لوقا 23
23
عیسا پیلاتُس حُضوروندا
1پس واری اوللار کی مَجلسده حاضر ایدیلار توردولار آیاقی و عیسایی روملی والی، پیلاتُس حُضورونا آپاردیلار 2و عیسایا بوهتان وورماگا باشلادیلار و دئدیلَر: «بیز بو نتیجه‌یه ائتیشمیشَک کی بو آدام بیزیم ملّتیمیزی یولدان چاخارتیر و بیزی مَنع ائدیر کی روم پادشاهینا خَراج وئرَک و دئییر کی اؤنونگ اؤزو وَعده وئریلَن مَسیح، یعنی پادشاه دیر.» 3پیلاتُس عیسادان خبر آلدی: «آیا سَن یهودی‌لارینگ پادشاهی‌یانگ؟» عیسا جواب وئردی: «سَن اؤزونگ بئله دئدینگ.» 4اوندان سورا پیلاتُس باش کاهِن‌لَره کی مَعبد عالِم‌لَری ایدیلر و جماعته دئدی: «من بو کیشی دا هئچ تَقصیر گؤرمئیرَم.» 5آما اوللار اِصرار ائدیرلَردی و دئییرلَردی: «بو آدام بوتون یهودیه‌ده خَلخی اؤز تَعلیم‌لَری اینَن جوشاردیر. جَلیل ولایتیندن باشلامیش و بورانچاز دا ائتیشمیش.»
عیسا هیرودیس حاکم حُضوروندا
6پیلاتُس بونو ائشیدَنده خبر آلدی کی گؤره آیا بو کیشی جَلیللی دیر. 7اوندا کی بیلدی عیسا، هیرودیس حاکم حکم سؤردیگی یئرینگ آدامی دیر، اؤنو هیرودیس یانینا یوللادی. هیرودیسینگ اؤزو او موقع اورشلیم شَهرینده ایدی. 8هیرودیس عیسایی گؤرَنده چوخ خوشحال اولدو، بو سَبریه کی اؤنونگ باره‌سینده چوخ گپلَر ائشیدمیشدی و چوخ وختی ایدی کی سئیردی اؤنو گؤره و امید واریدی تا عیسادان بیر پارا نیشانا گؤره. 9او چوخ زادلار عیسادان خبر آلدی آما عیسا هئچ جواب وئرمه‌دی. 10باش کاهِن‌لَر و تورات معلّم‌لَری اؤردا تورموشلار ایدی و چوخ سَخت بوهتان‌لار عیسایا وورورلاردی. 11هیرودیس حاکم و سربازلاری عیسا اینان حِقارت اینان رووآل ائدیلَر و اؤنو ریشخند ائدیلَر. اوندان سورا هیرودیس، عیسایا بیر زَرق و بَرقلی قابا گئیدیردی و اؤنو روملی والی، پیلاتُس یانینا گئری یوللادی. 12ائله او گؤن دا هیرودیس و پیلاتُس بیر بیر اینَن صُلح ائدیلَر چونکی ایلَرتر بیر بیر اینان دشمن ایدیلار.
13اوندان سورا پیلاتُس باش کاهِن‌لَری، خَلخینگ باشی بویوک‌لَرینی و خَلخی اؤز یانینا چاغیردی 14و اوللارا دئدی: «سیز بو کیشی‌یی، خَلخی یولدان چاخارتماگ اِتّهامینه منیم یانیما گتیردینز. من سیزینگ گؤزونز دَمینده اؤنونگ حَقّینده خبرلَشدیم. باخینز، من بو کیشیده، هئچ تَقصیر بولمادیم کی سیزینگ اِتّهام‌لارینزی تَصدیق ائده. 15هیرودیس حاکم دا هئچ‌نه بولمامیش چونکی اؤنو بیزیم یانیمیزا گئری یوللامیش. آله‌یین دیر کی او بیر ایش گؤرمه‌میش کی اؤلومه لایق اولا. 16پس من اؤنو شلّاق وورارام و اوندان سورا آزاد ائده‌رَم.» 17پیلاتُس هر عیدده اوللار ایچی بیر زندانی آزاد ائدیردی.
