نامه غلاطیان ره 6
6
همدیگر بار ئانَ به کول فاکشید
1ای براران، اگر ایکس ایتا خطا بُکونه، شُمان کی خُدا روحَ دَریدی بایستی ملایمِ روحِ امرا اونَ راستِ راهِ سو واگردانید. تی حواس به خودت بِبه، کی، تونَم وسوسه درون دَنکفی. 2همدیگر بار ئانَ به کول فاکشید، و اَطویی مسیحِ شریعتَ انجام خوائید دئن. 3چونکی اگر ایکس خودشَ ایچی به حیساب باوَره کی نیئه، خورَه گول زنه. 4ولی هرکس بایستی خو کارَ امتحان بُکونه. اُ موقع اونِ فخرِ دلیل فقط خودش ره ایسه، نه خو همساده ره. 5چونکی هرکَس بایستی، خو بارَ ببره.
6اونکی خُدا کلامِ جا تعلیم گیره، بایستی اونِ امرا کی اونَ تعلیم دئه تمانِ خُبِ چیانَ شریک بِبه.
7گول نُخوردید، خُدایَ نیشه مسخره کودَن. چونکی آدم هرچی کاره، هونَ دِرو خوائه کودَن. 8چونکی هرکسی کی خو جسم ره کاره، خو جسم جا، فساد درو خوائه کودن؛ ولی اونکی خُدا روحِ ره کاره، ابدی زیندگیَ خُدا روحِ جا درو خوائه کودن. 9پس خُبی کودَنِ جا دیلسرد نیبیم، چونکی اگر کار جا دس نکشیم، مناسبِ فصلِ درون درو خوائیم کودَن. 10پس تا فرصت دَریم، تمانِ مردوم ره خُبی بُکونیم، بخصوص اوشانی کی مسیحَ ایمان دَریدی.
آخرتا هشداران
11بیدینید، می دَس مَرا، دُرُشتِ حروف اَمرا، شمرأ نیویسَم! 12اوشانی کی خوائیدی وانمود کودَنِ اَمرا خوشانَ خُب نیشان بدید، شمرأ وادار کونیدی ختنه بیبید، فقط اَنه واسی کی مسیحِ صلیبِ خاطری عذاب نکشید. 13چونکی حتی اوشانی کی ختنه بیدَئَم، شریعتَ بجا ناوَریدی، بلکی خوائیدی شُمان ختنه بیبید تا شیمی جسم درون افتخار بُکوند. 14ولی نَبه کی هرگس من ایچیَ جغیر اَمی خُداوند عیسی مسیحِ صلیب افتخار بُکونم، کی بواسطه اون، دُنیا می واسی مصلوب بُبوست و من دُنیا واسی. 15چونکی نه ختنه بوستَن ایچی ایسه و نه ختنه نُبوستن؛ اونچی کی مهمه تازه خلقت ایسه. 16تمانِ اوشانی کی اَ قانونِ امرا رفتار کونیدی، صلح و سلامتی و رحمت اوشانِ ره و اسرائیلِ خُدا ره بِبه.
17بعد اَن هیکّس مَرا عذاب نَده، چونکی داغ ئانی می تنِ رو دَرَم کی نیشان دئه من، عیسی نوکر ایسَم.
18ای براران، اَمی خُداوند، عیسی مسیحِ فیض شیمی روحِ اَمرا بِبه! آمین!
Currently Selected:
نامه غلاطیان ره 6: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
