သဓဳဖဳး 25
25
စီၤပီလူးတဲာ်ထာ်တဲၤဝၱၤတဲၤကဲဒဳရိမ့ၤအဆးဖြးဓဳၤအီၣ်
1စီၤဖ့စတူးဓဳၤလ့ၤ စတဲၤအူအံာ်အလၢ်ခဳးပူၤ အဘးထဝသဳသဲဒဳၣ်, စအီၣ်ဒဳကဲၤစါ ရံၤအပူၤ, စထာ်ကဲၤဒဳယရူၤၡလ့ၣ်အူးပူၤနဳၤ. 2ပၠၤလှူၣ်တဲၤအဓဳၤဘၱာ်စဲာ် ကၱာ်ယူဒၤဖဳးအခဳးအန့ၤ တစီာ်ဒီဆးကဲၤလၢ်ဝၤထဲၢ် စီၤပီလူးအတဲၤမှူတဲၤ ရၤအီၣ်ကဲၤအမဳမဳၤနဳၤ. စနှးနဳၤနှးပဲၤစီၤဖ့စတူး 3ကသိထိးစဲာ်တစီာ်တစီာ်ဒဳၣ်လံကၱာ် စီၤပီလူးနဳၤ, ကၱာ်အကက့ၤဘးအံာ်စီၤပီလူးဒဳ ယရူၤၡလ့ၣ်အူးပူၤနဳၤ. မၤနဲၢ်မၱာ်စဲာ်တစီာ်အီၣ် တီၤလီၤ အကဇီၤအိးကၱာ်မဲၤသံလၢ်ဝၤဒဳကျဲး လီၤနဳၤ. 4မၱာ်စီၤဖ့စတူးဒီၣ်ရှံက့ၤစဲာ်တစီာ် ထဲၢ် စီၤပီလူးကဘဲာ်တိၤအံာ်ဒဳ ကဲၤစါရံၤအူးပူၤ နဳၤကၱာ် စဲာ်သဲန့ၤကက့ၤဘးပျါတပွဲးဒဳနဳၤနဳၤ. 5စဒီၣ်ဝ့ၤလၢ်ဝၤ, “သံအဲအခဳးအန့ၤကလၤ ကိာ်ဒီဧဲၤယကါ ဒဳကဲၤစါရံၤအူးနဳၤ, ကၱာ်ဒီယတပာ်ထၱးကဲၤပၠၤအနဳၤတပွဲၤအတဲၤကမဲာ် ထဲၢ်သံ ဆးဝဲၢ်စလီၤနဳၤတမံနီး,” စဒီၣ်ကဲၤလၢ်ဝၤတစီာ် ဓဳၤ.
6စီၤဖ့စတူးအီၣ်ကိာ်ဝ့ၤဝှါစကါ အသဲလွံၢ်သိး, အဓဳၤကဓူမၱာ် အသဲရှံးဒဳၣ်, စက့ၤ လၤကဲၤဒဳ ကဲၤစါရံၤအူးကၱာ်အသဲတနံၤ စလ့ၤ ဆးနါလၤအီၣ်ဝှါဒဳတဲၤစံးရးအလ့ၤဒဳၣ်, စနှးပၠၤ လ့ၤအံာ်စီၤပီလူးဒဳစလှီမီၢ်နဳၤ. 7စီၤပီလူး ပီာ်ထာ်လီၤ, ယူဒၤဖဳးအအီၣ်ဒဳယရူၤၡလ့ၣ် အူး ကၱာ်အထာ်ကဲၤတစီာ် လ့ၤအီၣ်ခွဲဘးကဲၤစဲာ်ကၱာ် ဆးဝဲၢ်ကဲၤစလီၤတဲၤကမဲာ်အမဳအမဳၤ, အခၣ်ထၱး ခးဘီတအီၣ်နီးတစီာ်နဳၤ. 8မၱာ်စီၤပီလူးနဳၤ စထဳးလှိကဲၤစန့ၤကယဳၤ, “ယတမဲၤကဲၤတဲၤကမဲးအထာ်ဒ့ဒီၣ်ယူဒၤဖဳးအတဲၤမှဲးလၤမၱာ်ဝၱၤ, တဲၤ လှူၣ်ရှံၣ်အတဲၤမှးလၤမၱာ်ဝၱၤ, ကၱာ်ရိမ့ၤအဆးဖြး ဓဳၤမၱာ်ဝၱၤတမံနီး,” စဒီၣ်ဓဳၤ.