18آما اوللار واری بئلینه اوجا سَس اینَن دئدیلَر: «بو آدامی یوخ ائد. باراباسی بیزیم ایچی آزاد ائد.» 19باراباس شَهر ایچینده شلوغ سالماگ و آدام اؤلدورمَک جُرمینه زندانا دؤشموشدو. 20چونکی پیلاتُس گؤینو سئیردی کی عیسایی آزاد ائده، بیر دفعه داها دا جمعیت اینَن دانیشدی، 21آما اوللار داد چَکیرلَردی: «اؤنو صَلیبه چَک، اؤنو صَلیبه چَک!» 22اؤچونجو دفعه ایچی اوللارا دئدی: «نه ایچی؟ نه پیس ایش گؤرموش؟ من اوندا هئچ تَقصیر بولمادیم کی، اؤلومه لایق اولا. پس من اؤنو شلّاق وورارام اوندان سورا دا آزاد ائده‌رَم.» 23آما اوللار اِصرار ائدیلَر و داد چَکیرلَردی کی عیسا صَلیبه چَکیلَسی. آخیردان اوللارینگ سَسی گؤج اولدو. 24پیلاتُس دا تَصمیم توتدو کی اوللار سئدیگی حکمی وئره. 25پس اوللار سئدیگینه گؤره، او آدامی کی شَهر ایچینده شلوغ سالماگ و آدام اؤلدورمک جُرمینا زندانا آتیلمیش ایدی آزاد ائدی و عیسایی اوللارینگ اختیارینا قؤیدو.
صَلیب اوستونده
26اوندا کی روم سربازلاری، عیسایی آپاریرلاردی تا اعدام ائدَلَّر، بیر شَمعون آدلی کیشی‌یی کی قیرَوان شَهری‌نینگ آدامی ایدی و اَکین‌لَر یئری اوستوندَن شَهره گلیردی، توتدولار و عیسانینگ صَلیبینی اؤنونگ چینینه قؤیدولار تا اؤنو عیسا قولونجوندان آپارا. 27بیر بویوک جمعیت خَلخدَن و او آروادلاردان کی عیسا ایچی آغلاشیرلاردی و شیون ائدیرلَردی، عیسا قولونجوندان گئدیرلَردی. 28آما عیسا ایزینی اوللارا ساری ائدی و دئدی: «اورشلیم شَهری‌نینگ قیزلَری، منیم ایچی آغلاماینز بلکی اؤزونز ایچی و اولادلارینز ایچی آغلاینز! 29چونکی باخینز، او گؤنلَر گلیر کی دئیه‌رلَر: ”خوش او دوغماز آروادلار، دوغمامیش قارنلار و اَمزیرمه‌میش دؤشلَر حالینا!“ 30اوندا اوللار داغلارا دئیه‌رلَر: ”بیزیم اوستوموزه دؤشینز“ و یال‌لارا دئیه‌رلَر: ”بیزیم اوستوموزو اؤرتونز.“ 31چونکی اگر اوللار گؤی آغاج اینان بئله ائدَلَّر، پس قورّو آغاجینگ باشینا نه گلَر؟»
32ایکّی جنایت ائدَن آدامی دا عیسا اینان آپاریرلاردی تا اؤلدورَلّر 33و کَلّه دئییلَن یئره ائتیشَنده، عیسایی و او ایکّی جنایت ائدَنی صَلیبه توخودولار. بیرینی عیسانینگ ساغ طَرفینده و او بیرینی دا چَپ طَرَفینده. 34عیسا دئدی: «ای بووآ، بوللاری باغیشلا، چونکی بیلمئیرلَر کی نه ایش گؤرورلَر.» سربازلار عیسانینگ رَختلَرینی، اؤز آرالاریندا بَهر ائدمَک ایچی، پؤشک آتدیلار. 35خَلخ تورموشلاردی و باخیرلاردی آما یهود خَلخی‌نینگ رئیس‌لَری ریشخند اینن دئییرلَردی: «باقّی آداملاری نجات وئردی. اگر بو کیشی تارئ‌نینگ وَعده وئردیگی مَسیح دیر، اگر بو کیشی او سَچیلَن دیر ایندی قؤیونز تا اؤزونو ده نجات وئره.» 36سربازلار دا عیسایی ریشخند ائدیرلَردی و اؤنونگ آغیزی دَمینه تُرشاموش شاراب توتیرلار ایدی 37و دئییرلَردی: «اگر سَن یهودی‌لارینگ پادشاهی‌یانگ، اؤزونگو نجات وئر.» 38عیسانینگ باشی ایجینه دا یازمیشلاردی کی: «بو یهودی‌لارینگ پادشاهی دیر.» 39صَلیبه توخولان جنایت ائدَن‌لَرینگ بیری، عیسایا سؤیوش وئریردی و اؤنا دئییردی: «بئیه سَن وَعده وئریلَن مَسیح ده‌ییلَینگ؟ هم اؤزونگو نجات وئر، هم ده بیزی.» 40آما او بیرسی، اؤنو هَیله‌دی و دئدی: «تارئ‌دان قورخمئیرانگ؟ سن دا ائله او جَزا آلتیندایانگ. 41بیزیم حَقّیمیز دیر کی بئله اولاک، بو سَبریه کی اؤز عَمل‌لَریمیزینگ جَزاسی دیر، آما بو کیشی هئچ پیس ایش گؤرمه‌میش.» 42و دئدی: «عیسا، پادشاه‌لیگینگه گلَن وخت، منی یادا گتیر.» 43عیسا اؤنا دئدی: «گرچَکینی سَنه دئییرم، بوگؤن منیم اینَن جَنّتده اولورانگ.»
