نامَه رومِه کلیسا را 7
7
شریعتک آزاد بیین
1ای براران، مگم نِزانسرا - چون کسانی نه لاوَه کرم که شریعت زانِنده - فقط تا وقتی که آدم زندیه شریعت چوه سر حکم کره؟ 2چون که مطابق شریعت، شُو داره زلییه تا وقتی که چَوه شو زنده اِسه، چوه وابسته اِسا. امّا اگم چَوه شو بِمَره، اَ زلیه شرعن اَوک آزاد بییه. 3پس اگم اَدمی که چَوه شو زنده اِسه، جدا مردکی نه بیبیه، زناکارا. امّا اگم چَوه شو بِمَره، اِم شریعتک آزادا، و اگم جِدا مردکینه ویوه بکریه، زناکار نیبییه.
4چِمه واسِنه، ای چِمن براران، شاما نی مسیحه بدنه واسطنه شریعتک مردران تا جِدا نفر نه وصلت بِکَرا، یانی اَونه که مردان دلَک زنده بِبه، تا خدا را ثمره بوعَرام. 5چون اَدمی که حلا آما جسمه دلک زندگی کرام، چاما هوا و هوس که گناه نه فت به، که شریعت واسطنه دیار آبیه به، چاما اعضا دلک کار کره تا مرگه را ثمر بوعرام. 6امّا اِسا آما شریعتک آزاد بییمان و اَ چی واسنه که چوه گرفتار بییمان بِمَردِمان، تا روح القدوسنه ایگله تازه راه دلک خدمت بکرام نه کوینه راهنه، که فقط ایگله نیویشته ای اِسه.
شریعت و گناه
7پس چِه باجام؟ مگم شریعت گناه اِسه؟ اصلا! با اِم حال اگم شریعت نِبه، نِزانسمانه که گناه چیه. چون اگم شریعت واتش نبِه «طمع مَکه»، نزانسردمانه که طمع کردن چیه. 8امّا گناه، شریعته اِم حکمه واسطه نه ایگله فرصتش پیدا بکه تا هر جور طمعی منک بوجود بوعره. چون شریعتک جِدا، گناه مَردَیِه. 9از ای زمانی شریعتک جِدا زِنده بِم؛ امّا وختی شریعته حکم بامه، گناه زنده بِبه و از بِمَردم. 10هَ حکمی که زندگی وعدش دیه به، چِمن مرگه باعث بِبه. 11چون گناه، شریعته حکمه واسطنه فرصتش پیدا بکه، منش وازی بدا و چَوه واسطه نه مَنش بُکوشتم. 12پس، شریعت مقدّس اِسه و شریعته حکم نی مقدّس، درست و چاکه.
13پس مگم اَ چی ای که چاک بِه، چِمن مرگه باعث بِبِه؟ هرگز! بلکم گناه اَ چی واسنه که چاک به، مرگش چِمن دلَکش به وجود بوعرده تا ایزه دیار بیبی که گناه، گناهه، و شریعته حکمه واسطنه دیار بیبی که گناهه پلیدی چنده بی حد و اندازیه.
14چون آما زانام که شریعت روحانی اِسته، امّا از جسمانیه آدمم و ایگله نوکر شوار خُورته بییِم گناهه. 15چیه را که از نزانسرم چِه کَردرم. چون اَ چی ای که گَمه نِکرم، بلکم اَ چی ای که اَوک نفرت دارم، انجام دَیم. 16اما اَگم اَ چی ای که نگمه، انجام دَیم، پس قبول کرم که شریعت چاکه. 17پس ایزه، دَ از نییِم که اَ کاره کرِم، بلکم اَ گناهی اِسه که چِمن دلَک اِسه. 18چون زانسرم که چِمن دلِک، یانی چِمن جسمه دلَک، هیچ چاکه چی ای نییه. چون گمه اَ چی ای که درسته انجام بِدیم، امّا نِتانم اَوه انجام بِدیم. 19چون اَ چاکه کاری که گَمه، نِکرم، بلکم اَ بده کاری که نِگمه، هی انجام دَیم. 20اِسا اگم کاری بکرم که نِگَمه انجام بدَیم، پس دَ از نییم که اَ کاره کَره، بلکم اَ گناهی اِسه که چِمن دلکه.
21پس اِم قانونه زانم که وختی گَمه چاکی بکرم، بدی چِمن دَسه وَرکه. 22چون از چِمن باطنه دلک خدا شریعتک کیف کرم، 23امّا علوده قانونی چِمن اعضاک وینِم که اَ شریعتی نه که چِمن عقل اَوه قبول کره، دعوا داره و من گناه شریعته اسیر کَره که چِمن اعضاک اِسه. 24آخ که چِه قربختَه آدمی اِسم! کیه که مَن اِم مَرده بدنک آزاد بکره؟ 25خدا را شکر - چاما خداوند عیسی مسیح واسطنه!
پس از چِمن عقلنه خدا شریعته نوکری کَرِم، امّا چِمن جسم نه گناه شریعته را نوکری کَرم.
Currently Selected:
نامَه رومِه کلیسا را 7: TIT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company