نامَه اَفِسُسِنیا 2
2
خاد فیض اُ واسطَهِ ایمون
1شما تِی خطائیا و گناهیا مُردِستادی، 2و زَمونی تِی آنایا زندگی تواَکِه، و دُمبالَهراوِ رَهِی اِ دُنیَهوا و دُمبالَهراوِ رئیس کُدرت هوا یعنی ابلیس هادی، مِ روحی که هَمِ آلَه تِی بَچِی نافَرمُنی کَر اَکو. 3اَما هم هَمَمو یَک زَمونی بین آنایا تِی هوی و هَوسِی جسممو زندگی مواَکِه، و خواستَه بَدن و فکرا اَنجوم مواَدَ و چُن بَکیَه آدامیا، تِی ذات، بَچِی خشم هادِم. 4ولی خدا که رحمُش بی حَد و اندازَئِه، وَخاطر محبت گاتُش که اُ اَما اُشهاد، 5حتی زَمونی که تِی خطائیامو مُردَه هادِم، اُ اَما خاد مسیح زندَه شاکِه، شما اُ وسیلَه فیض خدا نجات پیدا تُکِردِ، 6خدا اُ اَما تِی مسیح عیسی، خاد مسیح زندَه شاکِه و اُ اَما خاد آنا تِی جَییَی آسِمونی اُشنَه، 7تا تِی دُورَئِه آیندَه، مِ فیض فَراوونُش که بی حَد و اندازَئِه، تِی مهربونِنی که نسبت اُ اَما تِی مسیحْ عیسی اُشَه نِشو هادَ. 8اَسِی که اُ وسیلَه فیض، اُ واسطَهِ ایمون نجات پیدا تُکِردِ. اِ کَر خوتو نی؛ اِ هَدیَه خدائِه، 9و نتیجَه اعمال نی، تا هِسکَه اُ خوش نِنازِه. 10اَسِی که اَما کَر دست خدا هِم، تِی مسیحْ عیسی اَسِی کَرِی خَش خَلک بُدِستِم، کَرِی که خدا از کَبلتَه آمادَه اُشکِه تا اَما تِی آنایا کَدام واسِهِم.
یَک بُدَ تِی مسیح
11پَ تُن یاد بِه، شمایی که یَک زَمونی تِی جسم غیریهودی اُ حساب داندی، و آنایایی که اُ خوشو ’سُنَّت بُدَ‘ اَگائِت، اُ شما ’سُنَّت نِبُدَ‘ اَگائِت. در صورتی که سُنَّت بُدَئِه آنایا کَریه که تِی جسم وَ دست آدامی اَنجوم اَبِه. 12اُ یاد بیاری که تِی مِ زَمونا شما از مسیح جدا هادی، بین کوم اسرائیل غریب هادی و اَسِی عهدِی وعدَه، غریب هادی و ناامید و بیخدا تِی اِ دُنیَهوا زندگی تواَکِه. 13ولی اَلَه تِی مسیحْ عیسی، شما که یَک زَمونی دور هادی، اُ وسیلَه خون مسیح نَزیک آبُستی.
14اَسِی که مسیح خوش صلح و سلامتِنِ اَمائِه، که هر دوتامو یعنی یهود و غیریهودا یکی اُشکِردِ و دُوار جُدائِنی که باعث دشمنی هاد تِی جسم خوش اُشتُمبِنَدِ، 15رسم و رسومی که تِی حُکمِی شریعت هاد، باطل اُشکِه، تا تِی خوش یَک انسان جدید جَی آن دوتا خَلک بِکو، تا صلح و سلامتی اُ وجود بیارِ، 16و اُ هر دوتامو تِی یَک بَدن خاد خدا صلح هادَ، اُ واسطَهِ صلیب خوش که لِی آنا دشمنیا اُشکُشت. 17آنا اُمَ و خبر خَش صلح و سلامتیا اَسِی شما که دور هادی و اُ آنایاکِه نَزیک هادِت، اعلام اُشکِه، 18اَسِی که اُ واسطَهِ آنا، هر دوتامو تِی یَک روح اُ حضور بای آسِمونی دسترسی مُهَه.
19پَ شما دِگَه نِه غریبَه و نِه بیگانَه هی، بلکه هموطن آنایایی که اُ مسیح ایمون شُهَه و اهل خونَه خدا هی؛ 20شما لِی شالدَهای که وَ دست حَوارِنیا و انبیا نَدَ بُدِ، بَنا بُستی و مسیح عیسی خوش سنگ اصلِنِ مِ ساختمونائِه. 21تِی مسیح عیسی هَمَهِ اِ ساختمونا اُیَه وصل اَبِه و اُ شَکل یَک معبد مکدّسی تِی خداوند در اَدا. 22تِی مسیح عیسی شما هم اُمرَییَه بَنا اَبی تا یَک خونَهای بِبی که خدا اُ واسطَهِ روحُش تِی آنا آمودِ.
Currently Selected:
نامَه اَفِسُسِنیا 2: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