عیسانینگ اؤلومو
44ظُهر چاغی، ساعت اون ایکّیه یاخین ایدی کی بوتون او سرزمین قَرَنگی‌لیگه باتدی و اؤچ ساعت اوندان سورایانچاز، حَلی واری یئر قَرَنگی ایدی. 45گؤن ایشّیق چالماکدان توردو و مَعبدینگ پرده‌سی اوخاریدان آشاغیا ایکّر اولدو. 46اوندا عیسا اوجا سَس اینَن چاغیردی و دئدی: «ای بووآ، روحومو سَنینگ اَلینگه تاپشیریرام.» بونو دئدی و آخیرکی نَفَسینی چَکدی. 47او روملی اَفسر کی ناتّورلیگ ائدیردی، بو تَفاق‌لاری گؤرَنده، تارئ‌یی حمد و ثنا ائدی و دئدی: «گرچَکدن کی بو آدام هئچ تَقصیر یوخیدی.» 48تاماشایا ییغیلَن خَلخ دا بو تَفاق‌لاری گؤرَنده، دؤشلَرینه وورا-وورا ائولَرینه گئری دؤندولَر. 49عیسایی تانیانلارینگ واریسی و او آروادلار کی جَلیلدَن عیسا آردی سورا گلمیشلَر ایدی، ایراقدا تورموشلاردی و بو زادلارا باخیرلاردی.
عیسایی تورپاقا تاپشیریرلار
50رامَه شَهریندَن، بیر کیشی ایدی کی آدی یوسف ایدی. رامَه، یهودی‌لارینگ بیر شَهرلَریندن ایدی. یوسف بیر خوب و صالح آدام ایدی کی یهود شوراسی‌نینگ آداملاریندان ایدی. 51یوسف، شوراداکی آدام‌لارینگ تَصمیمی اینَن و ایلَری توتان ایشلَری اینَن موافق ده‌ییلدی و تارئ پادشاه‌لیگی‌نینگ یولونو گؤزله‌ییردی. 52بو کیشی روملی والی، پیلاتُس یانینا گئتدی و عیسانینگ جنازه‌سینی سئدی. 53اوندان سورا جنازه‌یی صَلیبدن آشاغی گتیردی و بیر کتان پارچایا کَفنلَدی و اؤنو داشدان قازیلمیش مَقبره ایچینه قؤیدو. او زامانانچاز هئچ کَس او مَقبره ایچینه قؤیولمامیشدی. 54او گؤن، یهودی‌لارینگ پِسَخ عیدی ایچی آماده اولماگ گؤنو ایدی و مُقدّس شنبه گؤنونونگ باشلانماکینا آز قالمیشدی. 55عیسا اینان جَلیل‌دن گلَن آروادلار دا یوسفونگ آردی سورا گئتدیلَر و مَقبره‌یی و عیسا جنازه‌سی‌نینگ نه‌یین قؤیولماگینی گؤردولَر. 56اوندان سورا گئری دؤندولَر و اَدویه‌لَر و عَطرلی یاغ‌لار آماده ائدیلَر.
اوللار شنبه گؤنونده، تارئ حکمینا گؤره استراحت ائدیلَر.
