مَتّی 22
22
تؤی جشنی‌نینگ مَثَلی
1عیسا گئنه اوللار اینان مَثَل‌لَر اینَن دانیشدی، دئدی: 2«گؤی پادشاه‌لیگی کی ائله تارئ پادشاه‌لیگی دیر، بیر پادشاها بنزه‌ییر کی اوغلونا تؤی توتدو. 3پادشاه اؤز نوکرلَرینی، دعوت اولانلار قولونجونا یوللادی، آما اوللار سئمه‌دیلَر گلَلَّر! 4گئنه آیری نوکرلَر یوللادی، دئدی: ”دعوت اولانلارا دئیینز، ’باخینز، سُفرامی آماده ائدمیشَم، سِقیرلَریم و پَرواری کوسّالا‌لاریمینگ باشلاری کسیلمیش و واری زاد آماده دیر. تؤیا گلینز.‘“ 5آما اوللار اعتنا ائدمه‌دیلَر و گئدیلَر، بیری اَکینی یئرینه او بیری ده ایشینه! 6قالیقی ده، پادشاهینگ نوکرلَرینی توتدولار، اوللار اینَن اِهانَت اینَن رووآل ائدیلَر و اوللاری اؤلدوردولار. 7پادشاه غَضّبلَندی و اؤز قوشون‌لارینی یوللادی و او آدام اؤلدورَنلَری نابود ائدی و اوللارینگ شَهرینی اوتا چَکدی. 8او زامان اؤز نوکرلَرینه دئدی: ”تؤی جشنی آماده دیر، آما دعوتی‌لَر لایق ده‌ییللَر ایدی. 9پس، کوچه بازارلارا گئدینز و هَر کَسی کی بولدینز تؤیا دعوت ائدینز.“ 10او نوکرلَر دا یول‌لارا گئدیلَر، و هَر کَسی کی بولدولار، خوب و پیس ییغدیلَر، ائله کی تؤی جشنی قوناقدان دؤلدو.
11«اوندا کی پادشاه ایچری گلدی تا قوناق‌لاری گؤره، اؤردا بیر کیشی‌یی گؤردو کی دالینداکی رَخت تؤیا یاراشمئیردی. 12پادشاه اؤنا دئدی: ”یولداش، سَن تؤیا یاراشان رَختی گئیمه‌میش، نه‌یین گلدینگ ایچری؟“ او قوناقینگ گپی گلمه‌دی. 13اوندا پادشاه، اؤز نوکرلَرینه دئدی: ”بونونگ قیچ و قولونو باغلاینز و بئلَسینی یازّی قَرَنگی‌لیگینه آتینز. اؤرایا کی آغلاماگ و دیش قیرچمَک اولور.“
14«چونکی دعوت اولونموشلار چوخدورلار، آما سَچیلَن‌لَر آز.»
روم پادشاهینا خَراج وئرمَک
15او زامان فَریسی فِرقه‌سی‌نینگ عالِم‌لَری گئدیلَر و شوهْر ائدیلَر کی نه‌یین عیسایی اؤنونگ اؤز سؤزلَری اینن گیره سالالّار. 16اوللار اؤز شاگردلَرینی، هیرود طَرَفدارلاری اینَن عیسا یانینا یوللادیلار و دئدیلَر: «اُستاد، بیز بیلیرَک کی سَن بیر دؤز آدامانگ و تارئ یولونو دؤزلوک اینَن اؤرگدیرَینگ، هئچ کَسدَن قورخو یوخونگ و هئچ کَسینگ ده کیم اولدوگونا باخمئیرانگ. 17ایندی بیزه دئ گؤرَک سَنینگ نَظرینگ نه‌دیر. آیا روم پادشاهینا خَراج وئرمَک جایز دیر یا یو؟» 18آما عیسا کی اوللارینگ پیس نیّت‌لَریندَن آگاه ایدی، دئدی: «ای ایکّی‌ایزلی‌لَر، نه ایچی منی امتحان ائدیرَینز؟ 19خَراج وئردیگینز سِکّه‌یی منه گؤرسَدینز.» اوللار دا اؤنا بیر دینار وئردیلَر. 20عیسا اوللارا دئدی: «کیمینگ نَقشی و آدی سِکّه اوستونده دیر؟» 21اوللار جواب وئردیلَر: «روم پادشاهی‌نینگ.» او زامان اوللارا دئدی: «پس پادشاه مالینی پادشاها و تارئ مالینی تارئ‌یا وئرینز.» 22اوللار بونو ائشیدَنده مات قالدیلار، عیسایی ویل ائدیلَر و گئتدیلَر.
