مَتّی 21
21
عیسانینگ اورشلیم شَهرینه گلمَکی
1عیسا و شاگردلَری اورشلیم شَهرینه یاخین‌لَشنده، زیتون داغینداکی کَنده کی آدی بِیت‌فاجی ایدی گلدیلَر. او زامان عیسا، شاگردلَری‌نینگ ایکّی‌سینی یوللادی 2و اوللارا دئدی: «قَرشیده‌کی کَنده گئدینز، ائله او کَند ایچینه گئتدیگی اینَن بیر باغلی اَشَّکی قودوقی اینان بولاراینز. اوللاری آچینز و منیم یانیما گتیرینز. 3اگر بیرکَس سیزه بیر زاد دئدی، دئیینز: ”رَبّینگ ایشیندَن دیر،“ و او آدام فوری اوللاری یوللایار.» 4بئله اولدو تا پیغمبر طَریقیندَن دئییلَن سؤز یئرینه ائتیشه کی دئییر:
5«مُقدّس داغینگ قیزینه، اورشلیمه دئیینز،
”باخ! پادشاهینگ سنینگ یانینگا گلیر،
گؤنگول آلچاق و اَشَّکه مینیلی،
اَشَّکینگ قودوقینا مینیلی.“»
6او شاگردلَر گئتدیلَر و ائله او طور کی عیسا اوللارا دئمیش ایدی، ائدیلَر. 7اَشَّکی و قودوقینی گتیردیلَر و اؤز قابالارینی اوللارینگ اوستونه آتدیلار، عیسا دا میندی. 8جمعیتینگ آرتیقی، اؤز قابالارینی عیسا یولو اوستونه سَردیلَر و آیری آداملار دا آغاجلارینگ شاخالارینی کَسدیلَر و یول اوستونه سَردیلَر. 9او جمعیت کی عیسادان ایلَری گئدیرلَر ایدی و او جمعیت دا کی عیسانینگ آردی سورا گلیرلَر ایدی، اوجا سَس اینَن دئییرلَردی: «نجات وئر، داوود پادشاه اوغلو! مُتبارک اولسون او کی رَبّینگ آدیندا گلیر! گؤی‌لَرینگ ائنگ اوخاریسیندا نجات.» 10عیسا اورشلیم شَهرینه گلَنده، بوتون شَهر جوشدولار و دئدیلَر: «بو کیم دیر؟» 11و جماعت دئدیلَر: «بو عیسایِ پیغمبر دیر کی جَلیل ولایتی‌نینگ ناصِره شَهری‌نینگ آدامی دیر.»
عیسا معامله‌گرلَری مَعبددَن یازّیا سالدی
12عیسا گئتدی مَعبده و واری او آداملاری کی مَعبد ایچینده معامله ائدیرلَر ایدی، مَعبددَن یازّیا آتدی. عیسا صَرّاف‌لار میزلَرینی و گؤی‌اَرچین ساتان‌لارینگ کورسی‌لارینی کوپ ائدی. 13اوللارا دئدی: «مُقدّس یازیلی‌لاردا یازیلمیش کی، ”منیم ائویم، دُعا ائوی چاغیریلار،“ آما سیز اؤنو اوغرولار یووآسی ائدمیشَینز.»
14کورلار و آخساق‌لار، مَعبدده عیسا یانینا گلدیلَر و عیسا اوللاری شفا وئردی. 15آما اوندا کی باش کاهِن‌لَر کی مَعبدینگ عالِم‌لَری ایدیلَر و تورات معلّم‌لَری، عیسانینگ حیران ائدَن ایشلَرینی گؤردولَر و ائله بئله ده گؤردولَر کی اوشاق‌لار مَعبدده اوجا سَس اینَن دئییرلَر ایدی: «نجات وئر، داوود پادشاه اوغلو!» عصبانی اولدولار. 16اوللار عیسایا دئدیلَر: «ائشیدیرَینگ بوللار نه دئییرلَر؟» عیسا اوللارا دئدی: «بَله، بئیه مُقدّس یازیلی‌لاردا اوخومامیشاینز کی دئییر، ”اوشاق‌لار و سؤد اَمَنلَر ده، دیل‌لَری اینن اؤنو پَرست ائدیرلَر“؟»
17و عیسا اوللاری ویل ائدی و شَهردَن یازّیا چیخدی. او، بِیت‌عَنیا کَندینه گئتدی و گئجه‌یی اؤردا قالدی.
