کَرِی حَوارِنیا 14
14
تِی شهر قونیه
1تِی شهر قونیه پولُس و بَرنابا اُ عبادتگاه یهودِنیا چِدِت و آنکا یَک طوری حرف شُزاد که یَک تعداد زیادی، هم از یهودِنیا و هم از یونانِنیا ایمون شُئو. 2ولی یهودِنِی که ایمون شُنِئوردِستاد، اُ غیریهودِنیا تحریک شُکِه و فکریاشو نسبت اُ کاکَیّا خراب شُکِه. 3پَ پولُس و بَرنابا بُری وَخت آنکا آمودِت و وَ دِلِرزی اَسِی خداوند حرف شواَزاد. مِ خداوندی که وَ دست آنایا نِشونَه‌یّا و معجزه‌یّا آشکار شَکِه و اینایی پیغوم فیضُش تأیید شَکِه. 4ولی مردم شهر دو گروه بُدِت؛ یَک گروه پشت یهودِنیا شُگِرِت و یَک گروهِیدو هم پشت حَوارِنیا شُگِرِت. 5وَختی که هم غیریهودِنیا و هم یهودِنیا اُمرَهِ رئیسیاشو شُئِست که خاد پولُس و بَرنابا رفتار نِ وَلم بِکنِت و سنگسارشو بِکنِت، 6پولُس و بَرنابا از اِ کَضیَه‌وا باخبر بُدِت، و اُ لِستْره و دِربِه، که از شهرِی منطکَهِ لیکائونیه هادِت، و هَمینا هم اُ منطکَه‌ئِی مِ دوروبَرا گُروختِت. 7آنایا آنکا یَکسَرَ انجیلا اعلام شواَکِه.
پولُس و بَرنابا تِی لِستْره
8تِی لِستْره یَک مردی اُداستاد که اُشناشابو پَی‌یاش تَکون هادَ. آنا مادرزادی فلج هاد و هِسوَخت رَه نِچِستاد. 9موکَه‌ای که پولُس حرف شَزاد، آنا گاش کَر شَکِه. پولُس چَش شُ لِی آنا بِست و اُشدی که ایمون شفا گِرِتَه اُشَه. 10پولُس وَ صدای بلند شُ آنا گُت: «لِی پَی‌یات صاف وَایست!» مِ مَردا از جاش جَخت و اُ رَه اُفتَه.
11وَختی جماعت مِ چِی که پولُس اَنجوم اُشدَدِستادا شُدی، وَ زابُنِ لیکائونی کال شُکِه و شُگُت: «خدائیا وَ شَکل انسان حَدِ اَما زیر اُندِستِت!» 12آنایا اُ بَرنابا ’زئوس‘ و اُ پولُس ’هِرمِس‘ جار شُزاد، اَسِی که سخنگُنِ اصلی پولُس هاد. 13کاهِنِ معبد زئوس که معبدُش دُم دروازَهِ شهر هاد، چَنتا گُو و چنتا تاج، که وَ گُل نَک بُستاد، شُ دروازَهِ شهر اَئو؛ و شَئِست خاد جماعت اُمرَییَه کُربونی تَکدیم بِکنِت.
14ولی وَختی مِ دو تا حَوارِنا، یعنی بَرنابا و پولُس، اِئا شُشُنُفت، جُمَه‌یّاشو پَرَه شُکِه و وَ شتاب اُ مارَکَهِ جماعت شُن خیز کِه، کال شُکِه که: 15«اَی مَردیا، اَسِی چه اِ کَریَه‌وا کِردای؟ اَما هم چُنِ شما، یَک آدامِم. اَما اَسِی شما اِ خبر خَشا مُئوردِ تا از اِ چِی‌یَی اَلَکی دست واسِهی و اُ طرف خدای زندَه واگَردی. مِ خدایی که آسِمو و زِمی و دریا و هرچی که شُن تِکِه، نَک اُشکِه. 16خدا تِی نَسلِی کَبلتَه اُشهِشت که هَمَهِ ملتیا اُ رَهِ خوشو اُچِت. 17ولی اُ خوش بدون شهادت اُشنِنَه؛ اَسِی که آنا وَ فرستَدَهِ بَرو از آسِمو و وَ دَدَهِ فصلِی پُر ثَمَر اُ شما، شُ شما خوبی کِه و دلیاتو وَ خوراک و خارامی سیر شاکِه.» 18حتی وَ اِ حرفیَه‌وا، آنایا وَ سختی شُشابو نظر مردُما اَلِش بِکنِت تا شُنسِه کُربونی نِکنِت.
