مَتّی 25
25
اون جاهال قیزینگ مَثَلی
1«او موقع گؤی پادشاهلیگی کی ائله تارئ پادشاهلیگی دیر، او اون جاهال قیزه کی گَلین یولداش‌لاری دیرلار بنزهیَر کی اؤز چیراغ‌لارینی گؤتوردولَر و کوره‌کَن پیشوازینا گئتدیلَر. 2اوللارینگ بئش نفری نادان و بئشی عَقللی ایدیلَر. 3نادان‌لار چیراغ‌لارینی گؤتوردولَر، آما اؤزلَری اینَن یاغ آپارمادیلار. 4آما عَقللی‌لَر چیراغ‌لاری اینَن، دَرف‌لَرینده یاغ ده آپاردیلار. 5کوره‌کَن گلمَکی گئج اولاندا، واریسی‌نینگ گؤزو آغیر اولدو و اوخویا دؤشدولار. 6آما گئجه یاری، های دوشدو کی: ”بودور، کوره‌کن گلیر! گلینز یازّیا اؤنونگ پیشوازینا.“ 7او زامان قیزلَرینگ واریسی توردولار آیاقی و چیراغ‌لارینی آماده ائدیلَر. 8نادان‌لار، عَقللی‌لَره دئدیلَر: ”بیر آز یاغینزدان بیزه وئرینز، چونکی چیراغ‌لاریمیز کور اولیر.“ 9آما عَقللی‌لَر جواب وئردیلَر: ”بو یاغ کی واریک هم بیزه، هم ده سیزه ائتیشمَز. یئی‌تَر دیر کی یاغ ساتان‌لار یانینا گئدَینز و اؤزونزه یاغ آلاینز.“ 10اوللار یاغ آلماگا گئدَنده، کوره‌کَن گلدی و او قیزلَر کی اؤردا آماده تورموشلار ایدی، اؤنونگ اینَن، ایچَری تؤی جشنینه گئتدیلَر و در باغلاندی. 11اوندان سورا، قیزلَرینگ قالیقی ده گلدیلَر و دئدیلَر: ”آقا، آقا، دَری بیزه آچ.“ 12آما کوره‌کَن، اوللارا جواب وئردی: ”گرچَکینی سیزه دئییرم، من سیزی تانیمئیرام.“ 13پس اویاق اولینز، چونکی نه او گؤنو بیلیرَینز، نه ده او ساعتی.
قَنطار مَثَلی
14«گؤی پادشاهلیگی، بیر کیشیه بنزهیَر کی سئیردی بیر سَفره گئده. او اؤز نوکرلَرینی چاغیردی و ملک و مالینی اوللارا تاپشیردی. 15بیرینه بئش قَنطار یعنی بیر فَحله‌نینگ یوز ایلی‌نینگ دستمزدینی وئردی، بیرینه ایکّی قَنطار یعنی بیر فَحله‌نینگ قیرخ ایلی‌نینگ دستمزدینی، او بیرینه ده بیر قَنطار یعنی بیر فَحله‌نینگ ایگیرمی ایلی‌نینگ دستمزدینی وئردی. هَر بیرینه قابلیتینه گؤره. اوندان سورا دا گئتدی. 16او کیشی کی بئش قَنطار، اؤنا وئریلمیشدی، تئز گئتدی و اؤنونگ اینان معامله ائدی و بئش قَنطار داها دا سود ائدی. 17ائله بئله‌یین دا، او کیشی کی ایکّی قَنطار، اؤنا وئریلمیشدی، ایکّی قَنطار داها دا سود ائدی. 18آما او کیشی کی اؤنا بیر قَنطار وئریلمیشدی، گئتدی یئری قازدی و اؤز اَربابی پیلینی پناه ائدی. 19بیر چوخ مُدّتدَن سورا او نوکرلَرینگ اَربابی گئری گلدی و اوللار اینان حساب کتاب ائدی. 20او نوکر کی اؤنا بئش قَنطار وئریلمیشدی، ایلَری گلدی و بئش قَنطار داها دا گتیردی و دئدی: ”اَرباب! سَن بئش قَنطار منه تاپشیردینگ؛ بویور، من بئش قَنطار داها دا سود ائدمیشَم.