انجیلِ مَتّی 25
25
مَثَل ده ریبَسَه
1«مِنِه او روز، پادشاییِ آسمون مِی دَه ریبَسَه یَه که چراغَلِ خِشونَه وَگِرُتِن، رَتِن وَدَر وَ رَه دوما. 2پنج نفر وَ اونگَل دونا وِ پنج نفرِ دَشون نایون بییِن. 3ریبَسَه‌یَلِ نایون چراغَلِشونَه وَگِرُتِن امّا هیچ روغنی بِی خِشون نَبُردِن. 4امّا دونایَل، بِی چراغَلِشون ظرفَلِ پِرِ روغن هَم بُردِن. 5سی‌یِکِه اومَیَنِ دوما وَ دِرازا کَشی، تییَلِشون سنگین وابی، وَ خُو رَتِن. 6مِنِه نِصفه‌یَلِ شُو، صییِی بلندی اِشنُفتِن که ایگُت: "دوما وِچِنِه! بِرِیت وَ رَش!" 7اوسِه تَمومِ ریبَسِه‌یَل دیار وابی‌یِن وِ چراغَلِشونَه آمایَه کِردِن. 8نایونَل وَ دونایَل گُتِن: "یِچِی وَ روغن خِتون بِئیت وَ ایما، سی‌یِکِه چراغلِمون الان کور ایابون." 9امّا دونایَل وَشون گُتِن: "وَ وُچِه که ای روغن، هَم سی ایما وِ هَم سی ایشا بَس نی، بِختَرِه بِرِیت وِ سی خِتون وَ فروشنده‌یَل روغن بِسونیت." 10امّا موقِی که اونگَل سی اِسَیَنِ روغن رَتِن، دوما رَسی وِ ریبَسَه‌یَلی که آمایَه بییِن، بِی دوما رَتِن وَ جشنِ عروسی وِ در بَسَه وابی. 11دِنداش، ریبَسِه‌یَلِ دَ هم رَسییِن وِ گُتِن: "ای آقا، ای آقا، درَ وَ ریمون واز کُ!" 12امّا وِّ وَشون گُت: "وَراسی، وَ ایشا ایگُم، مِ ایشا نَه نیشناسُم." 13پَ آمایَه بِیت، سی‌یِکِه ایشا وَ او روز وُ ساعت خَوَر نَیاریت.
مَثَل کیسۀ طِلا
14«هَمیطو پادشاییِ آسمون مِی مِردی یَه که ایخواس بِرَه وَ سَفَر. وِّ خادِمَلِ خِشَه صیا کِه وِ داراییشَه دا وَ دَسِ اونگَل؛ 15وَ هَر کویَکی وَ قَدِ توانِش چیئی دا، وَ یکی پنج کیسۀ گپو طلا دا که قَدِ دَسمِزِ بیس سالِ یِه کارگر بی، وَ یکی دِتا کیسۀ گَپو طلا وُ وَ یِکیدَه یِه کیسۀ گَپو طلا دا. اوسِه رایی سفر وابی. 16مِردی که پنج کیسۀ طلا گِرُتَه بی، زی رَت وِ باش شروع کِه وَ معاملَه‌گری وِ پنج کیسۀ دَ سود کِه. 17هَمیطو، وِه که دِتا کیسۀ طلا داشت، دِتا کیسۀ دَ هَم وَ دَس آوُرد. 18امّا وِه که یِه کیسۀ طلا گِرُتَه بی، رَت وِ زمینَه چال کِه وِ پیلِ اربابشَه قایِم کِه.