سنگسار کِردَهِ پولُس تِی لِستْره
19ولی یَک مُشت یهودی از شهرِی اَنطاکیَه و قونیه اُندِت و جماعتا مُجاب شُکِه و اُ پولُس سنگسار شُکِه. آنایا وَگَمون اِکِه پولُس مُردِه، شُن خَشارَ کِه و از شهر شُندَر بو. 20ولی وَختی شاگردیا دُورُش جمع آبُدِت، آنا آپابو و اُ شهر آگِشت. راز بعد، پولُس و بَرنابا اُ دِربِه چِدِت.
21بعد از اِکِه آنایا انجیلا اُ مردم مِ شهرا اعلام شُکِه و اُ خیلیا شاگرد عیسی شُکِه، اُ شهرِی لِستْره و قونیه و اَنطاکیَه آگِشتِت. 22آنایا تِی آن شهریا شُن دل شاگردیا کُوّت دَ، و دلگرمشو شُکِه تا تِی ایمونشو پابَرجا بِت و شُگُتِت که «اَما باید بُری سختِنیا تحمل بِکنِم تا اُ پادشاهِنِ خدا جا اُچِم.» 23آنایا تِی هَمَهِ کلیسائیا شیخِی اَسِی ایمونداریا تعیین شُکِه، و اُ آنایا وَ دعا و روزَه شُن دست خداوند دَ، اُ مِ خداوندی که اُ آنا ایمون شُئوردِستاد.
آگِشتَ اُ اَنطاکیَه سوریه
24بعد، آنایا از منطکَهِ پیسیدیه رَد بُدِت و اُ منطکَهِ پامفیلیَه چِدِت، 25آنایا بعد از اِکِه تِک شهر پِرجه از کلوم خدا حرف شُزاد، اُ شهر آتّالیه چِدِت.
26از آتّالیه وَ کَشتی اُ اَنطاکیَه آگِشتِت، مِ جَی که ایمونداریا اُ پولُس و بَرنابا شُن دست فیض خدا دَدِستاد، تا کَریا اُ عهدَه بِگِرِت، که آلَه اَنجوم شُدَدِستاد. 27پولُس و بَرنابا وَختی اُ آنکا رَسِدِت و اعضای کلیسائا جمع شُناکِه، هَمَهِ کَرِی که خدا اُ واسطَهِ آنایا اُشکِردِستاد، اعلام شُکِه و شُگُت که خدا چینا دَرِ ایمونا لِی غیریهودِنیا واز شاکِردِ. 28آنایا بُری وَخت تِی آنکا خاد شاگردیا آمودِت.
Currently Selected:
کَرِی حَوارِنیا 14: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
کَرِی حَوارِنیا 14
14
تِی شهر قونیه
1تِی شهر قونیه پولُس و بَرنابا اُ عبادتگاه یهودِنیا چِدِت و آنکا یَک طوری حرف شُزاد که یَک تعداد زیادی، هم از یهودِنیا و هم از یونانِنیا ایمون شُئو. 2ولی یهودِنِی که ایمون شُنِئوردِستاد، اُ غیریهودِنیا تحریک شُکِه و فکریاشو نسبت اُ کاکَیّا خراب شُکِه. 3پَ پولُس و بَرنابا بُری وَخت آنکا آمودِت و وَ دِلِرزی اَسِی خداوند حرف شواَزاد. مِ خداوندی که وَ دست آنایا نِشونَه‌یّا و معجزه‌یّا آشکار شَکِه و اینایی پیغوم فیضُش تأیید شَکِه. 4ولی مردم شهر دو گروه بُدِت؛ یَک گروه پشت یهودِنیا شُگِرِت و یَک گروهِیدو هم پشت حَوارِنیا شُگِرِت. 5وَختی که هم غیریهودِنیا و هم یهودِنیا اُمرَهِ رئیسیاشو شُئِست که خاد پولُس و بَرنابا رفتار نِ وَلم بِکنِت و سنگسارشو بِکنِت، 6پولُس و بَرنابا از اِ کَضیَه‌وا باخبر بُدِت، و اُ لِستْره و دِربِه، که از شهرِی منطکَهِ لیکائونیه هادِت، و هَمینا هم اُ منطکَه‌ئِی مِ دوروبَرا گُروختِت. 7آنایا آنکا یَکسَرَ انجیلا اعلام شواَکِه.
پولُس و بَرنابا تِی لِستْره
8تِی لِستْره یَک مردی اُداستاد که اُشناشابو پَی‌یاش تَکون هادَ. آنا مادرزادی فلج هاد و هِسوَخت رَه نِچِستاد. 9موکَه‌ای که پولُس حرف شَزاد، آنا گاش کَر شَکِه. پولُس چَش شُ لِی آنا بِست و اُشدی که ایمون شفا گِرِتَه اُشَه. 10پولُس وَ صدای بلند شُ آنا گُت: «لِی پَی‌یات صاف وَایست!» مِ مَردا از جاش جَخت و اُ رَه اُفتَه.