“ 21اَربابی اؤنا دئدی: ”آفرین ای خوب و وفالی نوکر! سن بیر کوچوک ایشده وفالی ایمیشَنگ، پس چوخ ایشلَر سنه تاپشیرارام. گَل و اَربابینگ شادلیگی اینَن سَنده شادلیگ ائد.“ 22او نوکر دا کی اؤنا ایکّی قَنطار وئریلمیشدی، ایلَری گلدی و دئدی: ”اَرباب! سَن ایکّی قَنطار منه تاپشیردینگ؛ بویور، من ایکّی قَنطار داها دا سود ائدمیشَم.“ 23اَربابی اؤنا دئدی: ”آفرین ای خوب و وفالی نوکر! سن بیر کوچوک ایشده وفالی ایمیشَنگ، پس چوخ ایشلَر سنه تاپشیرارام. گَل و اَربابینگ شادلیگی اینَن سَنده شادلیگ ائد.“ 24او نوکر دا کی بیر قَنطار اؤنا وئریلمیشدی، ایلَری گلدی و دئدی: ”اَرباب، من بیلیردیم کی سَن بیر چَتین آدامانگ؛ اؤردان کی اَکمه‌میشَینگ، بیچیرَینگ؛ و اؤردان کی دان سَپمه‌میشَینگ، ییغیرَینگ. 25پس قورخدوم و گئتدیم و سَنینگ قَنطارینگی یئر ایچینه پناه ائدیم. بویور، بو ده مالینگ.“ 26آما اؤنونگ اَربابی اؤنا جواب وئردی: ”ای شَریر نوکر، ای تَنبل نوکر! سَن کی بیلیردینگ من اؤردان کی اَکمه‌میشَم، بیچیرَم؛ و اؤردان کی سَپمه‌میشَم، ییغیرَم، 27پس پیلیمی صَرّاف‌لار یانینا قؤیاسیدینگ تا گئری گلدیگیمده، اؤنو سودو اینَن گئری آلام. 28قَنطاری اوندان آلینز و او نوکره کی اون قَنطار واری، وئرینز. 29پس هَر کَسه کی واری، آرتیق وئریلَر و او، فراوان واری اولور. آما او آدام کی یوخو، ائله او ده کی واری، اَلیندَن آلینار. 30بو فایده‌سیز نوکری، یازّی قَرَنگی‌لیگینه آتینز. اؤرایا کی آغلاماگ و دیش قیرچمَک اولور.“
قیامت گؤنو
31«اوندا کی انسان اوغلو، اؤز شوکتی ایچینده و واری فرشته‌لَری اینَن گلیر، اؤز شوکتلی پادشاه‌لیگ تختی اوستونه اوتورار. 32واری ملّت‌لَر، اؤنونگ حُضوروندا ییغیلَرلَر و او، بیر چوبان له‌یین کی قویون‌لاری، گَچّی‌لَردن آییریر، خَلخی بیر بیردَن آییرار. 33قویون‌لاری اؤز ساغ طَرفینه، آما گَچّی‌لَری اؤز چَپ طَرفینه قؤیار. 34او زامان، پادشاه، اوللارا کی ساغ طَرفینده دیرلَر، دئیه‌ر: ”ای سیز کی بووآم سیزه بَرکت وئرمیش، گلینز و او پادشاهلیگی میراث آپارینز کی دنیا بَنا بُنیادی قؤیولاندان بَری، سیزینگ ایچی آماده اولموش. 35چونکی آج ایدیم، منه خورَکی وئردینز؛ سویوز ایدیم، منه سو وئردینز؛ غَریب ایدیم، منی یوئودّینز؛ 36لیت ایدیم، منه رَخت گئیدیردینز، مَریض ایدیم، منه دَگیندینز؛ زنداندا ایدیم، گؤرمَکیمه گلدینز.“ 37او زامان صالح آداملار اؤنا جواب وئره‌رلَر و دئیه‌رلَر: ”یا رَب! هاچان بیز سَنی آج گؤردوک و سنه خورَکی وئردیک؛ یا دا سویوز گؤردوک و سنه سو وئردیک؟ 38بیز هاچان سَنی غَریب گؤردوک و سَنی یوئودّیک؛ یا دا لیت گؤردوک و سنه رَخت گئیدیردیک؟ 39هاچان سَنی مَریض یا زنداندا گؤردوک و سنه دَگیندیک؟“ 40اوندا پادشاه اوللارا جواب وئره‌ر: ”گرچَکینی سیزه دئییرم، هر ایش کی منیم ائنگ کوچوک کاکالاریمینگ بیرسی ایچی گؤردونز، منیم ایچی گؤردونز.“