19«یِکِلی بعدِش، اربابِ او خادِمَل وَرگَشت وُ وَشون حساب خواس. 20مِردی که پنج کیسۀ طلا گِرُتَه بی، پنج کیسۀ دَ هم بِی خِش آوُرد وِ گُت: "ارباب، پنج کیسۀ طلا وَ دَسِ مِ دِی، یِه هم پنج کیسۀ دَ که سود کِردِمِه." 21اربابش گُت: "آفرین، ای خادمِ خوب وُ وفادار! ایسِه که مِنِه چییَلِ کم وفادار بی‌یِی، چییَلِ بیشتری اییُم وَ دَسِت. بیو وِ مِنِه شاییِ اربابِ خُوت شریک وابو!" 22خادمی که دِتا کیسۀ طلا گِرُتَه بی هم اومَه جِلو وِ گُت: "ارباب، دِتا کیسۀ طلا وَ دَسِ مِ دِی، یِه هم دِتا کیسۀ دَ که سود کِردِمِه." 23اربابش گُت: "آفرین، ای خادمِ خوب وُ وفادار! ایسِه که مِنِه چییَلِ کم وفادار بی‌یِی، چییَلِ بیشتری اییُم وَ دَسِت. بیو وِ مِنِه شاییِ اربابِ خُوت شریک وابو!" 24اوسِه خادمی که یِه کیسۀ طِلا گِرُتَه بی، اومَه نِزِنگ وِ گُت: "ارباب، سی‌یِکِه دونِسُم مِردِ تندمِزاجی یِی، وَ جِیئی که نَکاشتی‌یِی ایبِری وُ وَ جِیئی که تیم نَرِتی‌یِی، مَصول جَم ایکِنی، 25پَ زَلَم رَه وِ پیلِ تِنَه مِنِه زمین قایم کِردُم. یِه هم پیلِت!" 26امّا ارباب وَش گُت: "ای خادمِ شرور وِ تَمبل! تِ که دونِسی وَ جِیئی که نَکاشتِمِه، ایبِرُم وُ وَ جِیئی که تیم نَرِتِمِه، مَصول جَم ایکِنُم، 27پَ سیچه پیلِ مِنَه نَدِی وَ صرافَل تا وختی وَ سفر اییَرگَردُم وِه نَه بِی سودِش بِسونُم واپَس؟ 28او یِه کیسۀ طِلا نَه وَش بِسونیت وِ بِئیتِش وَ وِه که دَه کیسۀ طلا دارِه. 29سی‌یِکِه وَ هرکه دارِه، بیشتر دایَه ایابو تا بیشتر داشتَه بو؛ امّا وِه که نَیارِه، هَموِنَم که دارِه وَش اِسَیَه ایابو. 30ای خادمِ بی‌فِیدَه نَه وِربِئیت وَدَر مِنِه تاریکی، جِیئی که گِریوَه وِ دِندون‌کِریچَه هِسی."
روزِ داوری
31«وَختی کِرِ انسان بِی جلالِ خُوش بِی تَمومِ فرشته‌یَل بیایِه، ایشینِه وَ ری تختِ پُرجلالِ خُوش. 32وِ تَمومِ مِلَتَل در برابرِ وِّ حاضر ایابون وُ وِّ مِی چِپونی که میشَلَه وَ بُزَل جیا ایکِنِه، مردِمونَه وَ دِ دَسَه تقسیم ایکِنِه؛ 33میشَلَه وَ دَسِ راس وِ بُزَلَه وَ دَسِ چپِ خِش اینِه. 34اوسِه پادشاه وَ اونگَل که وَ دَسِ راسِشِن ایگُ: "بی‌یِیت، ای برکت جُسِه‌یَل وَ دَسِ بُوم، او پادشاهی‌ای نَه وَ میراث بُویَریت که وَ شروعِ دنیا سیتون آمایَه وابی‌یَه بی. 35سی‌یِکِه گُسنَه بییُم، وَم غذا دِیت؛ تشنَه بییُم، وَم اُو دِیت؛ غریب بییُم، وَم جا دِیت. 36لخت بییُم، مِنَه پوشَنِیت؛ مریض بییُم، سَرَم زِیت؛ مِنِه زندان بییُم، اومِیت وَ دییَنُم." 37اوسِه صالِحَل جواب اییِن: "ای آقا، کِی تِنَه گُسنَه دییم که وَت غذا دِیم، یا تشنَه دییم که وَت اُو دِیم؟ 