اعمال 3
3
بیر آخساق گدانینگ شفاسی
1بیر گؤن ظُهردان سورا ساعات اؤچده کی دُعا وختی ایدی، پِطرُس و یوحَنّا گئدیرلَردی مَعبده. 2ائله او موقعده، نئچه آدام بیر کیشییی کی آنادان اولاندان آخساق ایدی گتیریرلَردی. اوللار بو آخساق آدامی هر گؤن مَعبدینگ او دروازهسی یانینا کی آدی ’قَشنگ دروازه‘ ایدی، قؤیورلاردی تا مَعبد ایچینه گئدَن آداملاردان صدقه آلا. 3اوندا کی او آخساق آدام، پِطرُس و یوحَنّایی گؤردو کی سئیرلَردی گئدَلَّر مَعبد ایچینه، اوللاردان صدقه سئدی. 4پِطرُس او کیشییه گؤز تیکدی، یوحَنّا دا ائله بئله؛ پِطرُس بئلَسینه دئدی: «بیزه باخ.» 5او کیشی دا اوللارا گؤز تیکدی و توقّع واری ایدی تا اوللار بئلَسینه بیر زاد وئرَلَّر.
6آما پِطرُس اؤنا دئدی: «مَنده نه نُقره وار نه ده طلا، آما اونو کی واریم سَنه وئریرَم! ناصِرهلی عیسا مَسیح آدیندا، تور آیاقی و یول گئد!» 7اوندا پِطرُس، او کیشینینگ ساغ اَلینی توتدو و بئلَسینی اوخاری ائدی. ائله او آن او آخساقینگ قیچلَری و توپوقلاری جانا گلدی. 8او کیشی یئریندَن سیچیرَدی، آیاقا توردو و یول گئتدی و اوللار اینان گئتدی مَعبد ایچینه. او یول گئدیردی و آتّیلیردی و تارئیی حمد و ثنا ائدیردی. 9واری خلخ گؤردولَر کی او یول گئدیر و تارئیی حَمد و ثنا ائدیر 10و تانیدیلار کی بو ائله او آدام دیر کی مَعبدینگ قَشنگ دئییلَن دروازهسی یانیندا صدقه آلماک ایچی اوتوریردی؛ و بوتون خلخ بو ایشدَن کی بو کیشی ایچی اولونموشدو مات و حیران قالمیشلاردی.
پِطرُسینگ تَعلیمی مَعبد ایچینده
11ائله او موقعده کی او کیشی، پِطرُس و یوحَنّایا یاپیشمیشدی و اوللارینگ یانی سورا گئدیردی، بوتون خلخ چوخ حیرت اینن، بئلینه سُلیمان ایوانی ایچینده اوللارا ساری قَچدیلَر. 12پِطرُس بونو گؤرَنده، خلخه دئدی: «ای یهود خلخی، نه ایچی بو ایشدن تَعجّب ائدیرَینز؟ نه ایچی بیر رَقم گؤز تیکمیشَینز بیزه باخیراینز کی اینگار بیز اؤز قوّت و دیندارلیگیمیز اینان بیر ایش گؤرموشاک تا بو کیشی یول گئده بیله؟ 13ابراهیم تارئسی، اِسحاق تارئسی و یَعقوب تارئسی، بووآلاریمیز تارئسی، اؤز خادمی عیسایا شوکت وئردی. ائله او عیسا کی سیز بئلَسینی تَسلیم ائدینز و پیلاتُس والی حُضوروندا اؤنو حاشا ائدینز، هَرچند کی پیلاتُس تَصمیم توتموشدو کی عیسایی آزاد ائده. 14آما سیز اؤنو کی قُدّوس و صالح ایدی، حاشا ائدینز و سئدینز کی بیر آدام اؤلدورَنی بئلَینز ایچی آزاد ائدَلَّر. 15سیز زندلیگ سَرچشمهسینی اؤلدوردونز، ائله او کی تارئ بئلَسینی اؤلومدن دئرّیتدی. بیز بونونگ شاهدلَرییَک. 16عیسانینگ آدی، ایمان عیسا آدینا، بو کیشییه قوّت وئرمیش، ائله بو کیشی کی سیز گؤرورَینز و تانیراینز و او ایمان کی عیسا طَریقیندن دیر، بو کیشییه سیزینگ وارینزینگ گؤزو دَمینده بو تمام و کمال ساغلیگی وئرمیش.
