اعمال 2
2
پِنتیکاست گؤنو
1پِنتیکاست گؤنو ائتیشنده، اوللارینگ واریسی بئلینه بیر یئرده ییغیلمیشلَردی. 2بیردن بیر سَس، بیر گؤجلی یئل سَسی لهیین گؤیدَن گلدی و او سَس، او ائوی کی ایچینده اوتورموشلاردی، بوتون دؤلدوردو. 3اوندا، اوللار بیر پارا اَلوولار گؤردولَر اوت اَلووسی لهیین، کی بیر بیردَن آرالاندی و اوللارینگ هر بیرسی اوستونه اوتوردو. 4اوللارینگ واریسی تارئنینگ قُدّوس روحوندان دؤلدولار و تارئ روحو بئللَرینه دانیشیق قُدرتینی وئردی و اوللار آیری دیللَره دانیشماکا باشلادیلار.
5او گؤنلَرده، تارئدان قورخان یهودیلار، دنیانینگ واری یئریندَن، اورشلیم شَهرینده زندلیگ ائدیرلَردی. 6بو سَس دؤشَنده، چوخ آدام ییغیلدیلَر و اَربَد قالدیلار، بو سَبریه کی هر بیری ائشیدیردی کی او ایماندارلار اؤنونگ اؤز دیلینه دانیشیرلار. 7اوللار مات و اَربَد قالدیلار و دئدیلَر: «بئیه بو دانیشانلارینگ واریسی جَلیللی دهییللَر؟ 8پس نهیین دیر کی هر بیریمیز ائشیدیرَک کی اوللار بیز دوغولان یئرینگ دیلینه دانیشیرلار؟ 9پارتلیلار، مادلیلار، عیلاملیلار؛ و بینالنَهرین و یهودیه و کاپادوکیه و پونتوس و آسیا 10و فْیریجیه و پامفیلیه و مِصر و لیبینینگ قیرَوانا یاپیشان ناحیهلَرینینگ خَلخی و رومدان گلَن مُسافرلَر، 11هم یهودیلار، هم ده اوللار کی یهودی اولموشلاردی؛ و ائله بئله ده کْرت و عربستان خَلخی - بیز ائشیدیرَک کی بوللار بیزیم دیلیمیزه تارئنینگ قُدرتلی ایشلَرینی دئییرلَر.» 12اوللارینگ واریسی مات قالمیشلاردی و حیران بیر بیردن خبر آلیرلاردی کی: «بونونگ مَعنیسی نه دیر؟»
13آما بیر پارا آدام دا ریشخند ائده ائده دئییرلَردی: «بو آداملار تازّا شرابدان مَست اولموشلار.»
پِطرُسینگ سؤزلَری پِنتیکاست گؤنونده
14اوندا پِطرُس او اون بیر شاگرد اینن آیاقا توردو و اوجا سَس اینن خلخه بئله دئدی: «ای یهودیلار، ای واری اورشلیمده زندلیگ ائدنلَر، بونو بیلینز و منه قولاق آسینز گؤرونز نه دئییرَم! 15سیز گمان ائدیرَینز بو آداملار مَست دیرلار، آما دهییلَر. بو سَبریهکی ایندی تازّا سَحر چاغی ساعت دوقوز دیر. 16بو ائله او سؤز دیر کی یوئیل پیغمبر طَریقیندن دئییلمیش کی:
17«”تارئ دئییر: آخیرکی گؤنلَرده
واری بَشر اوستونه اؤز روحومو تؤکَرَم.
اوغوللارینز و قیزلارینز نَبوّت ائدَرلَر،
جاهاللارینز رؤیالار
و قَرّی قوجالارینز دا دیشلَر گؤرَرلَر؛
18و او گؤنلَرده،
حتّی نوکرلَریم و کنیزلَریم اوستونه،
اؤز روحومو تؤکَرَم
و اوللار نَبوّت ائدرلَر.
19اوخاریدا، گؤیلَرده عَجیب زادلار
و آشاغیدا، یئر اوستونده نیشانالار گؤرسهدرَم،
قاندان و اوتدان و تیت دومانیندان؛
20رَبّینگ، او بویوک و شوکتلی گؤنونونگ گلمَکیندَن ایلَری،
گؤن، قَرَنگیلیگه
و آی، قانا دؤنَر.
