نامَه دوّم قُرِنتِنیا 8
8
تشویک اُ دست و دلوازی
1اَی کاکَیّا، مُئِه از فیضی که خدا اُ کلیسائِی منطکَهِ مقدونیَه عطا اُشکِردِ، باخبرتو بِکنِم. 2اَسِی که وَختی وَ مصیبتِی سختی امتحان اَبُدِت، خارامِنِ فَراوونشو و فخیرِنِ زیادشو، باعث دست و دلوازِنِ گاتی بُدِ. 3اَسِی که تا مِکاکِه شاشابو، ما خوم هم شاهِدام که از حَدی که شاشابو هم بِشتَه، پیشکَدام بُدِت، 4و بُری از اَما خواهش شُکِه که تِی مِ کُمَکا شریک بِبِت، تِی مِ کمکی که اُ ایموندارِی اُ مسیح اَبِه. 5آنایا نِه فَکَط اوناکِه اَما انتظار مُهاد، اَنجوم شُدَ، بلکه اوّل اُ خوشو وَکف خداوند شُکِه، و بعد هم وَ خواست خدا اُ خوشو وَکف اَما شُکِه. 6وَخاطر هَمِ، اَما از تیتوس خواهش مُکِه که هَموناکِه اِ خدمت بی منتّا شروع اُشکِردِستاد، اَلَه هم بینتو تَموم آکو. 7ولی هَموناکِه تِی مَچی سَرتَئی - یعنی تِی ایمون، تِی حرف زادَ، تِی شناخت، تِی جدیّت کامل، و تِی محبتتو اُ اَما - پَ حَواستو بِه تِی اِ خدمت بی منتّا هم سَر بی.
8اِئا چُنِ یَک حُکم تُناگام، بلکه اَگام تَ وَ غیرت بَکیَه آدامیا، خالص بُدَئِه محبتتو امتحان بِکنام. 9اَسِی که از فیض خداوندمو عیسی مسیح با خبری که، با اِکِه ثروتمند هاد، ولی وَخاطر شما فخیر بو تَ شما اُ واسطَهِ فخیرِنِ آنا ثروتمند بِبی.
10دربارَهِ اِ کَضیَهوا نظر ما اِئِه: اِ وَ نَفع شمائِه، شما که پارسال اوّلین کسِی هادی که نِه فَکَط اِ کَرا شروع تُکِه، بلکه اَسِی اَنجوم اِ کَرا شوک و ذوک هم تُهاد. 11پَ اَلَه اِ کَرا تَموم آکنی، هَموناکِه اَسِی اَنجوم اِ کَرا شوک و ذوک تُهاد، کَدِ مالی که تُهَه، اَسِی تَموم آکِردَش هم شوک و ذوک تُبِه. 12اَسِی که اَگَه شوک و ذوک بِه، هَدیَه یَک آدام طِبک مِ چِی که اُشَه، کَبول اَبِه، نِه طِبک مِ چِی که اُشنی.
13اَسِی که منظورُم اِ نی که بَکیَه باید راحت بِت و شما زِرِ بار و فشار، بلکه حرفُم سِرِ اِئِه که اِ کَرا باید از لِی انصاف بِه، 14تَ دارائِنِ زیادتو که آلَه تُهَه، نیاز آنایائا بَرطرف بِکو، تَ یَک راز هم دارائِنِ زیاد آنایا نیاز شمائا بَرطرف بِکو. اینایی منصفانَه اَبِه. 15هَموناکِه تِی تورات نوشتَه بُدِ: «آناکِه بُری جمع شاکِه، هیچ چی اضافَه اُشنِهاد و آناکِه کام جمع شاکِه، هیچ چی کام اُشنِهاد.»