9ပရၤဆါစီၤဖ့စတူးသးအဲးမဲၤယူဒၤ ဖဳးတစီာ်အမူၢ်ကါဒဳၣ်, စဒီၣ်ကဲၤစီၤပီလူးကယဳၤ, “နသးအီၣ်တပွဲးအကထာ်ဒဳယရူၤလ့ၣ်အူးကၱာ် ခးတဲၤစံးရးယလှီမီၢ်နဳၤဧါ,” စဒဲလၢ်ဝၤဓဳၤ.
10စီၤပီလူးဒီၣ်ရှံက့ၤစဲာ်, “ယဆီထဳးအီၣ်ဒဳ ရိမ့ၤအဆးဖြးဓဳၤအတဲၤစံးရး အလ့ၤနဳၤအခဳးအစဲ, ဘဲာ်ကၱာ်ယကဘဲာ်တဲၤစံး ရးဒဳနဳၤလီၤ. အစာ်ဘိနသၱာ်ဟဲအဓ့နဳၤ, ယတမဲၤ ကမဲးကဲၤယူဒၤဖဳးတမံနီး. 11ဘ့ာ်မ့ယကမဲၤနံၤကဲၤတဲၤကမဲာ်တမံၤမံၤဒဳၣ်, ယတတၤ တပွဲးတဲၤလှိထာ်တဲၤသံနီး. ပရၤဆါတဲၤဆးယီၤ ယဲၤအဝၱၤအကဲကတအီၣ်မၤနီးဒဳၣ်, တဲၤအံာ်လၤ ဖျီးမံယဲၤဒဳစဲာ်တစီာ်အစူးခီးပူၤနဳၤအဆဲးတအီၣ်မဲၤ နီး. ယတၤတဲၤစံးရးဒဳရိမ့ၤအဆးဖြးဓဳၤ အစူးခီး ပူၤနဳၤ,” စဒီၣ်ကဲၤဓဳၤ.
12အနဳၤဒဳၣ်, စီၤဖ့စတူးတၤတဲၤကဳ တဲၤကၠးဒဳစအဲအခဳးအန့ၤတစီာ်အီၣ်ကၱာ် ဒီၣ်ကဲၤ စဲာ်, “နတဲာ်ထာ်ကဲၤဒဳရိမ့ၤအဆးဖြးဓဳၤအအီၣ် ထဳ. မဲၤကနဳၤ နဘဲာ်လ့ၤဒဳစအီၣ်လီၤ,” စဒီၣ်လၢ်ဝၤဓဳၤ.
စီၤပီလူးဒဳဆးဖြးအကြံးပၤကၱာ်နီၢ်ဘ့ၤနံက့ၤအလှီမီၢ်
13တအီၣ်ယၱၢ်အီၣ်ကၠးနီး, ဆးဖြးအကြံးပၤကၱာ် နီၢ်ဘ့ၤနံက့ၤလ့ၤပိာ်ဒဳထၱးကဲၤစီၤဖ့း စတူး ဒဳကဲၤစါရံၤအူးနဳၤ. 14စအီၣ်ကဲၤဒဳ နဳၤအနံၤအသဲပွ့တမံၤကၱာ်စီၤဖ့စတူးဒီဆးကဲၤလၢ် ဝၤစီၤပီလူးအဝၱၤအကဲ, စဒီၣ်, “စီၤဖ့လၱးဘဲနံၢ် ပၠၤတဲၤကၱတၱၢ်ပူၤအီၣ်ကဲၤတပွဲၤ, 15ကၱာ် ဘ့ယအီၣ်ဝ့ၤယရူၤၡလ့ၣ်အးပူၤအခၠၱးနဳၤ, ယူဒၤ ဖဳးအပၠၤလှူၣ်တဲၤအဓဳၤ ကၱာ်အဓဳၤအပွ့ၤတစီာ် လ့ၤတဲာ်ထာ်တဲၤမှူဒဳယအီၣ်နဳၤ ကၱာ်တၤကဲၤစတဲၤသံ. 