၤနဲၤနဳၤ. 17ယကမဲၤလှိထာ်ကီနဲၤဒဳ အံၣ်စရ့လးဖဳးတစီာ်အစူးခီးပူၤကၱာ်ပွဲၤသူကူာ်ဖဳးတစီာ်အစူးခီးပူၤ ထဲၢ်ယသဓဳလ့ၤနဲၤဒဳစဲာ်တစီာ်အီၣ်နဳၤ. 18နကဘါထာ်ဘဲာ်ကီစမူၤကၢ်ဓူ စာ်ဘိ ထဲၢ်စကဒးဘးက့ၤစန့ၤ တဲၤလှၱအကျဲ ဒဳတဲၤခံး အပူၤနဳၤ, ကၱာ်စအီၣ်ဝှါဒဳမဳၤဒဲးလၱးအစူးခီးပူၤ, စကက့ၤဘးထၱးပီၢ် ကဘၱာ်စဲာ်ကၱာ်နံၤဘဲာ်ပီၢ် တဲၤဘူၣ်ဒဳယအီၣ်, တဲၤခီၣ်ဝၤအတဲၤဘါပျဲးကၱာ် အဘဲာ်မဲၤစါထံတစီာ်အနံၤခံ တဲၤအံာ်လၤနဳၤ,’ စဒီၣ်ကဲၤယဲၤဓဳၤ.
စီၤပီလူးဒီဆးအတဲၤဖၱးတဲၤမဲၤ
19“အဳဆးဖြးအကြံးပၤ, အလ့ၤကါ ယတထာ်ခဳးကါပ့ၤမီၢ်ခဳးအတဲၤစာ်ထၱးနီး. 20မၱာ်ယဒီထိးဒီတလဲၤကဲၤတခီ, အအူဆူးမၱာ် ပၠၤအအီၣ်ဒဳဒၤမ့ၤစ့းအအူးပူၤတစီာ်နဳၤ, အလ့ၤ ကါပၠၤအအီၣ်ဒဳယရူၤၡလ့ၣ်အူးပူၤကၱာ် ပၠၤအအီၣ်ဒဳယူဒၤက့ၤအပူၤတစီာ်နဳၤကၱာ် ဒဳပွဲၤသူကူာ် ဖဳးတစီာ်ပာ်ပာ်, ယနှးစဲာ်တစီာ်ကဆးလၤက့ၤ အသးကၱာ် က့ၤဘးထၱးကဘၱာ်စဲာ်, ဒဲလၱၢ်ထာ်ဒဳ တဲၤဘါချဲးသးကၱာ်တဲၤဖၱးတဲၤမဲၤအပူၤနဳၤ. 21တဲၤအယဳၤအခဳးအစဲ, ယူဒၤဖဳးတစီာ်ဖီၣ်ဝှါ ယဲၤဒဳ ဇရၢ်ဓဳၤအပူၤနဳၤ, စသးအဲးမဲၤသံကဲၤယဲၤ. 22မၱာ်ဒဳကဘၱာ်စဲာ်အတဲၤဟိးဝၱၤဟိးမီၤ အခဳးအစဲ, ယဆီထဳးအီၣ်မှ့းတ့းကျ့းကီ ထိဓဳၤခဳ တနံၤယဳၤ, ခးသဲသၱးကီဒဳပၠၤအဓဳၤဓဳၤအရှံးရှံး လဳ စါစဲးအလှီမီၢ်, ယဒီၣ်ကဲၤတဲၤထဲၢ်အယၢ်သိးသိး ဝံတစီာ်ကၱာ်စီၤမိၤၡ့အတဲၤဒီၣ်တီၤလီၤ အကဖၱ ထာ်, 23ထဲၢ်ခရၱာ် ကခးဘဲာ်ကီတဲၤဆဲး ညဲပတီၤကၱာ်စကထာ်ပဳၤက့ၤကီတဲၤသံကျဲနဳၤ, စကဒီၣ်လှၱထာ်ကီ တဲၤကလှၱလၤဘဲာ်ကီဝၤပၠၤ တစီာ်အခဳး ကၱာ် ပွဲၤသူကူာ်ဖဳးတစီာ်အခဳးခဳးနဳၤ.”