انجیر آغاجی‌نینگ قورّوماگی
18سَحر چاغی، عیسا شَهره دؤنَنده، آج اولدو. 19یول قیراقیندا بیر انجیر آغاجی گؤردو و اونا ساری گئتدی، آما برگ‌دَن آیری، اوندا هئچ نه بولمادی. پس او آغاجا دئدی: «بوندان سورا داها سَندَن هئچ میوه عَمله گلمه‌سین!» انجیر آغاجی ائله او آن قورّودو. 20شاگردلَر بونو گؤرَنده، حیران قالدیلار و دئدیلَر: «نه‌یین انجیر آغاجی، بیر آندا قورّودو؟» 21عیسا اوللارا جواب وئردی: «گرچَکینی سیزه دئییرم، اگر ایمان وارینز اولا و شَک ائدمه‌ینز، نه فقط انجیر آغاجینا ائدیلَنی، ائده بیلَرَینز، بلکی اگر بو داغا دئیه‌ینز: ”یئردَن قازیل و دریا ایچینه آتیل،“ بئله اولور. 22اگر ایمان وارینز اولا، هَر‌نه‌یی کی دُعادا سئینز، اَله گتیرَرَینز.»
عیسا اِقتداری باره‌سینده سؤال اولونیر
23اوندا کی عیسا مَعبده گلدی و اؤردا تَعلیم وئریردی، باش کاهِن‌لَر و خَلخینگ شیخ‌لَری اؤنونگ یانینا گلدیلَر و اؤنا دئدیلَر: «نه حَق اینان بو ایشلَری گؤرورَینگ؟ کیم سَنه بو حَقّی وئرمیش؟» 24عیسا اوللارا جواب وئردی: «من ده سیزدَن بیر زاد خبر آلارام و اگر منه جواب وئرَینز، اوندا من ده سیزه دئیه‌رَم کی نه حَق اینان بو ایشلَری گؤرورَم. 25یحیا کیمینگ حَقّی اینان تَعمید وئریردی؟ بو حَق تارئ طَرفیندن اؤنا وئریلمیش ایدی یا انسان طَرفیندن؟» اوللار اؤز آرالاریندا شوهْر ائدیلَر و دئدیلَر: «اگر دئسَک: ”تارئ طَرفیندن،“ او بیزه دئیه‌ر: ”پس نه ایچی اؤنا اینانمادینز؟“ 26اگر ده دئسَک: ”انسان طَرفیندن“ جماعتدَن قورخیراک. چونکی واری‌کَس اینانمیش کی یحیا بیر پیغمبر دیر.» 27پس عیسایا جواب وئردیلَر: «بیز بیلمئیرَک.» عیسا دا اوللارا دئدی: «من ده سیزه دئمَم کی نه حَق اینان بو ایشلَری گؤرورَم.
ایکّی اوغول مَثَلی
28«سیز نه فکر ائدیرَینز؟ بیر کیشیده ایکّی اوغول وار ایدی. کیشی اَوّلکی اوغلونونگ یانینا گئتدی و دئدی: ”اوغول، بوگؤن گئد و اوزوم باغیندا ایش گؤر.“ 29اوغول جواب وئردی: ”گئدمئیرَم.“ آما اوندان سورا نَظرینی ده‌ییشدی و گئتدی. 30بووآ او بیر اوغلو یانینا گئتدی و اؤنا دا، ائله او گپی چالدی. اوغول جواب وئردی: ”گئدیرَم، آقا،“ آما گئدمه‌دی. 31او ایکّی اوغلونگ هانی بیری بووآسی سئدیگی ایشی گؤردو؟» اوللار دئدیلَر: «اَوّلکی.» عیسا اوللارا دئدی: «گرچَکینی سیزه دئییرم، باج ییغَن‌لَر و فاحشه‌لَر سیزدَن ایلَری تارئ پادشاه‌لیگینه گئدیرلَر. 32چونکی یحیا گلدی و دؤز یولو سیزه گؤرسَتدی، سیز اؤنا اینانمادینز، آما باج ییغَن‌لَر و فاحشه‌لَر ایناندیلار. و سیز حتّی بونو گؤرَندَن سورا دا نَظرینزی ده‌ییشمه‌دینز و اؤنا اینانمادینز.
