نامَه دوّم قُرِنتِنیا 7
7
1اَی عزیزیا، وَخاطر اِکِه اِ وعدَهیَهوا مُهَه، بِلگی اُ خومو از هر نجسِنِ جسم و روح پاک آکنِم و تِی تِرس از خدا، مکدّس بُدَهوا اُ حَدِ کامل بِرَسِنِم.
خارامِنِ پولُس
2اُ اَما تِی دلتو جا هاتی. اَما مُن کسی بَدی نِکِردِ، کَسیا فاسد مُنِکِردِ، از کسی سوءاستفادَه مُنِکِردِ. 3اِئا ناگام تا محکومتو بِکنام. اَسِی که کَبلتَه مُ شما گُت که اِکَّد تِی دل اَما جا تُهَه که حاضرِم خاد شما اُمرَییَه بِمِرِم و خاد شما اُمرَییَه زندگی بِکنِم. 4ما اُ شما بُری اطمینان اُمَ، اُ شما بُری افتخار اَکنام، بُری دلگرم آبُدام. تِی هَمَهِ مصیبتیامو، از خارامی لبریزام.
5اَسِی که حتی موکَهای که اُ منطکَهِ مقدونیَه اُندِم، بَدَنیامو آروم و کَرار اُشنِهاد، بلکه از هر طرف تِی مصیبت هادِم، خاد آدامِی دَر جَر و جِنجال، و از داخل تِرس مُهاد. 6ولی خدایی که اُ دلشکستَهیّا دلگرم اَدَکو، وَ اُندَهِ تیتوس اُ اَما دلگرم شاکِه. 7و نِه فَکَط وَ اُندَهِ تیتوس، بلکه هَمونا هم وَ مِ دلگرمِنی که تیتوس از شما اُشگِرِت. آنا از حسرت شما اَسِی دِدَهِ ما، و ماتامتو و غیرتی که اُ ما تُهَه، شُ اَما گُت، اوناکِه ما بُری بِشتَه نَشاط مُ دل چو.
8اَسِی که حتی اَگَه وَ نامَم غمگینتو اُمکِه، ولی پشیمون نِهام - با اِکِه هیلَی پشیمون هم آبُدام. اَسِی که اَبِنام مِ نامَهوا، غمگینتو اُشکِه با اِکِه فَکَط یَک زَمون کامی هاد - 9ولی اَلَه خارامام، نِه وَخاطر اِکِه غمگین بُدی، بلکه وَخاطر اِکِه غمگین بُدَتو باعث توبَه کِردَتو بو. اَسِی که غامی که تُکَشی خواست خدا هاد، تَ هیچ ضرری از طرف اَما اُ شما نِرَسِه. 10اَسِی که غامی که وَ خواست خدا بِه، ثَمَرُش توبَهئِه که اُ نجات اَرَسِه و پشیمونی اُشنی. ولی غام دنیا، ثَمَرُش مرگِه. 11اَسِی که بِبِنی اِ غامی که خواست خدا هاد چه جدیّتی تِی شما شُ ثَمَر اَئوردِ، و هَمینا هم چه شوک و ذوکی اَسِی نِشو دَدَهِ پاکِنِ خوتو، چه خشمی، چه تِرسی، چه حسرتی، چه غیرتی و چه مجازاتی. شما از هر نظر ثابت تُکِردِ که تِی مِ کَضیَهوا بی تخصیری. 12پَ با اِکِه ما اِ نامَهوا تُنسِه اُمنِوِشت، ولی اِ نِه وَخاطر مِ کسی هاد که بَدی اُشکِه و نِه وَخاطر مِ کسی هاد که اُ آنا بَدی بو، بلکه وَخاطر اِ هاد که تِی چَش خدا مِ غیرتی که اُ اَما تُهَه، اُ خوتو آشکار بِبِه. 13پَ، اَسِی هَمِ اَما دلگرم آبُدِم.
جدا از دلگرمِنِ خومو، دِدَهِ خارامِنِ تیتوس بِشتَه هم اُ اَما خارام شاکِه، اَسِی که روح آنا وَخاطر هَمَهِ شما تَزَه آبُدِ. 14اَسِی که ما حَدِ آنا مِکَّدَ که اُ شما افتخار اُمکِه، خَجالَت زادَ نِبُدام، بلکه هَموناکِه هرچی مُن شما گُت وَلم هاد، هَمونا هم افتخارمو حَدِ تیتوس وَلم دَر اُندِ. 15هر وَخت که تیتوس فَرمو بُردَهِ هَمَهِ شما اُ یاد دارِ و اِکِه چینایی وَ تِرس و لَرز اُ آنا کَبول تُکِه، علاکَش اُ شما بِشتَه هم اَدَبِه. 16از اِکِه اُ شما اطمینان کامل اُمَ، خارامام.
