نامَه سوّم یوحَنا 1
1
1از مائِه شیخ،
اُ گایوس عزیز که اُ آنا تِی ’حکیکت‘ خاطرُش مَئِه.
2اَی عزیز، دعا اَکنام از هَمَه لحاظ، خَش و خُرم بِش، هَمینا هم سالم و تندرست بِش، هَموناکِه جونُت خَش و خُرمِه. 3اَسِی که بُری خارام آبُدام وَختی که کاکَیّا اُندِت، و شهادت شُدَ که تو اُ حکیکت وفادارِش، هَموناکِه واکعاً هم تِی حکیکت زندگی اَکنِش. 4هیچچی اُ ما بِشتَه از اِ خارام آناکو که بِشناوام اولادیام تِی ’حکیکت‘ زندگی اَکنِت.
5اَی عزیز، تو تِی هَمَهِ کَریات که اَسِی اِ کاکَیّا اَنجوم اَتِش، نِشو اَتِش که وفادارِش، مخصوصا که اِیا غریبَه هِت. 6آنایا هم تِک کلیسا اُ محبت تو شهادت شُدَدِ؛ پَ کَر وَلمی اَکنِش اَگَه اُ آنایا اوناکِه شایستَهِ خدائِه، رَوونَهِ سفر بِکنِش. 7اَسِی که آنایا وَخاطر مِ اسما اُ رَه اُفتَدِستِت و از غیریهودِنیا کمکی ناگِرِت. 8پَ اَما باید پشت اینا کسِی بِم تا خاد آنایا اَسِی جلو بُردَئِه حکیکت همکاری بِکنِم.
9نامَهای اُ کلیسا اُمنِوِشتِه، ولی دیوتْرفیس که خاطر اِ شَئِه اُ خوش از هَمَه بَراتَ بِدو، اِکتدار اَمائا کَبول ناکو. 10پَ اَگَه بِلگام، کَرِی که کِردا عَلَنی اَکنام، اَسِی که از لِی غَرَض وَ ضد اَما بَد اَگِه، و اَلَه اُ اِ هم راضی نی، بلکه اُ کاکَیّا هم رَه نادَ؛ و جلووِ کسِی هم که شُئِه اُ کاکَیّا رَه هاتِت، اَگِرِ و از کلیسا شُندَر اَکو.
11اَی عزیز، بَدیا اُلگوی خوت مَکو، بلکه خوبیا اُلگوی خوت بِکو؛ آدام درستکار از خدائِه، آدام بَدکار اُ خدا اُشنِدِدِ. 12هَمَهِ مردم و حتی حکیکت خوش هم دربارَهِ دیمیتریوس شهادت خَش شُدَدِ، اَما هم شهادت اَتِم و اَدانِش که شهادت اَما راستِه.
حرف آخر
13بُری چِییا اُماد اَسِی تو بِنوسام، ولی اُمنائِه وَ کَلام و جوهر بِه. 14امیدوارام وَ اِ زودِنیا اُتبِبِنام و از روبَرو اُمرَییَه حرف بِزنِم.
15سلامت بِش!
رَفیکیا اُ تو سلام اَرَسِنِت. تو هم اُ یَک وَ یَک رَفیکیا سلام بِرَسِن.
Currently Selected:
نامَه سوّم یوحَنا 1: LAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company