شَریر باغبانلار مَثَلی
33«بیر آیری مَثَل ائشیدینز: بیر مِلک اَیه‌سی ایدی کی بیر اوزوم باغی اَکدی و دئییرینه حصار چَکدی. او اوزوم سویونو توتماک ایچی، باغ ایچینده بیر حوض دؤزَتدی، بیر اوجا یئر دا کشیک وئرمَک ایچی دؤزَتدی و باغی، باغبانلارا اجاره وئردی و بیر آیری مَملکته گئتدی. 34اوندا کی ثَمر زامانی یاخین اولدو، اؤز نوکرلَرینی باغبانلار یانینا یوللادی تا اؤنونگ ثَمرینی آلالّار. 35آما باغبانلار اؤنونگ نوکرلَرینی توتدولار، بیرینی کِتَک ووردولار، بیرینی اؤلدوردولار، او بیرینی دا سَنگسار ائدیلَر. 36بو دفعه باغ اَیه‌سی، اَوّلکی دفعه‌دَن آرتیق نوکر یوللادی، آما باغبانلار اوللار اینان دا ائله اوله‌یین ائدیلَر. 37آخیردان اؤز اوغلونو باغبانلار یانینا یوللادی و اؤز یانیندا دئییردی: ”اوغلومونگ حُرمَتینی ساخلایارلار.“ 38آما باغبانلار اوغلو گؤرَنده، اؤز آرالاریندا دئدیلَر: ”وارث بو دور، گلینز اؤنو اؤلدورَک تا میراثی بیزه ائتیشه.“ 39پس اؤنو توتدولار، اوزوم باغیندان یازّیا سالدیلار و اؤلدوردولَر. 40بئله، باغ اَیه‌سی گلَنده، او باغبانلار اینان نیجه ائده‌ر؟» 41اوللار عیسایا دئدیلَر: «او وجدان‌سیز آداملاری، رَحم‌سیزلیگ اینَن نابود ائده‌ر و اوزوم باغینی بیر آیری باغبانلارا اجاره وئره‌ر کی ثَمرلَری، اؤز فَصل‌لَرینده اؤنا وئرَلَّر.»
42عیسا اوللارا دئدی: «مُقدّس یازیلی‌لاردا هئچ اوخومامیشاینز کی،
”او داش کی بَنّا‌لار رَد ائدیلَر،
عِمارتینگ اَصل داشی اولموش.
رَب بئله ائدمیش؛
و بیزیم گؤزوموزه عَجیب گلیر.“
43پس سیزه دئییرم کی تارئ پادشاه‌لیگی سیزدَن آلینار و بیر خَلخه وئریلَر کی اؤنو ثَمره ائتیشتیرلَّر. 44او کی بو داش اوستونه دؤشه تیکه تیکه اولور و بو داش هَر کَس اوستونه کی دؤشه، اؤنو کاچّی ائده‌ر.»
45اوندا کی باش کاهِن‌لَر و فَریسی فِرقه‌سی‌نینگ عالِم‌لَری عیسانینگ مَثَل‌لَرینی ائشیتدیلَر، آنگلادیلار کی عیسا اوللار باره‌سینده دانیشیردی، 46و هَرچند کی بیر یول گزیرلَردی تا عیسایی توتالّار، آما جماعتدَن قورخیرلاردی بو سَبریه کی خَلخ عیسایی بیر پیغمبر بیلیرلَر ایدی.
