انجیلِ مَتّی 22
22
مَثَل جشن عروسی
1عیسی هَنی بِی مَثَلَل باشون گَپ ایزَه وِ فرمایش ایکِه: 2«پادشاییِ آسمون مِی شاهی یَه که سی کِرِش جشن عروسی بَرپا کِه. 3وِّ غلامَلِشَه بِسی کِه تا دعوتی‌یَلَه سی جشن خَوَر کِنِن، امّا اونگَل نَخواسِن بیان. 4پَ غلامَلی دَ بِسی کِه وِ گُت: "وَ دعوَتی‌یَل بِگِیت سفرۀ جَشنَه آمایَه کِردِمِه، گایَل وِ گُویَرَلِ پَرواریمَه هَم سر بِریمِه وِ همه چی آمادَه یَه. بی‌یِیت وَ جشنِ عروسی." 5امّا اونگَل اعتنایی نَکِردِن وِ هر کویَکی وَ رَه خِشون رَتِن، یکی وَ مزرعَه وِ یِکیدَه وَ معامِلَه گَریش. 6باقی هم غلامَلِ وِّ نَه گِرُتِن، بِی بی‌شَرمی رفتار کِردِن وِ کُشتِنشون. 7شاه تَش گِرُت، سپاهی بِسی کِه وِ او قاتِلَلَه کشت وِ شهرِشونَه تَش زَه. 8اوسِه وَ غلامَلِش گُت: "جشنِ عروسی آمادَه یَه، امّا دَعوَتی‌یَل لیاقت نَیاشتِن. 9پَ بِرِیت وَ مِیدونِ شهر وِ هرکه نَه جُسیت دعوت کِنیت وَ جشنِ عروسی." 10غلامَل رَتِن وَ کوچه‌یَل وِ هرکه نَه جُسِن، چه خوب وِ چه بَد، بِی خِشون آوُردِن، طوری که تالارِ عروسی وَ مِمونَل پِر وابی.
11«امّا وختی که شاه سی دییَنِ مِمونَل واردِ مجلس وابی، مِردی نَه دی که جومۀ عروسی وَرِش نَبی. 12وَش پُرسی: "ای رفیق، سیچِه بی‌جومۀ عروسی اومِی‌یِی وِیچو؟" او مِرد جوابی نَیاشت. 13اوسِه پادشاه وَ خادِمَلِش گُت: "دَسِ پاشَه بُویَندیت وُ وِرِش بِئیت وَدَر مِنِه تاریکی، جِیئی که گِریوَه وِ دِندون‌کِریچَه هِسی." 14سی‌یِکِه دَعوَتی‌یَل زیادِن، امّا برگزیدِه‌یَل کم.»
خراج وَ امپراتورِ روم
15عالِمَلِ فرقۀ فَریسی رَتِن وَدَر وِ شُور کِردِن تا بینِن چِطو ایتَرِن وِّ نَه بِی گَپَلِ خُوش وَ تَلَه بِندازِن. 16اونگَل شاگردَلِشونَه بِی طَرفدارَلِ هیرودیس بِسی کِردِن طِی عیسی وِ گُتِن: «استاد، دونیم که تِ مِردِ روراسی یِی وِ رَه خدا نَه وَ دِرِسی تعلیم ایئی وُ وَ کسی زَلَت نیرَه، وِ سِیلَ ظاهر نیکِنی. 17نظرِ خِتَه وَمون بِگُ؛ دایَنِ خراج وَ امپراتور جایزِه وا نَه؟» 18امّا عیسی که نیتِ گَندِشونَه دونِس وَشون گُت: «ای ریاکارَل، سیچه مِنَه امتحان ایکِنیت؟ 19سکه‌ای نَه که باش خراج ایئیت، وَم نِشون بِئیت.» اونگَل سکه‌ای یِه دیناری وَش دان. 20عیسی وَشون پُرسی: «نقش وِ نومِ ری سکه این کیَه؟» 21جواب دان: «این امپراتورِه.» عیسی وَشون گُت: «پَ این امپراتورَ وَ امپراتور بِئیت وِ این خدا نَه وَ خدا.» 22وختی یِنَه اِشنُفتِن، حیرت‌زَیَه وابی‌یِن وِ عیسی نَه وِل کِردِن، رَتِن.