17«ایندی دا کاکالار، بیلیرَم کی سیز نادانلیگ اوستوندن رووآل ائدیرَینز، ائله اولهیین کی رئیسلَرینز ائدیلَر. 18آما تارئ کی مَسیحینینگ زَجر چَکمَکینی ایلرتردَن واری پیغمبرلَرینگ دیلیندَن دئمیشدی، اؤز سؤزونو بو طَریقدَن یئرینه ائتیشتیردی. 19پس توبه ائدینز و تارئیا ساری دؤنینز تا گُناهلارینز آرّینا، 20تا تازّالانماک گؤنلَری، رَبّینگ حُضوروندان گله و تا تارئ، او وَعده وئریلَن مَسیحی کی ایلَرتَردن سیزینگ ایچی معین اولموشدو یوللایا. یعنی ائله او عیسا 21کی گؤیده قالاسی تا او زامانانچاز کی واری زاد ائله اولهیین کی تارئ اؤز مُقدّس پیغمبرلَری دیلیندَن قَدیمدَن دئمیش ایدی، گئنه دؤزهله. 22موسای پیغمبر دئدی کی: ”رَب تارئ، کاکالارینز آراسیندان، سیزینگ ایچی بیر منیم لهیین پیغمبر یوللایار؛ او هَرنه کی بئلَینزه دئییر، سیز اؤنا قولاق آساسینز. 23هَر کَس کی او پیغمبره قولاق آسمایا، خلخ آراسیندان نابود اولور.“ 24سَموئیل پیغمبر و سَموئیلدان سورا گلَن پیغمبرلَر دا، واریسی بو گؤنلَر بارهسینده پیشگولیگ ائدمیشلَر. 25سیز پیغمبرلَر اولادلارییانز و او عَهدینگ وارِثلَری کی تارئ جَدلَرینز اینن باغلادی. تارئ، ابراهیم پیغمبره دئدی: ”دنیانینگ واری طایفهلَری سَنینگ نَسلینگ طَریقیندَن بَرکت توتارلار.“ 26اوندا کی تارئ، اؤز خادمی عیسایی معین ائدی و یوللادی اَوّل اؤنو سیزینگ یانینزا یوللادی تا سیزینگ هَر بیرینزی شَریرلیگینزدن دؤندوره و بو طَریقدَن سیزه بَرکت وئره.»
Currently Selected:
اعمال 3: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
اعمال 3
3
بیر آخساق گدانینگ شفاسی
1بیر گؤن ظُهردان سورا ساعات اؤچده کی دُعا وختی ایدی، پِطرُس و یوحَنّا گئدیرلَردی مَعبده. 2ائله او موقعده، نئچه آدام بیر کیشییی کی آنادان اولاندان آخساق ایدی گتیریرلَردی. اوللار بو آخساق آدامی هر گؤن مَعبدینگ او دروازهسی یانینا کی آدی ’قَشنگ دروازه‘ ایدی، قؤیورلاردی تا مَعبد ایچینه گئدَن آداملاردان صدقه آلا. 3اوندا کی او آخساق آدام، پِطرُس و یوحَنّایی گؤردو کی سئیرلَردی گئدَلَّر مَعبد ایچینه، اوللاردان صدقه سئدی. 4پِطرُس او کیشییه گؤز تیکدی، یوحَنّا دا ائله بئله؛ پِطرُس بئلَسینه دئدی: «بیزه باخ.» 5او کیشی دا اوللارا گؤز تیکدی و توقّع واری ایدی تا اوللار بئلَسینه بیر زاد وئرَلَّر.
6آما پِطرُس اؤنا دئدی: «مَنده نه نُقره وار نه ده طلا، آما اونو کی واریم سَنه وئریرَم! ناصِرهلی عیسا مَسیح آدیندا، تور آیاقی و یول گئد!» 7اوندا پِطرُس، او کیشینینگ ساغ اَلینی توتدو و بئلَسینی اوخاری ائدی. ائله او آن او آخساقینگ قیچلَری و توپوقلاری جانا گلدی. 8او کیشی یئریندَن سیچیرَدی، آیاقا توردو و یول گئتدی و اوللار اینان گئتدی مَعبد ایچینه. او یول گئدیردی و آتّیلیردی و تارئیی حمد و ثنا ائدیردی. 9واری خلخ گؤردولَر کی او یول گئدیر و تارئیی حَمد و ثنا ائدیر 10و تانیدیلار کی بو ائله او آدام دیر کی مَعبدینگ قَشنگ دئییلَن دروازهسی یانیندا صدقه آلماک ایچی اوتوریردی؛ و بوتون خلخ بو ایشدَن کی بو کیشی ایچی اولونموشدو مات و حیران قالمیشلاردی.