Currently Selected:
مَتّی 21: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 21
21
عیسانینگ اورشلیم شَهرینه گلمَکی
1عیسا و شاگردلَری اورشلیم شَهرینه یاخین‌لَشنده، زیتون داغینداکی کَنده کی آدی بِیت‌فاجی ایدی گلدیلَر. او زامان عیسا، شاگردلَری‌نینگ ایکّی‌سینی یوللادی 2و اوللارا دئدی: «قَرشیده‌کی کَنده گئدینز، ائله او کَند ایچینه گئتدیگی اینَن بیر باغلی اَشَّکی قودوقی اینان بولاراینز. اوللاری آچینز و منیم یانیما گتیرینز. 3اگر بیرکَس سیزه بیر زاد دئدی، دئیینز: ”رَبّینگ ایشیندَن دیر،“ و او آدام فوری اوللاری یوللایار.» 4بئله اولدو تا پیغمبر طَریقیندَن دئییلَن سؤز یئرینه ائتیشه کی دئییر:
5«مُقدّس داغینگ قیزینه، اورشلیمه دئیینز،
”باخ! پادشاهینگ سنینگ یانینگا گلیر،
گؤنگول آلچاق و اَشَّکه مینیلی،
اَشَّکینگ قودوقینا مینیلی.“»
6او شاگردلَر گئتدیلَر و ائله او طور کی عیسا اوللارا دئمیش ایدی، ائدیلَر. 7اَشَّکی و قودوقینی گتیردیلَر و اؤز قابالارینی اوللارینگ اوستونه آتدیلار، عیسا دا میندی. 8جمعیتینگ آرتیقی، اؤز قابالارینی عیسا یولو اوستونه سَردیلَر و آیری آداملار دا آغاجلارینگ شاخالارینی کَسدیلَر و یول اوستونه سَردیلَر. 9او جمعیت کی عیسادان ایلَری گئدیرلَر ایدی و او جمعیت دا کی عیسانینگ آردی سورا گلیرلَر ایدی، اوجا سَس اینَن دئییرلَردی: «نجات وئر، داوود پادشاه اوغلو! مُتبارک اولسون او کی رَبّینگ آدیندا گلیر! گؤی‌لَرینگ ائنگ اوخاریسیندا نجات.» 10عیسا اورشلیم شَهرینه گلَنده، بوتون شَهر جوشدولار و دئدیلَر: «بو کیم دیر؟» 11و جماعت دئدیلَر: «بو عیسایِ پیغمبر دیر کی جَلیل ولایتی‌نینگ ناصِره شَهری‌نینگ آدامی دیر.»
عیسا معامله‌گرلَری مَعبددَن یازّیا سالدی
12عیسا گئتدی مَعبده و واری او آداملاری کی مَعبد ایچینده معامله ائدیرلَر ایدی، مَعبددَن یازّیا آتدی. عیسا صَرّاف‌لار میزلَرینی و گؤی‌اَرچین ساتان‌لارینگ کورسی‌لارینی کوپ ائدی. 13اوللارا دئدی: «مُقدّس یازیلی‌لاردا یازیلمیش کی، ”منیم ائویم، دُعا ائوی چاغیریلار،“ آما سیز اؤنو اوغرولار یووآسی ائدمیشَینز.»
14کورلار و آخساق‌لار، مَعبدده عیسا یانینا گلدیلَر و عیسا اوللاری شفا وئردی. 15آما اوندا کی باش کاهِن‌لَر کی مَعبدینگ عالِم‌لَری ایدیلَر و تورات معلّم‌لَری، عیسانینگ حیران ائدَن ایشلَرینی گؤردولَر و ائله بئله ده گؤردولَر کی اوشاق‌لار مَعبدده اوجا سَس اینَن دئییرلَر ایدی: «نجات وئر، داوود پادشاه اوغلو!» عصبانی اولدولار. 16اوللار عیسایا دئدیلَر: «ائشیدیرَینگ بوللار نه دئییرلَر؟» عیسا اوللارا دئدی: «بَله، بئیه مُقدّس یازیلی‌لاردا اوخومامیشاینز کی دئییر، ”اوشاق‌لار و سؤد اَمَنلَر ده، دیل‌لَری اینن اؤنو پَرست ائدیرلَر“؟»
17و عیسا اوللاری ویل ائدی و شَهردَن یازّیا چیخدی. او، بِیت‌عَنیا کَندینه گئتدی و گئجه‌یی اؤردا قالدی.
