انجیلِ مَتّی 23
23
وای وَ حالِ ایشا عالِمَلِ مذهبی
1عیسی ری کِه وَ مردم وِ شاگردَلِش وِ گُت: 2«معلملِ تورات وِ عالِمَل فرقۀ فَریسی وَ جایگا موسی نِشَسِنِه. 3پَ اوچییَلی که وَ ایشا ایگُن، وَجا بیاریت؛ امّا مِی اونگَل عمل نَکِنیت! سی‌یِکِه اوچییَلی که تعلیم اییِن، خِشون وَجا نیارِن. 4بارَلِ سنگین اینِن وَ کولِ مردم، امّا خِشون نَه حاضِرِن سی بِلند کِردَنِ او بار حتی پِنجه‌ای بِجُمبَنِن. 5هر چه ایکِنِن سی یِنِه که مردم اونگَلَه بِوینِن: کیفِ دِعِی سَرِ بازوشونَه گَپوتَر وِ دامَنِ قَباشونَه بِلَندتر ایکِنِن. 6دوس دارن مِنِه مِمونی‌یَل بِشینِن وَ بالِی مجلس وِ مِنِه کنیسه‌یَل بِتَرین جا نَه داشتَه بون، 7مردم مِنِه کوچه وِ بازار وَشون سلام کِنِن وِ صیاشون کِنِن "استاد". 8امّا ایشا نَه "استادیت"، سی‌یِکِه تِنا یِه استاد داریت، وِ تَمومِ ایشا کَکایِیت. 9وَ هیچ کَسی هَم وَ ری زمین نَگِیت "بُو"، سی‌یِکِه تِنا یِه بُو داریت که مِنِه آسمونِه. 10وِ هَم "معلم" خُوندَه نَوابِیت، سی‌یِکِه تِنا یِه معلم داریت که میسح یَه. 11وِه که مابِینِ ایشا وَ هَمَه گَوتَرِه، خادمِ ایشا ایابو. 12هرکه خِشَه گَپو کِنِه، خوار ایابو وِ هرکه خِشَه کوچِک‌نظم کِنِه، سَرفَراز ایابو.
13امّا وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا درِ پادشاییِ آسمونَه وَ ری مردم ایبَندیت؛ نَه خِتون داخل ایابِیت وِ نَه ایلیت کَسَلی که ایخوان، داخل وابون.
14وای وَ حالِ ایشا ای معلمل تورات وِ عالِمَلِ فَریسی، ای ریاکارَل! سی‌یِکِه ایشا وَ ایلَت حونۀ بیوه‌زَنَلَه غارت ایکِنیت وُ وَ اولَت، سی ظاهرسازی، دِعِی خِتونَه طول ایئیت. سی هَمیو، مکافاتِتون مهلی سخت‌تَر ایابو.
15وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا دریا وِ خشکی نَه اینیت زِرِ پا تا یِه نَفَرَ بیاریت مِنِه دینِ خِتون، وِ وختی ای کارَ کِردیت، وِّ نَه دِچَندون بَتَرَ خِتون، اولادِ جَنَم ایکِنیت.
16وای وَ حالِ ایشا ای رانَمایَلِ کور که ایگِیت: "اَر کسی وَ معبدِ خدا قسم بِخَرِه عیبی نَیارِه، امّا اَر وَ ظَرفَلِ طِلِی معبد قسم بِخَرِه، باید وَ قسَمِش وفا کِنِه." 17ای نایونَلِ کور! کویَکی مهمتَرِه؟ طِلا یا معبدی که طِلا نَه تقدیس ایکِنِه؟ 18وِ هَم ایگِیت: "اَر کسی وَ مذبَح قسم بِخَرِه، عیبی نَیارِه، امّا اَر وَ پیشکِشی که ری مذبَح نَهایَه ایابو قسم بِخَرِه، باید وَ قسَمِش وفا کِنِه." 19ای کورَل! کویَکی مهمتَرِه؟ پیشکِش مهمتَرِه یا مذبَحی که پیشکِشَه تقدیس ایکِنِه؟ 20کَسی که وَ مذبَح قسم ایخَرِه، هَم وَ مذبَح قسم خَردِه وِ هَم وَ هر چیئی که ری مذبَحِه. 21وِ هرکه وَ معبد قسم ایخَرِه، وَ خودِ معبد وُ وَ خدایی که مِنِش ساکِنِه قسم خَردِه. 22وِ هرکه وَ آسمون قسم ایخَرِه، وَ تختِ خدا وُ وَ خدایی که وَ ری او تخت نِشَسِه قسم خَردِه.
23وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا وَ نعناع وِ شویت وِ زیرَه دَه‌یک ایئیت، امّا حُکمَلِ مهمترِ شریعتَه که عدالت وِ رحمت وِ وَفاداری یَه اینیت زِرِ پا. اینگَلَه ایبایِس وَجا ایاوُردیت وِ مِنِه اَنجومِ اونگَل هَم کوتایی نیکِردِت. 24ای رانَمایَلِ کور! ایشا پَشَنَه اَلَک ایکِنیت، وِ شِتِرَ غوت ایئیت!
25وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا ری پیالَه وِ دُرینَه پاک ایکِنیت، امّا مِنِشون پُر وَ طمع وِ عیش وُ نوشِه. 26ای فَریسیِ کور، اَوَل مِنِه پیالَه وِ دُرینَه پاک کُ که ریش هَم پاک ایابو.
27وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا مِی مَزارَلی یِیت سَفی‌کاری وابی‌یَه که وَ صرا قشنگ وَ نظر ایان، امّا مِنِشون پِرِه وَ هَسَلِ مُردِه‌یَل وِ همَه طور چییَلِ کثیف! 28هَمیطو، ایشا هَم خِتونَه وَ ظاهر وَ مردم صالح نِشون ایئیت، امّا مِنِه باطن پُر وَ ریاکاری وِ شرارتیت.
29وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا سی پیغمبرَل مقبرَه ایسازیت وِ مَزارِ صالِحَلَه تزئین ایکِنیت 30وِ ایگیت: "اَر مِنِه روزگارِ بُویَلِ خِمون بیئیم، وَتَه مِنِه کشتنِ پیغمبرَل باشون شریک نیابیئیم." 31وَ ای ترتیب، خِتون وَ ضدِ خِتون شهادت ایئیت که ایشا اولادَلِ کَسَلی یِیت که پیغمبَرَلَه کُشتِن. 32ایسِه که ایطورِه، پَ او پیمونه‌ای که بُویَلِتون کَم رِتِن، ایشا لُوریز کِنیت! 33ای مارَل! ای افعی زادِه‌یَل! چِطو وَ مجازاتِ جَنَم ایدَرِیت؟ 34سی‌یِکِه مِ پیغمبَرَل وِ حکیمَل وِ معلمل بسی ایکِنُم طِیتون وِ ایشا یِه‌پاره‌ای نَه ایکِشیت وُ وَ صلیب ایکَشیت، وِ یِه‌پاره‌ای نَه مِنِه کنیسه‌یَلِتون ایبَندیت وَ فَلَک وِ شهر وَ شهر اونگَلَه آزار ایئیت. 35پَ، خینِ تَمومِ صالِحَل که رِتَه وابی‌یِه وَ زمین، وَ ناتونِه وَ خینِ هابیلِ صالح گِرُتَه تا خینِ زکریا کِرِ بَرَخیا، که وِّ نَه مابینِ محراب وِ مذبَح کُشتیت. 36وَراسی، وَ ایشا ایگُم، تَمومِ ای گِنایَل وَ نِی ای نسلِه.
37ای اورشلیم، ای اورشلیم، ای شهری که پیغمبرَلَه ایکِشی وِ رَسولَلی نَه که بِسی ایابون طِیت سَنگسار ایکِنی! چَن دَفَه خواسُم مِی مرغی که جیجِه‌یَلِشَه زِرِ پَرِبالِ خُوش جَم ایکِنِه، اولادَلِتَه جَم کِنُم، امّا نَخواسی! 38ایسِه حونَتون سیتون چول ایوِیسِه. 39سی‌یِکِه وَ ایشا ایگُم که وَ یِه واپَس مِنَه نیبینیت تا روزی که بِگِیت: «مبارکِه وِه که وَ نومِ خداوند ایایِه."»
