اوّل 16
16
هدیه اِن مقدسون را
1حِسَه هدیه اون جمع آکَردِه درباره، مقدسون را: شِمَه نی اَ چیی اَنجام بِدییَه که غَلاطیه کلیسا اون نَه واتَمَه. 2هَر هَفته اوّلین روزی کا، هَر کمیله شِمَه کا، بَسی اِشتَن درآمدی کا، روکَته ای بِنَه کنار و اِشتَن را غَم بَرِه، تا موقعی که از بومَیم شِمَه وَر، دِ لازِم مَبو هدیه اون جمع آکَرَه. 3وختی اومیمَه، بِه کسونی که اِعتماد دارَه معرفی نامه اونی آدَم و اَوون شِمَه هِدیه اون نَه ویسا آکَرِم اورشلیمی شهری را. 4اَگم صَلاح بِبو که از اِشتَن نی بِشوم، اِنتَه اَوِن نی مِنه بومَین.
نَخشَه اِن سَفری را
5مقدونیه ولایتی کا دَوییَردِه پَش بومَیم شِمَه وَر، چوم مقدونیه کا دَوییَرِم. 6شاید روکتِه ای شِمَه وَری کا بومونِم، و یا حتی تمون زوموستون نی شِمَه نَه بومونِم، تا هَر جِگا که بَشیم چِمِن سفری را مِن کمک بِکَرَه. 7چوم نِپیستِمَه حِسَه راه دیلَه کا شِمَه بِوینِم؛ بَلکَم اُمید هِستِمَه، اَگم خِداوند بِپی، چَن وخت شِمَه نَه بومونِم. 8امّا تا پِنتیکاستی عَید اَفِسُسی شهری کا بَمَندیم. 9چوم ایلَه یالَ دروازه ای، خِدمتی را چِمِن دیمی کا آبَه که وِر فایدَه هِستِشه، و دِشمَندِن نی وِری نَه.
10وختی تیموتائوس اومَه، اَیینه جوری رفتار بِکَرَه که شِمَه دیلَه کا هیچ نِگرانی مَدارِه. چوم که اَ نی چِمِن شیوار خِداوندی کاری اَنجام بَدای؛ 11بَس هیچکس اَیی روک بِه حساب مَواَرِه. اَئی سلامتی نَه سَفری را رایی بِکَرَه تا آگَردِه چِمِن وَر؛ چوم از و بِرااِن چَیی چِم بِه راه ایمونه.
آخِرین نصیحَتِن
12حِسَه چَمَه بِرا آپولُسی درباره، اَئی کا وِر پیستِمَه که اَ ایلَه بِرااون نَه با شِمَه وَر، امّا هیچ جورَه راضی نِبَه که حِسَه با. هَر موقع که فُرصت بِدارِه بومَی.
13شِمَه هَواس جَمع بِبو؛ ایمانی کا پابَرجا بومونَه؛ مِرد بِبییَه و قوی بِبییَه. 14شِمَه کارِن گِرد محبتی نَه بِبون.
15بَزنیرون که اِستِفاناسی خانواده اوّلین کسونی بینَه که اَخائیه ایالتی کا ایمان وَردِشونه، و اَوِن اِشتَن وقف خدمت بِه مقدسین کَردِشونه. اِی بِرااِن، شِمَه کا خواهیشت بَکَردیم، 16اِنتَه رَه کسون طابع بِبییَه و هِنتَه نی هَرکسی طابِع که اِم خدمتی کا همکاری بَکَردی و زحمت بَکَشدی. 17اِستِفاناس، فورتوناتوس و اَخائیکوسی اومِه کا شادیمَه، چوم شِمَه تِییَه جِگا پُور آکَردَشونه. 18چوم که اَوِن چِمِن روح و شِمَه روح، تازه آکَردِشونه. اِنتَه رَه کسون حُرمت بِکَرَه.
سلامِن
19آسیا کلیسااِن شِمَه را سلام دارِن. آکیلا و پْریسکیلا و کلیسایی نی که چَوون کَ کا بَرپا بَبی، خِداوندی کا شِمَه را گرمی نَه سلام دارِن. 20گِردِ بِرااونی که اییا کا اِستینه شِمَه را سلام دارِن. مقدّسَ ماچی نَه یَندی را سلام بِکَرَه.
21از، پولُس، چِمِن دَس خَطی نَه اِم سلامی شِمَه را بَنیویشتیم.
22لعنت بِه کسی که خِداوندی نَه خِش نییَه. چَمَه خِداوند، بِری!
23خِداوندْ عیسی فیض شِمَه نَه بِبو.
24چِمِن محبت مسیحِ عیسی کا شِمَه گِردی همراه بِبو. آمین.
Currently Selected:
اوّل 16: ITB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
