نُومَه دوئِم وِ تیموتائوس 3
3
روزیا آخِر
1اما یَه نِه دُونِسو کِه دِ روزیا آخِر، روزگارِ سختی موئَه. 2سی یَکه مردِم، قُمپُز، پیل دوس، قورت وَ غُت، گَنِفاش کُو، نافِرمُو وِ داآ وَ بُوَه، ناشگیر، ناپاک، 3بیعاطفَه، کینِهئی، بُختُومزِه، ناپرهیز، وحشی، دُشمِهنِ خوئی، 4خیانتکار، بیملاحظَه وَ دِ قورتی، قُمپُزبییَه موئَن، کِه کِئف کِردِه نِه بیشتِر دِ خدا دوس دارَن؛ 5دِ ظاهر دیندار اَن، اما قُوَه وَه نِه حاشا میکن. دِ چِنی کَسُونی دیری کُو.
6سی یَکه دِ مینِ وِنُو کَسُونی هیسِن کِه میسُرَن وِ مینِ حُونَه مردِم، زَنُونِ کم عقلِ نِه اسیر میکَن کِه دِ زیرِ بار گُنَهیاشُو لو بینَه وَ هَوَسیا جورواجور وِنُو نِه وِ هَر لا میکَشَه، 7هِه هان دِ تعلیم گِرِتِه، اما هرگز نَتُونَن وِ شناختِ حقیقت بَرَسَن. 8هِه چِنُو که یَنیس وَ یَمبِریس وِریسان وِ تیشکِ موسی، ایی پیایا هَم هان وِ تیشکِ حقیقت، کِه فکریاشُو گَن وَ ایمُونِشُو رِفوزَهآ. 9اما رَه وِ جائی نِمُورَن، سی یَکه حماقتِشُو سی گِردِ مردِم دیاری موئَه، چِنُوکِه حماقتِ او دو هَم دیاری بی.
گِردِ نیسَنَهیا مقدس الهام خدا اَ
10اما تو تعلیم وَ رفتار وَ قَصت وَ ایمُو وَ صُور وَ محبت وَ طاقتِ مِه نِه دِ نِزیک شاهد بیئیَه، 11وَ آزار وُ عَذُویائی نِه کِه دِ انطاکیَه، قونیَه وَ لِسترَه وِ سَرِم رَت، وَ آزاریائی کِه تاو اُوِردِم، وا ایی حال دِ گِردِ وِنُو خداوند مِه نِه نجات دَه! 12وِراسی، گِردِ وِنُو کِه میحان دِ مسیح عیسی وا دینداری زِنِهئی بَکَن، عَذُو مِیکَشَن؛ 13اما آیِمیا شریر وُ آگولباز دِ گَن گَنتِر موئَن؛ گول مِیئَن وَ گول مُوحُورَن. 14اما تو دِ او چیئی کِه یای گِرِتیَه وَ وِش ایمُو اُوِردیَه پایار با، سی یَکه دُونی وِنُو نِه دِ چِه کَسُونی یای گِرِتیَه، 15وَ چطور دِ بچِهئی نیسَنَهیا مقدس نِه دُونِسیَه کِه تُونَه وِت حکمت بِئَه کِه توسطِ ایمُونی کِه دِ مسیح عیسی اَ، وِ نجات مِیرَسَه. 16گِردِ نیسَنَهیا مقدس دِ الهامِ خدا اَ وَ سی تعلیم وَ توبیخ وَ اصلاح وَ تربیت دِ صالح بییِه فایدَه دارَه، 17تا پیا خدا وِ تمُومی سی هَر کارِ خو آمادَه با.
Currently Selected:
نُومَه دوئِم وِ تیموتائوس 3: NLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نُومَه دوئِم وِ تیموتائوس 3
3
روزیا آخِر
1اما یَه نِه دُونِسو کِه دِ روزیا آخِر، روزگارِ سختی موئَه. 2سی یَکه مردِم، قُمپُز، پیل دوس، قورت وَ غُت، گَنِفاش کُو، نافِرمُو وِ داآ وَ بُوَه، ناشگیر، ناپاک، 3بیعاطفَه، کینِهئی، بُختُومزِه، ناپرهیز، وحشی، دُشمِهنِ خوئی، 4خیانتکار، بیملاحظَه وَ دِ قورتی، قُمپُزبییَه موئَن، کِه کِئف کِردِه نِه بیشتِر دِ خدا دوس دارَن؛ 5دِ ظاهر دیندار اَن، اما قُوَه وَه نِه حاشا میکن. دِ چِنی کَسُونی دیری کُو.
6سی یَکه دِ مینِ وِنُو کَسُونی هیسِن کِه میسُرَن وِ مینِ حُونَه مردِم، زَنُونِ کم عقلِ نِه اسیر میکَن کِه دِ زیرِ بار گُنَهیاشُو لو بینَه وَ هَوَسیا جورواجور وِنُو نِه وِ هَر لا میکَشَه، 7هِه هان دِ تعلیم گِرِتِه، اما هرگز نَتُونَن وِ شناختِ حقیقت بَرَسَن. 8هِه چِنُو که یَنیس وَ یَمبِریس وِریسان وِ تیشکِ موسی، ایی پیایا هَم هان وِ تیشکِ حقیقت، کِه فکریاشُو گَن وَ ایمُونِشُو رِفوزَهآ. 9اما رَه وِ جائی نِمُورَن، سی یَکه حماقتِشُو سی گِردِ مردِم دیاری موئَه، چِنُوکِه حماقتِ او دو هَم دیاری بی.
گِردِ نیسَنَهیا مقدس الهام خدا اَ
10اما تو تعلیم وَ رفتار وَ قَصت وَ ایمُو وَ صُور وَ محبت وَ طاقتِ مِه نِه دِ نِزیک شاهد بیئیَه، 11وَ آزار وُ عَذُویائی نِه کِه دِ انطاکیَه، قونیَه وَ لِسترَه وِ سَرِم رَت، وَ آزاریائی کِه تاو اُوِردِم، وا ایی حال دِ گِردِ وِنُو خداوند مِه نِه نجات دَه! 12وِراسی، گِردِ وِنُو کِه میحان دِ مسیح عیسی وا دینداری زِنِهئی بَکَن، عَذُو مِیکَشَن؛ 13اما آیِمیا شریر وُ آگولباز دِ گَن گَنتِر موئَن؛ گول مِیئَن وَ گول مُوحُورَن. 14اما تو دِ او چیئی کِه یای گِرِتیَه وَ وِش ایمُو اُوِردیَه پایار با، سی یَکه دُونی وِنُو نِه دِ چِه کَسُونی یای گِرِتیَه، 15وَ چطور دِ بچِهئی نیسَنَهیا مقدس نِه دُونِسیَه کِه تُونَه وِت حکمت بِئَه کِه توسطِ ایمُونی کِه دِ مسیح عیسی اَ، وِ نجات مِیرَسَه. 16گِردِ نیسَنَهیا مقدس دِ الهامِ خدا اَ وَ سی تعلیم وَ توبیخ وَ اصلاح وَ تربیت دِ صالح بییِه فایدَه دارَه، 17تا پیا خدا وِ تمُومی سی هَر کارِ خو آمادَه با.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company