لوقا 22
22
عیسایی اؤلدورمَکینگ نقشه‌سی
1خَمیر مایاسیز چؤره‌ک عیدی کی پِسَخ آدینا تانیلیردی یاخین ایدی. 2باش کاهِن‌لَر کی مَعبد عالِم‌لَری ایدیلر و تورات معلّم‌لَری بیر ماهان گزیرلَردی تا عیسایی اؤلومه وئره‌لَّر، بو سَبریه کی خَلخدَن قورخیرلاردی.
یَهودانینگ خیانتی
3او زامان شیطان، اَسخَریوط آدلانان یَهودانینگ اؤره‌کینه گیردی. یَهودا، اون ایکّی شاگردینگ بیرسی ایدی. 4یَهودا گئتدی و باش کاهِن‌لَر اینَن و مَعبدینگ اَفسرلَری اینَن دانیشدی تا گؤره نه‌یین عیسایی اوللار اَلینه وئره‌سی. 5اوللار دا چوخ خوشحال اولدولار و قرار کَسدیلَر کی اؤنا پیل وئرَلَّر. 6یَهودا دا قبول ائدی و بیر فُرصت قولونجوندایدی کی خَلخ گؤزوندَن آرالی، عیسایی اَله وئره.
پِسَخ شامینی آماده ائدمَک
7خَمیر مایاسیز چؤره‌ک عیدی ائتیشدی کی او گؤنده پِسَخ قوزّوسونو قُربانلوق ائدمَک واجب ایدی. 8پس عیسا، پِطرُس اینان یوحَنّایی بو فرمان اینان یوللادی: «گئدینز و پِسَخ شامینی بیزیم ایچی آماده ائدینز تا یئیَک.»
9اوللار خبر آلدیلار: «سئیرَینگ شامی هاردا آماده ائده‌ک؟»
10عیسا جواب وئردی: «باخینز، شَهر ایچینه گئتدیگی اینَن، بیر کیشی کی بیر سو کیزه‌سی آپاریر، سیزینگ اینَن قَرشیلَشَر. اؤنونگ آردی سورا گئدینز و او ائو ایچینه کی او گئدیر، گئدینز 11و او ائوینگ اَیه‌سینه دئیینز: ”اُستاد بئلَینزه دئییر: ’قوناق اُتاقی هاردا دیر تا من شاگردلَریم اینَن، پِسَخ شامینی اؤردا یئیَم؟‘“ 12او بیر بویوک پوشان اولونمیش اُتاقی کی بالاخانه‌دا دیر سیزه گؤرسَدَر. پِسَخ شامینی اؤردا آماده ائدینز.»
13اوللار گئتدیلَر و واری زادی ائله او طور کی عیسا دئمیشدی، گؤردولَر و پِسَخ شامینی آماده ائدیلَر.
رَبّینگ آخیرکی یئدیگی شام
14او ساعت ائتیشَنده، عیسا اوتوردو سُفره قیراقینا و حَواری‌لاری دا اؤنونگ اینان اوتوردولار. 15عیسا اوللارا دئدی: «چوخ گؤینوم سئیردی کی زَجر چَکمَکیمدَن ایلَری، بو پِسَخ شامینی سیزینگ اینَن یئیَم. 16سیزه دئییرم کی داها بو پِسَخ شامیندان یئمَم، او زامانانچاز کی بو پِسَخ، تارئ پادشاه‌لیگیندا یئرینه ائتیشه.» 17اوندا عیسا بیر پایلا آلدی اَلینه و شُکر ائدمَکدن سورا دئدی: «بونو توتینز، اؤز آراینزدا بَهر ائدینز. 18چونکی سیزه دئییرم، بوگؤندَن سورا داها اوزوم سویوندان ایچمَم، او گؤنَنچاز کی تارئ پادشاه‌لیگی گله.» 19ائله بئله ده چؤره‌کی گؤتوردو و شُکر ائدمَکدن سورا اؤنو تیکه‌له‌دی و اوللارا وئردی و دئدی: «بو منیم بَدنیم دیر کی سیزینگ ایچی وئریلیر. بو ایشی مَنیم یادیمدا گؤرونز.» 20ائله بئله ده شام یئیندن سورا، پایلایی اوللارا وئردی و دئدی: «بو پایلا، تازّا عَهد دیر کی قانیمینگ تؤکولمَکی اینَن، سیزینگ اینَن باغلاییرام. 21آما باخ، منی اَله وئرَن آدامینگ اَلی، منیم اَلیم اینَن ائله بو سُفره ایچینده دیر. 22اَلبَت انسان اوغلو او زادا ساری گئدیر کی بئلَسی ایچی مُقَدّر اولموش، آما وای او آدام حالینا کی انسان اوغلونو اَله وئریر.»