41«او زامان اوللارا کی چَپ طَرفینده دیرلَر دئیه‌ر: ”مندَن ایراق اولینز، ای لَعنت اولونموشلار! و او اَبَدی اوت ایچینه کی اِبلیس و اؤنونگ فرشته‌لَری ایچی آماده اولموش گئدینز. 42چونکی آج ایدیم، منه خورَکی وئرمه‌دینز؛ سویوز ایدیم، منه سو وئرمه‌دینز؛ 43غَریب ایدیم، منی یوئودمادینز، لیت ایدیم، منه رَخت گئیدیرمه‌دینز، مَریض ایدیم، زنداندا ایدیم، منه دَگینمه‌دینز.“ 44او زامان اوللار دا جواب وئره‌رلَر: ”یا رَب! هاچان سَنی آج، سویوز، غَریب، لیت، مَریض یا دا زنداندا گؤردوک و سنه خدمت ائدمه‌دیک؟“ 45اوندا اوللارا جواب وئره‌ر و دئیه‌ر: ”گرچَکینی سیزه دئییرم، هر ایش کی بو ائنگ کوچوک‌لارینگ بیرسی ایچی گؤرمه‌دینز، منیم ایچی گؤرمه‌دینز.“ 46بوللار اَبَدی جَزا ایچینه گئده‌رلَر، آما صالح‌لَر، اَبَدی زندلیگ ایچینه.»
Currently Selected:
مَتّی 25: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 25
25
اون جاهال قیزینگ مَثَلی
1«او موقع گؤی پادشاهلیگی کی ائله تارئ پادشاهلیگی دیر، او اون جاهال قیزه کی گَلین یولداش‌لاری دیرلار بنزهیَر کی اؤز چیراغ‌لارینی گؤتوردولَر و کوره‌کَن پیشوازینا گئتدیلَر. 2اوللارینگ بئش نفری نادان و بئشی عَقللی ایدیلَر. 3نادان‌لار چیراغ‌لارینی گؤتوردولَر، آما اؤزلَری اینَن یاغ آپارمادیلار. 4آما عَقللی‌لَر چیراغ‌لاری اینَن، دَرف‌لَرینده یاغ ده آپاردیلار. 5کوره‌کَن گلمَکی گئج اولاندا، واریسی‌نینگ گؤزو آغیر اولدو و اوخویا دؤشدولار. 6آما گئجه یاری، های دوشدو کی: ”بودور، کوره‌کن گلیر! گلینز یازّیا اؤنونگ پیشوازینا.“ 7او زامان قیزلَرینگ واریسی توردولار آیاقی و چیراغ‌لارینی آماده ائدیلَر. 8نادان‌لار، عَقللی‌لَره دئدیلَر: ”بیر آز یاغینزدان بیزه وئرینز، چونکی چیراغ‌لاریمیز کور اولیر.“ 9آما عَقللی‌لَر جواب وئردیلَر: ”بو یاغ کی واریک هم بیزه، هم ده سیزه ائتیشمَز. یئی‌تَر دیر کی یاغ ساتان‌لار یانینا گئدَینز و اؤزونزه یاغ آلاینز.“ 10اوللار یاغ آلماگا گئدَنده، کوره‌کَن گلدی و او قیزلَر کی اؤردا آماده تورموشلار ایدی، اؤنونگ اینَن، ایچَری تؤی جشنینه گئتدیلَر و در باغلاندی. 11اوندان سورا، قیزلَرینگ قالیقی ده گلدیلَر و دئدیلَر: ”آقا، آقا، دَری بیزه آچ.“ 12آما کوره‌کَن، اوللارا جواب وئردی: ”گرچَکینی سیزه دئییرم، من سیزی تانیمئیرام.“ 13پس اویاق اولینز، چونکی نه او گؤنو بیلیرَینز، نه ده او ساعتی.
