نامه رومیانِ کلیسایِ وَسین 10
10
1اِی اَداشان، اسرائیلِ قومِ وَسین می دِلِ آرِزو و می دُعا خُدایِ پیش اینِه که نِجات هَگیرَن. 2چون مَن تانَم اوشانِه بارِه شَهادت هَدَم که خُدایِ وَسین غیرت دارِن، وَلی نه معرفتِ سَر. 3چون اون صالِحی ایی نِدانِسَّنِ خاطری که خُدایِ جییِه و اینه وَسین که خودِشانِ صالِحی یه ثابت هَکُردنِ دُمّال دَبان، اون صالِحی یه پیش که خُدایِ جییِه، خودِشانِ سَرِ جیر نیاردِن. 4چون مَسیح، آخَرِ شریعَتِ تا هر کی ایمان بیارِه، صالِح بِشمارِسِّه هَبو.
5چونکه موسی پیغمبراون صالِحی یه بارِه که شریعَتِ سَر بَنائه اینجور نِویسِنِه که: «اونیکه احکامِ اَنجام دَنِه، اوشانِ طریقِ جی زندگی داره.» 6وَلی اون صالِحی ایی که ایمانِ سَر بَنائِه گونِه: «تی دِلِ میَن نَگو ”کیِه که آسِمونِ جآر شونِه؟“» - تا مَسیحِ جیر بیارِه - 7یا «”کیِه که مُردگانِ دُنیایِ دِلِه بوشو؟“»- تا مَسیحِ مُردِگانِ جی زنده هَکونِه. 8ولی اون چی گونِه؟ اینکه «این کَلام تی نَزیکی، تی دَهَنِ میَن، وَ تی دِلِ میَن دَرِه.» این همون ایمان کَلامِ که اَما اعلام کانیم، 9چون اَگه تیِ زِبانِ هَمرهَ اعتراف هَکُنی که «عیسی خُداوَندِ» و تیِ دِلِ میَن ایمان داری که خُدا اونه مُردِگانِ جی زندهِ هَکُردِه، نِجات گیرنی. 10چون دِلِ همرَئِه که آدَم ایمان هارنه و صالِح بِشمارِسِّه بونه، وَ زَبانِ هَمرَئِه که اِعتراف کانه و نِجات گیرنِه. 11همونجور که اِشعیای پیغمبر کِتاب گونه: «هر کی اونه ایمان بیارِه، شرمنده نَبونه.» 12چون یهود و یونانی یه دِلِه هیچ فَرقی دَنیِه، چون همون خداوند، هَمِه یه خُداوندِ و تمام اوشانیکه اونه دُخواندِنَن رِه، خِیلی بَرکَت دَنه. 13چون «هر کی خُداوَندِ اِسمِ دُخوانهِ، نِجات گیرنِه.»
14پس چِطور کَسی که اونه ایمان نیاردِن رِه دُخوانِن؟ وَچِطور کَسی که اَصلاً اونه جی نِشنَوِسَّن رِه ایمان بیارِن؟ وَ چِطور بِشنوئَن، اگه کَسی اوشانه وَسین موعظه نَکونِه؟ 15اگه بَرِساندِه نَبون، چطور موعظه هَکُنن؟ هَمونجور که اِشعیای پِغیمبرِ کِتابِ دِلِه بَنویشته هَبا: «اون آدَمانِ لِنگ که اِنجیلِ خَبَرِ خوشِ موعظه کانَن، چَنّی قَشَنگِ.»
16وَلی تمامِ اوشان اِنجیلِ قبول نکُردِن، چون اِشعیای پیغمبر کِتابِ دِلِه گونه: «اِی خِداوند، کیِه که اَمی پیغامِ باور هَکُردِه» 17پَس ایمان، پیغامِ بشنَوِسَّن جی هَنه و پِیغامِ بِشنَوِسَّن، مَسیح کلامِ راهِ جی هَنه. 18وَلی مَن پُرسِنَم: مَگِه اوشان نِشنَوِسَّن؟ البَتَر که بِشنَوِسَّن، چون
«اوشانِ آوازه تمام زمینِ دِلهِ دَپیتِه،
وَ اوشانه کَلام دُنیایِ این سَر تا اون سَرِ بَرِسیِه.»
19ولی باز مَن پُرسِنَم: مَگه اسرائیلِ قوم اونچه که بِشنَوِسِّه رِه، نِفَهمِسِّه؟ اَوَّل، موسی گونِه:
«اوشانه طَریقِ جی که قومی بِحِساب نییَنِن،
شِمِرِه غیرتِ سِر هارنَم؛
وَ نادانِ قومِ خاطِری،
شیمی تَشِ غیظِ روشَن کانَم.»
20ایما، اِشعیایِ پیغمبر جُرأت هَمرَه گونِه:
«اوشانیکه می دُمّال نَگَرِسِّه بان، مَرِه پیداهَکُردَن
وَ مَرِه اوشانی رِه نِشان هَدَم که مَرِه نَخَسَّن.»
21وَلی اسرائیلِ قومِ بارِه گونِه:
«تمام روز می دَسِ
نافَرمان و سَرکِشِ مردم سَمت دِراز هَکُردَم.»
Currently Selected:
نامه رومیانِ کلیسایِ وَسین 10: GMB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
