روملیلَر 11
11
یَهود خلخینینگ قالیقی
1پس خبر آلیرام: بئیه تارئ اؤز خلخینی رَد ائدمیش؟ اَلبت کی یو! چونکی مَنیم اؤزوم بیر یهودییام، ابراهیم پیغمبر سویوندان و بنیامین طایفهسیندان. 2تارئ ایلرتردَن تانیدیگی خلخینی رَد ائدمهمیش. بئیه بیلمئیرَینز کی مُقدّس یازیلی اِلیاس پیغمبر بارهسینده نه دئییر؟ کی نهیین اِلیاس، یهود خلخینینگ ضدّینه تارئیا شکایت ائدیر و دئییر: 3«یا رَب، اوللار سنینگ پیغمبرلرینگی اؤلدورمیشلَر، اوللار قُربانگاهلارینگی یومورموشلار و بیر تک من قالمیشام و جانیم قولونجوندا دیرلَر.» 4آما تارئنینگ جوابی اؤنا نه دیر؟ بو کی: «من اؤزوم ایچی یئتدی مینگ نفر ساخلامیشام کی بَعَل بُتی جلوسیندا دیز وورمامیشلار.» 5ائله بئله ده، ایندیکی زاماندا بیر پارا آدام قالمیشلار کی تارئنینگ فِیضی وسیلهسینه سَچیلمیشلَر. 6آما اگر بو، فِیض طریقیندَن اولسا، داها اعمال اوستوندَن دهییل؛ یوخسا، فِیض داها فِیض اولماز. آما اگر بو، اعمال طریقیندَن اولسا، داها فِیض اوستوندَن دهییل؛ یوخسا، اعمال داها اعمال اولماز.
7پس نه؟ بو کی یهود خَلخی، قولونجوندا اولدیگلاری زادی اَله گتیرمهدیلَر. سَچیلَنلَر اؤنو اَله گتیردیلَر، آما باقّیسینینگ اؤرهکی داش اولدو. 8ائله او طور کی مُقدّس یازلیلاردا یازیلمیش:
«تارئ اوللارا گیج و مَنگلیگ روحو وئردی،
گؤرمئیَن گؤزلَر
و ائشیتمئیَن قولاقلار،
تا ائله بوگؤنانچاز.»
9و داوود پادشاه دئییر:
«قؤی تا اوللارینگ سفرهسی بئللَری ایچی بیر تور و بیر تَله اولا،
بیر داش اولا قیچلَری دَمینده کی ییخیلمَکلَری سببی اولیر و اوللارا بیر جَزا اولا؛
10قؤی تا گؤزلَری دَمی قَرَله تا گؤره بیلمهیلَّر
و اوللارینگ بئلی همیشه ایچی اَگیله.»
11پس خبر آلیرام: آیا اوللارینگ تتهلنمهکی بونونگ ایچی ایدی کی ییخیلّلر؟ اَلبت کی یو! بونونگ یئرینه، اوللارینگ خطاسی طریقیندَن، نجات غیری یهودیلارا گلمیش، تا یهود خلخینی غیرته گتیره. 12ایندی اگر اوللارینگ خطاسی، دنیانینگ فراوانلیگینه سَبب اولدو و اگر اوللارینگ شکستی غیرییهودیلارینگ فراوانلیگینه سَبب اولدو، پس اوندا کی یهود خلخینینگ نجات توتانلاری سایقوشی کامل اولا، ناغاد آرتیق فراوانلیگه سَبب اولور.
13ایندی سیز غیری یهودیلار اینن دانیشیرام. بونونگ ایچی کی من غیری یهودیلارینگ حَواریسییام، اؤز خدمتیمی عِزّتلی ساییرام، 14تا بیر طریقه یهودیلاری کی اؤز سویومدان دیرلَر غیرته گتیرم و بئله اوللارینگ بیر پاراسینی نجات وئرَم. 15چونکی اگر اوللارینگ رَد اولماگینینگ معنیسی دنیانینگ تارئ اینان صُلح وئریلمَکی دیر، اوللارینگ قبول اولماگلارینینگ معنیسی نه اولور، به غیری اؤلومدَن دئرّیلمَک؟ 16اگر خمیرینگ او چؤوناسی کی نوبر لهیین تقدیم اولیر، مُقدّس اولسا، پس خمیرینگ واریسی مُقدّس دیر؛ و اگر ریشه مُقدّس اولسا، پس شاخالار ده مُقدّس دیرلَر.