Currently Selected:
انجیلِ مَتّی 23: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 23
23
وای وَ حالِ ایشا عالِمَلِ مذهبی
1عیسی ری کِه وَ مردم وِ شاگردَلِش وِ گُت: 2«معلملِ تورات وِ عالِمَل فرقۀ فَریسی وَ جایگا موسی نِشَسِنِه. 3پَ اوچییَلی که وَ ایشا ایگُن، وَجا بیاریت؛ امّا مِی اونگَل عمل نَکِنیت! سی‌یِکِه اوچییَلی که تعلیم اییِن، خِشون وَجا نیارِن. 4بارَلِ سنگین اینِن وَ کولِ مردم، امّا خِشون نَه حاضِرِن سی بِلند کِردَنِ او بار حتی پِنجه‌ای بِجُمبَنِن. 5هر چه ایکِنِن سی یِنِه که مردم اونگَلَه بِوینِن: کیفِ دِعِی سَرِ بازوشونَه گَپوتَر وِ دامَنِ قَباشونَه بِلَندتر ایکِنِن. 6دوس دارن مِنِه مِمونی‌یَل بِشینِن وَ بالِی مجلس وِ مِنِه کنیسه‌یَل بِتَرین جا نَه داشتَه بون، 7مردم مِنِه کوچه وِ بازار وَشون سلام کِنِن وِ صیاشون کِنِن "استاد". 8امّا ایشا نَه "استادیت"، سی‌یِکِه تِنا یِه استاد داریت، وِ تَمومِ ایشا کَکایِیت. 9وَ هیچ کَسی هَم وَ ری زمین نَگِیت "بُو"، سی‌یِکِه تِنا یِه بُو داریت که مِنِه آسمونِه. 10وِ هَم "معلم" خُوندَه نَوابِیت، سی‌یِکِه تِنا یِه معلم داریت که میسح یَه. 11وِه که مابِینِ ایشا وَ هَمَه گَوتَرِه، خادمِ ایشا ایابو. 12هرکه خِشَه گَپو کِنِه، خوار ایابو وِ هرکه خِشَه کوچِک‌نظم کِنِه، سَرفَراز ایابو.
13امّا وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا درِ پادشاییِ آسمونَه وَ ری مردم ایبَندیت؛ نَه خِتون داخل ایابِیت وِ نَه ایلیت کَسَلی که ایخوان، داخل وابون.
14وای وَ حالِ ایشا ای معلمل تورات وِ عالِمَلِ فَریسی، ای ریاکارَل! سی‌یِکِه ایشا وَ ایلَت حونۀ بیوه‌زَنَلَه غارت ایکِنیت وُ وَ اولَت، سی ظاهرسازی، دِعِی خِتونَه طول ایئیت. سی هَمیو، مکافاتِتون مهلی سخت‌تَر ایابو.
15وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا دریا وِ خشکی نَه اینیت زِرِ پا تا یِه نَفَرَ بیاریت مِنِه دینِ خِتون، وِ وختی ای کارَ کِردیت، وِّ نَه دِچَندون بَتَرَ خِتون، اولادِ جَنَم ایکِنیت.
16وای وَ حالِ ایشا ای رانَمایَلِ کور که ایگِیت: "اَر کسی وَ معبدِ خدا قسم بِخَرِه عیبی نَیارِه، امّا اَر وَ ظَرفَلِ طِلِی معبد قسم بِخَرِه، باید وَ قسَمِش وفا کِنِه." 17ای نایونَلِ کور! کویَکی مهمتَرِه؟ طِلا یا معبدی که طِلا نَه تقدیس ایکِنِه؟ 18وِ هَم ایگِیت: "اَر کسی وَ مذبَح قسم بِخَرِه، عیبی نَیارِه، امّا اَر وَ پیشکِشی که ری مذبَح نَهایَه ایابو قسم بِخَرِه، باید وَ قسَمِش وفا کِنِه." 19ای کورَل! کویَکی مهمتَرِه؟ پیشکِش مهمتَرِه یا مذبَحی که پیشکِشَه تقدیس ایکِنِه؟ 20کَسی که وَ مذبَح قسم ایخَرِه، هَم وَ مذبَح قسم خَردِه وِ هَم وَ هر چیئی که ری مذبَحِه. 21وِ هرکه وَ معبد قسم ایخَرِه، وَ خودِ معبد وُ وَ خدایی که مِنِش ساکِنِه قسم خَردِه. 22وِ هرکه وَ آسمون قسم ایخَرِه، وَ تختِ خدا وُ وَ خدایی که وَ ری او تخت نِشَسِه قسم خَردِه.
23وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا وَ نعناع وِ شویت وِ زیرَه دَه‌یک ایئیت، امّا حُکمَلِ مهمترِ شریعتَه که عدالت وِ رحمت وِ وَفاداری یَه اینیت زِرِ پا. اینگَلَه ایبایِس وَجا ایاوُردیت وِ مِنِه اَنجومِ اونگَل هَم کوتایی نیکِردِت. 24ای رانَمایَلِ کور! ایشا پَشَنَه اَلَک ایکِنیت، وِ شِتِرَ غوت ایئیت!
25وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا ری پیالَه وِ دُرینَه پاک ایکِنیت، امّا مِنِشون پُر وَ طمع وِ عیش وُ نوشِه. 26ای فَریسیِ کور، اَوَل مِنِه پیالَه وِ دُرینَه پاک کُ که ریش هَم پاک ایابو.
27وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا مِی مَزارَلی یِیت سَفی‌کاری وابی‌یَه که وَ صرا قشنگ وَ نظر ایان، امّا مِنِشون پِرِه وَ هَسَلِ مُردِه‌یَل وِ همَه طور چییَلِ کثیف! 28هَمیطو، ایشا هَم خِتونَه وَ ظاهر وَ مردم صالح نِشون ایئیت، امّا مِنِه باطن پُر وَ ریاکاری وِ شرارتیت.
29وای وَ حالِ ایشا ای معلملِ تورات وِ عالِمَلِ فَریسی، ای ریاکارَل! سی‌یِکِه ایشا سی پیغمبرَل مقبرَه ایسازیت وِ مَزارِ صالِحَلَه تزئین ایکِنیت 30وِ ایگیت: "اَر مِنِه روزگارِ بُویَلِ خِمون بیئیم، وَتَه مِنِه کشتنِ پیغمبرَل باشون شریک نیابیئیم." 31وَ ای ترتیب، خِتون وَ ضدِ خِتون شهادت ایئیت که ایشا اولادَلِ کَسَلی یِیت که پیغمبَرَلَه کُشتِن. 32ایسِه که ایطورِه، پَ او پیمونه‌ای که بُویَلِتون کَم رِتِن، ایشا لُوریز کِنیت! 33ای مارَل! ای افعی زادِه‌یَل! چِطو وَ مجازاتِ جَنَم ایدَرِیت؟ 34سی‌یِکِه مِ پیغمبَرَل وِ حکیمَل وِ معلمل بسی ایکِنُم طِیتون وِ ایشا یِه‌پاره‌ای نَه ایکِشیت وُ وَ صلیب ایکَشیت، وِ یِه‌پاره‌ای نَه مِنِه کنیسه‌یَلِتون ایبَندیت وَ فَلَک وِ شهر وَ شهر اونگَلَه آزار ایئیت. 35پَ، خینِ تَمومِ صالِحَل که رِتَه وابی‌یِه وَ زمین، وَ ناتونِه وَ خینِ هابیلِ صالح گِرُتَه تا خینِ زکریا کِرِ بَرَخیا، که وِّ نَه مابینِ محراب وِ مذبَح کُشتیت. 36وَراسی، وَ ایشا ایگُم، تَمومِ ای گِنایَل وَ نِی ای نسلِه.
37ای اورشلیم، ای اورشلیم، ای شهری که پیغمبرَلَه ایکِشی وِ رَسولَلی نَه که بِسی ایابون طِیت سَنگسار ایکِنی! چَن دَفَه خواسُم مِی مرغی که جیجِه‌یَلِشَه زِرِ پَرِبالِ خُوش جَم ایکِنِه، اولادَلِتَه جَم کِنُم، امّا نَخواسی! 38ایسِه حونَتون سیتون چول ایوِیسِه. 39سی‌یِکِه وَ ایشا ایگُم که وَ یِه واپَس مِنَه نیبینیت تا روزی که بِگِیت: «مبارکِه وِه که وَ نومِ خداوند ایایِه."»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company