قَنطار مَثَلی
14«گؤی پادشاهلیگی، بیر کیشیه بنزهیَر کی سئیردی بیر سَفره گئده. او اؤز نوکرلَرینی چاغیردی و ملک و مالینی اوللارا تاپشیردی. 15بیرینه بئش قَنطار یعنی بیر فَحله‌نینگ یوز ایلی‌نینگ دستمزدینی وئردی، بیرینه ایکّی قَنطار یعنی بیر فَحله‌نینگ قیرخ ایلی‌نینگ دستمزدینی، او بیرینه ده بیر قَنطار یعنی بیر فَحله‌نینگ ایگیرمی ایلی‌نینگ دستمزدینی وئردی. هَر بیرینه قابلیتینه گؤره. اوندان سورا دا گئتدی. 16او کیشی کی بئش قَنطار، اؤنا وئریلمیشدی، تئز گئتدی و اؤنونگ اینان معامله ائدی و بئش قَنطار داها دا سود ائدی. 17ائله بئله‌یین دا، او کیشی کی ایکّی قَنطار، اؤنا وئریلمیشدی، ایکّی قَنطار داها دا سود ائدی. 18آما او کیشی کی اؤنا بیر قَنطار وئریلمیشدی، گئتدی یئری قازدی و اؤز اَربابی پیلینی پناه ائدی. 19بیر چوخ مُدّتدَن سورا او نوکرلَرینگ اَربابی گئری گلدی و اوللار اینان حساب کتاب ائدی. 20او نوکر کی اؤنا بئش قَنطار وئریلمیشدی، ایلَری گلدی و بئش قَنطار داها دا گتیردی و دئدی: ”اَرباب! سَن بئش قَنطار منه تاپشیردینگ؛ بویور، من بئش قَنطار داها دا سود ائدمیشَم.“ 21اَربابی اؤنا دئدی: ”آفرین ای خوب و وفالی نوکر! سن بیر کوچوک ایشده وفالی ایمیشَنگ، پس چوخ ایشلَر سنه تاپشیرارام. گَل و اَربابینگ شادلیگی اینَن سَنده شادلیگ ائد.“ 22او نوکر دا کی اؤنا ایکّی قَنطار وئریلمیشدی، ایلَری گلدی و دئدی: ”اَرباب! سَن ایکّی قَنطار منه تاپشیردینگ؛ بویور، من ایکّی قَنطار داها دا سود ائدمیشَم.“ 23اَربابی اؤنا دئدی: ”آفرین ای خوب و وفالی نوکر! سن بیر کوچوک ایشده وفالی ایمیشَنگ، پس چوخ ایشلَر سنه تاپشیرارام. گَل و اَربابینگ شادلیگی اینَن سَنده شادلیگ ائد.“ 24او نوکر دا کی بیر قَنطار اؤنا وئریلمیشدی، ایلَری گلدی و دئدی: ”اَرباب، من بیلیردیم کی سَن بیر چَتین آدامانگ؛ اؤردان کی اَکمه‌میشَینگ، بیچیرَینگ؛ و اؤردان کی دان سَپمه‌میشَینگ، ییغیرَینگ. 25پس قورخدوم و گئتدیم و سَنینگ قَنطارینگی یئر ایچینه پناه ائدیم. بویور، بو ده مالینگ.“ 26آما اؤنونگ اَربابی اؤنا جواب وئردی: ”ای شَریر نوکر، ای تَنبل نوکر! سَن کی بیلیردینگ من اؤردان کی اَکمه‌میشَم، بیچیرَم؛ و اؤردان کی سَپمه‌میشَم، ییغیرَم، 27پس پیلیمی صَرّاف‌لار یانینا قؤیاسیدینگ تا گئری گلدیگیمده، اؤنو سودو اینَن گئری آلام. 28قَنطاری اوندان آلینز و او نوکره کی اون قَنطار واری، وئرینز. 29پس هَر کَسه کی واری، آرتیق وئریلَر و او، فراوان واری اولور. آما او آدام کی یوخو، ائله او ده کی واری، اَلیندَن آلینار. 30بو فایده‌سیز نوکری، یازّی قَرَنگی‌لیگینه آتینز. اؤرایا کی آغلاماگ و دیش قیرچمَک اولور.“
