اوّلتا نامه تیموتائوسِ ره 4
4
بعضیان ایمانِ جا واگردیدی
1ولی خُدا روح، آشکارا گه کی آخرتا زمات ئانِ درون، بعضیان خوشانَ وقفِ اُ روحان کی گول زَنیدی و دیوئانِ تعلیمان کونیدی و ایمان جا واگردیدی، 2دوروغگویان و ریاکاران اَ جور تعلیمانَ آوریدی کی اوشانِ وجدان بَمرده یِ، 3اوشان، عروسی کودَنَ قَدغن کونیدی و دستور دیئیدی اُ غذائانیَ کی خُدا خلق بُکوده، نخورید تا اوشانی کی حئیقتَ ایمان دَریدی و اونَ ایشناسیدی، شُکر کودَنِ امرا غذائان جا بخورید. 4چون هرچی کی خُدا خلق بُکوده خُبِ، و هی چیَ نباستی رَدَّ کودَن اگه شُکر کودَنِ امرا قُبیل بِبه، 5چونکی خُدا کلام و دُعا امرا تقدیس بِه.
6اگه اَ چیانَ برارانَ باموجی، مسیحْ عیسی نوکر خوائی بوستن، کی ایمانِ کلام درون تربیت خوائی بوستن و اُ خُبِ تعلیم کی اونَ دمبال بُکودی. 7کفرآمیز و پوچ داستانانِ امرا کار نَوا داشتن، بلکی تره دینداری واسی تربیت بُکون؛ 8چون هرچن تربیت کودَن تنِ ره ایپچه فایده دَره، وَلی دینداری همه چی ره فایده دَره، چونکی هم اَ زیندگیَ واده دِئه و هم اُ زیندگی کی آیه. 9اَ گبَ شه اطمینان کودَن و جه هر طرف کاملا قابیل قُبیل ایسه. 10چونکی امان اَنه واسی زحمت کشیم و تقلا کونیم، چون اَمی اُمیدَ خُدایِ زنده سر بنائیم، کی تمانِ آدمانِ نجات دئنده ایسه، بخُصوص اوشانی کی ایمان دَریدی. 11اَ چیانَ حکم بُکون و تعلیم بدَن. 12وَئنلان هیکّس تی جوانی واسی تَره کوچک بدانه، بلکی گب زئنِ درون، کِردار درون، محبتِ درون، ایمانِ درون و پاکی درون تمانِ ایمادارانِ ره ایتا نمونه بوبو. 13تا من بایَم، تَره وقف اَن بُکون کی خُدا کلامَ مردوم ره بخوانی و اوشانَ تشویق بُکونی و تعلیم بدی. 14اُ عطاییَ کی تی درون دَره، بی اعتنایی نَوا کودَن، عطائی کی نَبوّت امرا، اُ موقع کی شورا ریش سیفیدان تی رو دَس بَنَه بید، بدَس باوَردی. 15اَ چیانَ عمل بُکون، و تَره اوشانِ ره وقف بُکون تا تی تَرَقی همه کَسِ ره نمایان بِبه. 16تی حواس خُب، به خودت و اُ تعلیمی کی دیئی بِبه. اَنه درون پابرجا بُبو، چونکی اَ کارِ امرا هم خودت و هم اوشانیَ کی تی گبَ ایشتاویدی نجات دیئی.
Currently Selected:
اوّلتا نامه تیموتائوسِ ره 4: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