21اوندا هَر کَس کی رَبّینگ آدینی چاغیرا، نجات توتار.“
22«ای یهود خلخی، بو سؤزلَری ائشیدینز: ائله اولهیین کی سیزینگ اؤزونز بیلیرَینز، ناصِرهلی عیسا بیر کیشی ایدی کی تارئ اؤنونگ حَقلیگینه گواهلیگ وئردی، قُدرتلی ایشلَر و معجزهلَر و نیشانالار اینان کی تارئ اؤنونگ طَریقیندَن سیزینگ آراینزدا ائدی. 23تارئ اؤز حَتمی نقشهسینه گؤره و بونو گؤره دا کی واری زادی ایلَرتردن بیلیر، بو عیسایی تَسلیم ائدی و سیز اؤنو شَریر آداملار اَلی اینن صَلیبه چَکدینز و اؤلدوردونز. 24تارئ اؤنو اؤلوم دَردلَریندن آزاد ائدی و دئرّیتدی، بو سَبریه کی غیر ممکن ایدی کی اؤلوم عیسایی اؤز چنگی ایچینده ساخلایا بیله. 25ائله اولهیین کی داوود پادشاه، اؤنونگ بارهسینده دئییر:
«”رَبّی همیشه گؤزوم دَمینده گؤرموشَم،
بو سَبریه کی او مَنیم ساغ اَلیمده تا من تَتَلنمیم.
26بو خاطره ده اؤرهکیم شاد دیر و دیلیم شادلیگ ائدیر؛
و بَدنیم ده امید ایچینده مَنزل ائدهر.
27چونکی سَن منیم جانیمی اؤلولَر دیاریندا ویل ائدمَینگ
و قؤیمانگ کی اؤز سَچدیگینگ ائپیریه.
28سن زندلیگ یوللارینی منه بیلدیرمیشینگ؛
سن اؤز حُضورونگ اینان منی شادلیگدان دؤلدورارانگ.“
29«کاکالار، اطمینان اینان سیزه دئیه بیلیرَم کی جَدّیمیز داوود پادشاه اؤلدو و اؤنو تاپشیردیلار و مزاری بوگؤنانچاز ائله بوردا بیزیم آرامیزدا دیر. 30آما داوود، بیر پیغمبر ایدی و بیلیردی کی تارئ اؤنونگ ایچی آند ایچمیش کی بیر نفری داوودونگ اؤز نَسلیندن اؤنونگ پادشاهلیگی تختینه اوتوردار. 31داوود وَعده وئریلَن مَسیحینگ اؤلومدَن دئرّیلمَکینی ایلَری ایلَری گؤردو و بارهسینده ده دئدی کی، او، نه اؤلولَر دیاریندا تَرک اولدو، نه ده بَدنی ائپیرَدی. 32تارئ بو عیسایی اؤلومدَن دئرّیتدی و بیزیم واریمیز بونونگ شاهدلَرییَک. 33پس عیسا اوخاری آپاریلدی تا تارئنینگ ساغ اَلینه اوتورا و گؤیدهکی بووآ، وَعده وئریلَن قُدّوس روحو بئلَسینه وئردی و او، بو روحو ائله اولهیین کی اؤزونز گؤرورَینز و ائشیدیرَینز، اوستوموزه تؤکمیش. 34چونکی داوود پادشاه گؤیه گئدمهدی، آما اؤزو بونو دئدی کی:
«”رَب مَنیم رَبّیمه دئدی:
’مَنیم ساغ اَلیمده اوتور
35او زامانانچاز کی دشمنلَرینگی آیاقینگ آلتینا آتام.‘“
36«پس قؤی تا تارئ خلخینینگ واریسی بوندان مطمئن اولالّار کی، تارئ ائله بو عیسایی کی سیز صَلیبه چَکدینز، هم رَب، هم ده مَسیح ائدمیش.»
37اوللار بو سؤزو ائشیدَنده، اؤرهکلَری آلیشدی و پِطرُسا و باقّی حَواریلَره دئدیلر: «کاکالار، بیز نه ایش گؤرَک؟»
38پِطرُس بئللرینه دئدی: «توبه ائدینز و آدام باشینا گُناهلارینزینگ باغیشلانماکی ایچی عیسا مَسیح آدیندا تَعمید غُسلی توتینز، اوندا تارئنینگ قُدّوس روحونونگ عَطاسینی آلاراینز. 39بو سَبریه کی بو وَعده سیزینگ ایچی، اوشاقلارینز ایچی و واری اوللار ایچی دیر کی ایراقدا دیرلار؛ یعنی هَر کَس کی رَب بیزیم تاریمیز اؤنو اؤزونه ساری چاغیرا.»
