نامَه اوّل پِطرُس 3
3
زِنیا و شوییا
1هَمینا هم، شما اَی زِنیا، از شوییاتو اطاعت بِکنی، تا حتی اَگَه مُشتیشو از کلوم خدا اطاعت ناکنِت، خاد رفتار شما زِنیاشو، بدون اِکِه یَک کلمَه حرف بِزنی، اُ کلوم خدا علاکَهمند بِبِت، 2وَختی که رفتار محترم و پاک شمائا اَبِنِت. 3مَهِری جُهُنیتو تِی چِییَی ظاهری، چُنِ بُشک بَلُکِ و طلا بِستَه یا جُمَهئِی گِرو اُبار کِردَ بِه، 4بلکه بِهِری جُهُنیتو تِی مِ انسان دَرونِنی بِه که تِی کَلبتو از چَشیا پِنهونِه، که خاد جُهُنِنِ از بین نِچِدَنِنِ یَک روح لطیف و آرومِه، که تِی چَش خدا بُری کیمَتیه. 5اَسِی که زِنِی مکدّس تیتَه که اُ خدا امید شُهاد، اُ خوشو اینایی جوهو شواَکِه. آنایا از شوییاشو اطاعت شواَکِه، 6هَموناکِه سارا از ابراهیم اطاعت اُشکِه و شُ آنا سرور جار زاد. اَگَه کَرِی خَش بِکنی و از هر چِی که ترسناکِه تِرسی تُنِبِه، اولادِی سارا هی.
7هَمینا شما اَی شوییا، خاد زِنیاتو اونا زندگی بِکنی که اُ آنایا دَرک اَکنی، و اُ زِنیا حرمت بِکنی اوناکِه اُنگار آنایا ظرفِی نازکی هِت، اَسِی که آنایا خاد شما وارث فیض زندگی هِت، تا اینایی جلووِ دعائیاتو گِرِتَه نِبِه.
عذاب کَشِدَ اَسِی صالح بُدَ
8آخر کَر، هَمَتو همفکر و همدرد بی، محبت کاکَ بِراسِئی تُبِه و دل رحم و اُفتادَه بی. 9جواب بَدیا وَ بَدی و دُشموئا وَ دُشمو مَتی، بلکه بر عکس، دعای برکت بِکنی، اَسِی که شما اُ اِ کَرا دعوت بُستی تا برکت نصیبتو بِبِه. 10اَسِی که،
«هرکَه شَئِه خاطر زندگیا اُشبِئِه
و رازِی خَشا بِبِنِه،
بِهر تَ جلووِ زابوش از بَدی بِگِرِ،
و کَپُش اَسِی گول زادَ واز آنِکو.
11بِهِر تَ اُ بَدی پُشت بِکو و خوبی بِکو
بِهِر تَ اَزدُمبالَهِ صلح و سلامتی بِه و اَزدُم آنا اُچِه.
12اَسِی که چَشِی خداوند لِی آدامِی صالحِه
و گاشیاش لِی دعائیاشو وازِه،
ولی لوی خداوند وَ ضد آدامِیِه که بَدی اَکنِت.»
13اَلَه اَگَه اَسِی چِی که خَشِه غیرت تُهَه، کِی که اُ شما ضرر بِزاد؟ 14ولی حتی اَگَه وَخاطر صالح بُدَ عذاب بِکَشی، برکت اَگِری! از آنایا نِه بِتِرسی و نِه پریشون بی. 15بلکه تِی دلتو خداوند مسیحا که کدّوسِه حرمت بِکنی، و همیشَه آمادَه بی تا هرکَه دلیل امیدی که تِی شمائِه بِپُرسِه، جواب مِ آداما هاتی، ولی بازَم اِ کَرا وَ آرومی و احترام اَنجوم هاتی. 16وجدانتو پاک نِگَه بِکنی تَ وَختی اُ شما تهمت اَزنِت، کسِی که از رفتار خَشتو تِی مسیح بَد اَگائِت، خَجالَت زادَ بِبِت. 17اَسِی که اَگَه خواست خدا اِ بِه، بِهتَئِه که اَسِی خوبی کِردَ عذاب بِکَشی تا اَسِی بَدی کِردَ. 18اَسِی که مسیح هم یَک دَفَه اَسِی گناهیا عذاب اُشکَشی، یعنی مِ آدام صالح اَسِی آنایایی که صالح نِهِت، تا اینایی اُ اَما اُ حضور خدا بیارِ. آنا تِی جسم کُشتَه بو، ولی تِی روح، زندَه آبو، 19و تِی روح حَدِ روحِی که تِی حَبس هادِت چو و اُ آنایا باخبر اُشکِه، 20مِ روحِی که کَبلاً اطاعت شُنِکِه، مِ موکَوا که خدا تِی زَمون نوح، که کَشتی نَک اَبو، وَ صبر منتظر هاد. تِی مِ کَشتِنا فَکَط یَک مُشت، یعنی هشت نفر، اُ واسطَهِ هُو جون سالم شُندَر بو. 21اِ هاوا نَمونَه غُسل تعمیدیه که، اَلَه اُ شما نجات اَدَ، تعمیدی که نِه وَ پاک آکِردَهِ لُشی از بَدن، بلکه یَک خواستَئِه از خدا، اَسِی یَک وجدان پاک. اِ تعمیدا اُ واسطَهِ زندَه آبُدَئِه عیسی مسیح اُ شما نجات اَدَ 22مِ عیسی مسیحا که اُ آسِمو چِدِ و اُ دست راست خدائِه و فرشتَهیّا و آنایاکِه صاحب مَکام و منصب هِت و کُدرتیا، مطیع آنا بُدِت.