پولُس کَدَغان تیتوسا اَکو
16ولی خدائا شکر اَکنام که، مِ غیرتی که ما اُ شما اُمَ، شُ تِک دل تیتوس هم نَه. 17اَسِی که آنا نِه فَکَط خواهش اَمائا کَبول اُشکِه، بلکه خوش وَ بُری غیرت، اَسِی تُنحَد اُندَ پیشکَدام بو. 18اَما اُمرَهِ تیتوس اُ یَک کاکَئی اَفرِستِم. مِ کاکَوا تِی هَمَهِ کلیسائیا وَخاطر خدمتُش اُ انجیل یَک آدام سَرشناسیه. 19و نِه فَکَط اِ، بلکه اِ کاکَوا از طرف کلیسائیا انتخاب بُدِ تَ هَموناکِه اَما اِ خدمت بی منتّا اَنجوم اَتِم، مُنُمرَه بِه. اِ خدمتا اَسِی جلال خداوند خوش و اَسِی نِشو دَدَهِ حُسن نیّت اَمائِه. 20اَما بُری حَواسمو هَه تَ دربارَهِ اِ هَدیَهئِی که از لِی دست و دلوازیه و اَما اِدارَشو اَکنِم، هِسکَه از اَما ایراد نِگِرِ. 21اَسِی که اَما سعی اَکنِم مِ کَریا که نِه فَکَط تِی نظر خداوند، بلکه تِی نظر آدامیا هم وَلمِه اَنجوم هاتِم.
22اُمرَهِ اِیا، اُ کاکَمو هم اَفرِستِم که بُری وَختیا امتحانُش مُکِردِ و تِی بُری کَضیَهیّا غیرتُش مُدِدِ، ولی اَلَه اِ کاکَوا وَخاطر مِ اطمینان گاتی که اُ شما اُشَه، با غیرتتَه از همیشَئِه. 23دربارَهِ تیتوس باید بِگام که تِی خدمت اُ شما، شریک و همکار مائِه؛ و دربارَهِ کاکَیّامو هم باید بِگام که آنایا فرستَدهئِی کلیسائیا هِت، آنایا جلال مسیح هِت. 24پَ تِی حضور کلیسائیا محبتتو ثابت بِکنی و نِشو هاتی که، افتخاری که اَما حَدِ اِ آدامیا اُ شما اَکنِم حَکِه.
Currently Selected:
نامَه دوّم قُرِنتِنیا 8: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه دوّم قُرِنتِنیا 8
8
تشویک اُ دست و دلوازی
1اَی کاکَیّا، مُئِه از فیضی که خدا اُ کلیسائِی منطکَهِ مقدونیَه عطا اُشکِردِ، باخبرتو بِکنِم. 2اَسِی که وَختی وَ مصیبتِی سختی امتحان اَبُدِت، خارامِنِ فَراوونشو و فخیرِنِ زیادشو، باعث دست و دلوازِنِ گاتی بُدِ. 3اَسِی که تا مِکاکِه شاشابو، ما خوم هم شاهِدام که از حَدی که شاشابو هم بِشتَه، پیشکَدام بُدِت، 4و بُری از اَما خواهش شُکِه که تِی مِ کُمَکا شریک بِبِت، تِی مِ کمکی که اُ ایموندارِی اُ مسیح اَبِه. 5آنایا نِه فَکَط اوناکِه اَما انتظار مُهاد، اَنجوم شُدَ، بلکه اوّل اُ خوشو وَکف خداوند شُکِه، و بعد هم وَ خواست خدا اُ خوشو وَکف اَما شُکِه. 6وَخاطر هَمِ، اَما از تیتوس خواهش مُکِه که هَموناکِه اِ خدمت بی منتّا شروع اُشکِردِستاد، اَلَه هم بینتو تَموم آکو. 7ولی هَموناکِه تِی مَچی سَرتَئی - یعنی تِی ایمون، تِی حرف زادَ، تِی شناخت، تِی جدیّت کامل، و تِی محبتتو اُ اَما - پَ حَواستو بِه تِی اِ خدمت بی منتّا هم سَر بی.
8اِئا چُنِ یَک حُکم تُناگام، بلکه اَگام تَ وَ غیرت بَکیَه آدامیا، خالص بُدَئِه محبتتو امتحان بِکنام. 9اَسِی که از فیض خداوندمو عیسی مسیح با خبری که، با اِکِه ثروتمند هاد، ولی وَخاطر شما فخیر بو تَ شما اُ واسطَهِ فخیرِنِ آنا ثروتمند بِبی.