17آما اگر شاخالارینگ بیر پاراسی قیرّیلمیشلَر و سَن با بو حال کی بَج زیتون آغاجینینگ شاخاسی ایدینگ، آیری شاخالار آراسیندا زیتون آغاجینا پیوند وورولدونگ و ایندی زیتون آغاجینینگ ریشهسینینگ قُوّتلی شیرهسینده بَهر وارینگ، 18او شاخالارا غَرّهلیگ ائدمه. اگر بئله ائدیرَینگ، یادینگدا ساخلا کی ریشهیی ساخلاتان، سن دهییلَینگ، بلکی ریشه دیر کی سَنی ساخلاتیر. 19اوندا سَن دئیهرَینگ: ”شاخالار قیرّلیدیلَر تا بئله من پیوند یئیَم.“ 20بو دؤز دیر. اوللار، ایمانسیزلیگلاری سبرسینه قیرّیلدیلَر، آما سن ایمان طَریقیندَن آیاقدایانگ. پس غَرّه اولما، بلکی قورخ. 21چونکی اگر تارئ طَبیعی شاخالارا رَحم ائدمهدی، سَنه ده رَحم ائدمَز. 22پس تارئنینگ مهربانلیگی و سختگیرلیگی گؤزونگ دَمینده اولسون. سختگیرلیگ او آداملارا کی دؤشموشلار، آما سنه تارئنینگ مهربانلیگی، اَلبت بو شرطه کی اؤنونگ مهربانلیگینده قالانگ. یوخسا سن ده کسیلَرَینگ. 23حَتّی اوللار ده اگر اؤز ایمانسیزلیگلاریندا قالمایالار، پیوند وورولالّار، چونکی تارئ قُدرت واری کی اوللاری دوبارادان پیوند وورا. 24چون اگر سَن او بَج زیتون آغاجیندان کسیلدینگ و طبیعتینینگ برعَکسینه، خوب زیتون آغاجینا پیوند وورولدونگ، پس ناغاد آرتیق اصلی شاخالار باشارالّار کی او زیتون آغاجینا کی بئلَسیندَن کسیلمیشلر، پیوند وورولالّار.
یهود خلخینینگ نجاتینینگ سِرّی
25کاکالار، سئمئیرم کی بو سِرّدن غافل اولانز، ائدمئیه کی اؤز گؤزونزده، اؤزونزو حِکمتلی بیلَینز، بو کی اؤرهک داشلیگی یهود خلخینینگ بیر پاراسی اوستونه گلمیش، اوندایانچاز کی مَسیحه ایمان گتیرن غیری یهودیلارینگ سایقوشی کامل اولا. 26بوتون یهود خلخی بئلهیین نجات توتارلار. ائله او طور کی مُقدّس یازیلیلاردا یازیلمیش:
«قورتاران، تارئ داغیندان گلر
او، تارئسیزلیگی یَعقوب سویوندان ایراق ائدهر.
27بو مَنیم عَهدیم اولور، اوللار اینان
او موقع کی اوللارینگ گُناهلارینی گؤتورَم.»
28اینجیله گؤره، یهودیلار سیزینگ خاطرینزه، دُشمن دیرلَر؛ آما تارئنینگ سَچمکینه گؤره، اوللار جَدلَرینینگ خاطرینه، تارئ ایچی عَزیز دیرلَر. 29چونکی تارئ عطالارینی و دعوتینی گئری آلمئیر. 30چون ائله اولهیین کی سیز ده بیر زامان تارئدان اطاعت ائدمئیردینز آما ایندی یهودیلارینگ اطاعت ائدمَزلیگی سَبرسینه بئلینزه رَحم اولموش، 31ائله اولهیین ده اوللار ده ایندی اطاعت ائدمهیَن اولموشلار تا سیزه اولان رحم وسیلهسینه، ایندی اوللارا ده رَحم اولا. 32چونکی تارئ واری کسی اطاعت ائدمَزلیگه گرفتار ائدمیش، تا واری کَسه رَحم ائده.
33آخ کی تارئنینگ دولتی و حِکمتی و مَعرفتی ناغاد عمیق دیر؛ اؤنونگ حکم ائدمَکلَری هئچ باش چیخاردمالی دهییل و یوللاری آنگلامالی دهییل.
34«چون کیم دیر کی رَبّینگ فکرینی بیلمیش اولا
یا دا کیم دیر کی اؤنا شوهْر وئرمیش اولا؟»
35«یا دا کیم دیر کی تارئیا بیر هَدیه وئرمیش اولا
کی اؤنونگ عوضینده بیر زاد سئیه بیله؟»
36چونکی واری زاد اؤندان، و اؤنونگ طریقیندن، و اؤنونگ ایچی دیر. اَبدنچاز اؤنا شوکت اولسون. آمین.