16မၱာ်ယဒီဆးစဲာ်တစီာ် ရိမ့ၤဖဳး အနူၤအဒီထဲၢ်အဘဲာ်ဆးယီၤတပွဲၤကတတရၤ ဝှါအဆးယီၤစဲာ်တစီာ်နီးအသူသရ့ကတစံးရးစဲာ် နီးနဳၤ. 17မဲၤကနဳၤ စဲာ်တစီာ်လၤကိာ် ကဲၤယကါကၱာ် အလ့ၤကါတနံၤလီၤ, ယလ့ၤဆး နါလၤအီၣ်ကဲၤဒဳတဲၤစံးရးအလ့ၤနဳၤကၱာ် မဲၤအလ့ၤကါတနံၤလီၤ, ယနှးစဲာ်တစီာ်အကလ့ၤ အံာ်ပၠၤခဳနဳၤတပွဲၤဒဳယအီၣ်နဳၤ. 18ပၠၤအဆးယီၤစဲာ်တစီာ်ဝဲၢ်ထဳးကဲၤ, မၱာ်စတဒီၣ်ထာ်တဲၤ ကမဲးယကမဳၤတစီာ်နဳၤတမှိနီး. 19မၱာ်စတရၤလၢ်ဝၤအဘဲာ်ကၠးစတဲၤသဘူၣ်သဘဲကၱာ် ပၠၤအမံၤမၱာ်ယ့ၣ်ရှူး, ထဲၢ်အသံကဲၤတပွဲၤ, မၱာ် စီၤပီလူးဒီၣ်စအီၣ်သမိဝ့ၤနဳၤ. 20ယတစံး ရးဖးမ့ၤကဲာ်ထာ်တဲၤမှူအယဳၤနီးဒဳၣ်, ယဒဲစာ်ကဲၤ စဲာ်ထဲၢ်စကထာ်ဇၤပီၢ် ယရူၤၡလ့ၣ်အူးကၱာ် ခးတဲၤစံးရးနဳၤဧါနဳၤ. 21မၱာ်စီၤပီလူးသး အဲးနံၤဆးဖြးဓဳၤသဲန့ၤကစံးရးနံၤစဲာ်တဲၤမှူအယဳၤ နဳၤဒဳၣ်, ယမှဲးလၤကဲၤစဲာ် အကအီၣ်ဆိဧိၢ်ထိ ယသဲလ့ၤစဲာ်ဒဳ ဆးဖြးဓဳၤအီၣ်နဳၤ.”
22ဆးဖြးအကြံးပၤဒီၣ်ကဲၤ စီၤဖ့စတူး, “ယသးအဲးဆီးခ့န့းတပွဲးပၠၤ အယဳၤ တပွဲၤ အတဲၤမှူ, စဒီၣ်လၢ်ဝၤဓဳၤ.
“မီၤဗ့တနံၤ, ဆီးခ့န့းဒီဧဲၤစဲာ်,” စဒီၣ်ရှံက့ၤ ကဲၤလၢ်ဝၤဓဳၤ.