38کِی تِنَه غریب دییم که وَت جا دِیم وِ یا لخت دییم، وِ تِنَه پوشَنِیم؟ 39کِی تِنَه مریض وِ یا مِنِه زندان دییم وِ اومِیم وَ دییَنِت؟" 40پادشاه مِنِه جوابِشون ایگُ: "وراسی، وَ ایشا ایگُم، اوچییَلی که سی یکی وَ کِچِلوترین کَکایَلِ مِ کِردیت، در واقع سی مِ کِردیت." 41اوسِه وَ اونگَل که وَ دَسِ چپِشِن ایگُ: "ای مَلعونَل، وَ مِ دیر وابِیت وِ بِرِیت مِنِه تَشِ جَنَم که سی اِبلیس وِ فرشته‌یَلِ وِّ آمایَه وابی‌یِه، 42سی‌یِکِه گُسنَه بییُم، وَم غذا نَدِیت؛ تشنَه بییُم، اُویَم نَدِیت؛ 43غریب بییُم، جا وَم نَدِیت؛ لخت بییُم، مِنَه نَپوشَنِیت؛ مریض وِ زندانی بییُم، نَیومِیت وَ دییَنُم." 44اوسِه اونگَل وَش جواب اییِن: "ای آقا، کِی تِنَه گُسنَه وِ تِشنَه وِ غریب وِ لخت وِ مریض وِ مِنِه زندان دییم وِ خِذمَتت نَکِردیم؟ 45مِنِه جواب وَشون ایگُ: "وراسی، وَ ایشا ایگُم، اوچییَلی که سی یکی وَ ای کِچِلوتَرینَل نَکِردیت، در واقع سی مِ نَکِردیت." 46پَ ای آیَمَل وَ عذابِ ابدی داخل ایابون، امّا آیَمَلِ صالِح وَ حیاتِ ابدی داخل ایابون.»
Currently Selected:
انجیلِ مَتّی 25: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 25
25
مَثَل ده ریبَسَه
1«مِنِه او روز، پادشاییِ آسمون مِی دَه ریبَسَه یَه که چراغَلِ خِشونَه وَگِرُتِن، رَتِن وَدَر وَ رَه دوما. 2پنج نفر وَ اونگَل دونا وِ پنج نفرِ دَشون نایون بییِن. 3ریبَسَه‌یَلِ نایون چراغَلِشونَه وَگِرُتِن امّا هیچ روغنی بِی خِشون نَبُردِن. 4امّا دونایَل، بِی چراغَلِشون ظرفَلِ پِرِ روغن هَم بُردِن. 5سی‌یِکِه اومَیَنِ دوما وَ دِرازا کَشی، تییَلِشون سنگین وابی، وَ خُو رَتِن. 6مِنِه نِصفه‌یَلِ شُو، صییِی بلندی اِشنُفتِن که ایگُت: "دوما وِچِنِه! بِرِیت وَ رَش!" 7اوسِه تَمومِ ریبَسِه‌یَل دیار وابی‌یِن وِ چراغَلِشونَه آمایَه کِردِن. 8نایونَل وَ دونایَل گُتِن: "یِچِی وَ روغن خِتون بِئیت وَ ایما، سی‌یِکِه چراغلِمون الان کور ایابون." 9امّا دونایَل وَشون گُتِن: "وَ وُچِه که ای روغن، هَم سی ایما وِ هَم سی ایشا بَس نی، بِختَرِه بِرِیت وِ سی خِتون وَ فروشنده‌یَل روغن بِسونیت." 10امّا موقِی که اونگَل سی اِسَیَنِ روغن رَتِن، دوما رَسی وِ ریبَسَه‌یَلی که آمایَه بییِن، بِی دوما رَتِن وَ جشنِ عروسی وِ در بَسَه وابی. 11دِنداش، ریبَسِه‌یَلِ دَ هم رَسییِن وِ گُتِن: "ای آقا، ای آقا، درَ وَ ریمون واز کُ!" 12امّا وِّ وَشون گُت: "وَراسی، وَ ایشا ایگُم، مِ ایشا نَه نیشناسُم." 13پَ آمایَه بِیت، سی‌یِکِه ایشا وَ او روز وُ ساعت خَوَر نَیاریت.