Currently Selected:
روملیلَر 11: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
روملیلَر 11
11
یَهود خلخینینگ قالیقی
1پس خبر آلیرام: بئیه تارئ اؤز خلخینی رَد ائدمیش؟ اَلبت کی یو! چونکی مَنیم اؤزوم بیر یهودییام، ابراهیم پیغمبر سویوندان و بنیامین طایفهسیندان. 2تارئ ایلرتردَن تانیدیگی خلخینی رَد ائدمهمیش. بئیه بیلمئیرَینز کی مُقدّس یازیلی اِلیاس پیغمبر بارهسینده نه دئییر؟ کی نهیین اِلیاس، یهود خلخینینگ ضدّینه تارئیا شکایت ائدیر و دئییر: 3«یا رَب، اوللار سنینگ پیغمبرلرینگی اؤلدورمیشلَر، اوللار قُربانگاهلارینگی یومورموشلار و بیر تک من قالمیشام و جانیم قولونجوندا دیرلَر.» 4آما تارئنینگ جوابی اؤنا نه دیر؟ بو کی: «من اؤزوم ایچی یئتدی مینگ نفر ساخلامیشام کی بَعَل بُتی جلوسیندا دیز وورمامیشلار.» 5ائله بئله ده، ایندیکی زاماندا بیر پارا آدام قالمیشلار کی تارئنینگ فِیضی وسیلهسینه سَچیلمیشلَر. 6آما اگر بو، فِیض طریقیندَن اولسا، داها اعمال اوستوندَن دهییل؛ یوخسا، فِیض داها فِیض اولماز. آما اگر بو، اعمال طریقیندَن اولسا، داها فِیض اوستوندَن دهییل؛ یوخسا، اعمال داها اعمال اولماز.
7پس نه؟ بو کی یهود خَلخی، قولونجوندا اولدیگلاری زادی اَله گتیرمهدیلَر. سَچیلَنلَر اؤنو اَله گتیردیلَر، آما باقّیسینینگ اؤرهکی داش اولدو. 8ائله او طور کی مُقدّس یازلیلاردا یازیلمیش:
«تارئ اوللارا گیج و مَنگلیگ روحو وئردی،
گؤرمئیَن گؤزلَر
و ائشیتمئیَن قولاقلار،
تا ائله بوگؤنانچاز.»
9و داوود پادشاه دئییر:
«قؤی تا اوللارینگ سفرهسی بئللَری ایچی بیر تور و بیر تَله اولا،
بیر داش اولا قیچلَری دَمینده کی ییخیلمَکلَری سببی اولیر و اوللارا بیر جَزا اولا؛
10قؤی تا گؤزلَری دَمی قَرَله تا گؤره بیلمهیلَّر
و اوللارینگ بئلی همیشه ایچی اَگیله.»
11پس خبر آلیرام: آیا اوللارینگ تتهلنمهکی بونونگ ایچی ایدی کی ییخیلّلر؟ اَلبت کی یو! بونونگ یئرینه، اوللارینگ خطاسی طریقیندَن، نجات غیری یهودیلارا گلمیش، تا یهود خلخینی غیرته گتیره. 12ایندی اگر اوللارینگ خطاسی، دنیانینگ فراوانلیگینه سَبب اولدو و اگر اوللارینگ شکستی غیرییهودیلارینگ فراوانلیگینه سَبب اولدو، پس اوندا کی یهود خلخینینگ نجات توتانلاری سایقوشی کامل اولا، ناغاد آرتیق فراوانلیگه سَبب اولور.
13ایندی سیز غیری یهودیلار اینن دانیشیرام. بونونگ ایچی کی من غیری یهودیلارینگ حَواریسییام، اؤز خدمتیمی عِزّتلی ساییرام، 14تا بیر طریقه یهودیلاری کی اؤز سویومدان دیرلَر غیرته گتیرم و بئله اوللارینگ بیر پاراسینی نجات وئرَم. 15چونکی اگر اوللارینگ رَد اولماگینینگ معنیسی دنیانینگ تارئ اینان صُلح وئریلمَکی دیر، اوللارینگ قبول اولماگلارینینگ معنیسی نه اولور، به غیری اؤلومدَن دئرّیلمَک؟ 16اگر خمیرینگ او چؤوناسی کی نوبر لهیین تقدیم اولیر، مُقدّس اولسا، پس خمیرینگ واریسی مُقدّس دیر؛ و اگر ریشه مُقدّس اولسا، پس شاخالار ده مُقدّس دیرلَر.
