نامَه اوّل یوحَنا 5
5
پیروز بُدَ اُ دنیا
1هرکَه ایمون اُشَه عیسی هَمِ مسیحِ موعودِه، از خدا اُ دنیا اُندِ؛ هرکَه خاطر بای آسِمونی شَئِه، خاطر کسی که از آنا اُ دنیا اُندِ هم شَئِه. 2از اِکا اَدانِم که خاطر اولادِی خدا مُئِه، که خاطر خدا مُئِه و از حُکمِی آنا اطاعت اَکنِم. 3اَسِی که محبت کِردَ اُ خدا اِئِه که حُکمِی آنا اَنجوم هاتِم، حُکمِی آنا بار ساگِنی نی. 4اَسِی که هرکَه از خدا اُ دنیا اُندِ، اُ دنیا پیروز اَبِه. ایمون اَما مِ پیروزِنائِه که حریف دنیا بُدِ. 5کِی که اُ دنیا پیروز اَبِه؟ غیر از آناکِه ایمون اُشَه عیسی پُسِ خدائِه.
شهادت دَدَ دربارَهِ پُسِ خدا
6آنا مِ کَسیه که وَ هُو و خون اُمَ، یعنی عیسی مسیح. نِه فَکَط وَ هُو، بلکه وَ هُو و خون؛ و روح خدائِه که شهادت اَدَ، اَسِی که روح خدا، حکیکتِه. 7اَسِی اِکِه سهتا شاهد هَه: 8یعنی روح خدا و هُو و خون؛ شهادت اِ سهتا اُمرَییَه جور دَر اَدا. 9اَگَه شهادت انسانا کَبول اَکنِم، شهادت خدا بُری گاتتَئِه، اَسِی که اِئِه شهادت خدا که دربارَهِ پُسُش اُشدَدِ. 10هرکَه اُ پُسِ خدا ایمون اُشَه، اِ شهادتا تِی خوش اُشَه. آناکِه اُ خدا ایمون اُشنی، اُ آنا دروغگو اُشکِردِ، اَسِی که اُ شهادتی که خدا دربارَهِ پُسُش اُشدَدِ، ایمون اُشنِئوردِ. 11و مِ شهادتا اِئِه که خدا شُ اَما زندگِنِ اَبَدی دَ، و اِ زندگِنا، تِی پُسِ آنائِه. 12آناکِه اُ پُس اُشَه، زندگی اُشَه و آناکِه اُ پُسِ خدا اُشنی زندگی اُشنی.
تَ بِدانی
13اِ چِییَهوا اَسِی شما اَنِوِسام که اُ اسم پُسِ خدا ایمون تُهَه، تَ بِدانی که زندگِنِ اَبَدی تُهَه. 14اِ مِ اطمینانیه که اَما اُ آنا مُهَه، که اَگَه چِی از آنا طِبک اِرادَش مُبِئِه، صدامو اَشناوِ. 15اَگَه بِدانِم که هرچی از آنا مُبِئِه آنا صدامو اَشناوِ، پَ اِئا اَدانِم مِ چِی که از آنا مُئِستِه، مُهَه.
16اَگَه کسی بِبِنِه کاکَشو گناهی اَکو که باعث مرگ نابِه، دعا بِکو و خدا اُ آنا زندگی اَدَ. ما اِ حرفا دربارَهِ کسِی اَگام که گناهِی اَکنِت که باعث مرگ نابِه. گناهی هم هَه که باعث مرگ اَبِه. ما ناگام که کسی باید دربارَهِ اینا گناهی دعا بِکو. 17مَ رَکَم خطائی گناهِه، ولی گناهی هم هَه که باعث مرگ نابِه.
18اَما اَدانِم هرکَه از خدا اُ دنیا اُندِ، اُ گناه کِردَ ادامَه نادَ، بلکه عیسی که از خدا اُ دنیا اُمَ، از آنا محافظت اَکو و دست آن شَریرا اُ مِ آداما نارَسِه. 19اَما اَدانِم که از خدا هِم و کُل دنیا زِرِ کُدرت آن شَریرائِه. 20و هَمینا اَدانِم که پُسِ خدا اُندِ و شُ اَما اِ دَرکا دَدِ تا اُ آناکِه حکیکیه بِشناسِم، اَما تِی آنا هِم که حکیکیه، یعنی تِی پُسِ آنا، عیسی مسیح. آنائِه خدای حکیکی و زندگِنِ اَبَدی.
21اَی بَچیا، اُ خوتو از بُتیا دور نِگَه بِکنی.
Currently Selected:
نامَه اوّل یوحَنا 5: LAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