23حَواری‌لار بیر بیردَن خبر آلماگا باشلادیلار کی: «گؤرَینگ بیزیم آرامیزدان بو ایشی گؤرَن کیم اولا بیلَر؟»
کیم واری‌کَسدن بویوکتر دیر؟
24ائله بئله ده شاگردلَر آراسیندا بیر گپ اولدو کی آرالاریندا کیم واری‌کَسدَن بویوکتر دیر؟ 25عیسا اوللارا دئدی: «اؤزگه ملّت‌لَرینگ پادشاهلاری، اوللارا آقالیگ ائدیرلَر و اِقتدارلی‌لَر ’خان‘ چاغیریلیرلار. 26آما سیز بئله اولمانز، آراینزدا واری‌کَسدن بویوکتر آدام، واری‌کَسدن کوچوکتر له‌یین اولسون و رَهبر، او آدام له‌یین اولسون کی قوللوق ائدیر. 27چونکی کیم بویوکتر دیر؟ او آدام کی سُفره قیراقینا اوتوریر یا او کی قوللوق ائدیر؟ بئیه او آدام کی سُفره قیراقینا اوتوریر بویوکتر ده‌ییل؟ آما، سیزینگ آراینزدا من او آدام له‌یینَم کی قوللوق ائدیر.
28«سیز ائله او آداملاراینز کی گچیردیگیم امتحان‌لار ایچینده، منیم یانیمدا توردونز. 29ائله اوله‌یین کی گؤیده‌کی بووآم، پادشاه‌لیگی منیم اَلیمه وئردی، من ده سیزه وئریرَم. 30تا سیزده منیم پادشاه‌لیگیمدا، منیم سُفرام قیراقینا اوتوراینز و یئیه‌ینز و ایچَینز و تختلَره اوتوراینز و تارئ خَلخی‌نینگ اون ایکّی طایفسینه حُکم سؤرَینز.
پِطرُسینگ حاشا ائدمَکی پیشگولیگی
31«شَمعون، شَمعون، باخ، شیطان بونونگ قولونجوندایدی کی بیر بَرزگر له‌یین کی بوغدایی سامان‌دان آیریر، سنی اؤزو ایچی آیرا. 32آما من سَنینگ ایچی دُعا ائدمیشَم کی ایمانینگ آرادان گئدمیه. اوندا کی گئنه بؤکولدونگ، اؤز کاکالارینگا قوّت وئر.» 33پِطرُس عیسایا دئدی: «آقا، من حاضرَم سنینگ اینَن هم زندانا دؤشَم، هم ده اؤلومه گئدَم.» 34عیسا دئدی: «پِطرُس، سنه دئییرم کی بوگؤن خوروس بونگ وئرَندن ایلَری، سَن اؤچ دفعه حاشا ائده‌رَینگ کی منی تانییرانگ.»
35عیسا اوللارا دئدی: «اوندا کی سیزی پیل کِسّه‌سی سیز یا توربا سیز یا دا اضاف آیاق‌قابی سیز یولا سالدیم، بیر زادا مُحتاج اولدونز؟» اوللار دا جواب وئردیلَر: «یو، هئچ‌نه‌یه.»
