وَحی 1
1
شروع
1وَحی عیسی مسیح، که خدا شُ آنا دَ تا چِییَی که باید وَ اِ زودِنیا اتفاک بِفتِه، اُ غُلومیاش نِشو هادَ، آنا، اِئا وَ فرستَدَهِ فرشتَه خوش حَدِ غُلومُش یوحَنا، آشکار اُشکِه. 2و یوحَنا اُ هر چی که اُشدی، یعنی اُ کلوم خدا و اُ گواهِنِ عیسی مسیح، شهادت اَدَ. 3خوش وَ حال کسی که اِ کلوم نبوّتا اَدَخوانِه، و خوش وَ حال آنایاکِه اُ آنا اَشناوِت، و هر چِی که شُ تِک نوشتَه بُدِ اَنجوم اَتِت؛ اَسِی که مِ وَختا نَزیکِه.
سلام اُ هفتا کلیسا
4از طرف یوحَنا،
اُ هفتا کلیسایی که تِی منطکَهِ آسیا هِت:
فیض و صلح و سلامتی خاد شما بِه، از طرف آناکِه هَه، هاد و اَدا، و از طرف هفت روح که جلووِ تخت آنا هِت، 5و از طرف عیسی مسیح، آناکِه شاهد وفادارِه، اوّلین کَسیه که از مُردَیّا زندَه آبو و حاکم پادشاهِی لِی زِمیه.
اُ آناکِه خاطر اَما شَئِه و خاد خون خوش اُ اَما از گناهیامو آزاد اُشکِردِ، 6و از اَما پادشاهِنی نَک اُشکِه و کاهِنِی اَسِی خدا و بای خوش، اُ آنا جلال و حُکمرانی بِه تا اَبَدالآباد. آمین.
7بِبِنی، آنا، خاد اَبریا اَدا،
هر چَشی اُ آنا اَبِنِه،
حتی چَش آنایایی که نیزَه شُن آنا زاد؛
و هَمَهِ طایفَهئِی زِمی وَخاطر آنا اُ پُرسَه اَنِئِت.
بله، اینا اَبِه. آمین.
8خداوندْ خدا اَگِه: «ماهام ”الف“ و ”ی“؛ مِ کادر مطلکا که هَه، هاد و اَدا.»
رؤیای پُس انسان
9ما یوحَنا، کاکَی شما، که تِی مصیبتیا و تِی پادشاهی و تِی صبر و تحملی که تِی عیسی مال اَمائِه، خاد شما شریکام، وَخاطر کلوم خدا و شهادت عیسی، تِی جزیرَهای وَ اسم پاتموس هادام. 10تِی رازِ خداوند، از روح خدا پُر بُدام و صدایی بلند چُنِ بُنگ شیپور از پشت سِرَم اُمشُنُفت 11که شَگُت: «مِ چِی که اَبِنِش تِی کتابی بِنوس و اُ هفتا کلیسا یعنی کلیسائِی اَفِسُس، اِسمیرنا، پِرگاموم، تیاتیرا، ساردِس، فیلادِلفیَه و لائودیکیَه بِفرِست.»
12مِ موکَوا لوم ماگَردِنَه تَ بِبِنام اِ چه صداییه که خاد ما حرف زَتا و وَختی آگِشتام، هفتا چراغدُنی که از طِلائِه اُمدی، 13و مارَکَهِ مِ چراغدُنیا اُ یکی اُمدی که چُنِ ’پُس انسان‘ هاد. آنا عبای بلندی شُبار هاد و شالی از طِلا شُ دور سِنَه هاد. 14موییَی سِرَش سَفید هاد چُنِ پَشم سَفید، چُنِ برف. چَشیاش چُنِ هَلَمَک تَش. 15پَییاش چُنِ بُرنزی هاد که صیقل دَدَ بُدِستاد و تِی کورَه خالص بُدِستاد، و صداش چُنِ صدای بلند هاوِی زیاد هاد. 16تِی دست راستُش هفتا اِستَرَ اُشهاد و از کَپُش یَک شمشیر دو لَبَه تیزی دَر اُندِستاد، و لوش چُنِ خورشیدی هاد که وَ تَموم کُدرتُش اَدرخشِه.
17وَختی اُ آنا اُمدی چُنِ مُردَه جلووِ پَییاش اُفتَدام. ولی آنا دست راستُش شُ لِی ما نَه و اُشگُت: «مَتِرس، ما هام اوّل و آخر؛ 18و ما هام آناکِه زندَئِه. ما مُردام، و بِبِن تا اَبَد زندَه هام و کِلیلِی مرگ و دنیای مُردَیّا تِی دست مائِه.
19«پَ مِ چِییَی که اُتدِدِ، مِ چِی که آلَه هَه و مِ چِی که اِلا مِم بعد اتفاک اَفتِه، بِنوس. 20سِررِ آن هفتا اِستَرَئی که تِی دست راستُم اُتدی و سِررِ آن هفتا چراغدُن طلا اِئِه: هفتا اِستَرَ، فرشتَهئِی هفتا کلیسا هِت، و هفتا چراغدو، هفتا کلیسا هِت.