23အလ့ၤကါတနံၤ, ဆးဖြးအကြံး ပၤကၱာ်နီၢ်ဘ့ၤနံက့ၤလ့ၤနံၢ်ကဲၤ တဲၤစံးရးအရှံၣ် ဒဳးပူၤ, ပျဳာ်ပျဳာ်ကၱာ်မၢ်ဓဳၤကၱာ်အန့ၤဓဳၤသးပွ့ၤတစီာ်နဳၤ, ကၱစီၤဖ့စတူးနှးကဲၤပၠၤလ့ၤအံာ်စီၤပီလူး. 24ဘ့နဳၤစီၤဖ့စတူးဒီၣ်ကဲၤ, “အဳဆးဖြး အကြံးပၤကၱာ်ပၠၤအအီၣ်ကိာ်ဝၤကါဘ့ယဳၤလဳစါစဲး, သံစာ်ထၱးတပွဲးဒဳ သံလှီမီၢ်ယဳၤ ပၠၤထဲၢ်ယူဒၤဖဳး တစီာ်တၤကဲၤယဲၤ ဒဳယရူၤၡလ့ၣ်အူးကၱာ်ဘ့ ယဳၤယဳၤ, သံတြးပဳၤကလၢ်ကဲၤထဲၢ် စကတအီၣ်ဘဲာ်ပၠၤနီးနဳၤ. 25ဒဳယဲၤတခီဘဲာ်နဳၤ, အဘဲာ်သးတပွဲးယဲၤဒဳစတဲၤကမဲာ်ဓဳၤထိ ကၱာ်အကဘဲာ်သံတအီၣ်တမံနီးအစဲနဳၤ, ပရၤ ဆါစတၤကဲၤအကလ့ၤဒဳ ဆးဖြးဓဳၤအလှီ မီၢ်နဳၤ အခဳးအစဲ, ယပဲၢ်လၤထဳယသး အကသဲလ့ၤ စဲာ်. 26ပရဓဆါ ယတဝှ့းဒီဆးဆးဖြးဓဳၤ စဝၱၤစကဲလၤတံၤလၤဆ့းတမံနီး. ကနဳၤအခဳးအစဲယယဳၤလ့ၤကီစဲာ်ဒဳ သံလဳစါစဲးအလှီမီၢ်နဳၤ. ဒဳၣ်ချဳဒဳဆးဖြးအကြံးပၤအလှီမီၢ်ယဳၤစာ်ဘိထဲၢ်ဒဳ တဲၤထိးစာ်ဒဲစာ်အကျဲ, ယမီၤဝှ့းကအီၣ်ကီပီၢ် တမံၤမံၤနဳၤ. 27ယကမဳၤဒဳ ယကဒဲလၱၢ် ထာ်တဲၤအမီၤစံးရး ကတအီၣ်မၤတမံနီးမၱာ် ကသဲလ့ၤတဲၤကၱတၱၢ်ဖဳးတပွဲၤ အထာ်ပဳၤထာ်ဘါ တအီၣ်နီးအစဲနဳၤ,” စဒီၣ်ကဲၤဓဳၤ.
Currently Selected:
သဓဳဖဳး 25: GBA
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
သဓဳဖဳး 25
25
စီၤပီလူးတဲာ်ထာ်တဲၤဝၱၤတဲၤကဲဒဳရိမ့ၤအဆးဖြးဓဳၤအီၣ်
1စီၤဖ့စတူးဓဳၤလ့ၤ စတဲၤအူအံာ်အလၢ်ခဳးပူၤ အဘးထဝသဳသဲဒဳၣ်, စအီၣ်ဒဳကဲၤစါ ရံၤအပူၤ, စထာ်ကဲၤဒဳယရူၤၡလ့ၣ်အူးပူၤနဳၤ. 2ပၠၤလှူၣ်တဲၤအဓဳၤဘၱာ်စဲာ် ကၱာ်ယူဒၤဖဳးအခဳးအန့ၤ တစီာ်ဒီဆးကဲၤလၢ်ဝၤထဲၢ် စီၤပီလူးအတဲၤမှူတဲၤ ရၤအီၣ်ကဲၤအမဳမဳၤနဳၤ. စနှးနဳၤနှးပဲၤစီၤဖ့စတူး 3ကသိထိးစဲာ်တစီာ်တစီာ်ဒဳၣ်လံကၱာ် စီၤပီလူးနဳၤ, ကၱာ်အကက့ၤဘးအံာ်စီၤပီလူးဒဳ ယရူၤၡလ့ၣ်အူးပူၤနဳၤ. မၤနဲၢ်မၱာ်စဲာ်တစီာ်အီၣ် တီၤလီၤ အကဇီၤအိးကၱာ်မဲၤသံလၢ်ဝၤဒဳကျဲး လီၤနဳၤ. 4မၱာ်စီၤဖ့စတူးဒီၣ်ရှံက့ၤစဲာ်တစီာ် ထဲၢ် စီၤပီလူးကဘဲာ်တိၤအံာ်ဒဳ ကဲၤစါရံၤအူးပူၤ နဳၤကၱာ် စဲာ်သဲန့ၤကက့ၤဘးပျါတပွဲးဒဳနဳၤနဳၤ. 5စဒီၣ်ဝ့ၤလၢ်ဝၤ, “သံအဲအခဳးအန့ၤကလၤ ကိာ်ဒီဧဲၤယကါ ဒဳကဲၤစါရံၤအူးနဳၤ, ကၱာ်ဒီယတပာ်ထၱးကဲၤပၠၤအနဳၤတပွဲၤအတဲၤကမဲာ် ထဲၢ်သံ ဆးဝဲၢ်စလီၤနဳၤတမံနီး,” စဒီၣ်ကဲၤလၢ်ဝၤတစီာ် ဓဳၤ.