36اوللارا دئدی: «آما ایندی هَر کَس ده کی پیل کِسّه‌سی یا دا توربا وار اؤزو اینَن گؤتورسین و قیلیجی اولمایان آدام دا، قاباسینی ساتسین و اؤزونه قیلیج آلسین. 37چونکی سیزه دئییرم مُقدّس یازیلی‌لارینگ بو سؤزو کی دئییر: ”او، خطاکارلار اینان بیر ساییلدی،“ منیم حَقّیمده یئرینه ائتیشه‌سی. چونکی هَر‌نه کی منیم حَقّیمده یازیلمیش، یاخین دیر کی یئرینه ائتیشه.» 38اوللار دئدیلَر: «آقا، باخ، بیزده بوردا ایکّی قیلیج وار.» عیسا اوللارا دئدی: «بَس دیر.»
عیسا زیتون داغیندا دُعا ائدیر
39عیسا اؤردان یازّیا چیخدی و همیشه‌کی عادتی اوستوندَن زیتون داغینا گئتدی و شاگردلَری ده اؤنونگ آردی سورا گئتدیلَر. 40او یئره ائتیشَنده، اوللارا دئدی: «دُعا ائدینز تا امتحانا چَکیلمه‌یَینز.»
41عیسا بیر داش آتماک‌چاز اوللاردان ایراق اولدو، دیزی اوستونه دایاندی و بئله دُعا ائدی: 42«ای بووآ، اگر سَن راضی‌یانگ، بو عَذاب پایلا‌سی مَندَن گچسین. آما گئنه ده، مَنیم سئدیگیم اولماسین، سَنینگ سئدیگینگ اولسون.» 43و گؤیدَن بیر فرشته عیسایا ظاهر اولدو و اؤنا قوّت وئردی. 44عیسا عَذاب ایچینده، آرتیق دُعا ائدی و اؤنونگ عَرَقی‌نینگ توکّالاری، بویوک قان توکّالاری له‌یین یئره تؤکولیردی. 45دُعادان توراندا آیاقی، شاگردلَری یانینا گئری گلدی و اوللاری غُصّه‌دان یاتیلی گؤردو، 46و اوللارا دئدی: «نه ایچی یاتمیشانز؟ تورینز آیاقی و دُعا ائدینز تا امتحانا چَکیلمه‌یَینز.»
عیسایی توتماک
47عیسا حَلی دانیشیردی کی بیر کوپ جمعیت یولدان ائتیشدی و یَهودا، او اون ایکّی شاگردینگ بیرسی، اوللاردان ایلَری گلیردی. یَهودا عیسا یانینا گلدی تا عیسایی ماچ ائده. 48آما عیسا اؤنا دئدی: «یَهودا، انسان اوغلونو بیر ماچ اینان اَله وئریرَینگ؟» 49اوندا کی عیسانینگ شاگردلَری آنگلادیلار کی نیجه اولیر، دئدیلَر: «آقا، قیلیج‌لَریمیزی چَکَک؟» 50و اوللارینگ بیرسی قیلیجینی، ائنگ بویوک کاهِنینگ نوکرینه ساری چَکدی. قیلیج او نوکرینگ قولاقینا ده‌ییدی و ساق قولاقی کَسیلدی. 51آما عیسا دئدی: «اَل ساخلاتینز.» و او کیشی‌نینگ قولاقی اوستونه اَل قؤیدو و اؤنو شفا وئردی. 52اوندان سورا عیسا، باش کاهِن‌لَره، مَعبدینگ اَفسرلَرینه و شیخ‌لَره کی عیسا ضدّینه گلمیشلَر ایدی، دئدی: «بئیه مَن گدیگ باغلایانام کی قیلیج و چُماق اینان گلمیشَینز تا مَنی توتاینز؟ 53اوندا کی هَر گؤن مَعبدده سیزینگ اینَن بیر یئرده ایدیم، منی توتمادینز. آما ایندی سیزینگ زامانینز دیر؛ قَرَنگی‌لیگ قُدرتی‌نینگ زامانی دیر.»