Currently Selected:
وَحی 1: LAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
وَحی 1
1
شروع
1وَحی عیسی مسیح، که خدا شُ آنا دَ تا چِییَی که باید وَ اِ زودِنیا اتفاک بِفتِه، اُ غُلومیاش نِشو هادَ، آنا، اِئا وَ فرستَدَهِ فرشتَه خوش حَدِ غُلومُش یوحَنا، آشکار اُشکِه. 2و یوحَنا اُ هر چی که اُشدی، یعنی اُ کلوم خدا و اُ گواهِنِ عیسی مسیح، شهادت اَدَ. 3خوش وَ حال کسی که اِ کلوم نبوّتا اَدَخوانِه، و خوش وَ حال آنایاکِه اُ آنا اَشناوِت، و هر چِی که شُ تِک نوشتَه بُدِ اَنجوم اَتِت؛ اَسِی که مِ وَختا نَزیکِه.
سلام اُ هفتا کلیسا
4از طرف یوحَنا،
اُ هفتا کلیسایی که تِی منطکَهِ آسیا هِت:
فیض و صلح و سلامتی خاد شما بِه، از طرف آناکِه هَه، هاد و اَدا، و از طرف هفت روح که جلووِ تخت آنا هِت، 5و از طرف عیسی مسیح، آناکِه شاهد وفادارِه، اوّلین کَسیه که از مُردَیّا زندَه آبو و حاکم پادشاهِی لِی زِمیه.
اُ آناکِه خاطر اَما شَئِه و خاد خون خوش اُ اَما از گناهیامو آزاد اُشکِردِ، 6و از اَما پادشاهِنی نَک اُشکِه و کاهِنِی اَسِی خدا و بای خوش، اُ آنا جلال و حُکمرانی بِه تا اَبَدالآباد. آمین.
7بِبِنی، آنا، خاد اَبریا اَدا،
هر چَشی اُ آنا اَبِنِه،
حتی چَش آنایایی که نیزَه شُن آنا زاد؛
و هَمَهِ طایفَهئِی زِمی وَخاطر آنا اُ پُرسَه اَنِئِت.
بله، اینا اَبِه. آمین.
8خداوندْ خدا اَگِه: «ماهام ”الف“ و ”ی“؛ مِ کادر مطلکا که هَه، هاد و اَدا.»
رؤیای پُس انسان
9ما یوحَنا، کاکَی شما، که تِی مصیبتیا و تِی پادشاهی و تِی صبر و تحملی که تِی عیسی مال اَمائِه، خاد شما شریکام، وَخاطر کلوم خدا و شهادت عیسی، تِی جزیرَهای وَ اسم پاتموس هادام. 10تِی رازِ خداوند، از روح خدا پُر بُدام و صدایی بلند چُنِ بُنگ شیپور از پشت سِرَم اُمشُنُفت 11که شَگُت: «مِ چِی که اَبِنِش تِی کتابی بِنوس و اُ هفتا کلیسا یعنی کلیسائِی اَفِسُس، اِسمیرنا، پِرگاموم، تیاتیرا، ساردِس، فیلادِلفیَه و لائودیکیَه بِفرِست.»
12مِ موکَوا لوم ماگَردِنَه تَ بِبِنام اِ چه صداییه که خاد ما حرف زَتا و وَختی آگِشتام، هفتا چراغدُنی که از طِلائِه اُمدی، 13و مارَکَهِ مِ چراغدُنیا اُ یکی اُمدی که چُنِ ’پُس انسان‘ هاد. آنا عبای بلندی شُبار هاد و شالی از طِلا شُ دور سِنَه هاد. 14موییَی سِرَش سَفید هاد چُنِ پَشم سَفید، چُنِ برف. چَشیاش چُنِ هَلَمَک تَش. 15پَییاش چُنِ بُرنزی هاد که صیقل دَدَ بُدِستاد و تِی کورَه خالص بُدِستاد، و صداش چُنِ صدای بلند هاوِی زیاد هاد. 16تِی دست راستُش هفتا اِستَرَ اُشهاد و از کَپُش یَک شمشیر دو لَبَه تیزی دَر اُندِستاد، و لوش چُنِ خورشیدی هاد که وَ تَموم کُدرتُش اَدرخشِه.
17وَختی اُ آنا اُمدی چُنِ مُردَه جلووِ پَییاش اُفتَدام. ولی آنا دست راستُش شُ لِی ما نَه و اُشگُت: «مَتِرس، ما هام اوّل و آخر؛ 18و ما هام آناکِه زندَئِه. ما مُردام، و بِبِن تا اَبَد زندَه هام و کِلیلِی مرگ و دنیای مُردَیّا تِی دست مائِه.
19«پَ مِ چِییَی که اُتدِدِ، مِ چِی که آلَه هَه و مِ چِی که اِلا مِم بعد اتفاک اَفتِه، بِنوس. 20سِررِ آن هفتا اِستَرَئی که تِی دست راستُم اُتدی و سِررِ آن هفتا چراغدُن طلا اِئِه: هفتا اِستَرَ، فرشتَهئِی هفتا کلیسا هِت، و هفتا چراغدو، هفتا کلیسا هِت.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company