صَدوقی‌لَر قیامت باره‌سینده خبر آلیرلار
23ائله او گؤن، صَدوقی فِرقه‌سی‌نینگ عالِم‌لَری کی دئییرلَردی اؤلومدَن سورا دئرّیلمَک یوخدور، عیسا یانینا گلدیلَر و اوندان خَبر آلدیلار: 24«اُستاد، موسا دئدی، اگر بیر کیشی اولادسیز اؤله، او کیشی‌نینگ کاکاسی اؤنونگ دول آرواد اینان ائولَنَسی تا اؤز کاکاسی ایچی نَسل قؤیا. 25ایندی بیزیم آرامیزدا یئتدی کاکا ایدی. بیرینجی ائولَندی و بو سَبریه کی اولادسیز اؤلدو، دول آروادینی اؤز کاکاسی ایچی قؤیدو. 26ائله بئله ده، ایکّینجی، اؤچونجو تا یئتدینجی‌سی‌نانچز. 27واریسیندان سورا دا، او آرواد اؤلدو. 28ایندی، اؤلولَرینگ دئرّیلدیگی گؤنده او آرواد، او یئتدی نفرینگ هانی بیری‌نینگ آروادی اولور؟ چونکی اوللارینگ واریسی اؤنونگ اینان ائولَنمیشلَردی.»
29آما عیسا اوللارا جواب وئردی: «خَبر آلدیگینز گپ گؤرسَدیر کی سیز ناغاد اشتباه ایچینده‌‌یاینز، بو سَبریه کی نه مُقدّس یازیلی‌لاری بیلیرَینز، نه ده تارئ قُدرتینی. 30چونکی اؤلولَر دئرّیلَندَن سورا، نه آرواد آلیرلار، نه ده اَره گئدیرلَر، بلکی گؤیونگ فرشته‌لَری له‌یین دیرلار. 31بئیه اؤلومدَن سورا دئرّیلمَک باره‌سینده، او سؤزو کی تارئ سیزه دئمیش اوخومامیشاینز کی دئییر: 32”من ابراهیم تارئ‌سی، اِسحاق تارئ‌سی و یَعقوب تارئ‌سی‌یَم“؟ تارئ، اؤلولَرینگ تارئ‌سی ده‌ییل، بلکی دئرّیلَرینگ تارئ‌سی دیر.» 33خَلخ بونو ائشیدَنده، اؤنونگ سؤزلَریندَن مات قالدیلار.
ائنگ بویوک حکم
34اوندا کی فَریسی‌لَر ائشیتدیلَر کی عیسا نه‌یین اؤز جوابی‌اینان صَدوقی‌لَرینگ آغیزینی باغلامیش، بیر یئره کوپ اولدولار. 35اوللارینگ بیری کی شَریعت عالِمی ایدی، عیسایی امتحان ائدمَک ایچی اوندان خَبر آلدی: 36«اُستاد، شَریعَتینگ ائنگ بویوک حکمی هانیسی دیر؟» 37عیسا جواب وئردی: «رَب تارینگی، بوتون اؤره‌کینگ اینَن، بوتون جانینگ اینان و بوتون فکرینگ اینَن چوخ سئه. 38بو بیرینجی و ائنگ بویوک حُکم دیر. 39و ایکّینجی حُکم ده، بیرینجی حُکم له‌یین دیر: قونشونگو ده اؤزونگ له‌یین چوخ سئه. 40بوتون تورات و پیغمبرلَر یازیلی‌لاری‌نینگ بَنا بُنیادی بو ایکّی حکم اوستونه دیر.»
مَسیح کیمینگ اوغلو دور؟
41اوندا کی فَریسی‌لَر بیر بیر دئییرینه ییغیلمیشلَر ایدی، عیسا بئللریندَن خبر آلدی: 42«سیز وَعده وئریلَن مَسیح باره‌سینده نه فکر ائدیرَینز؟ او کیمینگ اوغلو دور؟» اوللار اؤنا جواب وئردیلَر: «داوود پادشاه اوغلو دور.» 43عیسا دئدی: «پس نه‌یین دیر کی داوود پادشاه، تارئ روحو طَریقیندن، مَسیحی رَب چاغیریر و مُقدّس یازیلیدا دئییر کی:
44”رَب منیم رَبّیمه دئدی:
منیم ساغ اَلیمده اوتور
او زامانانچاز کی دشمنلَرینگی آیاقینگ آلتینا آتام.“
45اگر داوود پادشاه اؤنو رَب چاغیریر، پس نه‌یین وَعده وئریلَن مَسیح، داوود اوغلو دور؟» 46هئچ کَس نه اؤنا بیر کلام جواب وئره بیلدی، نه ده او گؤندَن سورا، بیری جرأت ائدی اوندان بیر گپ خبر آلا.