سؤال درموردِ زِندَه وابی‌یَنِ مُردِه‌یَل
23مِنِه هَمو روز، عالِمَلِ فرقۀ صدوقی که اعتقادی وَ زِندَه وابی‌یَنِ مُردِه‌یَل نَیارِن، اومَن طِی عیسی وِ سئوالی وَش کِردِن، 24گُتِن: «استاد، موسی وَمون فرمایش کِردِه که اَر مِردی بی‌اولاد بمیره، کَکاش باید بیوِۀ او مِردَ بِسونِه تا وَ او زَن سی کَکاش نسلی وَجا بِنِه. 25راسِش، مِلامون هَف کَکا بییِن. کَکِی اَوَلی زنی اِسَه وِ مُرد وِ سی‌یِکِه اولادی نَیاشت، زنِ بیوَشَه سی کَکاش وَجا نَها. 26هَمیطو دِومی وِ سِومی، تا کَکِی هَفتِمی او زَنَه اِسَن. 27عاقبت او زن هم مُرد. 28ایسِه، مِنِه قیامت، او زن، زنِ کویِکی وَ او هَفت کَکا ایابو، سی‌یِکِه هَمَشون وِّ نَه اِسَیَه بییِن؟»
29عیسی وَشون گُت: «ایشا وَ رَه وِل وابیئیتِه، سی‌یِکِه نَه وَ نوشته‌یَلِ مقدس چیئی دونیت وِ نَه وَ قدرتِ خدا! 30مِنِه قیامت کسی نَه زن ایسونِه وِ نَه شی ایکِنِه، بلکم همَه مِی فرشته‌یَلِ آسمونِن. 31امّا درموردِ زِندَه وابی‌یَنِ مُردِه‌یَل، مَه مِنِه نوشته‌یَلِ مقدس نَخوندیتِه که خدا وَ ایشا چه گُتِه؟ 32وِّ فرمایش کِردِه که، "مِ هِسُم خِدِی ابراهیم وِ خِدِی اِسحاق وِ خِدِی یعقوب". وِّ خِدِی مُردِه‌یَل نی، بلکم خِدِی زِندِه‌یَلِه.» 33مردم بِی اِشنُفتَنِ ای گَپَل، وَ تعلیمِش حیرت‌زَیَه وابی‌یِن.
گَپوتَرین حکم
34امّا وختی عالِمَلِ فرقۀ فَریسی اِشنُفتِن که عیسی چِطو بِی جوابِ خُوش دِهونِ عالِمَلِ فرقۀ صدّوقی نَه بَسِه، دورِ یَک جَم وابی‌یِن. 35یکی وَ اونگَل که فقیه بی، بِی ای نیت که عیسی نَه وَ تَلَه بِندازِه، وَش پُرسی: 36«ای استاد، گَپوترین حکم مِنِه شریعت کویکی یَه؟» 37عیسی وَش جواب دا: «"خداوند خِدِی خِتَه بِی تمومیِ دل وِ بِی تمومیِ جون وِ بِی تمومیِ فکرِ خُوت محبت کُ." 38یِه اَوَلین وِ گَپوتَرین حکمِه. 39دومین حکم هم مِی حکمِ اَوَلِه: "هُمساتَه مِی خُوت محبت کُ." 40تمومیِ تورات وِ نِوِشتِه‌یَلِ پیغمبرَل وَ ری ای دِ حکم پاوَرجایَه.»
مسیحِ موعود کِرِ کیَه؟
41موقِی که عالِمَلِ فَریسی دورِ یَک جَم بییِن، عیسی وَشون پُرسی: 42«نظر ایشا درموردِ مسیحِ موعود چِنِه؟ وِّ کِرِ کیَه؟» اونگَل جواب دان: «کِرِ داوود.» 43عیسی گُت: «پَ چِطو داوود بِی الهامِ روح، وِّ نَه خداوند ایخونِه؟ سی‌یِکِه ایگُ:
44«"خداوند وَ خداوندِ مِ گُت:
«وَ دَسِ راسِ مِ بِشین
تا او موقَع که دُشمَنَلِتَه بِنُم زِرِ پات.»"
45اَر داوود وِّ نَه خداوند ایخونِه، چِطو وِّ ایتَرِه کِرِ داوود بو؟» 46وَ ای ترتیب، هیشکَه نَتَرِس جوابی وَ عیسی بییِه وُ وَ وِه واپَس دَ کسی زَلَه نَکه سئوالی وَش کِنِه.
