انجیل یوحَنا 14
14
ما هام رَه، حکیکت و زندگی
1«دلتو پریشون نِبِه. اُ خدا ایمون تُبِه؛ اُ ما هم ایمون تُبِه. 2تِی خونَهِ بامو بُری جا هَه، اَگَه اینا نِهاد مَ مُ شما اَگُت که، اَچام تَ جَی اَسِی شما آمادَه بِکنام. 3اَگَه اُچام و جَی اَسِی شما آمادَه بِکنام، دَفَیدو دِیام و اُ شما حَدِ خوم اَبرام، تَ مِکاکِه ما هام شما هم بی. 4جَی که ما اَچام شما رَهُش اَدانی.» 5توما شُ عیسی گُت: «سرورُم، اَما نادانِم تو کُ اَچِش، پَ چینا ماشابِه رَهُش بِدانِم؟» 6عیسی شُ آنا گُت: «ما هام رَه و حکیکت و زندگی؛ هِسکَه حَدِ بای آسِمونی نِدا، وَغیر از اُ واسطَهِ ما. 7اَگَه تواَشناسِدام، اُ بای ما هم تواَشناسی؛ اِلا مِم بعد اُ آنا اَشناسی و اُ آنا تُدِدِ.» 8فیلیپُس شُ عیسی گُت: «سرورُم، اُ با مُن نِشو دِ، هَمِ اَسِی اَما بَسِه.» 9عیسی شُ آنا گُت: «فیلیپُس، بُری وَختِه خاد شما هام و هَنو اُمناشناسِش؟ کسی که اُ ما اُشدِدِ، اُ با هم اُشدِدِ؛ چینا تَشابِه بِگائِش ”اُ با مُن نِشو دِ“؟ 10باور اُتنی که ما تِی با هام و با تِی ما؟ حرفِی که ما اُ شما اَگام از طرف خوم نی، بلکه بایی که تِی ما آمودِ، کَریاش اَنجوم اَدَ. 11اِ حرفُم باور بِکنی که ما تِی با هام و با تِی مائِه؛ وَ اِلّا وَخاطر مِ کَریا باور بِکنی.
12«حکیکتاً، اُ شما اَگام، آناکِه اُ ما ایمون اُشبِه، آنا هم کَرِی که ما اَکنام، اَکو، و حتی کَرِی گاتتَه از اِیا اَکو، اَسِی که ما حَدِ با اَچام. 13هرچی وَ اسم ما تُبِئِه، ما مِئا اَنجوم اَتام، تَ با تِی پُس جلال پیدا بِکو. 14اَگَه چِی وَ اسم ما از ما تُبِئِه، ما آنا اَنجوم اَتام.
عیسی روح کدّوس خدائا وعدَه اَدَ
15«اَگَه خاطر ما تُبِئِه، حُکمِی ما اَنجوم اَتی. 16و ما از بای آسِمونی مَئِه و آنا یَک کُمَکِنِیدو اُ شما اَدَ که همیشَه خاد شما بِه، 17یعنی روح حکیکت که دنیا اُشناشابِه مِئا کَبول بِکو، اَسِی که نِه اُ آنا اَبِنِه و نِه اَشناسِه؛ ولی شما شَشناسی، اَسِی که حَدِ شما ساکن اَبِه و تِی شما اَدَمانِه.
18«اُ شما بی‌کَس نانِسام؛ تُنحَد دِیام. 19هیلَی بعدتَه دنیا دِگَه اُمنابِنِه، ولی شما اُ ما اَبِنی. اَسِی که ما زندَه هام، شما هم زندگی اَکنی. 20مِ رازا، شما اَدانی که ما تِی بامو هام و شما تِی ما و ما تِی شما. 21هرکَه حُکمِی ما اُشَه و آنایائا اَنجوم اَدَ، آنائِه که خاطر ما شَئِه. آناکِه خاطر ما شَئِه، بامو هم خاطر آنا شَئِه و ما هم خاطر مِ آداما مَئِه، و اُ خوم شُنُشو اَتام.»