Currently Selected:
نامَه دوّم قُرِنتِنیا 7: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه دوّم قُرِنتِنیا 7
7
1اَی عزیزیا، وَخاطر اِکِه اِ وعدَهیَهوا مُهَه، بِلگی اُ خومو از هر نجسِنِ جسم و روح پاک آکنِم و تِی تِرس از خدا، مکدّس بُدَهوا اُ حَدِ کامل بِرَسِنِم.
خارامِنِ پولُس
2اُ اَما تِی دلتو جا هاتی. اَما مُن کسی بَدی نِکِردِ، کَسیا فاسد مُنِکِردِ، از کسی سوءاستفادَه مُنِکِردِ. 3اِئا ناگام تا محکومتو بِکنام. اَسِی که کَبلتَه مُ شما گُت که اِکَّد تِی دل اَما جا تُهَه که حاضرِم خاد شما اُمرَییَه بِمِرِم و خاد شما اُمرَییَه زندگی بِکنِم. 4ما اُ شما بُری اطمینان اُمَ، اُ شما بُری افتخار اَکنام، بُری دلگرم آبُدام. تِی هَمَهِ مصیبتیامو، از خارامی لبریزام.
5اَسِی که حتی موکَهای که اُ منطکَهِ مقدونیَه اُندِم، بَدَنیامو آروم و کَرار اُشنِهاد، بلکه از هر طرف تِی مصیبت هادِم، خاد آدامِی دَر جَر و جِنجال، و از داخل تِرس مُهاد. 6ولی خدایی که اُ دلشکستَهیّا دلگرم اَدَکو، وَ اُندَهِ تیتوس اُ اَما دلگرم شاکِه. 7و نِه فَکَط وَ اُندَهِ تیتوس، بلکه هَمونا هم وَ مِ دلگرمِنی که تیتوس از شما اُشگِرِت. آنا از حسرت شما اَسِی دِدَهِ ما، و ماتامتو و غیرتی که اُ ما تُهَه، شُ اَما گُت، اوناکِه ما بُری بِشتَه نَشاط مُ دل چو.
8اَسِی که حتی اَگَه وَ نامَم غمگینتو اُمکِه، ولی پشیمون نِهام - با اِکِه هیلَی پشیمون هم آبُدام. اَسِی که اَبِنام مِ نامَهوا، غمگینتو اُشکِه با اِکِه فَکَط یَک زَمون کامی هاد - 9ولی اَلَه خارامام، نِه وَخاطر اِکِه غمگین بُدی، بلکه وَخاطر اِکِه غمگین بُدَتو باعث توبَه کِردَتو بو. اَسِی که غامی که تُکَشی خواست خدا هاد، تَ هیچ ضرری از طرف اَما اُ شما نِرَسِه. 10اَسِی که غامی که وَ خواست خدا بِه، ثَمَرُش توبَهئِه که اُ نجات اَرَسِه و پشیمونی اُشنی. ولی غام دنیا، ثَمَرُش مرگِه. 11اَسِی که بِبِنی اِ غامی که خواست خدا هاد چه جدیّتی تِی شما شُ ثَمَر اَئوردِ، و هَمینا هم چه شوک و ذوکی اَسِی نِشو دَدَهِ پاکِنِ خوتو، چه خشمی، چه تِرسی، چه حسرتی، چه غیرتی و چه مجازاتی. شما از هر نظر ثابت تُکِردِ که تِی مِ کَضیَهوا بی تخصیری. 12پَ با اِکِه ما اِ نامَهوا تُنسِه اُمنِوِشت، ولی اِ نِه وَخاطر مِ کسی هاد که بَدی اُشکِه و نِه وَخاطر مِ کسی هاد که اُ آنا بَدی بو، بلکه وَخاطر اِ هاد که تِی چَش خدا مِ غیرتی که اُ اَما تُهَه، اُ خوتو آشکار بِبِه. 13پَ، اَسِی هَمِ اَما دلگرم آبُدِم.
جدا از دلگرمِنِ خومو، دِدَهِ خارامِنِ تیتوس بِشتَه هم اُ اَما خارام شاکِه، اَسِی که روح آنا وَخاطر هَمَهِ شما تَزَه آبُدِ. 14اَسِی که ما حَدِ آنا مِکَّدَ که اُ شما افتخار اُمکِه، خَجالَت زادَ نِبُدام، بلکه هَموناکِه هرچی مُن شما گُت وَلم هاد، هَمونا هم افتخارمو حَدِ تیتوس وَلم دَر اُندِ. 15هر وَخت که تیتوس فَرمو بُردَهِ هَمَهِ شما اُ یاد دارِ و اِکِه چینایی وَ تِرس و لَرز اُ آنا کَبول تُکِه، علاکَش اُ شما بِشتَه هم اَدَبِه. 16از اِکِه اُ شما اطمینان کامل اُمَ، خارامام.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company