11وَختی جماعت مِ چِی که پولُس اَنجوم اُشدَدِستادا شُدی، وَ زابُنِ لیکائونی کال شُکِه و شُگُت: «خدائیا وَ شَکل انسان حَدِ اَما زیر اُندِستِت!» 12آنایا اُ بَرنابا ’زئوس‘ و اُ پولُس ’هِرمِس‘ جار شُزاد، اَسِی که سخنگُنِ اصلی پولُس هاد. 13کاهِنِ معبد زئوس که معبدُش دُم دروازَهِ شهر هاد، چَنتا گُو و چنتا تاج، که وَ گُل نَک بُستاد، شُ دروازَهِ شهر اَئو؛ و شَئِست خاد جماعت اُمرَییَه کُربونی تَکدیم بِکنِت.
14ولی وَختی مِ دو تا حَوارِنا، یعنی بَرنابا و پولُس، اِئا شُشُنُفت، جُمَه‌یّاشو پَرَه شُکِه و وَ شتاب اُ مارَکَهِ جماعت شُن خیز کِه، کال شُکِه که: 15«اَی مَردیا، اَسِی چه اِ کَریَه‌وا کِردای؟ اَما هم چُنِ شما، یَک آدامِم. اَما اَسِی شما اِ خبر خَشا مُئوردِ تا از اِ چِی‌یَی اَلَکی دست واسِهی و اُ طرف خدای زندَه واگَردی. مِ خدایی که آسِمو و زِمی و دریا و هرچی که شُن تِکِه، نَک اُشکِه. 16خدا تِی نَسلِی کَبلتَه اُشهِشت که هَمَهِ ملتیا اُ رَهِ خوشو اُچِت. 17ولی اُ خوش بدون شهادت اُشنِنَه؛ اَسِی که آنا وَ فرستَدَهِ بَرو از آسِمو و وَ دَدَهِ فصلِی پُر ثَمَر اُ شما، شُ شما خوبی کِه و دلیاتو وَ خوراک و خارامی سیر شاکِه.» 18حتی وَ اِ حرفیَه‌وا، آنایا وَ سختی شُشابو نظر مردُما اَلِش بِکنِت تا شُنسِه کُربونی نِکنِت.
سنگسار کِردَهِ پولُس تِی لِستْره
19ولی یَک مُشت یهودی از شهرِی اَنطاکیَه و قونیه اُندِت و جماعتا مُجاب شُکِه و اُ پولُس سنگسار شُکِه. آنایا وَگَمون اِکِه پولُس مُردِه، شُن خَشارَ کِه و از شهر شُندَر بو. 20ولی وَختی شاگردیا دُورُش جمع آبُدِت، آنا آپابو و اُ شهر آگِشت. راز بعد، پولُس و بَرنابا اُ دِربِه چِدِت.
21بعد از اِکِه آنایا انجیلا اُ مردم مِ شهرا اعلام شُکِه و اُ خیلیا شاگرد عیسی شُکِه، اُ شهرِی لِستْره و قونیه و اَنطاکیَه آگِشتِت. 22آنایا تِی آن شهریا شُن دل شاگردیا کُوّت دَ، و دلگرمشو شُکِه تا تِی ایمونشو پابَرجا بِت و شُگُتِت که «اَما باید بُری سختِنیا تحمل بِکنِم تا اُ پادشاهِنِ خدا جا اُچِم.» 23آنایا تِی هَمَهِ کلیسائیا شیخِی اَسِی ایمونداریا تعیین شُکِه، و اُ آنایا وَ دعا و روزَه شُن دست خداوند دَ، اُ مِ خداوندی که اُ آنا ایمون شُئوردِستاد.
آگِشتَ اُ اَنطاکیَه سوریه
24بعد، آنایا از منطکَهِ پیسیدیه رَد بُدِت و اُ منطکَهِ پامفیلیَه چِدِت، 25آنایا بعد از اِکِه تِک شهر پِرجه از کلوم خدا حرف شُزاد، اُ شهر آتّالیه چِدِت.
26از آتّالیه وَ کَشتی اُ اَنطاکیَه آگِشتِت، مِ جَی که ایمونداریا اُ پولُس و بَرنابا شُن دست فیض خدا دَدِستاد، تا کَریا اُ عهدَه بِگِرِت، که آلَه اَنجوم شُدَدِستاد. 27پولُس و بَرنابا وَختی اُ آنکا رَسِدِت و اعضای کلیسائا جمع شُناکِه، هَمَهِ کَرِی که خدا اُ واسطَهِ آنایا اُشکِردِستاد، اعلام شُکِه و شُگُت که خدا چینا دَرِ ایمونا لِی غیریهودِنیا واز شاکِردِ. 28آنایا بُری وَخت تِی آنکا خاد شاگردیا آمودِت.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company