10دربارَهِ اِ کَضیَهوا نظر ما اِئِه: اِ وَ نَفع شمائِه، شما که پارسال اوّلین کسِی هادی که نِه فَکَط اِ کَرا شروع تُکِه، بلکه اَسِی اَنجوم اِ کَرا شوک و ذوک هم تُهاد. 11پَ اَلَه اِ کَرا تَموم آکنی، هَموناکِه اَسِی اَنجوم اِ کَرا شوک و ذوک تُهاد، کَدِ مالی که تُهَه، اَسِی تَموم آکِردَش هم شوک و ذوک تُبِه. 12اَسِی که اَگَه شوک و ذوک بِه، هَدیَه یَک آدام طِبک مِ چِی که اُشَه، کَبول اَبِه، نِه طِبک مِ چِی که اُشنی.
13اَسِی که منظورُم اِ نی که بَکیَه باید راحت بِت و شما زِرِ بار و فشار، بلکه حرفُم سِرِ اِئِه که اِ کَرا باید از لِی انصاف بِه، 14تَ دارائِنِ زیادتو که آلَه تُهَه، نیاز آنایائا بَرطرف بِکو، تَ یَک راز هم دارائِنِ زیاد آنایا نیاز شمائا بَرطرف بِکو. اینایی منصفانَه اَبِه. 15هَموناکِه تِی تورات نوشتَه بُدِ: «آناکِه بُری جمع شاکِه، هیچ چی اضافَه اُشنِهاد و آناکِه کام جمع شاکِه، هیچ چی کام اُشنِهاد.»
پولُس کَدَغان تیتوسا اَکو
16ولی خدائا شکر اَکنام که، مِ غیرتی که ما اُ شما اُمَ، شُ تِک دل تیتوس هم نَه. 17اَسِی که آنا نِه فَکَط خواهش اَمائا کَبول اُشکِه، بلکه خوش وَ بُری غیرت، اَسِی تُنحَد اُندَ پیشکَدام بو. 18اَما اُمرَهِ تیتوس اُ یَک کاکَئی اَفرِستِم. مِ کاکَوا تِی هَمَهِ کلیسائیا وَخاطر خدمتُش اُ انجیل یَک آدام سَرشناسیه. 19و نِه فَکَط اِ، بلکه اِ کاکَوا از طرف کلیسائیا انتخاب بُدِ تَ هَموناکِه اَما اِ خدمت بی منتّا اَنجوم اَتِم، مُنُمرَه بِه. اِ خدمتا اَسِی جلال خداوند خوش و اَسِی نِشو دَدَهِ حُسن نیّت اَمائِه. 20اَما بُری حَواسمو هَه تَ دربارَهِ اِ هَدیَهئِی که از لِی دست و دلوازیه و اَما اِدارَشو اَکنِم، هِسکَه از اَما ایراد نِگِرِ. 21اَسِی که اَما سعی اَکنِم مِ کَریا که نِه فَکَط تِی نظر خداوند، بلکه تِی نظر آدامیا هم وَلمِه اَنجوم هاتِم.
22اُمرَهِ اِیا، اُ کاکَمو هم اَفرِستِم که بُری وَختیا امتحانُش مُکِردِ و تِی بُری کَضیَهیّا غیرتُش مُدِدِ، ولی اَلَه اِ کاکَوا وَخاطر مِ اطمینان گاتی که اُ شما اُشَه، با غیرتتَه از همیشَئِه. 23دربارَهِ تیتوس باید بِگام که تِی خدمت اُ شما، شریک و همکار مائِه؛ و دربارَهِ کاکَیّامو هم باید بِگام که آنایا فرستَدهئِی کلیسائیا هِت، آنایا جلال مسیح هِت. 24پَ تِی حضور کلیسائیا محبتتو ثابت بِکنی و نِشو هاتی که، افتخاری که اَما حَدِ اِ آدامیا اُ شما اَکنِم حَکِه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company