Currently Selected:
مَتّی 22: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 22
22
تؤی جشنی‌نینگ مَثَلی
1عیسا گئنه اوللار اینان مَثَل‌لَر اینَن دانیشدی، دئدی: 2«گؤی پادشاه‌لیگی کی ائله تارئ پادشاه‌لیگی دیر، بیر پادشاها بنزه‌ییر کی اوغلونا تؤی توتدو. 3پادشاه اؤز نوکرلَرینی، دعوت اولانلار قولونجونا یوللادی، آما اوللار سئمه‌دیلَر گلَلَّر! 4گئنه آیری نوکرلَر یوللادی، دئدی: ”دعوت اولانلارا دئیینز، ’باخینز، سُفرامی آماده ائدمیشَم، سِقیرلَریم و پَرواری کوسّالا‌لاریمینگ باشلاری کسیلمیش و واری زاد آماده دیر. تؤیا گلینز.‘“ 5آما اوللار اعتنا ائدمه‌دیلَر و گئدیلَر، بیری اَکینی یئرینه او بیری ده ایشینه! 6قالیقی ده، پادشاهینگ نوکرلَرینی توتدولار، اوللار اینَن اِهانَت اینَن رووآل ائدیلَر و اوللاری اؤلدوردولار. 7پادشاه غَضّبلَندی و اؤز قوشون‌لارینی یوللادی و او آدام اؤلدورَنلَری نابود ائدی و اوللارینگ شَهرینی اوتا چَکدی. 8او زامان اؤز نوکرلَرینه دئدی: ”تؤی جشنی آماده دیر، آما دعوتی‌لَر لایق ده‌ییللَر ایدی. 9پس، کوچه بازارلارا گئدینز و هَر کَسی کی بولدینز تؤیا دعوت ائدینز.“ 10او نوکرلَر دا یول‌لارا گئدیلَر، و هَر کَسی کی بولدولار، خوب و پیس ییغدیلَر، ائله کی تؤی جشنی قوناقدان دؤلدو.
11«اوندا کی پادشاه ایچری گلدی تا قوناق‌لاری گؤره، اؤردا بیر کیشی‌یی گؤردو کی دالینداکی رَخت تؤیا یاراشمئیردی. 12پادشاه اؤنا دئدی: ”یولداش، سَن تؤیا یاراشان رَختی گئیمه‌میش، نه‌یین گلدینگ ایچری؟“ او قوناقینگ گپی گلمه‌دی. 13اوندا پادشاه، اؤز نوکرلَرینه دئدی: ”بونونگ قیچ و قولونو باغلاینز و بئلَسینی یازّی قَرَنگی‌لیگینه آتینز. اؤرایا کی آغلاماگ و دیش قیرچمَک اولور.“
14«چونکی دعوت اولونموشلار چوخدورلار، آما سَچیلَن‌لَر آز.»
روم پادشاهینا خَراج وئرمَک
15او زامان فَریسی فِرقه‌سی‌نینگ عالِم‌لَری گئدیلَر و شوهْر ائدیلَر کی نه‌یین عیسایی اؤنونگ اؤز سؤزلَری اینن گیره سالالّار. 16اوللار اؤز شاگردلَرینی، هیرود طَرَفدارلاری اینَن عیسا یانینا یوللادیلار و دئدیلَر: «اُستاد، بیز بیلیرَک کی سَن بیر دؤز آدامانگ و تارئ یولونو دؤزلوک اینَن اؤرگدیرَینگ، هئچ کَسدَن قورخو یوخونگ و هئچ کَسینگ ده کیم اولدوگونا باخمئیرانگ. 17ایندی بیزه دئ گؤرَک سَنینگ نَظرینگ نه‌دیر. آیا روم پادشاهینا خَراج وئرمَک جایز دیر یا یو؟» 18آما عیسا کی اوللارینگ پیس نیّت‌لَریندَن آگاه ایدی، دئدی: «ای ایکّی‌ایزلی‌لَر، نه ایچی منی امتحان ائدیرَینز؟ 19خَراج وئردیگینز سِکّه‌یی منه گؤرسَدینز.» اوللار دا اؤنا بیر دینار وئردیلَر. 20عیسا اوللارا دئدی: «کیمینگ نَقشی و آدی سِکّه اوستونده دیر؟» 21اوللار جواب وئردیلَر: «روم پادشاهی‌نینگ.» او زامان اوللارا دئدی: «پس پادشاه مالینی پادشاها و تارئ مالینی تارئ‌یا وئرینز.» 22اوللار بونو ائشیدَنده مات قالدیلار، عیسایی ویل ائدیلَر و گئتدیلَر.
