نامه، مسیحیانِ عبرانی نـژادِ ره 5
5
1چون هر تا پیله کاهن کی مردومِ میان انتخاب به، تعیین به تا اُ کارانِ درون کی خُدایَ ربط دَره مردومِ نماینده بِبه، تا گُنائانِ واسی پیشکشان و قربانی ئانی، خُدا ره تقدیم بُکونه. 2اون تانه نادانان و گمراهانِ مرا نرمی امرا رفتار بُکونه، چونکی اون خودش ضعف دَره. 3هنه واسی، اون بایستی خو گُنائانِ ره قُربانی فَده هُطوکی مردومِ ره فَدِه.
4و هیکّس خودش، نتانه اَ کاهنی اِفتخارَه خورَ فَده، بلکی اَ افتخار فقط اُ زمات کی خُدا اونَ دوخوانه اونَ فارَسه، هُطوکی هارونَ فارَسه. 5مسیح هم خودش، خورَه بجور نَبرد تا پیله کاهن بِبه، بلکی تعیین بُبوسته بواسطه اونکی اونَ بگفت:
تو می پسر ایسی؛
«ایمرو، من تَره مولود بُکودم.»
6هُطوکی اون ایتا جا دیگرئم گه:
« تو تا اَبد کاهن ایسی،
مِلْکیصِدِق رَدّه درون.»
7اُ روجانی کی عیسی جسم درون ایسابو، گریه ئانِ اَمرا و آرسو ئان و بلندِ ایژگره اَمرا اونِ ورجه کی تانستی اونَ مرگ جا نجات بدِه، دُعا و التماس بُکود و خو کاملِ اطاعتِ واسی، اونِ دعا مستجاب بُبوست. 8هرچن کی پسر بو، اُ عذابان واسی کی بکشه اطاعتَ یاد بیگیفت. 9و اُ موقع کی کامل بُبوست، تمانِ اوشانِ ره کی اونِ جا اطاعت کونیدی، اَبدی نجاتِ سرچشمه بُبوست، 10و خُدا طرفِ جا تعیین بُبوست کی پیله کاهن بِبه، مِلْکیصِدِق رَدّه درون.
هُشدار، وَگردَستن ایمان جا
11اَنه باره خَیلی چیان دَریم کی بیگیم، ولی اوشانِ گفتن سختِ، چره کی شیمی گوشان سنگین بُبوسته. 12چون هرچن کی شُمان تا هسّا بایستی آموجگار بُبوسته بید، احتیاج داریدی اینفر خُدا کلامِ ابتدایی اصولَ ایوارده شمرأ باموجه. شُمان هنو شیر خوائیدی نه سنگینِ غذا. 13چونکی هرکس شیرخواره ایسه، صالحی کلامِ درون بی تجربه ایسه، چونکی طفلِ. 14ولی سنگینِ غذا پیله آدمانِ شینه، اوشانِ ره کی خوشانِ قوه ی تشخیصَ زیادی تمرینِ اَمرا، اوجور تربیت بکودید کی بتانید بَد و خُبَ تشخیص بَدید.
Currently Selected:
نامه، مسیحیانِ عبرانی نـژادِ ره 5: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
