JOHAN 14
14
Zingsuv Ca Paa'a Luo Sina Luopuv Tana A Cuo
1“Pathiypalung rie thyi pata aw khah ung. Khazing kha zang ung la kama zaw hing na zang tie ung. 2I Paa ing lie awna riypa a khuo a hluvsa a aw. Cahaacata a cuo li kieca, niema awna hmang tue daw riypa tana i si, ica ta'a yi ma? 3Si'a angte nama awna riypa hmang ica tue daw khutaa yi ta za kaa pakhaa'a angte kama awna lie nama aw ra riypata niema kha kama'a luo ica la'a yi. 4I sina hmang luo a chiypa luopuv ca nama pachang,” a ta yi. 5Thomas ta, “Abyipa, khaapa luo ma na si tapa kha pachang vapuv. Tuokhaatama luopuv ca ma pachang the aa?” a ta. 6Zingsuv ta, “Kama ca luopuv, hne biehmisipa, hne hringna ta i cuo. Kama'a taata ta li pata ahunghmuo i Paa'a luo chiy the va yi. 7Kama kha ina pachang kie ungca ca i Paa zaw kha nama pachang aa. Ata taa hingta ca ama kha pachang ung cate nama hmung mangtli” a ta yi.
8Filip ta, “Abyipa, na Paa ca malie pahmung la ma palung a tlingsa aa,” a ta. 9Zingsuv ta, “Niema'a lie cuo pasiypuv i aw tli, ata tepa ta na pachang va ca ma, Filip? Kama naa hmungpa ca i Paa kha a hmung mangtli. Tuokhaatama ‘Paa kha malie pahmung tie,’ na ta? 10Kama ca i Paa chunglie aw angte i Paa ca kama chunglie a awpa hing pachang va ca ma? Ica changpa yi bie hing kama palungchiy ta i ripa cuo vyi; i chunglie a awpa i Paa rehriena tana a cuo. 11Kama ca i Paa chunglie aw angte i Paa ca kama chunglie a awpa kha zang tie ung; nama zang li kie zawma i tuepa hmang thue hingta na zang tie ung. 12Biehmisi tana ica chang yi, Kama naa zangpa ca i tuepa hmang hing tue khu ra'a yi te hingpa laa hingta a le viepa hmang hmuota ama tue aa, tahematapakieca i Paa'a luo kha i si'a nakawta a cuo. 13Paa ta Sacapaa thueta rungnaana a hmung riypata kama ming ta nama hiepa bangkhuo kha i tue aa. 14Khaapahmuo cuose i ming ta kama'a lie nama hiepa mekaa ca i tue aa,” a ta.
Thlaapa Pathe Pi Riypata Biekuona
15“Ina due kie ungca ca i nawbie kha nama ziy aa. 16Paa kha hie'a angte niema'a lie chuozaa ta caa awkhyi riypa yi Byatuv hrangpa kha aca pi'a yi. 17Ama ca biehmisipa Thlaapa, chuelyi ta a cuhluo khu lipa ta a cuo, tahematapakieca ama ca chuelyi ta a hmung buo li nakaw hne a pachang buo li nakawta a cuo. Ama ca niema'a lie aw te, niema chunglie a aw'a nakawta niema ta ca ama kha nama pachang.
18“Niema dyise ta haaraata haata ca thuse'a va yi ang, niema'a luo i vya kaa pakhaa aa. 19A cawta a aw pata chuelyi ta ca na hmung'a va tli, cuorasala niema ca ina hmung'a ung ciy; kama i hring nakawta niema zaw nama hring ra aa. 20Capa ning thue ca ta kama ca i Paa chunglie i awpa kha cuose, kama chunglie niema nama awpa hne niema chunglie kama i awpa kha nama pachang aa. 21I nawbie kha cuhluo te a ziypa ca kama naa duepa ta ama cuo. Kama naa duepa tie ca i Paa ta a due ra'a yi, kama zaw ta due ra'a yi angte iema'a lie kha i phu aa,” a ta. 22Judas Iskariot a cuo lipa Judas ta, “Abyipa, chuelyi ming cunglie a phu li pata kiema'a lie dyi naa phu riypa ca tuokhaatama a cuo?” a ta. 23Zingsuv ta, “Kama naa duepa ca i bie kha a ziy aa. I Paa ta iema kha due'a yi te iema'a luo kha a vaw'a pate iema hne khy ma sa hne aa. 24Kama naa due lipa ca i bie kha ziy vyi. Nama thyipa bie hing kama bie ta cuo vyi, kama naa pathlietuv Paa bie tana a cuo.