مَثَل کیسۀ طِلا
14«هَمیطو پادشاییِ آسمون مِی مِردی یَه که ایخواس بِرَه وَ سَفَر. وِّ خادِمَلِ خِشَه صیا کِه وِ داراییشَه دا وَ دَسِ اونگَل؛ 15وَ هَر کویَکی وَ قَدِ توانِش چیئی دا، وَ یکی پنج کیسۀ گپو طلا دا که قَدِ دَسمِزِ بیس سالِ یِه کارگر بی، وَ یکی دِتا کیسۀ گَپو طلا وُ وَ یِکیدَه یِه کیسۀ گَپو طلا دا. اوسِه رایی سفر وابی. 16مِردی که پنج کیسۀ طلا گِرُتَه بی، زی رَت وِ باش شروع کِه وَ معاملَه‌گری وِ پنج کیسۀ دَ سود کِه. 17هَمیطو، وِه که دِتا کیسۀ طلا داشت، دِتا کیسۀ دَ هَم وَ دَس آوُرد. 18امّا وِه که یِه کیسۀ طلا گِرُتَه بی، رَت وِ زمینَه چال کِه وِ پیلِ اربابشَه قایِم کِه.
19«یِکِلی بعدِش، اربابِ او خادِمَل وَرگَشت وُ وَشون حساب خواس. 20مِردی که پنج کیسۀ طلا گِرُتَه بی، پنج کیسۀ دَ هم بِی خِش آوُرد وِ گُت: "ارباب، پنج کیسۀ طلا وَ دَسِ مِ دِی، یِه هم پنج کیسۀ دَ که سود کِردِمِه." 21اربابش گُت: "آفرین، ای خادمِ خوب وُ وفادار! ایسِه که مِنِه چییَلِ کم وفادار بی‌یِی، چییَلِ بیشتری اییُم وَ دَسِت. بیو وِ مِنِه شاییِ اربابِ خُوت شریک وابو!" 22خادمی که دِتا کیسۀ طلا گِرُتَه بی هم اومَه جِلو وِ گُت: "ارباب، دِتا کیسۀ طلا وَ دَسِ مِ دِی، یِه هم دِتا کیسۀ دَ که سود کِردِمِه." 23اربابش گُت: "آفرین، ای خادمِ خوب وُ وفادار! ایسِه که مِنِه چییَلِ کم وفادار بی‌یِی، چییَلِ بیشتری اییُم وَ دَسِت. بیو وِ مِنِه شاییِ اربابِ خُوت شریک وابو!" 24اوسِه خادمی که یِه کیسۀ طِلا گِرُتَه بی، اومَه نِزِنگ وِ گُت: "ارباب، سی‌یِکِه دونِسُم مِردِ تندمِزاجی یِی، وَ جِیئی که نَکاشتی‌یِی ایبِری وُ وَ جِیئی که تیم نَرِتی‌یِی، مَصول جَم ایکِنی، 25پَ زَلَم رَه وِ پیلِ تِنَه مِنِه زمین قایم کِردُم. یِه هم پیلِت!" 26امّا ارباب وَش گُت: "ای خادمِ شرور وِ تَمبل! تِ که دونِسی وَ جِیئی که نَکاشتِمِه، ایبِرُم وُ وَ جِیئی که تیم نَرِتِمِه، مَصول جَم ایکِنُم، 27پَ سیچه پیلِ مِنَه نَدِی وَ صرافَل تا وختی وَ سفر اییَرگَردُم وِه نَه بِی سودِش بِسونُم واپَس؟ 28او یِه کیسۀ طِلا نَه وَش بِسونیت وِ بِئیتِش وَ وِه که دَه کیسۀ طلا دارِه. 29سی‌یِکِه وَ هرکه دارِه، بیشتر دایَه ایابو تا بیشتر داشتَه بو؛ امّا وِه که نَیارِه، هَموِنَم که دارِه وَش اِسَیَه ایابو. 30ای خادمِ بی‌فِیدَه نَه وِربِئیت وَدَر مِنِه تاریکی، جِیئی که گِریوَه وِ دِندون‌کِریچَه هِسی."