6စီၤဖ့စတူးအီၣ်ကိာ်ဝ့ၤဝှါစကါ အသဲလွံၢ်သိး, အဓဳၤကဓူမၱာ် အသဲရှံးဒဳၣ်, စက့ၤ လၤကဲၤဒဳ ကဲၤစါရံၤအူးကၱာ်အသဲတနံၤ စလ့ၤ ဆးနါလၤအီၣ်ဝှါဒဳတဲၤစံးရးအလ့ၤဒဳၣ်, စနှးပၠၤ လ့ၤအံာ်စီၤပီလူးဒဳစလှီမီၢ်နဳၤ. 7စီၤပီလူး ပီာ်ထာ်လီၤ, ယူဒၤဖဳးအအီၣ်ဒဳယရူၤၡလ့ၣ် အူး ကၱာ်အထာ်ကဲၤတစီာ် လ့ၤအီၣ်ခွဲဘးကဲၤစဲာ်ကၱာ် ဆးဝဲၢ်ကဲၤစလီၤတဲၤကမဲာ်အမဳအမဳၤ, အခၣ်ထၱး ခးဘီတအီၣ်နီးတစီာ်နဳၤ. 8မၱာ်စီၤပီလူးနဳၤ စထဳးလှိကဲၤစန့ၤကယဳၤ, “ယတမဲၤကဲၤတဲၤကမဲးအထာ်ဒ့ဒီၣ်ယူဒၤဖဳးအတဲၤမှဲးလၤမၱာ်ဝၱၤ, တဲၤ လှူၣ်ရှံၣ်အတဲၤမှးလၤမၱာ်ဝၱၤ, ကၱာ်ရိမ့ၤအဆးဖြး ဓဳၤမၱာ်ဝၱၤတမံနီး,” စဒီၣ်ဓဳၤ.
9ပရၤဆါစီၤဖ့စတူးသးအဲးမဲၤယူဒၤ ဖဳးတစီာ်အမူၢ်ကါဒဳၣ်, စဒီၣ်ကဲၤစီၤပီလူးကယဳၤ, “နသးအီၣ်တပွဲးအကထာ်ဒဳယရူၤလ့ၣ်အူးကၱာ် ခးတဲၤစံးရးယလှီမီၢ်နဳၤဧါ,” စဒဲလၢ်ဝၤဓဳၤ.
10စီၤပီလူးဒီၣ်ရှံက့ၤစဲာ်, “ယဆီထဳးအီၣ်ဒဳ ရိမ့ၤအဆးဖြးဓဳၤအတဲၤစံးရး အလ့ၤနဳၤအခဳးအစဲ, ဘဲာ်ကၱာ်ယကဘဲာ်တဲၤစံး ရးဒဳနဳၤလီၤ. အစာ်ဘိနသၱာ်ဟဲအဓ့နဳၤ, ယတမဲၤ ကမဲးကဲၤယူဒၤဖဳးတမံနီး. 11ဘ့ာ်မ့ယကမဲၤနံၤကဲၤတဲၤကမဲာ်တမံၤမံၤဒဳၣ်, ယတတၤ တပွဲးတဲၤလှိထာ်တဲၤသံနီး. ပရၤဆါတဲၤဆးယီၤ ယဲၤအဝၱၤအကဲကတအီၣ်မၤနီးဒဳၣ်, တဲၤအံာ်လၤ ဖျီးမံယဲၤဒဳစဲာ်တစီာ်အစူးခီးပူၤနဳၤအဆဲးတအီၣ်မဲၤ နီး. ယတၤတဲၤစံးရးဒဳရိမ့ၤအဆးဖြးဓဳၤ အစူးခီး ပူၤနဳၤ,” စဒီၣ်ကဲၤဓဳၤ.