25“Niema'a lie i aw ningta hingpa bangkhuo hing ica chang yi. 26Cuorasala i Paa ta kama ming ta a za pathlie riypa Byatuv Thlaapa Pathe ta hmangting kha ca pacuv'a yi te ica changpa bangkhuo yi kha aca pathyi sa pakhaa'a yi. 27Thlaalungna na ica chipa siy yi; kama thlaalungna na ica pi yi. Chuelyi ta aca pipa haa yi ta ca pi va yi ang. Nama palung rie thyi khah se, ciyna zaw hnyi khah ung. 28‘Ica sise'a yi, cuorasala i vya kaa pakhaa aa,’ ica tapa yi kha nama thyi. Kama kha ina due kie ungca ca i Paa'a luo i sipa kha namaa law aa, tahematapakieca i Paa ca kama laata a le vie. 29A vya cuo hmisi thueta nama zang thena riypata a vya cuo hluota ica chang pacie yi. 30Niema hneta bie a syi ri the'a va tli ang, tahematapakieca hingpa chuelyi a uvtuv ca aa vaw nguoluo tli. Ama ca i cunglie nawhnyina khaapahmuo hnyi vyi, 31cuorasala chuelyi ming ta Paa i duepa kha ama pachangna riypata Paa ta ina changpa haa khata i tue. Thu tie ung, cakuo'a ung puv, a ta yi.
Currently Selected:
JOHAN 14: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
JOHAN 14
14
Zingsuv Ca Paa'a Luo Sina Luopuv Tana A Cuo
1“Pathiypalung rie thyi pata aw khah ung. Khazing kha zang ung la kama zaw hing na zang tie ung. 2I Paa ing lie awna riypa a khuo a hluvsa a aw. Cahaacata a cuo li kieca, niema awna hmang tue daw riypa tana i si, ica ta'a yi ma? 3Si'a angte nama awna riypa hmang ica tue daw khutaa yi ta za kaa pakhaa'a angte kama awna lie nama aw ra riypata niema kha kama'a luo ica la'a yi. 4I sina hmang luo a chiypa luopuv ca nama pachang,” a ta yi. 5Thomas ta, “Abyipa, khaapa luo ma na si tapa kha pachang vapuv. Tuokhaatama luopuv ca ma pachang the aa?” a ta. 6Zingsuv ta, “Kama ca luopuv, hne biehmisipa, hne hringna ta i cuo. Kama'a taata ta li pata ahunghmuo i Paa'a luo chiy the va yi. 7Kama kha ina pachang kie ungca ca i Paa zaw kha nama pachang aa. Ata taa hingta ca ama kha pachang ung cate nama hmung mangtli” a ta yi.
8Filip ta, “Abyipa, na Paa ca malie pahmung la ma palung a tlingsa aa,” a ta. 9Zingsuv ta, “Niema'a lie cuo pasiypuv i aw tli, ata tepa ta na pachang va ca ma, Filip? Kama naa hmungpa ca i Paa kha a hmung mangtli. Tuokhaatama ‘Paa kha malie pahmung tie,’ na ta? 10Kama ca i Paa chunglie aw angte i Paa ca kama chunglie a awpa hing pachang va ca ma? Ica changpa yi bie hing kama palungchiy ta i ripa cuo vyi; i chunglie a awpa i Paa rehriena tana a cuo. 11Kama ca i Paa chunglie aw angte i Paa ca kama chunglie a awpa kha zang tie ung; nama zang li kie zawma i tuepa hmang thue hingta na zang tie ung. 12Biehmisi tana ica chang yi, Kama naa zangpa ca i tuepa hmang hing tue khu ra'a yi te hingpa laa hingta a le viepa hmang hmuota ama tue aa, tahematapakieca i Paa'a luo kha i si'a nakawta a cuo. 13Paa ta Sacapaa thueta rungnaana a hmung riypata kama ming ta nama hiepa bangkhuo kha i tue aa. 14Khaapahmuo cuose i ming ta kama'a lie nama hiepa mekaa ca i tue aa,” a ta.