Currently Selected:
انجیلِ مَتّی 22: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 22
22
مَثَل جشن عروسی
1عیسی هَنی بِی مَثَلَل باشون گَپ ایزَه وِ فرمایش ایکِه: 2«پادشاییِ آسمون مِی شاهی یَه که سی کِرِش جشن عروسی بَرپا کِه. 3وِّ غلامَلِشَه بِسی کِه تا دعوتی‌یَلَه سی جشن خَوَر کِنِن، امّا اونگَل نَخواسِن بیان. 4پَ غلامَلی دَ بِسی کِه وِ گُت: "وَ دعوَتی‌یَل بِگِیت سفرۀ جَشنَه آمایَه کِردِمِه، گایَل وِ گُویَرَلِ پَرواریمَه هَم سر بِریمِه وِ همه چی آمادَه یَه. بی‌یِیت وَ جشنِ عروسی." 5امّا اونگَل اعتنایی نَکِردِن وِ هر کویَکی وَ رَه خِشون رَتِن، یکی وَ مزرعَه وِ یِکیدَه وَ معامِلَه گَریش. 6باقی هم غلامَلِ وِّ نَه گِرُتِن، بِی بی‌شَرمی رفتار کِردِن وِ کُشتِنشون. 7شاه تَش گِرُت، سپاهی بِسی کِه وِ او قاتِلَلَه کشت وِ شهرِشونَه تَش زَه. 8اوسِه وَ غلامَلِش گُت: "جشنِ عروسی آمادَه یَه، امّا دَعوَتی‌یَل لیاقت نَیاشتِن. 9پَ بِرِیت وَ مِیدونِ شهر وِ هرکه نَه جُسیت دعوت کِنیت وَ جشنِ عروسی." 10غلامَل رَتِن وَ کوچه‌یَل وِ هرکه نَه جُسِن، چه خوب وِ چه بَد، بِی خِشون آوُردِن، طوری که تالارِ عروسی وَ مِمونَل پِر وابی.
11«امّا وختی که شاه سی دییَنِ مِمونَل واردِ مجلس وابی، مِردی نَه دی که جومۀ عروسی وَرِش نَبی. 12وَش پُرسی: "ای رفیق، سیچِه بی‌جومۀ عروسی اومِی‌یِی وِیچو؟" او مِرد جوابی نَیاشت. 13اوسِه پادشاه وَ خادِمَلِش گُت: "دَسِ پاشَه بُویَندیت وُ وِرِش بِئیت وَدَر مِنِه تاریکی، جِیئی که گِریوَه وِ دِندون‌کِریچَه هِسی." 14سی‌یِکِه دَعوَتی‌یَل زیادِن، امّا برگزیدِه‌یَل کم.»
خراج وَ امپراتورِ روم
15عالِمَلِ فرقۀ فَریسی رَتِن وَدَر وِ شُور کِردِن تا بینِن چِطو ایتَرِن وِّ نَه بِی گَپَلِ خُوش وَ تَلَه بِندازِن. 16اونگَل شاگردَلِشونَه بِی طَرفدارَلِ هیرودیس بِسی کِردِن طِی عیسی وِ گُتِن: «استاد، دونیم که تِ مِردِ روراسی یِی وِ رَه خدا نَه وَ دِرِسی تعلیم ایئی وُ وَ کسی زَلَت نیرَه، وِ سِیلَ ظاهر نیکِنی. 17نظرِ خِتَه وَمون بِگُ؛ دایَنِ خراج وَ امپراتور جایزِه وا نَه؟» 18امّا عیسی که نیتِ گَندِشونَه دونِس وَشون گُت: «ای ریاکارَل، سیچه مِنَه امتحان ایکِنیت؟ 19سکه‌ای نَه که باش خراج ایئیت، وَم نِشون بِئیت.» اونگَل سکه‌ای یِه دیناری وَش دان. 20عیسی وَشون پُرسی: «نقش وِ نومِ ری سکه این کیَه؟» 21جواب دان: «این امپراتورِه.» عیسی وَشون گُت: «پَ این امپراتورَ وَ امپراتور بِئیت وِ این خدا نَه وَ خدا.» 22وختی یِنَه اِشنُفتِن، حیرت‌زَیَه وابی‌یِن وِ عیسی نَه وِل کِردِن، رَتِن.