12အနဳၤဒဳၣ်, စီၤဖ့စတူးတၤတဲၤကဳ တဲၤကၠးဒဳစအဲအခဳးအန့ၤတစီာ်အီၣ်ကၱာ် ဒီၣ်ကဲၤ စဲာ်, “နတဲာ်ထာ်ကဲၤဒဳရိမ့ၤအဆးဖြးဓဳၤအအီၣ် ထဳ. မဲၤကနဳၤ နဘဲာ်လ့ၤဒဳစအီၣ်လီၤ,” စဒီၣ်လၢ်ဝၤဓဳၤ.
စီၤပီလူးဒဳဆးဖြးအကြံးပၤကၱာ်နီၢ်ဘ့ၤနံက့ၤအလှီမီၢ်
13တအီၣ်ယၱၢ်အီၣ်ကၠးနီး, ဆးဖြးအကြံးပၤကၱာ် နီၢ်ဘ့ၤနံက့ၤလ့ၤပိာ်ဒဳထၱးကဲၤစီၤဖ့း စတူး ဒဳကဲၤစါရံၤအူးနဳၤ. 14စအီၣ်ကဲၤဒဳ နဳၤအနံၤအသဲပွ့တမံၤကၱာ်စီၤဖ့စတူးဒီဆးကဲၤလၢ် ဝၤစီၤပီလူးအဝၱၤအကဲ, စဒီၣ်, “စီၤဖ့လၱးဘဲနံၢ် ပၠၤတဲၤကၱတၱၢ်ပူၤအီၣ်ကဲၤတပွဲၤ, 15ကၱာ် ဘ့ယအီၣ်ဝ့ၤယရူၤၡလ့ၣ်အးပူၤအခၠၱးနဳၤ, ယူဒၤ ဖဳးအပၠၤလှူၣ်တဲၤအဓဳၤ ကၱာ်အဓဳၤအပွ့ၤတစီာ် လ့ၤတဲာ်ထာ်တဲၤမှူဒဳယအီၣ်နဳၤ ကၱာ်တၤကဲၤစတဲၤသံ. 16မၱာ်ယဒီဆးစဲာ်တစီာ် ရိမ့ၤဖဳး အနူၤအဒီထဲၢ်အဘဲာ်ဆးယီၤတပွဲၤကတတရၤ ဝှါအဆးယီၤစဲာ်တစီာ်နီးအသူသရ့ကတစံးရးစဲာ် နီးနဳၤ. 17မဲၤကနဳၤ စဲာ်တစီာ်လၤကိာ် ကဲၤယကါကၱာ် အလ့ၤကါတနံၤလီၤ, ယလ့ၤဆး နါလၤအီၣ်ကဲၤဒဳတဲၤစံးရးအလ့ၤနဳၤကၱာ် မဲၤအလ့ၤကါတနံၤလီၤ, ယနှးစဲာ်တစီာ်အကလ့ၤ အံာ်ပၠၤခဳနဳၤတပွဲၤဒဳယအီၣ်နဳၤ. 18ပၠၤအဆးယီၤစဲာ်တစီာ်ဝဲၢ်ထဳးကဲၤ, မၱာ်စတဒီၣ်ထာ်တဲၤ ကမဲးယကမဳၤတစီာ်နဳၤတမှိနီး. 19မၱာ်စတရၤလၢ်ဝၤအဘဲာ်ကၠးစတဲၤသဘူၣ်သဘဲကၱာ် ပၠၤအမံၤမၱာ်ယ့ၣ်ရှူး, ထဲၢ်အသံကဲၤတပွဲၤ, မၱာ် စီၤပီလူးဒီၣ်စအီၣ်သမိဝ့ၤနဳၤ. 20ယတစံး ရးဖးမ့ၤကဲာ်ထာ်တဲၤမှူအယဳၤနီးဒဳၣ်, ယဒဲစာ်ကဲၤ စဲာ်ထဲၢ်စကထာ်ဇၤပီၢ် ယရူၤၡလ့ၣ်အူးကၱာ် ခးတဲၤစံးရးနဳၤဧါနဳၤ. 21မၱာ်စီၤပီလူးသး အဲးနံၤဆးဖြးဓဳၤသဲန့ၤကစံးရးနံၤစဲာ်တဲၤမှူအယဳၤ နဳၤဒဳၣ်, ယမှဲးလၤကဲၤစဲာ် အကအီၣ်ဆိဧိၢ်ထိ ယသဲလ့ၤစဲာ်ဒဳ ဆးဖြးဓဳၤအီၣ်နဳၤ.”