Currently Selected:
لوقا 23: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
لوقا 23
23
عیسا پیلاتُس حُضوروندا
1پس واری اوللار کی مَجلسده حاضر ایدیلار توردولار آیاقی و عیسایی روملی والی، پیلاتُس حُضورونا آپاردیلار 2و عیسایا بوهتان وورماگا باشلادیلار و دئدیلَر: «بیز بو نتیجه‌یه ائتیشمیشَک کی بو آدام بیزیم ملّتیمیزی یولدان چاخارتیر و بیزی مَنع ائدیر کی روم پادشاهینا خَراج وئرَک و دئییر کی اؤنونگ اؤزو وَعده وئریلَن مَسیح، یعنی پادشاه دیر.» 3پیلاتُس عیسادان خبر آلدی: «آیا سَن یهودی‌لارینگ پادشاهی‌یانگ؟» عیسا جواب وئردی: «سَن اؤزونگ بئله دئدینگ.» 4اوندان سورا پیلاتُس باش کاهِن‌لَره کی مَعبد عالِم‌لَری ایدیلر و جماعته دئدی: «من بو کیشی دا هئچ تَقصیر گؤرمئیرَم.» 5آما اوللار اِصرار ائدیرلَردی و دئییرلَردی: «بو آدام بوتون یهودیه‌ده خَلخی اؤز تَعلیم‌لَری اینَن جوشاردیر. جَلیل ولایتیندن باشلامیش و بورانچاز دا ائتیشمیش.»
عیسا هیرودیس حاکم حُضوروندا
6پیلاتُس بونو ائشیدَنده خبر آلدی کی گؤره آیا بو کیشی جَلیللی دیر. 7اوندا کی بیلدی عیسا، هیرودیس حاکم حکم سؤردیگی یئرینگ آدامی دیر، اؤنو هیرودیس یانینا یوللادی. هیرودیسینگ اؤزو او موقع اورشلیم شَهرینده ایدی. 8هیرودیس عیسایی گؤرَنده چوخ خوشحال اولدو، بو سَبریه کی اؤنونگ باره‌سینده چوخ گپلَر ائشیدمیشدی و چوخ وختی ایدی کی سئیردی اؤنو گؤره و امید واریدی تا عیسادان بیر پارا نیشانا گؤره. 9او چوخ زادلار عیسادان خبر آلدی آما عیسا هئچ جواب وئرمه‌دی. 10باش کاهِن‌لَر و تورات معلّم‌لَری اؤردا تورموشلار ایدی و چوخ سَخت بوهتان‌لار عیسایا وورورلاردی. 11هیرودیس حاکم و سربازلاری عیسا اینان حِقارت اینان رووآل ائدیلَر و اؤنو ریشخند ائدیلَر. اوندان سورا هیرودیس، عیسایا بیر زَرق و بَرقلی قابا گئیدیردی و اؤنو روملی والی، پیلاتُس یانینا گئری یوللادی. 12ائله او گؤن دا هیرودیس و پیلاتُس بیر بیر اینَن صُلح ائدیلَر چونکی ایلَرتر بیر بیر اینان دشمن ایدیلار.
13اوندان سورا پیلاتُس باش کاهِن‌لَری، خَلخینگ باشی بویوک‌لَرینی و خَلخی اؤز یانینا چاغیردی 14و اوللارا دئدی: «سیز بو کیشی‌یی، خَلخی یولدان چاخارتماگ اِتّهامینه منیم یانیما گتیردینز. من سیزینگ گؤزونز دَمینده اؤنونگ حَقّینده خبرلَشدیم. باخینز، من بو کیشیده، هئچ تَقصیر بولمادیم کی سیزینگ اِتّهام‌لارینزی تَصدیق ائده. 15هیرودیس حاکم دا هئچ‌نه بولمامیش چونکی اؤنو بیزیم یانیمیزا گئری یوللامیش. آله‌یین دیر کی او بیر ایش گؤرمه‌میش کی اؤلومه لایق اولا. 16پس من اؤنو شلّاق وورارام و اوندان سورا آزاد ائده‌رَم.» 17پیلاتُس هر عیدده اوللار ایچی بیر زندانی آزاد ائدیردی.