24ဘ့စဒီၣ်ကးဝှါစန့ၤနဳၤ, စီၤဖ့စတူး ကဲာ်ဧဳၤထာ်ကၱာ်ဒီၣ်ကဲၤ, “စီၤပီလူး, နပျူၤထဳ. နတဲၤသၱာ်ဟဲတစီာ်မဲၤပျူၤကဲၤနဲၤ,” စဒီၣ်လၢ်ဝၤ ဓဳၤ.
25စီၤပီလူးဒီၣ်ရှံက့ၤစဲာ်, “အဳတဲၤအဓဳၤ, စီၤဖ့စတူး, ယတပျူၤနီး, မၱာ်ယဒီၣ်တဲၤတၱၢ် တဲၤမှးအသ့ပွ့ၤလီၤ. 26ဆးဖြးအကြၱးပၤ, နသၱာ်ဟဲတပွဲးတဲၤအယဳၤတစီာ်ယဳၤ, ကၱာ်ယယၱၢ်ဘဲာ်ထၱးနဲၤဒဳ တဲၤလှၱတဲၤပျါအပူၤ, အတမၱာ် ပွဲးနနံၤခံ အနှးနှါတမံနီး, မၤနဲၢ်ဒဳၣ်, တဲၤအယဳၤ တစီာ်တဖၱထာ်ကဲၤဒဳ တဲၤဟူၣ်တဲၤဇီၤအကျဲ တမံနီး. 27အဳဆးဖြးအကြၱးပၤ, နဘူၣ်တပွဲးဝံတစီာ်နဳၤဧါ. ယသၱာ်ဟဲတပွဲး နဘူၣ်စဲာ်တစီာ် နဳၤ,” စဒီၣ်ဓဳၤ.
28ဘ့နဳၤဆးဖြးအကြၱးပၤဒီၣ်ကဲၤ စီၤ ပီလူး, “တကၱာ်ပ့ၤလီၤ, နကမဲၤဖၱထာ်ကဲၤယဲၤ ခရၱာ်ဖဳး နကမဳၤကဲၤနအဲဓဳၤဧါ,” စဒီၣ်လၢ်ဝၤဓဳၤ.
29စီၤပီလူးဒီၣ်ရှံက့ၤစဲာ်, “တကၱာ်ပ့ၤ ဇၢ်ဝှါ, အီၣ်ယၱၤဝ့ၤဇၢ်ဝှါ, ယသဘဲထာ်ဒဳကဘၱာ် စဲာ် အလှီမီၢ်, ထဲၢ် တဘဲာ်ထ့နဲၤလီၤနီး, မၱာ်ခိတနံၤအဆီး ခ့န့းယတဲၤယၱၢ်ဘဲာ်အယဳၤတစီာ် လိ စါစဲးကမၱာ်ပီၢ်စာ်ဘိယဲၤနဳၤ, ဒဳအပျိာ်ဘဲာ်ထးလး ပံၤအချဳနဳၤ,” စဒီၣ်လၢ်ဝၤဓဳၤ.
30ဘ့နဳၤဆးဖြးဝဲၢ်ထဳးကဲၤ, မၢ်ဓဳၤ ကၱာ်နီၢ်ဘ့ၤနံက့ၤကၱာ်ပၠၤကိအပွဲၤဝဲၢ်ထဳးကဲၤ, 31ကၱာ်ဘ့စဲာ်တစီာ်က့ၤဆီဓူၢ်ဆီးဒဲ ကၱာ် တီၤတီၢ်မၤယၤအခၠၱးနဳၤ, စလၤကျၤလှဲးကဲၤ လၢ် ဝၤထဲၢ်, “ပၠၤအယဳၤတပွဲၤတမဲၤနံၤ ကဲၤတဲၤ ဒဳ အမီၤတးနံၤတဲၤသံကၱာ်တဲၤထၱးနံၢ်တဲၤကၱတၱၢ်ပူၤ တမံနီး,” နဳၤ. 32ဆးဖြးအကြၱးပၤဒီၣ် ကဲၤစီၤဖ့းစတူး, “ပၠၤအယဳၤတပွဲၤတယဳၤထာ်မၤ ရိမ့ၤအဆးဖြးဓဳၤနီးဒဳၣ်, စမီၤဘးလှိဝှါထဳတခီ,” စဒီၣ်လၢ်ဝၤယဳၤ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.