پِطرُس عیسایی حاشا ائدیر
54اوندان سورا اوللار عیسایی توتدولار و ائنگ بویوک کاهِنینگ ائوینه گتیردیلَر. پِطرُس ایراقدان اوللارینگ آردی سورا گلیردی. 55بیر پارا آدام ائنگ بویوک کاهِنینگ ائوی حیاطی‌نینگ اورتاسیندا اوت ائدمیشلَردی و بئلینه اوت دئییرینه اوتورموشلاردی. پِطرُس دا اوللار آراسیندا اوتوردو. 56ائله بئله کی اوت ایشّیقیندا اوتورموشدو، بیر جاهال کنیز اؤنا گؤز تیکدی و دئدی: «بو کیشی دا عیسا اینان ایدی.» 57آما پِطرُس حاشا ائدی و دئدی: «قیز، من اؤنو تانیمئیرام.» 58بیر آزدان سورا بیر آیری آدام پِطرُسی گؤردو و دئدی: «سَن دا اوللارینگ بیرسی‌یَنگ.» آما پِطرُس اؤنا دئدی: «ای کیشی، ده‌ییلَم.» 59تقریبا بیر ساعت گچمیشدی کی بیر داها آدام اِصرار اینَن دئدی: «اَلبَت کی بو کیشی دا اؤنونگ اینان ایدی چونکی بو دا جَلیللی دیر.» 60آما پِطرُس دئدی: «کیشی، من بیلمئیرَم سَن نه دئییرَینگ.» پِطرُس حَلی دانیشیردی کی بیردَن خوروس بونگ وئردی. 61رَب عیسا بؤکولدو و پِطرُسا باخدی. پِطرُس، رَب عیسانینگ سؤزونو یادا گتیردی کی نه‌یین بئلَسینه دئمیشدی کی: «بوگؤن بوندان ایلَری کی خوروس بونگ وئره، سَن منی اؤچ دفعه حاشا ائده‌رَینگ.» 62پِطرُس اؤردان یازّیا چیخدی و چوخ دردلی آغلادی.
عیسا ریشخند اولونیر
63او آداملار کی ایلَرتردن عیسایی گؤز آلتینا قؤیموشلاردی، اؤنا کِتَک وورا-وورا، اؤنو ریشخند ائدیرلَردی. 64اوللار عیسا گؤزلَرینی باغلادیلار و دئییرلَردی: «نَبوّت ائد! سَنی ووران کیم دیر؟» 65و بئله، اوللار عیسایا چوخ آیری ناحَق گپلَر چالیرلار ایدی و اؤنا سؤیوش وئریرلَر ایدی.
عیسا شورا حُضوروندا
66سَحر گؤن چالدیگی‌اینن خَلخینگ شیخ‌لَری، باش کاهِن‌لَر و تورات معلّم‌لَری بیر یئره ییغیلدیلَر. و عیسایی اؤز شورالارینا آپاردیلار. اوللار عیسایا دئدیلَر: 67«اگر سَن وَعده وئریلَن مَسیحَینگ، بیزه دئ.» آما عیسا اوللارا دئدی: «اگر سیزه دئیه‌م، اینانماینز، 68و اگر دا خبر آلام، جوابیمی وئرمَینز. 69آما بوندان سورا انسان اوغلو، تارئ قُدرتی‌نینگ ساغ اَلینده اوتورار.» 70اوللارینگ واریسی دئدیلَر: «پس سَن تارئ اوغلو‌یانگ؟» عیسا اوللارا دئدی: «سیز دئییرَینز کی وارام.» 71او زامان اوللار دئدیلَر: «داها آیری گواهلیگه نه احتیاج واریمیز؟ بیزیم اؤزوموز اؤنونگ اؤز آغیزیندان ائشیتدیک.»