40پِطرُس چوخ آیری سؤزلر اینن گواهلیگ وئردی. او اوللاری نَصیحت ائدیردی و دئییردی: «اؤزونزو بو ناخَلَف نَسلدَن قورتارینز.» 41بئله اولدو کی، پِطرُس سؤزلَرینی قبول ائدَن آداملار، تَعمید توتدولار. ائله او گؤن اؤچ مینگ نفره یاخین اوللارا قوشولدولار.
ایماندارلارینگ یولداشلیگی
42اوللار اؤزلَرینی حَواریلاردان تَعلیم توتماکا و ائله بئله دا، بئلینه یولداشلیگ ائدمَکه و چؤرهک تیکهلمهیه و دُعا ائدمَکه وَقف ائدیلَر. 43آما واریسینینگ جانینا قورخو دؤشموشدو و چوخ مُعجزهلَر و نیشانالار حَواریلار طَریقیندن اولونیردی. 44عیسایا ایمانی اولانلارینگ واریسی بئلینه ایدیلار و واری زاددا بئلینه شَریک ایدیلار. 45اوللار مِلکلَرینی و مال و مناللارینی ساتیرلاردی و اؤنونگ پیلینی هَر کَسینگ احتیاجینا گؤره، واری کَس آراسیندا داغیدیرلاردی. 46اوللار هر گؤن، یکدل مَعبده ییغیلیرلَردی و ائولَرینده چؤرهک تیکهلیرلردی و صفا و گؤین خوشلیگ اینان بئلینه خورَکی یئییرلَردی. 47اوللار تارئیی حَمد و ثنا ائدیرلَردی و واری خلخ یانیندا عزیز ایدیلار؛ رَب ده هَر گؤن نجات توتانلاری اوللار جمعینه اضافه ائدیردی.
Currently Selected:
اعمال 2: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
اعمال 2
2
پِنتیکاست گؤنو
1پِنتیکاست گؤنو ائتیشنده، اوللارینگ واریسی بئلینه بیر یئرده ییغیلمیشلَردی. 2بیردن بیر سَس، بیر گؤجلی یئل سَسی لهیین گؤیدَن گلدی و او سَس، او ائوی کی ایچینده اوتورموشلاردی، بوتون دؤلدوردو. 3اوندا، اوللار بیر پارا اَلوولار گؤردولَر اوت اَلووسی لهیین، کی بیر بیردَن آرالاندی و اوللارینگ هر بیرسی اوستونه اوتوردو. 4اوللارینگ واریسی تارئنینگ قُدّوس روحوندان دؤلدولار و تارئ روحو بئللَرینه دانیشیق قُدرتینی وئردی و اوللار آیری دیللَره دانیشماکا باشلادیلار.
5او گؤنلَرده، تارئدان قورخان یهودیلار، دنیانینگ واری یئریندَن، اورشلیم شَهرینده زندلیگ ائدیرلَردی. 6بو سَس دؤشَنده، چوخ آدام ییغیلدیلَر و اَربَد قالدیلار، بو سَبریه کی هر بیری ائشیدیردی کی او ایماندارلار اؤنونگ اؤز دیلینه دانیشیرلار. 7اوللار مات و اَربَد قالدیلار و دئدیلَر: «بئیه بو دانیشانلارینگ واریسی جَلیللی دهییللَر؟ 8پس نهیین دیر کی هر بیریمیز ائشیدیرَک کی اوللار بیز دوغولان یئرینگ دیلینه دانیشیرلار؟ 9پارتلیلار، مادلیلار، عیلاملیلار؛ و بینالنَهرین و یهودیه و کاپادوکیه و پونتوس و آسیا 10و فْیریجیه و پامفیلیه و مِصر و لیبینینگ قیرَوانا یاپیشان ناحیهلَرینینگ خَلخی و رومدان گلَن مُسافرلَر، 11هم یهودیلار، هم ده اوللار کی یهودی اولموشلاردی؛ و ائله بئله ده کْرت و عربستان خَلخی - بیز ائشیدیرَک کی بوللار بیزیم دیلیمیزه تارئنینگ قُدرتلی ایشلَرینی دئییرلَر.» 12اوللارینگ واریسی مات قالمیشلاردی و حیران بیر بیردن خبر آلیرلاردی کی: «بونونگ مَعنیسی نه دیر؟»
13آما بیر پارا آدام دا ریشخند ائده ائده دئییرلَردی: «بو آداملار تازّا شرابدان مَست اولموشلار.»