Thlaapa Pathe Pi Riypata Biekuona
15“Ina due kie ungca ca i nawbie kha nama ziy aa. 16Paa kha hie'a angte niema'a lie chuozaa ta caa awkhyi riypa yi Byatuv hrangpa kha aca pi'a yi. 17Ama ca biehmisipa Thlaapa, chuelyi ta a cuhluo khu lipa ta a cuo, tahematapakieca ama ca chuelyi ta a hmung buo li nakaw hne a pachang buo li nakawta a cuo. Ama ca niema'a lie aw te, niema chunglie a aw'a nakawta niema ta ca ama kha nama pachang.
18“Niema dyise ta haaraata haata ca thuse'a va yi ang, niema'a luo i vya kaa pakhaa aa. 19A cawta a aw pata chuelyi ta ca na hmung'a va tli, cuorasala niema ca ina hmung'a ung ciy; kama i hring nakawta niema zaw nama hring ra aa. 20Capa ning thue ca ta kama ca i Paa chunglie i awpa kha cuose, kama chunglie niema nama awpa hne niema chunglie kama i awpa kha nama pachang aa. 21I nawbie kha cuhluo te a ziypa ca kama naa duepa ta ama cuo. Kama naa duepa tie ca i Paa ta a due ra'a yi, kama zaw ta due ra'a yi angte iema'a lie kha i phu aa,” a ta. 22Judas Iskariot a cuo lipa Judas ta, “Abyipa, chuelyi ming cunglie a phu li pata kiema'a lie dyi naa phu riypa ca tuokhaatama a cuo?” a ta. 23Zingsuv ta, “Kama naa duepa ca i bie kha a ziy aa. I Paa ta iema kha due'a yi te iema'a luo kha a vaw'a pate iema hne khy ma sa hne aa. 24Kama naa due lipa ca i bie kha ziy vyi. Nama thyipa bie hing kama bie ta cuo vyi, kama naa pathlietuv Paa bie tana a cuo.
25“Niema'a lie i aw ningta hingpa bangkhuo hing ica chang yi. 26Cuorasala i Paa ta kama ming ta a za pathlie riypa Byatuv Thlaapa Pathe ta hmangting kha ca pacuv'a yi te ica changpa bangkhuo yi kha aca pathyi sa pakhaa'a yi. 27Thlaalungna na ica chipa siy yi; kama thlaalungna na ica pi yi. Chuelyi ta aca pipa haa yi ta ca pi va yi ang. Nama palung rie thyi khah se, ciyna zaw hnyi khah ung. 28‘Ica sise'a yi, cuorasala i vya kaa pakhaa aa,’ ica tapa yi kha nama thyi. Kama kha ina due kie ungca ca i Paa'a luo i sipa kha namaa law aa, tahematapakieca i Paa ca kama laata a le vie. 29A vya cuo hmisi thueta nama zang thena riypata a vya cuo hluota ica chang pacie yi. 30Niema hneta bie a syi ri the'a va tli ang, tahematapakieca hingpa chuelyi a uvtuv ca aa vaw nguoluo tli. Ama ca i cunglie nawhnyina khaapahmuo hnyi vyi, 31cuorasala chuelyi ming ta Paa i duepa kha ama pachangna riypata Paa ta ina changpa haa khata i tue. Thu tie ung, cakuo'a ung puv, a ta yi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.