انجیر آغاجی‌نینگ قورّوماگی
18سَحر چاغی، عیسا شَهره دؤنَنده، آج اولدو. 19یول قیراقیندا بیر انجیر آغاجی گؤردو و اونا ساری گئتدی، آما برگ‌دَن آیری، اوندا هئچ نه بولمادی. پس او آغاجا دئدی: «بوندان سورا داها سَندَن هئچ میوه عَمله گلمه‌سین!» انجیر آغاجی ائله او آن قورّودو. 20شاگردلَر بونو گؤرَنده، حیران قالدیلار و دئدیلَر: «نه‌یین انجیر آغاجی، بیر آندا قورّودو؟» 21عیسا اوللارا جواب وئردی: «گرچَکینی سیزه دئییرم، اگر ایمان وارینز اولا و شَک ائدمه‌ینز، نه فقط انجیر آغاجینا ائدیلَنی، ائده بیلَرَینز، بلکی اگر بو داغا دئیه‌ینز: ”یئردَن قازیل و دریا ایچینه آتیل،“ بئله اولور. 22اگر ایمان وارینز اولا، هَر‌نه‌یی کی دُعادا سئینز، اَله گتیرَرَینز.»
عیسا اِقتداری باره‌سینده سؤال اولونیر
23اوندا کی عیسا مَعبده گلدی و اؤردا تَعلیم وئریردی، باش کاهِن‌لَر و خَلخینگ شیخ‌لَری اؤنونگ یانینا گلدیلَر و اؤنا دئدیلَر: «نه حَق اینان بو ایشلَری گؤرورَینگ؟ کیم سَنه بو حَقّی وئرمیش؟» 24عیسا اوللارا جواب وئردی: «من ده سیزدَن بیر زاد خبر آلارام و اگر منه جواب وئرَینز، اوندا من ده سیزه دئیه‌رَم کی نه حَق اینان بو ایشلَری گؤرورَم. 25یحیا کیمینگ حَقّی اینان تَعمید وئریردی؟ بو حَق تارئ طَرفیندن اؤنا وئریلمیش ایدی یا انسان طَرفیندن؟» اوللار اؤز آرالاریندا شوهْر ائدیلَر و دئدیلَر: «اگر دئسَک: ”تارئ طَرفیندن،“ او بیزه دئیه‌ر: ”پس نه ایچی اؤنا اینانمادینز؟“ 26اگر ده دئسَک: ”انسان طَرفیندن“ جماعتدَن قورخیراک. چونکی واری‌کَس اینانمیش کی یحیا بیر پیغمبر دیر.» 27پس عیسایا جواب وئردیلَر: «بیز بیلمئیرَک.» عیسا دا اوللارا دئدی: «من ده سیزه دئمَم کی نه حَق اینان بو ایشلَری گؤرورَم.
ایکّی اوغول مَثَلی
28«سیز نه فکر ائدیرَینز؟ بیر کیشیده ایکّی اوغول وار ایدی. کیشی اَوّلکی اوغلونونگ یانینا گئتدی و دئدی: ”اوغول، بوگؤن گئد و اوزوم باغیندا ایش گؤر.“ 29اوغول جواب وئردی: ”گئدمئیرَم.“ آما اوندان سورا نَظرینی ده‌ییشدی و گئتدی. 30بووآ او بیر اوغلو یانینا گئتدی و اؤنا دا، ائله او گپی چالدی. اوغول جواب وئردی: ”گئدیرَم، آقا،“ آما گئدمه‌دی. 31او ایکّی اوغلونگ هانی بیری بووآسی سئدیگی ایشی گؤردو؟» اوللار دئدیلَر: «اَوّلکی.» عیسا اوللارا دئدی: «گرچَکینی سیزه دئییرم، باج ییغَن‌لَر و فاحشه‌لَر سیزدَن ایلَری تارئ پادشاه‌لیگینه گئدیرلَر. 32چونکی یحیا گلدی و دؤز یولو سیزه گؤرسَتدی، سیز اؤنا اینانمادینز، آما باج ییغَن‌لَر و فاحشه‌لَر ایناندیلار. و سیز حتّی بونو گؤرَندَن سورا دا نَظرینزی ده‌ییشمه‌دینز و اؤنا اینانمادینز.
