JOHAN 15
15
Zingsuv Ca Mingsuv Kung Hmisipa Tana A Cuo
1“Kama ca mingsuv kung hmisipa ta cuo angte i paa ca mingsuv diedung a hnyituv ta a cuo. 2Kama chunglie a thyi a pathyi lipa ce bangkhuo kha a pasepathla diy. A thyi a pathyipa ce mekaa kha a pathyi hryly riypata a pathe. 3Niema ca kama ica changpa yi bie khata aca pathe sa diy tli yi. 4Kama hne a pazue ung la kama zaw niema kha icaa pazue ra'a yi. Mingsuv ce ca a kungpuvnung lie aa pazue li kieca amata tah a pathyi khu lipa haata niema zaw kama chunglie nama aw li kieca niemata tah thyi pathyi khu'a va ung ciy. 5Kama ca mingsuv kung cuo angte niema ca a ce tana nama cuo. Ahunghmuo cuose kama chunglie aw te kama zaw ama chunglie i aw kieca thyi a hluvsa a pathyi aa, tahematapakieca kama li pata ca nama tue khupa khaapahmuo aw vyi. 6Kama chunglie a aw lipa ca mingsuv ce caapa haa khata ale luo thaw pata nama cuo aa. Cahaapa a ce zaw ca pahmya yi te myi luo kha thaw yi te a kuo diy. 7Kama chunglie aw ung cate i bie kha nama chunglie a aw kieca, nama khingpa bangkhuo kha naa hie ung la tuepa pata nama cuo aa. 8Thyi a hluvsa nama pathyina thue hingta i Paa rungnaana kha paluo sa ung cate kama naa ziytuv nama cuonapa ta a cuo. 9Paa ta ina duepa haata kama ta ica due ra yi; i duena chunglie hing aw tie ung. 10I Paa phungbie kha ziy angte a duena chunglie i awpa haa hingta i phungbie nama ziy pata a cuo kieca i duena chunglie hing nama aw aa. 11I palungtluona kha nama chunglie aw te namaa lawna ca a tling riypata hingpa bie hing ica chang yi.
12 #
Jhn 13.34; 15.17; 1Jhn 3.23; 2Jhn 5 “I nawbie ca hingpa hing tana a cuo. Kama ta niema ica duepa yi haa hingta pakha hne pakha kha a due ra tie ung. 13Viesaa cuota hringna a pipa duena laa hingta a le viepa duena ca ahungtahmuo hnyi vyi. 14Ica changpa yi hing nama tue kieca i viesaa ta nama cuo. 15Niema ca changtaapa#15.15 Gk sii ca ta va tli yi ang, tahematapakieca changtaapa ta ca a byipaapa ta khaapama a tue tapa kha pachang vyi. Cuorasala kama ta ca viesaa ica ta yi; tahematapakieca i Paa'a taata i thyipa mekaa kha ica pachang sa diy yi. 16Niema ta naa tlaw va ung ciy, cuorasala kama na caa tlaw yi ang. Kama ming ta ama'a luo nama hiepa bangkhuo kha Paa ta aca pi riypa yi ta aa hmangpa thyi kha va pathyi tie ung ta pata re ica chang yi. 17Niema pakha hne pakha namaa due riypa tana hingpa nawbie zaw hing ica pi yi.
Chuelyi Ta Aca Hue'a Yi
18“Chuelyi ta aca hue kie yi ca, niema aca hue hluo yi ta kama na ina hue taa yi tapa kha pachang tie ung. 19Chuelyi huopa ta cuo ung la ca chuelyi hingta a huopa haata aca duesa'a yi. Cuorasala kama ta chuelyi taa hingta caa tlaw yi angte a huopa nama cuo li tli nakawta chuelyi ta aca hue yi. 20#Mat 10.24; Luk 6.40; Jhn 13.16'Changtaapa tie ca ama byipaapa laata le vie buo va yi,’ ica tapa yi i bie kha a thyi tie ung. Iema ta kama kha ina hrisaa kie yi ca niema zaw aca hrisaa ra'a yi; kama bie kha ama ziy kieca niema bie zaw kha ama ziy ra aa. 21Cuorasala kama cawsaa nama cuo nakawta hingpa hmang bangkhuo hing nama cunglieta ama tue aa, tahematapakieca kama naa pathlietuv kha pachang va yi. 22Iema'a luo a vaw li pata hne iema kha bie chang li pata aw ang sala ama cunglie suena aw'a vyi, cuorasala ata hing ca sue a ngiethe khu pata cuo'a va yi. 23Kama naa huepa mekaa ca i Paa zaw kha ama hue ra. 24Ahungtahmuo ama tue buo lipa hing iema hrawlie tue li pata za aw ang sala ama suena aw'a vyi. Cuorasala ata hing ca i tuepa kha hmung yi te kama hne i Paa hneta malie ama hue. 25#Slm 35.19; 69.4 ‘Khaapa bie hmuo aw li pata na ina hue yi,’ ta pata ama phungbie chunglie aa capepa bie a tlingna riypa tana a cuo.
26“I Paa'a taata niema'a luo i za pathlie riypa Byatuv, biehmisi Thlaapa a vaw'a te kama kaw kha tehte a khuo aa. 27Niema zaw a hruothu taata kama'a lie a awpa nama cuo nakawta kama cuopa ta tehte nama khuo ra aa.