صَدوقی‌لَر قیامت باره‌سینده خبر آلیرلار
23ائله او گؤن، صَدوقی فِرقه‌سی‌نینگ عالِم‌لَری کی دئییرلَردی اؤلومدَن سورا دئرّیلمَک یوخدور، عیسا یانینا گلدیلَر و اوندان خَبر آلدیلار: 24«اُستاد، موسا دئدی، اگر بیر کیشی اولادسیز اؤله، او کیشی‌نینگ کاکاسی اؤنونگ دول آرواد اینان ائولَنَسی تا اؤز کاکاسی ایچی نَسل قؤیا. 25ایندی بیزیم آرامیزدا یئتدی کاکا ایدی. بیرینجی ائولَندی و بو سَبریه کی اولادسیز اؤلدو، دول آروادینی اؤز کاکاسی ایچی قؤیدو. 26ائله بئله ده، ایکّینجی، اؤچونجو تا یئتدینجی‌سی‌نانچز. 27واریسیندان سورا دا، او آرواد اؤلدو. 28ایندی، اؤلولَرینگ دئرّیلدیگی گؤنده او آرواد، او یئتدی نفرینگ هانی بیری‌نینگ آروادی اولور؟ چونکی اوللارینگ واریسی اؤنونگ اینان ائولَنمیشلَردی.»
29آما عیسا اوللارا جواب وئردی: «خَبر آلدیگینز گپ گؤرسَدیر کی سیز ناغاد اشتباه ایچینده‌‌یاینز، بو سَبریه کی نه مُقدّس یازیلی‌لاری بیلیرَینز، نه ده تارئ قُدرتینی. 30چونکی اؤلولَر دئرّیلَندَن سورا، نه آرواد آلیرلار، نه ده اَره گئدیرلَر، بلکی گؤیونگ فرشته‌لَری له‌یین دیرلار. 31بئیه اؤلومدَن سورا دئرّیلمَک باره‌سینده، او سؤزو کی تارئ سیزه دئمیش اوخومامیشاینز کی دئییر: 32”من ابراهیم تارئ‌سی، اِسحاق تارئ‌سی و یَعقوب تارئ‌سی‌یَم“؟ تارئ، اؤلولَرینگ تارئ‌سی ده‌ییل، بلکی دئرّیلَرینگ تارئ‌سی دیر.» 33خَلخ بونو ائشیدَنده، اؤنونگ سؤزلَریندَن مات قالدیلار.
ائنگ بویوک حکم
34اوندا کی فَریسی‌لَر ائشیتدیلَر کی عیسا نه‌یین اؤز جوابی‌اینان صَدوقی‌لَرینگ آغیزینی باغلامیش، بیر یئره کوپ اولدولار. 35اوللارینگ بیری کی شَریعت عالِمی ایدی، عیسایی امتحان ائدمَک ایچی اوندان خَبر آلدی: 36«اُستاد، شَریعَتینگ ائنگ بویوک حکمی هانیسی دیر؟» 37عیسا جواب وئردی: «رَب تارینگی، بوتون اؤره‌کینگ اینَن، بوتون جانینگ اینان و بوتون فکرینگ اینَن چوخ سئه. 38بو بیرینجی و ائنگ بویوک حُکم دیر. 39و ایکّینجی حُکم ده، بیرینجی حُکم له‌یین دیر: قونشونگو ده اؤزونگ له‌یین چوخ سئه. 40بوتون تورات و پیغمبرلَر یازیلی‌لاری‌نینگ بَنا بُنیادی بو ایکّی حکم اوستونه دیر.»
مَسیح کیمینگ اوغلو دور؟
41اوندا کی فَریسی‌لَر بیر بیر دئییرینه ییغیلمیشلَر ایدی، عیسا بئللریندَن خبر آلدی: 42«سیز وَعده وئریلَن مَسیح باره‌سینده نه فکر ائدیرَینز؟ او کیمینگ اوغلو دور؟» اوللار اؤنا جواب وئردیلَر: «داوود پادشاه اوغلو دور.» 43عیسا دئدی: «پس نه‌یین دیر کی داوود پادشاه، تارئ روحو طَریقیندن، مَسیحی رَب چاغیریر و مُقدّس یازیلیدا دئییر کی:
44”رَب منیم رَبّیمه دئدی:
منیم ساغ اَلیمده اوتور
او زامانانچاز کی دشمنلَرینگی آیاقینگ آلتینا آتام.“
45اگر داوود پادشاه اؤنو رَب چاغیریر، پس نه‌یین وَعده وئریلَن مَسیح، داوود اوغلو دور؟» 46هئچ کَس نه اؤنا بیر کلام جواب وئره بیلدی، نه ده او گؤندَن سورا، بیری جرأت ائدی اوندان بیر گپ خبر آلا.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company