22یهودا، نِه آن اَسْخَریوطا، شُ عیسی گُت: «سرورُم، چینائِه که اُ خوت اُ اَما نِشو اَتِش، ولی اُ دنیا نَه؟» 23عیسی شُ آنا جواب دَ: «اَگَه کسی خاطر ما اُشبِئِه، کلوم مائا اَنجوم اَدَ، و بامو خاطر آنا شَئِه، و اَما شُحَد دِئِم و خاد آنا زندگی اَکنِم. 24آناکِه خاطر ما اُشنائِه، کلوم مائا اَنجوم نادَ؛ اِ کلومی که اَشناوی از ما نی، بلکه از بائِیه که اُشفِرِستَدام.
25«اِ چِی‌یَه‌وا موکَه‌ای مُ شما گُتِه که هَنو خاد شما هام. 26ولی مِ کُمَکِنا، یعنی روح کدّوس خدا، که با اُ آنا وَ اسم ما اَفرِستِ، آنا هَمَه چیا تُن یاد اَدَ و هرچی ما مُ شما گُتِه، تُن یاد دارِ. 27اَسِی شما صلح و سلامتی اَنِسام؛ صلح و سلامتِنِ خوم اُ شما اَتام. هرچی ما اُ شما اَتام، چُن چِی نی که دنیا اُ شما اَدَ. دلتو پریشون نِبِه و مَهِری تِرس تُن جو بِفتِه. 28تُشُنُفت که مُ شما گُت، ”ما اَچام، ولی تُنحَد دِیام.“ اَگَه خاطر ما تُئِست، خارام اَبُدی که حَدِ با اَچام، اَسِی که با از ما گَپتَئِه. 29اَلَه اِئا کَبل از اِکِه اتفاک بِفتِه مُ شما گُتِه، تَ وَختی اتفاک بِفتِه ایمون بیاری. 30ما دِگَه اَسِی حرف زادَ خاد شما بُری فرصت اُمنی، اَسِی که رئیس اِ دُنیَه‌وا اُندا. آنا ادعایی لِی ما اُشنی؛ 31ولی ما مِ کَری اَکنام که با شُ ما فَرمو دَدِ، تَ دنیا بِدو که ما خاطر با مَئِه. آپابی، از اِکا اُچِم.
Currently Selected:
انجیل یوحَنا 14: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل یوحَنا 14
14
ما هام رَه، حکیکت و زندگی
1«دلتو پریشون نِبِه. اُ خدا ایمون تُبِه؛ اُ ما هم ایمون تُبِه. 2تِی خونَهِ بامو بُری جا هَه، اَگَه اینا نِهاد مَ مُ شما اَگُت که، اَچام تَ جَی اَسِی شما آمادَه بِکنام. 3اَگَه اُچام و جَی اَسِی شما آمادَه بِکنام، دَفَیدو دِیام و اُ شما حَدِ خوم اَبرام، تَ مِکاکِه ما هام شما هم بی. 4جَی که ما اَچام شما رَهُش اَدانی.» 5توما شُ عیسی گُت: «سرورُم، اَما نادانِم تو کُ اَچِش، پَ چینا ماشابِه رَهُش بِدانِم؟» 6عیسی شُ آنا گُت: «ما هام رَه و حکیکت و زندگی؛ هِسکَه حَدِ بای آسِمونی نِدا، وَغیر از اُ واسطَهِ ما. 7اَگَه تواَشناسِدام، اُ بای ما هم تواَشناسی؛ اِلا مِم بعد اُ آنا اَشناسی و اُ آنا تُدِدِ.» 8فیلیپُس شُ عیسی گُت: «سرورُم، اُ با مُن نِشو دِ، هَمِ اَسِی اَما بَسِه.» 9عیسی شُ آنا گُت: «فیلیپُس، بُری وَختِه خاد شما هام و هَنو اُمناشناسِش؟ کسی که اُ ما اُشدِدِ، اُ با هم اُشدِدِ؛ چینا تَشابِه بِگائِش ”اُ با مُن نِشو دِ“؟ 10باور اُتنی که ما تِی با هام و با تِی ما؟ حرفِی که ما اُ شما اَگام از طرف خوم نی، بلکه بایی که تِی ما آمودِ، کَریاش اَنجوم اَدَ. 11اِ حرفُم باور بِکنی که ما تِی با هام و با تِی مائِه؛ وَ اِلّا وَخاطر مِ کَریا باور بِکنی.