شَریر باغبانلار مَثَلی
33«بیر آیری مَثَل ائشیدینز: بیر مِلک اَیه‌سی ایدی کی بیر اوزوم باغی اَکدی و دئییرینه حصار چَکدی. او اوزوم سویونو توتماک ایچی، باغ ایچینده بیر حوض دؤزَتدی، بیر اوجا یئر دا کشیک وئرمَک ایچی دؤزَتدی و باغی، باغبانلارا اجاره وئردی و بیر آیری مَملکته گئتدی. 34اوندا کی ثَمر زامانی یاخین اولدو، اؤز نوکرلَرینی باغبانلار یانینا یوللادی تا اؤنونگ ثَمرینی آلالّار. 35آما باغبانلار اؤنونگ نوکرلَرینی توتدولار، بیرینی کِتَک ووردولار، بیرینی اؤلدوردولار، او بیرینی دا سَنگسار ائدیلَر. 36بو دفعه باغ اَیه‌سی، اَوّلکی دفعه‌دَن آرتیق نوکر یوللادی، آما باغبانلار اوللار اینان دا ائله اوله‌یین ائدیلَر. 37آخیردان اؤز اوغلونو باغبانلار یانینا یوللادی و اؤز یانیندا دئییردی: ”اوغلومونگ حُرمَتینی ساخلایارلار.“ 38آما باغبانلار اوغلو گؤرَنده، اؤز آرالاریندا دئدیلَر: ”وارث بو دور، گلینز اؤنو اؤلدورَک تا میراثی بیزه ائتیشه.“ 39پس اؤنو توتدولار، اوزوم باغیندان یازّیا سالدیلار و اؤلدوردولَر. 40بئله، باغ اَیه‌سی گلَنده، او باغبانلار اینان نیجه ائده‌ر؟» 41اوللار عیسایا دئدیلَر: «او وجدان‌سیز آداملاری، رَحم‌سیزلیگ اینَن نابود ائده‌ر و اوزوم باغینی بیر آیری باغبانلارا اجاره وئره‌ر کی ثَمرلَری، اؤز فَصل‌لَرینده اؤنا وئرَلَّر.»
42عیسا اوللارا دئدی: «مُقدّس یازیلی‌لاردا هئچ اوخومامیشاینز کی،
”او داش کی بَنّا‌لار رَد ائدیلَر،
عِمارتینگ اَصل داشی اولموش.
رَب بئله ائدمیش؛
و بیزیم گؤزوموزه عَجیب گلیر.“
43پس سیزه دئییرم کی تارئ پادشاه‌لیگی سیزدَن آلینار و بیر خَلخه وئریلَر کی اؤنو ثَمره ائتیشتیرلَّر. 44او کی بو داش اوستونه دؤشه تیکه تیکه اولور و بو داش هَر کَس اوستونه کی دؤشه، اؤنو کاچّی ائده‌ر.»
45اوندا کی باش کاهِن‌لَر و فَریسی فِرقه‌سی‌نینگ عالِم‌لَری عیسانینگ مَثَل‌لَرینی ائشیتدیلَر، آنگلادیلار کی عیسا اوللار باره‌سینده دانیشیردی، 46و هَرچند کی بیر یول گزیرلَردی تا عیسایی توتالّار، آما جماعتدَن قورخیرلاردی بو سَبریه کی خَلخ عیسایی بیر پیغمبر بیلیرلَر ایدی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company