قیامت گؤنو
31«اوندا کی انسان اوغلو، اؤز شوکتی ایچینده و واری فرشته‌لَری اینَن گلیر، اؤز شوکتلی پادشاه‌لیگ تختی اوستونه اوتورار. 32واری ملّت‌لَر، اؤنونگ حُضوروندا ییغیلَرلَر و او، بیر چوبان له‌یین کی قویون‌لاری، گَچّی‌لَردن آییریر، خَلخی بیر بیردَن آییرار. 33قویون‌لاری اؤز ساغ طَرفینه، آما گَچّی‌لَری اؤز چَپ طَرفینه قؤیار. 34او زامان، پادشاه، اوللارا کی ساغ طَرفینده دیرلَر، دئیه‌ر: ”ای سیز کی بووآم سیزه بَرکت وئرمیش، گلینز و او پادشاهلیگی میراث آپارینز کی دنیا بَنا بُنیادی قؤیولاندان بَری، سیزینگ ایچی آماده اولموش. 35چونکی آج ایدیم، منه خورَکی وئردینز؛ سویوز ایدیم، منه سو وئردینز؛ غَریب ایدیم، منی یوئودّینز؛ 36لیت ایدیم، منه رَخت گئیدیردینز، مَریض ایدیم، منه دَگیندینز؛ زنداندا ایدیم، گؤرمَکیمه گلدینز.“ 37او زامان صالح آداملار اؤنا جواب وئره‌رلَر و دئیه‌رلَر: ”یا رَب! هاچان بیز سَنی آج گؤردوک و سنه خورَکی وئردیک؛ یا دا سویوز گؤردوک و سنه سو وئردیک؟ 38بیز هاچان سَنی غَریب گؤردوک و سَنی یوئودّیک؛ یا دا لیت گؤردوک و سنه رَخت گئیدیردیک؟ 39هاچان سَنی مَریض یا زنداندا گؤردوک و سنه دَگیندیک؟“ 40اوندا پادشاه اوللارا جواب وئره‌ر: ”گرچَکینی سیزه دئییرم، هر ایش کی منیم ائنگ کوچوک کاکالاریمینگ بیرسی ایچی گؤردونز، منیم ایچی گؤردونز.“
41«او زامان اوللارا کی چَپ طَرفینده دیرلَر دئیه‌ر: ”مندَن ایراق اولینز، ای لَعنت اولونموشلار! و او اَبَدی اوت ایچینه کی اِبلیس و اؤنونگ فرشته‌لَری ایچی آماده اولموش گئدینز. 42چونکی آج ایدیم، منه خورَکی وئرمه‌دینز؛ سویوز ایدیم، منه سو وئرمه‌دینز؛ 43غَریب ایدیم، منی یوئودمادینز، لیت ایدیم، منه رَخت گئیدیرمه‌دینز، مَریض ایدیم، زنداندا ایدیم، منه دَگینمه‌دینز.“ 44او زامان اوللار دا جواب وئره‌رلَر: ”یا رَب! هاچان سَنی آج، سویوز، غَریب، لیت، مَریض یا دا زنداندا گؤردوک و سنه خدمت ائدمه‌دیک؟“ 45اوندا اوللارا جواب وئره‌ر و دئیه‌ر: ”گرچَکینی سیزه دئییرم، هر ایش کی بو ائنگ کوچوک‌لارینگ بیرسی ایچی گؤرمه‌دینز، منیم ایچی گؤرمه‌دینز.“ 46بوللار اَبَدی جَزا ایچینه گئده‌رلَر، آما صالح‌لَر، اَبَدی زندلیگ ایچینه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company