روزِ داوری
31«وَختی کِرِ انسان بِی جلالِ خُوش بِی تَمومِ فرشته‌یَل بیایِه، ایشینِه وَ ری تختِ پُرجلالِ خُوش. 32وِ تَمومِ مِلَتَل در برابرِ وِّ حاضر ایابون وُ وِّ مِی چِپونی که میشَلَه وَ بُزَل جیا ایکِنِه، مردِمونَه وَ دِ دَسَه تقسیم ایکِنِه؛ 33میشَلَه وَ دَسِ راس وِ بُزَلَه وَ دَسِ چپِ خِش اینِه. 34اوسِه پادشاه وَ اونگَل که وَ دَسِ راسِشِن ایگُ: "بی‌یِیت، ای برکت جُسِه‌یَل وَ دَسِ بُوم، او پادشاهی‌ای نَه وَ میراث بُویَریت که وَ شروعِ دنیا سیتون آمایَه وابی‌یَه بی. 35سی‌یِکِه گُسنَه بییُم، وَم غذا دِیت؛ تشنَه بییُم، وَم اُو دِیت؛ غریب بییُم، وَم جا دِیت. 36لخت بییُم، مِنَه پوشَنِیت؛ مریض بییُم، سَرَم زِیت؛ مِنِه زندان بییُم، اومِیت وَ دییَنُم." 37اوسِه صالِحَل جواب اییِن: "ای آقا، کِی تِنَه گُسنَه دییم که وَت غذا دِیم، یا تشنَه دییم که وَت اُو دِیم؟ 38کِی تِنَه غریب دییم که وَت جا دِیم وِ یا لخت دییم، وِ تِنَه پوشَنِیم؟ 39کِی تِنَه مریض وِ یا مِنِه زندان دییم وِ اومِیم وَ دییَنِت؟" 40پادشاه مِنِه جوابِشون ایگُ: "وراسی، وَ ایشا ایگُم، اوچییَلی که سی یکی وَ کِچِلوترین کَکایَلِ مِ کِردیت، در واقع سی مِ کِردیت." 41اوسِه وَ اونگَل که وَ دَسِ چپِشِن ایگُ: "ای مَلعونَل، وَ مِ دیر وابِیت وِ بِرِیت مِنِه تَشِ جَنَم که سی اِبلیس وِ فرشته‌یَلِ وِّ آمایَه وابی‌یِه، 42سی‌یِکِه گُسنَه بییُم، وَم غذا نَدِیت؛ تشنَه بییُم، اُویَم نَدِیت؛ 43غریب بییُم، جا وَم نَدِیت؛ لخت بییُم، مِنَه نَپوشَنِیت؛ مریض وِ زندانی بییُم، نَیومِیت وَ دییَنُم." 44اوسِه اونگَل وَش جواب اییِن: "ای آقا، کِی تِنَه گُسنَه وِ تِشنَه وِ غریب وِ لخت وِ مریض وِ مِنِه زندان دییم وِ خِذمَتت نَکِردیم؟ 45مِنِه جواب وَشون ایگُ: "وراسی، وَ ایشا ایگُم، اوچییَلی که سی یکی وَ ای کِچِلوتَرینَل نَکِردیت، در واقع سی مِ نَکِردیت." 46پَ ای آیَمَل وَ عذابِ ابدی داخل ایابون، امّا آیَمَلِ صالِح وَ حیاتِ ابدی داخل ایابون.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company