22ဆးဖြးအကြံးပၤဒီၣ်ကဲၤ စီၤဖ့စတူး, “ယသးအဲးဆီးခ့န့းတပွဲးပၠၤ အယဳၤ တပွဲၤ အတဲၤမှူ, စဒီၣ်လၢ်ဝၤဓဳၤ.
“မီၤဗ့တနံၤ, ဆီးခ့န့းဒီဧဲၤစဲာ်,” စဒီၣ်ရှံက့ၤ ကဲၤလၢ်ဝၤဓဳၤ.
23အလ့ၤကါတနံၤ, ဆးဖြးအကြံး ပၤကၱာ်နီၢ်ဘ့ၤနံက့ၤလ့ၤနံၢ်ကဲၤ တဲၤစံးရးအရှံၣ် ဒဳးပူၤ, ပျဳာ်ပျဳာ်ကၱာ်မၢ်ဓဳၤကၱာ်အန့ၤဓဳၤသးပွ့ၤတစီာ်နဳၤ, ကၱစီၤဖ့စတူးနှးကဲၤပၠၤလ့ၤအံာ်စီၤပီလူး. 24ဘ့နဳၤစီၤဖ့စတူးဒီၣ်ကဲၤ, “အဳဆးဖြး အကြံးပၤကၱာ်ပၠၤအအီၣ်ကိာ်ဝၤကါဘ့ယဳၤလဳစါစဲး, သံစာ်ထၱးတပွဲးဒဳ သံလှီမီၢ်ယဳၤ ပၠၤထဲၢ်ယူဒၤဖဳး တစီာ်တၤကဲၤယဲၤ ဒဳယရူၤၡလ့ၣ်အူးကၱာ်ဘ့ ယဳၤယဳၤ, သံတြးပဳၤကလၢ်ကဲၤထဲၢ် စကတအီၣ်ဘဲာ်ပၠၤနီးနဳၤ. 25ဒဳယဲၤတခီဘဲာ်နဳၤ, အဘဲာ်သးတပွဲးယဲၤဒဳစတဲၤကမဲာ်ဓဳၤထိ ကၱာ်အကဘဲာ်သံတအီၣ်တမံနီးအစဲနဳၤ, ပရၤ ဆါစတၤကဲၤအကလ့ၤဒဳ ဆးဖြးဓဳၤအလှီ မီၢ်နဳၤ အခဳးအစဲ, ယပဲၢ်လၤထဳယသး အကသဲလ့ၤ စဲာ်. 26ပရဓဆါ ယတဝှ့းဒီဆးဆးဖြးဓဳၤ စဝၱၤစကဲလၤတံၤလၤဆ့းတမံနီး. ကနဳၤအခဳးအစဲယယဳၤလ့ၤကီစဲာ်ဒဳ သံလဳစါစဲးအလှီမီၢ်နဳၤ. ဒဳၣ်ချဳဒဳဆးဖြးအကြံးပၤအလှီမီၢ်ယဳၤစာ်ဘိထဲၢ်ဒဳ တဲၤထိးစာ်ဒဲစာ်အကျဲ, ယမီၤဝှ့းကအီၣ်ကီပီၢ် တမံၤမံၤနဳၤ. 27ယကမဳၤဒဳ ယကဒဲလၱၢ် ထာ်တဲၤအမီၤစံးရး ကတအီၣ်မၤတမံနီးမၱာ် ကသဲလ့ၤတဲၤကၱတၱၢ်ဖဳးတပွဲၤ အထာ်ပဳၤထာ်ဘါ တအီၣ်နီးအစဲနဳၤ,” စဒီၣ်ကဲၤဓဳၤ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.