پِطرُسینگ سؤزلَری پِنتیکاست گؤنونده
14اوندا پِطرُس او اون بیر شاگرد اینن آیاقا توردو و اوجا سَس اینن خلخه بئله دئدی: «ای یهودیلار، ای واری اورشلیمده زندلیگ ائدنلَر، بونو بیلینز و منه قولاق آسینز گؤرونز نه دئییرَم! 15سیز گمان ائدیرَینز بو آداملار مَست دیرلار، آما دهییلَر. بو سَبریهکی ایندی تازّا سَحر چاغی ساعت دوقوز دیر. 16بو ائله او سؤز دیر کی یوئیل پیغمبر طَریقیندن دئییلمیش کی:
17«”تارئ دئییر: آخیرکی گؤنلَرده
واری بَشر اوستونه اؤز روحومو تؤکَرَم.
اوغوللارینز و قیزلارینز نَبوّت ائدَرلَر،
جاهاللارینز رؤیالار
و قَرّی قوجالارینز دا دیشلَر گؤرَرلَر؛
18و او گؤنلَرده،
حتّی نوکرلَریم و کنیزلَریم اوستونه،
اؤز روحومو تؤکَرَم
و اوللار نَبوّت ائدرلَر.
19اوخاریدا، گؤیلَرده عَجیب زادلار
و آشاغیدا، یئر اوستونده نیشانالار گؤرسهدرَم،
قاندان و اوتدان و تیت دومانیندان؛
20رَبّینگ، او بویوک و شوکتلی گؤنونونگ گلمَکیندَن ایلَری،
گؤن، قَرَنگیلیگه
و آی، قانا دؤنَر.
21اوندا هَر کَس کی رَبّینگ آدینی چاغیرا، نجات توتار.“
22«ای یهود خلخی، بو سؤزلَری ائشیدینز: ائله اولهیین کی سیزینگ اؤزونز بیلیرَینز، ناصِرهلی عیسا بیر کیشی ایدی کی تارئ اؤنونگ حَقلیگینه گواهلیگ وئردی، قُدرتلی ایشلَر و معجزهلَر و نیشانالار اینان کی تارئ اؤنونگ طَریقیندَن سیزینگ آراینزدا ائدی. 23تارئ اؤز حَتمی نقشهسینه گؤره و بونو گؤره دا کی واری زادی ایلَرتردن بیلیر، بو عیسایی تَسلیم ائدی و سیز اؤنو شَریر آداملار اَلی اینن صَلیبه چَکدینز و اؤلدوردونز. 24تارئ اؤنو اؤلوم دَردلَریندن آزاد ائدی و دئرّیتدی، بو سَبریه کی غیر ممکن ایدی کی اؤلوم عیسایی اؤز چنگی ایچینده ساخلایا بیله. 25ائله اولهیین کی داوود پادشاه، اؤنونگ بارهسینده دئییر:
«”رَبّی همیشه گؤزوم دَمینده گؤرموشَم،
بو سَبریه کی او مَنیم ساغ اَلیمده تا من تَتَلنمیم.
26بو خاطره ده اؤرهکیم شاد دیر و دیلیم شادلیگ ائدیر؛
و بَدنیم ده امید ایچینده مَنزل ائدهر.
27چونکی سَن منیم جانیمی اؤلولَر دیاریندا ویل ائدمَینگ
و قؤیمانگ کی اؤز سَچدیگینگ ائپیریه.
