نامَه دوّم تِسالونیکِنیا 2
2
مرد بی دین
1اَلَه اَی کاکَیّا، دربارَهِ اُندَهِ خداوندمو عیسی مسیح و جمع آبُدَئِه اَما حَدِ آنا، از شما خواهش اَکنِم که، 2جِخُو فکرتو اُیَه نِلِزِه یا مضطرب مَبی، چه اُ واسطَهِ یَک روح چه وَ یَک حرف، چه وَ یَک نامَهای که اُنگار از طرف اَمائِه، که اَگِه راز آگِشتَئِه خداوند عیسی رَسِدِ. 3مَهِری هِسکَه وَ هیچ رَکَمی گول تُبِزاد. اَسِی که آن رازا نِدا، مَ اِکِه اوّل شورش وَ ضد خدا اتفاک بِفتِه، و آن مرد بیدینا، که پُسِ هلاکَتِه آشکار بِبِه. 4آنا خاد هرچی که اسمُش خدا بِه و پرستِش بِبِه مخالفت اَکو، و اُ خوش بَراتَ اَبَه، اوناکِه تِی معبد خدا اَنی و اُ خوش خدا اعلام اَکو.
5مَ تُن یاد نِدا موکَهای که هَنو خاد شما هادام، اِ چِییَهوا مُ شما گُت؟ 6شما اَدانی که اَلَه چه چِی جلووِ اُندَش اَگِرِ، و باعث اَبِه که آنا فَکَط تِی زَمون وَلم خوش آشکار بِبِه. 7اَسِی که سِرر بی دینی، هَمِ آلَه هم کَر کِردا، ولی فَکَط تا موکَهای که مِ کسی که تا آلَه مانعُشِه، از بین اُچِه. 8مِ موکَوا آن مرد بی دینا آشکار اَبِه، مِکِه خداوندْ عیسی اُ آنا وَ نَفَس کَپُش اَکُشِه و خاد جلال اُندَهِ خوش، اُ آنا نابود اَکو. 9اُندَهِ آن مرد بیدینا از طریق کَر شیطون، وَ تَموم کُدرت و خاد نِشونَهیّا و معجزهئِی دارُوی، 10و خاد تَموم فریبِی شرارتِه، اَسِی کسِی که هلاک بُدات. اَسِی که آنایا کَبول شُنِکِه خاطر حکیکتا شُبِئِه و اینایی نجات پیدا بِکنِت. 11پَ خدا گرفتار یَک فریب گاتی شواَکو، تا آنایا اُ مِ چِی که دارُوِ باور بِکنِت. 12تا اینا هَمَهِ آنایایی که اُ حکیکت ایمون شُنِئوردِ، بلکه از هرچی که نِ وَلمِه لَذّت شُبُردِ، محکوم بِبِت.
مُحکام وَایستی
13ولی اَی کاکَئِی که عزیز خداوند هی، اَما باید همیشَه خدائا وَخاطر شما شکر بِکنِم، اَسِی که خدا اُ شما چُنِ ثَمَرَهِ اوّل انتخاب اُشکِه تَ نجات پیدا بِکنی، از طریق مکدّس بُدَ اُ واسطَهِ روح خدا و از طریق ایمون اَئوردَ اُ حکیکت. 14آنا اُ شما اُ واسطَهِ انجیلی که اَما اعلام مُکِه دعوت اُشکِه، تَ شما از جلال خداوندمو عیسی مسیح سَهمی تُبِه. 15پَ، اَی کاکَیّا، مُحکام وَایستی و رسم و رسومِی که چه وَ حرفمو چه وَ نامَهمو، از اَما تُن یاد گِرِتِه مُحکام نِگَه بِکنی.
16اَلَه خداوندمو عیسی مسیح خوش، و بای اَما خدا، که خاطرمو شَئِست و اُ واسطَهِ فیض، شُ اَما دلگرمِنِ اَبَدی و امید خَش دَ، 17اُ شما دلگرم آکو و تِی هر کَر و حرف خَشی پابَرجا بِکو.
Currently Selected:
نامَه دوّم تِسالونیکِنیا 2: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