Currently Selected:
لوقا 22: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
لوقا 22
22
عیسایی اؤلدورمَکینگ نقشه‌سی
1خَمیر مایاسیز چؤره‌ک عیدی کی پِسَخ آدینا تانیلیردی یاخین ایدی. 2باش کاهِن‌لَر کی مَعبد عالِم‌لَری ایدیلر و تورات معلّم‌لَری بیر ماهان گزیرلَردی تا عیسایی اؤلومه وئره‌لَّر، بو سَبریه کی خَلخدَن قورخیرلاردی.
یَهودانینگ خیانتی
3او زامان شیطان، اَسخَریوط آدلانان یَهودانینگ اؤره‌کینه گیردی. یَهودا، اون ایکّی شاگردینگ بیرسی ایدی. 4یَهودا گئتدی و باش کاهِن‌لَر اینَن و مَعبدینگ اَفسرلَری اینَن دانیشدی تا گؤره نه‌یین عیسایی اوللار اَلینه وئره‌سی. 5اوللار دا چوخ خوشحال اولدولار و قرار کَسدیلَر کی اؤنا پیل وئرَلَّر. 6یَهودا دا قبول ائدی و بیر فُرصت قولونجوندایدی کی خَلخ گؤزوندَن آرالی، عیسایی اَله وئره.
پِسَخ شامینی آماده ائدمَک
7خَمیر مایاسیز چؤره‌ک عیدی ائتیشدی کی او گؤنده پِسَخ قوزّوسونو قُربانلوق ائدمَک واجب ایدی. 8پس عیسا، پِطرُس اینان یوحَنّایی بو فرمان اینان یوللادی: «گئدینز و پِسَخ شامینی بیزیم ایچی آماده ائدینز تا یئیَک.»
9اوللار خبر آلدیلار: «سئیرَینگ شامی هاردا آماده ائده‌ک؟»
10عیسا جواب وئردی: «باخینز، شَهر ایچینه گئتدیگی اینَن، بیر کیشی کی بیر سو کیزه‌سی آپاریر، سیزینگ اینَن قَرشیلَشَر. اؤنونگ آردی سورا گئدینز و او ائو ایچینه کی او گئدیر، گئدینز 11و او ائوینگ اَیه‌سینه دئیینز: ”اُستاد بئلَینزه دئییر: ’قوناق اُتاقی هاردا دیر تا من شاگردلَریم اینَن، پِسَخ شامینی اؤردا یئیَم؟‘“ 12او بیر بویوک پوشان اولونمیش اُتاقی کی بالاخانه‌دا دیر سیزه گؤرسَدَر. پِسَخ شامینی اؤردا آماده ائدینز.»
13اوللار گئتدیلَر و واری زادی ائله او طور کی عیسا دئمیشدی، گؤردولَر و پِسَخ شامینی آماده ائدیلَر.
رَبّینگ آخیرکی یئدیگی شام
14او ساعت ائتیشَنده، عیسا اوتوردو سُفره قیراقینا و حَواری‌لاری دا اؤنونگ اینان اوتوردولار. 15عیسا اوللارا دئدی: «چوخ گؤینوم سئیردی کی زَجر چَکمَکیمدَن ایلَری، بو پِسَخ شامینی سیزینگ اینَن یئیَم. 16سیزه دئییرم کی داها بو پِسَخ شامیندان یئمَم، او زامانانچاز کی بو پِسَخ، تارئ پادشاه‌لیگیندا یئرینه ائتیشه.» 17اوندا عیسا بیر پایلا آلدی اَلینه و شُکر ائدمَکدن سورا دئدی: «بونو توتینز، اؤز آراینزدا بَهر ائدینز. 18چونکی سیزه دئییرم، بوگؤندَن سورا داها اوزوم سویوندان ایچمَم، او گؤنَنچاز کی تارئ پادشاه‌لیگی گله.» 19ائله بئله ده چؤره‌کی گؤتوردو و شُکر ائدمَکدن سورا اؤنو تیکه‌له‌دی و اوللارا وئردی و دئدی: «بو منیم بَدنیم دیر کی سیزینگ ایچی وئریلیر. بو ایشی مَنیم یادیمدا گؤرونز.» 20ائله بئله ده شام یئیندن سورا، پایلایی اوللارا وئردی و دئدی: «بو پایلا، تازّا عَهد دیر کی قانیمینگ تؤکولمَکی اینَن، سیزینگ اینَن باغلاییرام. 21آما باخ، منی اَله وئرَن آدامینگ اَلی، منیم اَلیم اینَن ائله بو سُفره ایچینده دیر. 22اَلبَت انسان اوغلو او زادا ساری گئدیر کی بئلَسی ایچی مُقَدّر اولموش، آما وای او آدام حالینا کی انسان اوغلونو اَله وئریر.»