28سن زندلیگ یوللارینی منه بیلدیرمیشینگ؛
سن اؤز حُضورونگ اینان منی شادلیگدان دؤلدورارانگ.“
29«کاکالار، اطمینان اینان سیزه دئیه بیلیرَم کی جَدّیمیز داوود پادشاه اؤلدو و اؤنو تاپشیردیلار و مزاری بوگؤنانچاز ائله بوردا بیزیم آرامیزدا دیر. 30آما داوود، بیر پیغمبر ایدی و بیلیردی کی تارئ اؤنونگ ایچی آند ایچمیش کی بیر نفری داوودونگ اؤز نَسلیندن اؤنونگ پادشاهلیگی تختینه اوتوردار. 31داوود وَعده وئریلَن مَسیحینگ اؤلومدَن دئرّیلمَکینی ایلَری ایلَری گؤردو و بارهسینده ده دئدی کی، او، نه اؤلولَر دیاریندا تَرک اولدو، نه ده بَدنی ائپیرَدی. 32تارئ بو عیسایی اؤلومدَن دئرّیتدی و بیزیم واریمیز بونونگ شاهدلَرییَک. 33پس عیسا اوخاری آپاریلدی تا تارئنینگ ساغ اَلینه اوتورا و گؤیدهکی بووآ، وَعده وئریلَن قُدّوس روحو بئلَسینه وئردی و او، بو روحو ائله اولهیین کی اؤزونز گؤرورَینز و ائشیدیرَینز، اوستوموزه تؤکمیش. 34چونکی داوود پادشاه گؤیه گئدمهدی، آما اؤزو بونو دئدی کی:
«”رَب مَنیم رَبّیمه دئدی:
’مَنیم ساغ اَلیمده اوتور
35او زامانانچاز کی دشمنلَرینگی آیاقینگ آلتینا آتام.‘“
36«پس قؤی تا تارئ خلخینینگ واریسی بوندان مطمئن اولالّار کی، تارئ ائله بو عیسایی کی سیز صَلیبه چَکدینز، هم رَب، هم ده مَسیح ائدمیش.»
37اوللار بو سؤزو ائشیدَنده، اؤرهکلَری آلیشدی و پِطرُسا و باقّی حَواریلَره دئدیلر: «کاکالار، بیز نه ایش گؤرَک؟»
38پِطرُس بئللرینه دئدی: «توبه ائدینز و آدام باشینا گُناهلارینزینگ باغیشلانماکی ایچی عیسا مَسیح آدیندا تَعمید غُسلی توتینز، اوندا تارئنینگ قُدّوس روحونونگ عَطاسینی آلاراینز. 39بو سَبریه کی بو وَعده سیزینگ ایچی، اوشاقلارینز ایچی و واری اوللار ایچی دیر کی ایراقدا دیرلار؛ یعنی هَر کَس کی رَب بیزیم تاریمیز اؤنو اؤزونه ساری چاغیرا.»
40پِطرُس چوخ آیری سؤزلر اینن گواهلیگ وئردی. او اوللاری نَصیحت ائدیردی و دئییردی: «اؤزونزو بو ناخَلَف نَسلدَن قورتارینز.» 41بئله اولدو کی، پِطرُس سؤزلَرینی قبول ائدَن آداملار، تَعمید توتدولار. ائله او گؤن اؤچ مینگ نفره یاخین اوللارا قوشولدولار.
ایماندارلارینگ یولداشلیگی
42اوللار اؤزلَرینی حَواریلاردان تَعلیم توتماکا و ائله بئله دا، بئلینه یولداشلیگ ائدمَکه و چؤرهک تیکهلمهیه و دُعا ائدمَکه وَقف ائدیلَر. 43آما واریسینینگ جانینا قورخو دؤشموشدو و چوخ مُعجزهلَر و نیشانالار حَواریلار طَریقیندن اولونیردی. 44عیسایا ایمانی اولانلارینگ واریسی بئلینه ایدیلار و واری زاددا بئلینه شَریک ایدیلار. 45اوللار مِلکلَرینی و مال و مناللارینی ساتیرلاردی و اؤنونگ پیلینی هَر کَسینگ احتیاجینا گؤره، واری کَس آراسیندا داغیدیرلاردی. 46اوللار هر گؤن، یکدل مَعبده ییغیلیرلَردی و ائولَرینده چؤرهک تیکهلیرلردی و صفا و گؤین خوشلیگ اینان بئلینه خورَکی یئییرلَردی. 47اوللار تارئیی حَمد و ثنا ائدیرلَردی و واری خلخ یانیندا عزیز ایدیلار؛ رَب ده هَر گؤن نجات توتانلاری اوللار جمعینه اضافه ائدیردی.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company