Currently Selected:
JOHAN 15: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
JOHAN 15
15
Zingsuv Ca Mingsuv Kung Hmisipa Tana A Cuo
1“Kama ca mingsuv kung hmisipa ta cuo angte i paa ca mingsuv diedung a hnyituv ta a cuo. 2Kama chunglie a thyi a pathyi lipa ce bangkhuo kha a pasepathla diy. A thyi a pathyipa ce mekaa kha a pathyi hryly riypata a pathe. 3Niema ca kama ica changpa yi bie khata aca pathe sa diy tli yi. 4Kama hne a pazue ung la kama zaw niema kha icaa pazue ra'a yi. Mingsuv ce ca a kungpuvnung lie aa pazue li kieca amata tah a pathyi khu lipa haata niema zaw kama chunglie nama aw li kieca niemata tah thyi pathyi khu'a va ung ciy. 5Kama ca mingsuv kung cuo angte niema ca a ce tana nama cuo. Ahunghmuo cuose kama chunglie aw te kama zaw ama chunglie i aw kieca thyi a hluvsa a pathyi aa, tahematapakieca kama li pata ca nama tue khupa khaapahmuo aw vyi. 6Kama chunglie a aw lipa ca mingsuv ce caapa haa khata ale luo thaw pata nama cuo aa. Cahaapa a ce zaw ca pahmya yi te myi luo kha thaw yi te a kuo diy. 7Kama chunglie aw ung cate i bie kha nama chunglie a aw kieca, nama khingpa bangkhuo kha naa hie ung la tuepa pata nama cuo aa. 8Thyi a hluvsa nama pathyina thue hingta i Paa rungnaana kha paluo sa ung cate kama naa ziytuv nama cuonapa ta a cuo. 9Paa ta ina duepa haata kama ta ica due ra yi; i duena chunglie hing aw tie ung. 10I Paa phungbie kha ziy angte a duena chunglie i awpa haa hingta i phungbie nama ziy pata a cuo kieca i duena chunglie hing nama aw aa. 11I palungtluona kha nama chunglie aw te namaa lawna ca a tling riypata hingpa bie hing ica chang yi.
12 #
Jhn 13.34; 15.17; 1Jhn 3.23; 2Jhn 5 “I nawbie ca hingpa hing tana a cuo. Kama ta niema ica duepa yi haa hingta pakha hne pakha kha a due ra tie ung. 13Viesaa cuota hringna a pipa duena laa hingta a le viepa duena ca ahungtahmuo hnyi vyi. 14Ica changpa yi hing nama tue kieca i viesaa ta nama cuo. 15Niema ca changtaapa#15.15 Gk sii ca ta va tli yi ang, tahematapakieca changtaapa ta ca a byipaapa ta khaapama a tue tapa kha pachang vyi. Cuorasala kama ta ca viesaa ica ta yi; tahematapakieca i Paa'a taata i thyipa mekaa kha ica pachang sa diy yi. 16Niema ta naa tlaw va ung ciy, cuorasala kama na caa tlaw yi ang. Kama ming ta ama'a luo nama hiepa bangkhuo kha Paa ta aca pi riypa yi ta aa hmangpa thyi kha va pathyi tie ung ta pata re ica chang yi. 17Niema pakha hne pakha namaa due riypa tana hingpa nawbie zaw hing ica pi yi.
Chuelyi Ta Aca Hue'a Yi
18“Chuelyi ta aca hue kie yi ca, niema aca hue hluo yi ta kama na ina hue taa yi tapa kha pachang tie ung. 19Chuelyi huopa ta cuo ung la ca chuelyi hingta a huopa haata aca duesa'a yi. Cuorasala kama ta chuelyi taa hingta caa tlaw yi angte a huopa nama cuo li tli nakawta chuelyi ta aca hue yi. 20#Mat 10.24; Luk 6.40; Jhn 13.16'Changtaapa tie ca ama byipaapa laata le vie buo va yi,’ ica tapa yi i bie kha a thyi tie ung. Iema ta kama kha ina hrisaa kie yi ca niema zaw aca hrisaa ra'a yi; kama bie kha ama ziy kieca niema bie zaw kha ama ziy ra aa. 21Cuorasala kama cawsaa nama cuo nakawta hingpa hmang bangkhuo hing nama cunglieta ama tue aa, tahematapakieca kama naa pathlietuv kha pachang va yi. 22Iema'a luo a vaw li pata hne iema kha bie chang li pata aw ang sala ama cunglie suena aw'a vyi, cuorasala ata hing ca sue a ngiethe khu pata cuo'a va yi. 23Kama naa huepa mekaa ca i Paa zaw kha ama hue ra. 24Ahungtahmuo ama tue buo lipa hing iema hrawlie tue li pata za aw ang sala ama suena aw'a vyi. Cuorasala ata hing ca i tuepa kha hmung yi te kama hne i Paa hneta malie ama hue. 25#Slm 35.19; 69.4 ‘Khaapa bie hmuo aw li pata na ina hue yi,’ ta pata ama phungbie chunglie aa capepa bie a tlingna riypa tana a cuo.
26“I Paa'a taata niema'a luo i za pathlie riypa Byatuv, biehmisi Thlaapa a vaw'a te kama kaw kha tehte a khuo aa. 27Niema zaw a hruothu taata kama'a lie a awpa nama cuo nakawta kama cuopa ta tehte nama khuo ra aa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.