23حَواری‌لار بیر بیردَن خبر آلماگا باشلادیلار کی: «گؤرَینگ بیزیم آرامیزدان بو ایشی گؤرَن کیم اولا بیلَر؟»
کیم واری‌کَسدن بویوکتر دیر؟
24ائله بئله ده شاگردلَر آراسیندا بیر گپ اولدو کی آرالاریندا کیم واری‌کَسدَن بویوکتر دیر؟ 25عیسا اوللارا دئدی: «اؤزگه ملّت‌لَرینگ پادشاهلاری، اوللارا آقالیگ ائدیرلَر و اِقتدارلی‌لَر ’خان‘ چاغیریلیرلار. 26آما سیز بئله اولمانز، آراینزدا واری‌کَسدن بویوکتر آدام، واری‌کَسدن کوچوکتر له‌یین اولسون و رَهبر، او آدام له‌یین اولسون کی قوللوق ائدیر. 27چونکی کیم بویوکتر دیر؟ او آدام کی سُفره قیراقینا اوتوریر یا او کی قوللوق ائدیر؟ بئیه او آدام کی سُفره قیراقینا اوتوریر بویوکتر ده‌ییل؟ آما، سیزینگ آراینزدا من او آدام له‌یینَم کی قوللوق ائدیر.
28«سیز ائله او آداملاراینز کی گچیردیگیم امتحان‌لار ایچینده، منیم یانیمدا توردونز. 29ائله اوله‌یین کی گؤیده‌کی بووآم، پادشاه‌لیگی منیم اَلیمه وئردی، من ده سیزه وئریرَم. 30تا سیزده منیم پادشاه‌لیگیمدا، منیم سُفرام قیراقینا اوتوراینز و یئیه‌ینز و ایچَینز و تختلَره اوتوراینز و تارئ خَلخی‌نینگ اون ایکّی طایفسینه حُکم سؤرَینز.
پِطرُسینگ حاشا ائدمَکی پیشگولیگی
31«شَمعون، شَمعون، باخ، شیطان بونونگ قولونجوندایدی کی بیر بَرزگر له‌یین کی بوغدایی سامان‌دان آیریر، سنی اؤزو ایچی آیرا. 32آما من سَنینگ ایچی دُعا ائدمیشَم کی ایمانینگ آرادان گئدمیه. اوندا کی گئنه بؤکولدونگ، اؤز کاکالارینگا قوّت وئر.» 33پِطرُس عیسایا دئدی: «آقا، من حاضرَم سنینگ اینَن هم زندانا دؤشَم، هم ده اؤلومه گئدَم.» 34عیسا دئدی: «پِطرُس، سنه دئییرم کی بوگؤن خوروس بونگ وئرَندن ایلَری، سَن اؤچ دفعه حاشا ائده‌رَینگ کی منی تانییرانگ.»
35عیسا اوللارا دئدی: «اوندا کی سیزی پیل کِسّه‌سی سیز یا توربا سیز یا دا اضاف آیاق‌قابی سیز یولا سالدیم، بیر زادا مُحتاج اولدونز؟» اوللار دا جواب وئردیلَر: «یو، هئچ‌نه‌یه.»