17آما اگر شاخالارینگ بیر پاراسی قیرّیلمیشلَر و سَن با بو حال کی بَج زیتون آغاجینینگ شاخاسی ایدینگ، آیری شاخالار آراسیندا زیتون آغاجینا پیوند وورولدونگ و ایندی زیتون آغاجینینگ ریشهسینینگ قُوّتلی شیرهسینده بَهر وارینگ، 18او شاخالارا غَرّهلیگ ائدمه. اگر بئله ائدیرَینگ، یادینگدا ساخلا کی ریشهیی ساخلاتان، سن دهییلَینگ، بلکی ریشه دیر کی سَنی ساخلاتیر. 19اوندا سَن دئیهرَینگ: ”شاخالار قیرّلیدیلَر تا بئله من پیوند یئیَم.“ 20بو دؤز دیر. اوللار، ایمانسیزلیگلاری سبرسینه قیرّیلدیلَر، آما سن ایمان طَریقیندَن آیاقدایانگ. پس غَرّه اولما، بلکی قورخ. 21چونکی اگر تارئ طَبیعی شاخالارا رَحم ائدمهدی، سَنه ده رَحم ائدمَز. 22پس تارئنینگ مهربانلیگی و سختگیرلیگی گؤزونگ دَمینده اولسون. سختگیرلیگ او آداملارا کی دؤشموشلار، آما سنه تارئنینگ مهربانلیگی، اَلبت بو شرطه کی اؤنونگ مهربانلیگینده قالانگ. یوخسا سن ده کسیلَرَینگ. 23حَتّی اوللار ده اگر اؤز ایمانسیزلیگلاریندا قالمایالار، پیوند وورولالّار، چونکی تارئ قُدرت واری کی اوللاری دوبارادان پیوند وورا. 24چون اگر سَن او بَج زیتون آغاجیندان کسیلدینگ و طبیعتینینگ برعَکسینه، خوب زیتون آغاجینا پیوند وورولدونگ، پس ناغاد آرتیق اصلی شاخالار باشارالّار کی او زیتون آغاجینا کی بئلَسیندَن کسیلمیشلر، پیوند وورولالّار.
یهود خلخینینگ نجاتینینگ سِرّی
25کاکالار، سئمئیرم کی بو سِرّدن غافل اولانز، ائدمئیه کی اؤز گؤزونزده، اؤزونزو حِکمتلی بیلَینز، بو کی اؤرهک داشلیگی یهود خلخینینگ بیر پاراسی اوستونه گلمیش، اوندایانچاز کی مَسیحه ایمان گتیرن غیری یهودیلارینگ سایقوشی کامل اولا. 26بوتون یهود خلخی بئلهیین نجات توتارلار. ائله او طور کی مُقدّس یازیلیلاردا یازیلمیش:
«قورتاران، تارئ داغیندان گلر
او، تارئسیزلیگی یَعقوب سویوندان ایراق ائدهر.
27بو مَنیم عَهدیم اولور، اوللار اینان
او موقع کی اوللارینگ گُناهلارینی گؤتورَم.»
28اینجیله گؤره، یهودیلار سیزینگ خاطرینزه، دُشمن دیرلَر؛ آما تارئنینگ سَچمکینه گؤره، اوللار جَدلَرینینگ خاطرینه، تارئ ایچی عَزیز دیرلَر. 29چونکی تارئ عطالارینی و دعوتینی گئری آلمئیر. 30چون ائله اولهیین کی سیز ده بیر زامان تارئدان اطاعت ائدمئیردینز آما ایندی یهودیلارینگ اطاعت ائدمَزلیگی سَبرسینه بئلینزه رَحم اولموش، 31ائله اولهیین ده اوللار ده ایندی اطاعت ائدمهیَن اولموشلار تا سیزه اولان رحم وسیلهسینه، ایندی اوللارا ده رَحم اولا. 32چونکی تارئ واری کسی اطاعت ائدمَزلیگه گرفتار ائدمیش، تا واری کَسه رَحم ائده.
33آخ کی تارئنینگ دولتی و حِکمتی و مَعرفتی ناغاد عمیق دیر؛ اؤنونگ حکم ائدمَکلَری هئچ باش چیخاردمالی دهییل و یوللاری آنگلامالی دهییل.
34«چون کیم دیر کی رَبّینگ فکرینی بیلمیش اولا
یا دا کیم دیر کی اؤنا شوهْر وئرمیش اولا؟»
35«یا دا کیم دیر کی تارئیا بیر هَدیه وئرمیش اولا
کی اؤنونگ عوضینده بیر زاد سئیه بیله؟»
36چونکی واری زاد اؤندان، و اؤنونگ طریقیندن، و اؤنونگ ایچی دیر. اَبدنچاز اؤنا شوکت اولسون. آمین.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company