سؤال درموردِ زِندَه وابی‌یَنِ مُردِه‌یَل
23مِنِه هَمو روز، عالِمَلِ فرقۀ صدوقی که اعتقادی وَ زِندَه وابی‌یَنِ مُردِه‌یَل نَیارِن، اومَن طِی عیسی وِ سئوالی وَش کِردِن، 24گُتِن: «استاد، موسی وَمون فرمایش کِردِه که اَر مِردی بی‌اولاد بمیره، کَکاش باید بیوِۀ او مِردَ بِسونِه تا وَ او زَن سی کَکاش نسلی وَجا بِنِه. 25راسِش، مِلامون هَف کَکا بییِن. کَکِی اَوَلی زنی اِسَه وِ مُرد وِ سی‌یِکِه اولادی نَیاشت، زنِ بیوَشَه سی کَکاش وَجا نَها. 26هَمیطو دِومی وِ سِومی، تا کَکِی هَفتِمی او زَنَه اِسَن. 27عاقبت او زن هم مُرد. 28ایسِه، مِنِه قیامت، او زن، زنِ کویِکی وَ او هَفت کَکا ایابو، سی‌یِکِه هَمَشون وِّ نَه اِسَیَه بییِن؟»
29عیسی وَشون گُت: «ایشا وَ رَه وِل وابیئیتِه، سی‌یِکِه نَه وَ نوشته‌یَلِ مقدس چیئی دونیت وِ نَه وَ قدرتِ خدا! 30مِنِه قیامت کسی نَه زن ایسونِه وِ نَه شی ایکِنِه، بلکم همَه مِی فرشته‌یَلِ آسمونِن. 31امّا درموردِ زِندَه وابی‌یَنِ مُردِه‌یَل، مَه مِنِه نوشته‌یَلِ مقدس نَخوندیتِه که خدا وَ ایشا چه گُتِه؟ 32وِّ فرمایش کِردِه که، "مِ هِسُم خِدِی ابراهیم وِ خِدِی اِسحاق وِ خِدِی یعقوب". وِّ خِدِی مُردِه‌یَل نی، بلکم خِدِی زِندِه‌یَلِه.» 33مردم بِی اِشنُفتَنِ ای گَپَل، وَ تعلیمِش حیرت‌زَیَه وابی‌یِن.
گَپوتَرین حکم
34امّا وختی عالِمَلِ فرقۀ فَریسی اِشنُفتِن که عیسی چِطو بِی جوابِ خُوش دِهونِ عالِمَلِ فرقۀ صدّوقی نَه بَسِه، دورِ یَک جَم وابی‌یِن. 35یکی وَ اونگَل که فقیه بی، بِی ای نیت که عیسی نَه وَ تَلَه بِندازِه، وَش پُرسی: 36«ای استاد، گَپوترین حکم مِنِه شریعت کویکی یَه؟» 37عیسی وَش جواب دا: «"خداوند خِدِی خِتَه بِی تمومیِ دل وِ بِی تمومیِ جون وِ بِی تمومیِ فکرِ خُوت محبت کُ." 38یِه اَوَلین وِ گَپوتَرین حکمِه. 39دومین حکم هم مِی حکمِ اَوَلِه: "هُمساتَه مِی خُوت محبت کُ." 40تمومیِ تورات وِ نِوِشتِه‌یَلِ پیغمبرَل وَ ری ای دِ حکم پاوَرجایَه.»
مسیحِ موعود کِرِ کیَه؟
41موقِی که عالِمَلِ فَریسی دورِ یَک جَم بییِن، عیسی وَشون پُرسی: 42«نظر ایشا درموردِ مسیحِ موعود چِنِه؟ وِّ کِرِ کیَه؟» اونگَل جواب دان: «کِرِ داوود.» 43عیسی گُت: «پَ چِطو داوود بِی الهامِ روح، وِّ نَه خداوند ایخونِه؟ سی‌یِکِه ایگُ:
44«"خداوند وَ خداوندِ مِ گُت:
«وَ دَسِ راسِ مِ بِشین
تا او موقَع که دُشمَنَلِتَه بِنُم زِرِ پات.»"
45اَر داوود وِّ نَه خداوند ایخونِه، چِطو وِّ ایتَرِه کِرِ داوود بو؟» 46وَ ای ترتیب، هیشکَه نَتَرِس جوابی وَ عیسی بییِه وُ وَ وِه واپَس دَ کسی زَلَه نَکه سئوالی وَش کِنِه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company