36اوللارا دئدی: «آما ایندی هَر کَس ده کی پیل کِسّه‌سی یا دا توربا وار اؤزو اینَن گؤتورسین و قیلیجی اولمایان آدام دا، قاباسینی ساتسین و اؤزونه قیلیج آلسین. 37چونکی سیزه دئییرم مُقدّس یازیلی‌لارینگ بو سؤزو کی دئییر: ”او، خطاکارلار اینان بیر ساییلدی،“ منیم حَقّیمده یئرینه ائتیشه‌سی. چونکی هَر‌نه کی منیم حَقّیمده یازیلمیش، یاخین دیر کی یئرینه ائتیشه.» 38اوللار دئدیلَر: «آقا، باخ، بیزده بوردا ایکّی قیلیج وار.» عیسا اوللارا دئدی: «بَس دیر.»
عیسا زیتون داغیندا دُعا ائدیر
39عیسا اؤردان یازّیا چیخدی و همیشه‌کی عادتی اوستوندَن زیتون داغینا گئتدی و شاگردلَری ده اؤنونگ آردی سورا گئتدیلَر. 40او یئره ائتیشَنده، اوللارا دئدی: «دُعا ائدینز تا امتحانا چَکیلمه‌یَینز.»
41عیسا بیر داش آتماک‌چاز اوللاردان ایراق اولدو، دیزی اوستونه دایاندی و بئله دُعا ائدی: 42«ای بووآ، اگر سَن راضی‌یانگ، بو عَذاب پایلا‌سی مَندَن گچسین. آما گئنه ده، مَنیم سئدیگیم اولماسین، سَنینگ سئدیگینگ اولسون.» 43و گؤیدَن بیر فرشته عیسایا ظاهر اولدو و اؤنا قوّت وئردی. 44عیسا عَذاب ایچینده، آرتیق دُعا ائدی و اؤنونگ عَرَقی‌نینگ توکّالاری، بویوک قان توکّالاری له‌یین یئره تؤکولیردی. 45دُعادان توراندا آیاقی، شاگردلَری یانینا گئری گلدی و اوللاری غُصّه‌دان یاتیلی گؤردو، 46و اوللارا دئدی: «نه ایچی یاتمیشانز؟ تورینز آیاقی و دُعا ائدینز تا امتحانا چَکیلمه‌یَینز.»
عیسایی توتماک
47عیسا حَلی دانیشیردی کی بیر کوپ جمعیت یولدان ائتیشدی و یَهودا، او اون ایکّی شاگردینگ بیرسی، اوللاردان ایلَری گلیردی. یَهودا عیسا یانینا گلدی تا عیسایی ماچ ائده. 48آما عیسا اؤنا دئدی: «یَهودا، انسان اوغلونو بیر ماچ اینان اَله وئریرَینگ؟» 49اوندا کی عیسانینگ شاگردلَری آنگلادیلار کی نیجه اولیر، دئدیلَر: «آقا، قیلیج‌لَریمیزی چَکَک؟» 50و اوللارینگ بیرسی قیلیجینی، ائنگ بویوک کاهِنینگ نوکرینه ساری چَکدی. قیلیج او نوکرینگ قولاقینا ده‌ییدی و ساق قولاقی کَسیلدی. 51آما عیسا دئدی: «اَل ساخلاتینز.» و او کیشی‌نینگ قولاقی اوستونه اَل قؤیدو و اؤنو شفا وئردی. 52اوندان سورا عیسا، باش کاهِن‌لَره، مَعبدینگ اَفسرلَرینه و شیخ‌لَره کی عیسا ضدّینه گلمیشلَر ایدی، دئدی: «بئیه مَن گدیگ باغلایانام کی قیلیج و چُماق اینان گلمیشَینز تا مَنی توتاینز؟ 53اوندا کی هَر گؤن مَعبدده سیزینگ اینَن بیر یئرده ایدیم، منی توتمادینز. آما ایندی سیزینگ زامانینز دیر؛ قَرَنگی‌لیگ قُدرتی‌نینگ زامانی دیر.»