Currently Selected:
نامَه اوّل پِطرُس 3: LAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
نامَه اوّل پِطرُس 3
3
زِنیا و شوییا
1هَمینا هم، شما اَی زِنیا، از شوییاتو اطاعت بِکنی، تا حتی اَگَه مُشتیشو از کلوم خدا اطاعت ناکنِت، خاد رفتار شما زِنیاشو، بدون اِکِه یَک کلمَه حرف بِزنی، اُ کلوم خدا علاکَهمند بِبِت، 2وَختی که رفتار محترم و پاک شمائا اَبِنِت. 3مَهِری جُهُنیتو تِی چِییَی ظاهری، چُنِ بُشک بَلُکِ و طلا بِستَه یا جُمَهئِی گِرو اُبار کِردَ بِه، 4بلکه بِهِری جُهُنیتو تِی مِ انسان دَرونِنی بِه که تِی کَلبتو از چَشیا پِنهونِه، که خاد جُهُنِنِ از بین نِچِدَنِنِ یَک روح لطیف و آرومِه، که تِی چَش خدا بُری کیمَتیه. 5اَسِی که زِنِی مکدّس تیتَه که اُ خدا امید شُهاد، اُ خوشو اینایی جوهو شواَکِه. آنایا از شوییاشو اطاعت شواَکِه، 6هَموناکِه سارا از ابراهیم اطاعت اُشکِه و شُ آنا سرور جار زاد. اَگَه کَرِی خَش بِکنی و از هر چِی که ترسناکِه تِرسی تُنِبِه، اولادِی سارا هی.
7هَمینا شما اَی شوییا، خاد زِنیاتو اونا زندگی بِکنی که اُ آنایا دَرک اَکنی، و اُ زِنیا حرمت بِکنی اوناکِه اُنگار آنایا ظرفِی نازکی هِت، اَسِی که آنایا خاد شما وارث فیض زندگی هِت، تا اینایی جلووِ دعائیاتو گِرِتَه نِبِه.
عذاب کَشِدَ اَسِی صالح بُدَ
8آخر کَر، هَمَتو همفکر و همدرد بی، محبت کاکَ بِراسِئی تُبِه و دل رحم و اُفتادَه بی. 9جواب بَدیا وَ بَدی و دُشموئا وَ دُشمو مَتی، بلکه بر عکس، دعای برکت بِکنی، اَسِی که شما اُ اِ کَرا دعوت بُستی تا برکت نصیبتو بِبِه. 10اَسِی که،
«هرکَه شَئِه خاطر زندگیا اُشبِئِه
و رازِی خَشا بِبِنِه،
بِهر تَ جلووِ زابوش از بَدی بِگِرِ،
و کَپُش اَسِی گول زادَ واز آنِکو.
11بِهِر تَ اُ بَدی پُشت بِکو و خوبی بِکو
بِهِر تَ اَزدُمبالَهِ صلح و سلامتی بِه و اَزدُم آنا اُچِه.
12اَسِی که چَشِی خداوند لِی آدامِی صالحِه
و گاشیاش لِی دعائیاشو وازِه،
ولی لوی خداوند وَ ضد آدامِیِه که بَدی اَکنِت.»
13اَلَه اَگَه اَسِی چِی که خَشِه غیرت تُهَه، کِی که اُ شما ضرر بِزاد؟ 14ولی حتی اَگَه وَخاطر صالح بُدَ عذاب بِکَشی، برکت اَگِری! از آنایا نِه بِتِرسی و نِه پریشون بی. 15بلکه تِی دلتو خداوند مسیحا که کدّوسِه حرمت بِکنی، و همیشَه آمادَه بی تا هرکَه دلیل امیدی که تِی شمائِه بِپُرسِه، جواب مِ آداما هاتی، ولی بازَم اِ کَرا وَ آرومی و احترام اَنجوم هاتی. 16وجدانتو پاک نِگَه بِکنی تَ وَختی اُ شما تهمت اَزنِت، کسِی که از رفتار خَشتو تِی مسیح بَد اَگائِت، خَجالَت زادَ بِبِت. 17اَسِی که اَگَه خواست خدا اِ بِه، بِهتَئِه که اَسِی خوبی کِردَ عذاب بِکَشی تا اَسِی بَدی کِردَ. 18اَسِی که مسیح هم یَک دَفَه اَسِی گناهیا عذاب اُشکَشی، یعنی مِ آدام صالح اَسِی آنایایی که صالح نِهِت، تا اینایی اُ اَما اُ حضور خدا بیارِ. آنا تِی جسم کُشتَه بو، ولی تِی روح، زندَه آبو، 19و تِی روح حَدِ روحِی که تِی حَبس هادِت چو و اُ آنایا باخبر اُشکِه، 20مِ روحِی که کَبلاً اطاعت شُنِکِه، مِ موکَوا که خدا تِی زَمون نوح، که کَشتی نَک اَبو، وَ صبر منتظر هاد. تِی مِ کَشتِنا فَکَط یَک مُشت، یعنی هشت نفر، اُ واسطَهِ هُو جون سالم شُندَر بو. 21اِ هاوا نَمونَه غُسل تعمیدیه که، اَلَه اُ شما نجات اَدَ، تعمیدی که نِه وَ پاک آکِردَهِ لُشی از بَدن، بلکه یَک خواستَئِه از خدا، اَسِی یَک وجدان پاک. اِ تعمیدا اُ واسطَهِ زندَه آبُدَئِه عیسی مسیح اُ شما نجات اَدَ 22مِ عیسی مسیحا که اُ آسِمو چِدِ و اُ دست راست خدائِه و فرشتَهیّا و آنایاکِه صاحب مَکام و منصب هِت و کُدرتیا، مطیع آنا بُدِت.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company