پِطرُسینگ تَعلیمی مَعبد ایچینده
11ائله او موقعده کی او کیشی، پِطرُس و یوحَنّایا یاپیشمیشدی و اوللارینگ یانی سورا گئدیردی، بوتون خلخ چوخ حیرت اینن، بئلینه سُلیمان ایوانی ایچینده اوللارا ساری قَچدیلَر. 12پِطرُس بونو گؤرَنده، خلخه دئدی: «ای یهود خلخی، نه ایچی بو ایشدن تَعجّب ائدیرَینز؟ نه ایچی بیر رَقم گؤز تیکمیشَینز بیزه باخیراینز کی اینگار بیز اؤز قوّت و دیندارلیگیمیز اینان بیر ایش گؤرموشاک تا بو کیشی یول گئده بیله؟ 13ابراهیم تارئسی، اِسحاق تارئسی و یَعقوب تارئسی، بووآلاریمیز تارئسی، اؤز خادمی عیسایا شوکت وئردی. ائله او عیسا کی سیز بئلَسینی تَسلیم ائدینز و پیلاتُس والی حُضوروندا اؤنو حاشا ائدینز، هَرچند کی پیلاتُس تَصمیم توتموشدو کی عیسایی آزاد ائده. 14آما سیز اؤنو کی قُدّوس و صالح ایدی، حاشا ائدینز و سئدینز کی بیر آدام اؤلدورَنی بئلَینز ایچی آزاد ائدَلَّر. 15سیز زندلیگ سَرچشمهسینی اؤلدوردونز، ائله او کی تارئ بئلَسینی اؤلومدن دئرّیتدی. بیز بونونگ شاهدلَرییَک. 16عیسانینگ آدی، ایمان عیسا آدینا، بو کیشییه قوّت وئرمیش، ائله بو کیشی کی سیز گؤرورَینز و تانیراینز و او ایمان کی عیسا طَریقیندن دیر، بو کیشییه سیزینگ وارینزینگ گؤزو دَمینده بو تمام و کمال ساغلیگی وئرمیش.
17«ایندی دا کاکالار، بیلیرَم کی سیز نادانلیگ اوستوندن رووآل ائدیرَینز، ائله اولهیین کی رئیسلَرینز ائدیلَر. 18آما تارئ کی مَسیحینینگ زَجر چَکمَکینی ایلرتردَن واری پیغمبرلَرینگ دیلیندَن دئمیشدی، اؤز سؤزونو بو طَریقدَن یئرینه ائتیشتیردی. 19پس توبه ائدینز و تارئیا ساری دؤنینز تا گُناهلارینز آرّینا، 20تا تازّالانماک گؤنلَری، رَبّینگ حُضوروندان گله و تا تارئ، او وَعده وئریلَن مَسیحی کی ایلَرتَردن سیزینگ ایچی معین اولموشدو یوللایا. یعنی ائله او عیسا 21کی گؤیده قالاسی تا او زامانانچاز کی واری زاد ائله اولهیین کی تارئ اؤز مُقدّس پیغمبرلَری دیلیندَن قَدیمدَن دئمیش ایدی، گئنه دؤزهله. 22موسای پیغمبر دئدی کی: ”رَب تارئ، کاکالارینز آراسیندان، سیزینگ ایچی بیر منیم لهیین پیغمبر یوللایار؛ او هَرنه کی بئلَینزه دئییر، سیز اؤنا قولاق آساسینز. 23هَر کَس کی او پیغمبره قولاق آسمایا، خلخ آراسیندان نابود اولور.“ 24سَموئیل پیغمبر و سَموئیلدان سورا گلَن پیغمبرلَر دا، واریسی بو گؤنلَر بارهسینده پیشگولیگ ائدمیشلَر. 25سیز پیغمبرلَر اولادلارییانز و او عَهدینگ وارِثلَری کی تارئ جَدلَرینز اینن باغلادی. تارئ، ابراهیم پیغمبره دئدی: ”دنیانینگ واری طایفهلَری سَنینگ نَسلینگ طَریقیندَن بَرکت توتارلار.“ 26اوندا کی تارئ، اؤز خادمی عیسایی معین ائدی و یوللادی اَوّل اؤنو سیزینگ یانینزا یوللادی تا سیزینگ هَر بیرینزی شَریرلیگینزدن دؤندوره و بو طَریقدَن سیزه بَرکت وئره.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company