12«حکیکتاً، اُ شما اَگام، آناکِه اُ ما ایمون اُشبِه، آنا هم کَرِی که ما اَکنام، اَکو، و حتی کَرِی گاتتَه از اِیا اَکو، اَسِی که ما حَدِ با اَچام. 13هرچی وَ اسم ما تُبِئِه، ما مِئا اَنجوم اَتام، تَ با تِی پُس جلال پیدا بِکو. 14اَگَه چِی وَ اسم ما از ما تُبِئِه، ما آنا اَنجوم اَتام.
عیسی روح کدّوس خدائا وعدَه اَدَ
15«اَگَه خاطر ما تُبِئِه، حُکمِی ما اَنجوم اَتی. 16و ما از بای آسِمونی مَئِه و آنا یَک کُمَکِنِیدو اُ شما اَدَ که همیشَه خاد شما بِه، 17یعنی روح حکیکت که دنیا اُشناشابِه مِئا کَبول بِکو، اَسِی که نِه اُ آنا اَبِنِه و نِه اَشناسِه؛ ولی شما شَشناسی، اَسِی که حَدِ شما ساکن اَبِه و تِی شما اَدَمانِه.
18«اُ شما بی‌کَس نانِسام؛ تُنحَد دِیام. 19هیلَی بعدتَه دنیا دِگَه اُمنابِنِه، ولی شما اُ ما اَبِنی. اَسِی که ما زندَه هام، شما هم زندگی اَکنی. 20مِ رازا، شما اَدانی که ما تِی بامو هام و شما تِی ما و ما تِی شما. 21هرکَه حُکمِی ما اُشَه و آنایائا اَنجوم اَدَ، آنائِه که خاطر ما شَئِه. آناکِه خاطر ما شَئِه، بامو هم خاطر آنا شَئِه و ما هم خاطر مِ آداما مَئِه، و اُ خوم شُنُشو اَتام.»
22یهودا، نِه آن اَسْخَریوطا، شُ عیسی گُت: «سرورُم، چینائِه که اُ خوت اُ اَما نِشو اَتِش، ولی اُ دنیا نَه؟» 23عیسی شُ آنا جواب دَ: «اَگَه کسی خاطر ما اُشبِئِه، کلوم مائا اَنجوم اَدَ، و بامو خاطر آنا شَئِه، و اَما شُحَد دِئِم و خاد آنا زندگی اَکنِم. 24آناکِه خاطر ما اُشنائِه، کلوم مائا اَنجوم نادَ؛ اِ کلومی که اَشناوی از ما نی، بلکه از بائِیه که اُشفِرِستَدام.
25«اِ چِی‌یَه‌وا موکَه‌ای مُ شما گُتِه که هَنو خاد شما هام. 26ولی مِ کُمَکِنا، یعنی روح کدّوس خدا، که با اُ آنا وَ اسم ما اَفرِستِ، آنا هَمَه چیا تُن یاد اَدَ و هرچی ما مُ شما گُتِه، تُن یاد دارِ. 27اَسِی شما صلح و سلامتی اَنِسام؛ صلح و سلامتِنِ خوم اُ شما اَتام. هرچی ما اُ شما اَتام، چُن چِی نی که دنیا اُ شما اَدَ. دلتو پریشون نِبِه و مَهِری تِرس تُن جو بِفتِه. 28تُشُنُفت که مُ شما گُت، ”ما اَچام، ولی تُنحَد دِیام.“ اَگَه خاطر ما تُئِست، خارام اَبُدی که حَدِ با اَچام، اَسِی که با از ما گَپتَئِه. 29اَلَه اِئا کَبل از اِکِه اتفاک بِفتِه مُ شما گُتِه، تَ وَختی اتفاک بِفتِه ایمون بیاری. 30ما دِگَه اَسِی حرف زادَ خاد شما بُری فرصت اُمنی، اَسِی که رئیس اِ دُنیَه‌وا اُندا. آنا ادعایی لِی ما اُشنی؛ 31ولی ما مِ کَری اَکنام که با شُ ما فَرمو دَدِ، تَ دنیا بِدو که ما خاطر با مَئِه. آپابی، از اِکا اُچِم.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company