نامَه رومِ کلیسا را 16
16
سلام و درود
1چَما خا، فیبیِ شَما را معرفی کَرم. اَو کِنخْریه شهره کلیسا خادمونَ دَ اِسه. 2اَجو خداوندَ دَ، همنه که مقدّسان لایق اِسته، قبول بکرا و هر کمکی که شاماکودَ آخازیه، چو کودَ دریغ مکرا، چون اَو پر کسانِش، حتی اَمنِش، پِر کمک کرده.
3پْریسکیلا و آکیلا، چِمن همکاره عیسی مسیحَ دَ، سلام آراسونا. 4اَون اِشتن جانشان چِمن خونین خطر دِراینتشونه، و نه فقط اَز، بلکم همه‌ی غیریهودیان کلیساهون، چونَ دَ تشکر کرنده. 5همَ نی به کلیسایی که چون کییه دَ بر پا بی، سلام آراسونا. چمن عزیز گرامیه رفقه، اِپاینِتوسه سلام آراسونا. اَو اولین کسانیَ دَ بِه که آسیا دَ مسیحش ایمان بایرد. 6مریمَ را نی که شَما راش پر زحمت بکشس، سلام آراسونا. 7چِمن قوم وخویشان، آندْرونیکوس و یونیاس که چِمِنییم زندانَ دَ بِنده، سلام آراسونا. اَون رسولان میون، معروفنده که پیش از چِمن مسیحشون ایمان دَ. 8آمپْلیاتوسه را که چمن عزیز گرامیه زاعه، سلام آراسونا. 9چَما همکاران مسیحَ دَ، اوربانوس، و چمن عزیزه رفق، اِستاخیسه، سلام آراسونا. 10آپِلیسه را که اِشتن امتحانش مسیحَ دَ پس آدایشه، سلام آراسونا. آریستوبولُسه خونواده را سلام آراسونا. 11چِمن قوم و خویش هیرودیونه و اَ نارکیسوس خونواده که خداوندَ دَ اِسنده، سلام آراسونا. 12تْریفینا و تْریفوسا را، خادمونی که خداوند خدمت را زحمت کشنده سلام آراسونا، و هَمَ نی چِمن عزیز گرامیه رفق پِرسیس، که خداوند را پِر زحمت کَشه، سلام آراسونا. 13روفُسه را که خداوندَ دَ انتخاب بیاسه و چو ما که چِمن حقَ دَ نی مادریش کرده، سلام آراسونا. 14آسینکْریتوسه، فْلیگون، هِرماس، پاتْروباس و هِرمِس و علایده برارون که چونییم اِسنده، سلام آراسونا. 15فیلولوگوس، یولیا، نیریاس و چو خا، و اولیمپاس و همه‌ی مقدّسانی را که چونییم اِسنده، سلام آراسونا. 16هندیگره ای مقدّسه ماچِییم سلام بوایا. مسیحه همه‌ی کلیسایه شَما را سلام آراسوننده.
17ای برارون، گَوِم شاماکودَ خواهش بکرم اَ کسانی ویراجون ببا که جدایی باعث بینده و شَما راه دَ سد نینده و تعلیمی ییم که شَما وینترونه، مخالفت کرنده؛ چونَ دَ دوری بِکَرا، 18چون همنه آدمه چَما خداوند عیسی مسیحه خِدمَتِ نکرنده، بلکم اِشتن ترنه فکرِنده و قشنگ لاوعونییم و چاکه زونییم ساده‌لوحه آدمون وازی دینده. 19شَما اطاعت کردنه آوازه هَمُّن میون آپیچسشه؛ پس، شَما خونین پر شادم. امّا شَماکودَ گَوِم اَ چیانی پیش که چاکنده، دانا، و اَ چیانی پیش که بدنده، سادَه ببا.
20صلح و سلامتیه خدا اَم زودیان شیطانه شَما لنگان بِن فرچ کَره.
چَما خداوند عیسی فیض، شَماعییم بیبی.
21چِمن همکار تیموتائوس شَما را سلام آراسونه. چِمن قوم وخویشه لوکیوس، یاسون و سوسیپاتِروس نی شَما را سلام آراسوننده.
22از، تِرتیوس، کسی که اَم نامِش نویشته، خداوندَ دَ شَما را سلام وام.
23گایوس که چمنَ دَ و کلیسا همه‌ی اعضا دَ مهمون نوازیش کرده، شَما را سلام خرسه.
اِراستوس که شهره خزانه‌دار اِسته، و چَما برا کوآرتوس شَما را سلام آراسوننده.
24«چَما خداوند عیسی مسیح فیض شماییم بیبی. آمین». 25امّا هننه اَو که تونه شَماهون مطابقه انجیلی که از عیسی مسیح درباره موعظه کرم، تقویت بکره - ینی مطابق ای سری که آشکار آبییه که پِر زمونون مخفی بیه به، 26امّا هننه بنابر پیغمبران نیویشته هون و ابدیه خدا حکمتییم، همه‌ی قومان را آشکار آبه تا اون ایمان بایرنده و اطاعت بکرنده- 27چو را که تیناو خدای دانا اِسته، عیسی مسیح واسطییم تا ابد جلال بیبی! آمین.
@ 2024 Korpu Company