18آما اوللار واری بئلینه اوجا سَس اینَن دئدیلَر: «بو آدامی یوخ ائد. باراباسی بیزیم ایچی آزاد ائد.» 19باراباس شَهر ایچینده شلوغ سالماگ و آدام اؤلدورمَک جُرمینه زندانا دؤشموشدو. 20چونکی پیلاتُس گؤینو سئیردی کی عیسایی آزاد ائده، بیر دفعه داها دا جمعیت اینَن دانیشدی، 21آما اوللار داد چَکیرلَردی: «اؤنو صَلیبه چَک، اؤنو صَلیبه چَک!» 22اؤچونجو دفعه ایچی اوللارا دئدی: «نه ایچی؟ نه پیس ایش گؤرموش؟ من اوندا هئچ تَقصیر بولمادیم کی، اؤلومه لایق اولا. پس من اؤنو شلّاق وورارام اوندان سورا دا آزاد ائده‌رَم.» 23آما اوللار اِصرار ائدیلَر و داد چَکیرلَردی کی عیسا صَلیبه چَکیلَسی. آخیردان اوللارینگ سَسی گؤج اولدو. 24پیلاتُس دا تَصمیم توتدو کی اوللار سئدیگی حکمی وئره. 25پس اوللار سئدیگینه گؤره، او آدامی کی شَهر ایچینده شلوغ سالماگ و آدام اؤلدورمک جُرمینا زندانا آتیلمیش ایدی آزاد ائدی و عیسایی اوللارینگ اختیارینا قؤیدو.
صَلیب اوستونده
26اوندا کی روم سربازلاری، عیسایی آپاریرلاردی تا اعدام ائدَلَّر، بیر شَمعون آدلی کیشی‌یی کی قیرَوان شَهری‌نینگ آدامی ایدی و اَکین‌لَر یئری اوستوندَن شَهره گلیردی، توتدولار و عیسانینگ صَلیبینی اؤنونگ چینینه قؤیدولار تا اؤنو عیسا قولونجوندان آپارا. 27بیر بویوک جمعیت خَلخدَن و او آروادلاردان کی عیسا ایچی آغلاشیرلاردی و شیون ائدیرلَردی، عیسا قولونجوندان گئدیرلَردی. 28آما عیسا ایزینی اوللارا ساری ائدی و دئدی: «اورشلیم شَهری‌نینگ قیزلَری، منیم ایچی آغلاماینز بلکی اؤزونز ایچی و اولادلارینز ایچی آغلاینز! 29چونکی باخینز، او گؤنلَر گلیر کی دئیه‌رلَر: ”خوش او دوغماز آروادلار، دوغمامیش قارنلار و اَمزیرمه‌میش دؤشلَر حالینا!“ 30اوندا اوللار داغلارا دئیه‌رلَر: ”بیزیم اوستوموزه دؤشینز“ و یال‌لارا دئیه‌رلَر: ”بیزیم اوستوموزو اؤرتونز.“ 31چونکی اگر اوللار گؤی آغاج اینان بئله ائدَلَّر، پس قورّو آغاجینگ باشینا نه گلَر؟»
32ایکّی جنایت ائدَن آدامی دا عیسا اینان آپاریرلاردی تا اؤلدورَلّر 33و کَلّه دئییلَن یئره ائتیشَنده، عیسایی و او ایکّی جنایت ائدَنی صَلیبه توخودولار. بیرینی عیسانینگ ساغ طَرفینده و او بیرینی دا چَپ طَرَفینده. 34عیسا دئدی: «ای بووآ، بوللاری باغیشلا، چونکی بیلمئیرلَر کی نه ایش گؤرورلَر.» سربازلار عیسانینگ رَختلَرینی، اؤز آرالاریندا بَهر ائدمَک ایچی، پؤشک آتدیلار. 35خَلخ تورموشلاردی و باخیرلاردی آما یهود خَلخی‌نینگ رئیس‌لَری ریشخند اینن دئییرلَردی: «باقّی آداملاری نجات وئردی. اگر بو کیشی تارئ‌نینگ وَعده وئردیگی مَسیح دیر، اگر بو کیشی او سَچیلَن دیر ایندی قؤیونز تا اؤزونو ده نجات وئره.» 36سربازلار دا عیسایی ریشخند ائدیرلَردی و اؤنونگ آغیزی دَمینه تُرشاموش شاراب توتیرلار ایدی 37و دئییرلَردی: «اگر سَن یهودی‌لارینگ پادشاهی‌یانگ، اؤزونگو نجات وئر.» 38عیسانینگ باشی ایجینه دا یازمیشلاردی کی: «بو یهودی‌لارینگ پادشاهی دیر.» 39صَلیبه توخولان جنایت ائدَن‌لَرینگ بیری، عیسایا سؤیوش وئریردی و اؤنا دئییردی: «بئیه سَن وَعده وئریلَن مَسیح ده‌ییلَینگ؟ هم اؤزونگو نجات وئر، هم ده بیزی.» 40آما او بیرسی، اؤنو هَیله‌دی و دئدی: «تارئ‌دان قورخمئیرانگ؟ سن دا ائله او جَزا آلتیندایانگ. 41بیزیم حَقّیمیز دیر کی بئله اولاک، بو سَبریه کی اؤز عَمل‌لَریمیزینگ جَزاسی دیر، آما بو کیشی هئچ پیس ایش گؤرمه‌میش.» 42و دئدی: «عیسا، پادشاه‌لیگینگه گلَن وخت، منی یادا گتیر.» 43عیسا اؤنا دئدی: «گرچَکینی سَنه دئییرم، بوگؤن منیم اینَن جَنّتده اولورانگ.»