پِطرُس عیسایی حاشا ائدیر
54اوندان سورا اوللار عیسایی توتدولار و ائنگ بویوک کاهِنینگ ائوینه گتیردیلَر. پِطرُس ایراقدان اوللارینگ آردی سورا گلیردی. 55بیر پارا آدام ائنگ بویوک کاهِنینگ ائوی حیاطی‌نینگ اورتاسیندا اوت ائدمیشلَردی و بئلینه اوت دئییرینه اوتورموشلاردی. پِطرُس دا اوللار آراسیندا اوتوردو. 56ائله بئله کی اوت ایشّیقیندا اوتورموشدو، بیر جاهال کنیز اؤنا گؤز تیکدی و دئدی: «بو کیشی دا عیسا اینان ایدی.» 57آما پِطرُس حاشا ائدی و دئدی: «قیز، من اؤنو تانیمئیرام.» 58بیر آزدان سورا بیر آیری آدام پِطرُسی گؤردو و دئدی: «سَن دا اوللارینگ بیرسی‌یَنگ.» آما پِطرُس اؤنا دئدی: «ای کیشی، ده‌ییلَم.» 59تقریبا بیر ساعت گچمیشدی کی بیر داها آدام اِصرار اینَن دئدی: «اَلبَت کی بو کیشی دا اؤنونگ اینان ایدی چونکی بو دا جَلیللی دیر.» 60آما پِطرُس دئدی: «کیشی، من بیلمئیرَم سَن نه دئییرَینگ.» پِطرُس حَلی دانیشیردی کی بیردَن خوروس بونگ وئردی. 61رَب عیسا بؤکولدو و پِطرُسا باخدی. پِطرُس، رَب عیسانینگ سؤزونو یادا گتیردی کی نه‌یین بئلَسینه دئمیشدی کی: «بوگؤن بوندان ایلَری کی خوروس بونگ وئره، سَن منی اؤچ دفعه حاشا ائده‌رَینگ.» 62پِطرُس اؤردان یازّیا چیخدی و چوخ دردلی آغلادی.
عیسا ریشخند اولونیر
63او آداملار کی ایلَرتردن عیسایی گؤز آلتینا قؤیموشلاردی، اؤنا کِتَک وورا-وورا، اؤنو ریشخند ائدیرلَردی. 64اوللار عیسا گؤزلَرینی باغلادیلار و دئییرلَردی: «نَبوّت ائد! سَنی ووران کیم دیر؟» 65و بئله، اوللار عیسایا چوخ آیری ناحَق گپلَر چالیرلار ایدی و اؤنا سؤیوش وئریرلَر ایدی.
عیسا شورا حُضوروندا
66سَحر گؤن چالدیگی‌اینن خَلخینگ شیخ‌لَری، باش کاهِن‌لَر و تورات معلّم‌لَری بیر یئره ییغیلدیلَر. و عیسایی اؤز شورالارینا آپاردیلار. اوللار عیسایا دئدیلَر: 67«اگر سَن وَعده وئریلَن مَسیحَینگ، بیزه دئ.» آما عیسا اوللارا دئدی: «اگر سیزه دئیه‌م، اینانماینز، 68و اگر دا خبر آلام، جوابیمی وئرمَینز. 69آما بوندان سورا انسان اوغلو، تارئ قُدرتی‌نینگ ساغ اَلینده اوتورار.» 70اوللارینگ واریسی دئدیلَر: «پس سَن تارئ اوغلو‌یانگ؟» عیسا اوللارا دئدی: «سیز دئییرَینز کی وارام.» 71او زامان اوللار دئدیلَر: «داها آیری گواهلیگه نه احتیاج واریمیز؟ بیزیم اؤزوموز اؤنونگ اؤز آغیزیندان ائشیتدیک.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company