عیسانینگ اؤلومو
44ظُهر چاغی، ساعت اون ایکّیه یاخین ایدی کی بوتون او سرزمین قَرَنگی‌لیگه باتدی و اؤچ ساعت اوندان سورایانچاز، حَلی واری یئر قَرَنگی ایدی. 45گؤن ایشّیق چالماکدان توردو و مَعبدینگ پرده‌سی اوخاریدان آشاغیا ایکّر اولدو. 46اوندا عیسا اوجا سَس اینَن چاغیردی و دئدی: «ای بووآ، روحومو سَنینگ اَلینگه تاپشیریرام.» بونو دئدی و آخیرکی نَفَسینی چَکدی. 47او روملی اَفسر کی ناتّورلیگ ائدیردی، بو تَفاق‌لاری گؤرَنده، تارئ‌یی حمد و ثنا ائدی و دئدی: «گرچَکدن کی بو آدام هئچ تَقصیر یوخیدی.» 48تاماشایا ییغیلَن خَلخ دا بو تَفاق‌لاری گؤرَنده، دؤشلَرینه وورا-وورا ائولَرینه گئری دؤندولَر. 49عیسایی تانیانلارینگ واریسی و او آروادلار کی جَلیلدَن عیسا آردی سورا گلمیشلَر ایدی، ایراقدا تورموشلاردی و بو زادلارا باخیرلاردی.
عیسایی تورپاقا تاپشیریرلار
50رامَه شَهریندَن، بیر کیشی ایدی کی آدی یوسف ایدی. رامَه، یهودی‌لارینگ بیر شَهرلَریندن ایدی. یوسف بیر خوب و صالح آدام ایدی کی یهود شوراسی‌نینگ آداملاریندان ایدی. 51یوسف، شوراداکی آدام‌لارینگ تَصمیمی اینَن و ایلَری توتان ایشلَری اینَن موافق ده‌ییلدی و تارئ پادشاه‌لیگی‌نینگ یولونو گؤزله‌ییردی. 52بو کیشی روملی والی، پیلاتُس یانینا گئتدی و عیسانینگ جنازه‌سینی سئدی. 53اوندان سورا جنازه‌یی صَلیبدن آشاغی گتیردی و بیر کتان پارچایا کَفنلَدی و اؤنو داشدان قازیلمیش مَقبره ایچینه قؤیدو. او زامانانچاز هئچ کَس او مَقبره ایچینه قؤیولمامیشدی. 54او گؤن، یهودی‌لارینگ پِسَخ عیدی ایچی آماده اولماگ گؤنو ایدی و مُقدّس شنبه گؤنونونگ باشلانماکینا آز قالمیشدی. 55عیسا اینان جَلیل‌دن گلَن آروادلار دا یوسفونگ آردی سورا گئتدیلَر و مَقبره‌یی و عیسا جنازه‌سی‌نینگ نه‌یین قؤیولماگینی گؤردولَر. 56اوندان سورا گئری دؤندولَر و اَدویه‌لَر و عَطرلی یاغ‌لار آماده ائدیلَر.
اوللار شنبه گؤنونده، تارئ حکمینا گؤره استراحت ائدیلَر.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company