نُومَه دوئِم وِ تیموتائوس 2
2
سَروازِ خو مسیح
1پس تو، کُرِم، دِ فیضی کِه دِ مسیح عیسی اَ زوردار با، 2وَ او چیائی کِه دِ تِه شاهِدیا زیاد دِم اِشنَفتی، وِ آیِمیا بَفاداری بَسپار کِه تُونَن وِ باقی هَم یای بِئَن. 3هِه چی سَروازِ خوِ مسیح عیسی، دِ عَذُویا تاو بیار. 4هیچ سَروازی، هِه کِه ها دِ خدمت، خُوشِه گرفتارِ کاریا زِنِهئی خُوش نِمیکَه، سی یَکِه میحا وَه نِه کِه گِرِتِشَه وِ خدمت، راضی بَکَه. 5وَ وِ یِه پَلِوُو تاجِ پَلِوُونی دِئَه نِموئَه مَر یَکِه وِ طبقِ قانون، پَلِوُونی کِردوئَه. 6کشاورزی کِه سخت کار میکَه بایِس اولین کَسی با کِه بَرِ خُوشِه دِ مَصول مِئیرَه. 7وِ او چیئی کِه مُوئِم سیفا کُو، سی یَکِه خداوند دِ هَر چیئی وِ تو فهم مِیئَه.
8عیسی مسیحِ نهِ بیار وِ ویر، کِه دِ مُردَهیا زِنَه بی، وَ دِ نسلِ داوود بی، چِنُو کِه انجیلِ مِه ها مُوئَه، 9سی وَه آ کِه هِه چی یِه جنایتکار، زالِنَهبییَه هام دِ بَن، وَ عَذُو مِئینِم، اما کلُومِ خدا دِ بَن نی. 10زوتا مِه وِ سُنَه وِنُو کِه بَرگُزیَهآن گِردِ چیا نِه تاو میارِم، تا وِنُو هَم او نجاتی نِه کِه ها دِ مسیح عیسی، واردِ جِلالِ ابدی بِئیرَن.
11موئَه وِ ایی قِصَه تمُومِکمال اِطمینُو کِرد کِه:
اَر واردِ او مُردیمَه،
واردِ او هَم زِنِهئی میکیم.
12اَر تاو بیاریم،
واردِ او هَم سِلطِنَت میکیم.
اَر حاشاش بَکیم،
او هَم حاشامُو میکَه؛
13اَر بیبَفا بایم،
او بَفادار میمُونَه،
سی یَکِه نَتُونَه خُوشِه حاشا بَکَه.
14ایی چیا نِه بیار وِ ویرِشُو، وَ دِ بِرُووَرِ خدا وِشُو سفارش کُو کِه وِ ری کِلَمَهیا مِرافَه نَکَن، کِه فایدهای نارَه، بلکِم تَنیا باعث موئَه وِنُو کِه مِیشنُوئَن دِ رَه دِرآن. 15تَقِلا کُو کِه پِسَنِ خدا بای، هِه چی کارگری کِه بور نِموئَه وَ کلُومِ حقیقتِ نِه وِ دُرِسی وِ کار مِئیرَه. 16اما دِ قِصَهیا پیکِپَتیِ دنیائی دیری کُو، سی یَکِه مردِمِ نِه بیشتِرابیشتِر مُورَه والا بیدینی، 17تعلیمِشُو چی خُورَه همَه جا نِه مِئیرَه دِ وَر. هیمِنائوس وَ فیلِتوس دِ ایی دَسَهآن، 18کِه دِ حقیقت وِرگَشتِنَه، وَ مُوئَن او روز کِه مُردَهیا زِنَه موئَن، هِه ایسِهنَه وَ قَری نِه ها دِ ایمُو مُونَن. 19وا ایی حال، پِیِ قُرصِ خدا پایار اَ، وَ وا یَه مُهر بییَه کِه: «خداوند کَسُونِ خُوشِه میشناسَه،» وَ «هَر کَه نُومِ خداوندِ نِه بیارَه، بایِس دِ ناراسی دیری بَکَه.»
20ایمدال دِ یِه حُونَه گَپ، تَنیا ظرفیا طِلا وَ نقرَه نی، بلکِم چوئی وَ گِلی هَم هی؛ قَری سی قُرپ وِ کار مِیرَن، باقی سی وَردَس. 21پس، اَر یَکی خُوشِه دِ ایی چیا پاک بَکَه، ظرفی موئَه سی قُرپ، کِه مقدس وَ مفید سی صِحُو حُونَهآ، وَ حاضِر سی هَر کارِ خو.
22پس دِ هَوَسیا جِوُونی بَجی وَ واردِ وِنُو کِه دِ قلبی پاک خداوندِ نِه هِنا میکن، دِ دُمِ صالحبییِه، ایمُو، محبت وَ صُولوُسِلامتی با. 23دِ قِصَهقُشَهیائی کِه دِ ری نایُونی وَ حماقت اَ، دیری کُو، سی یَکه دُونی مِرافَه دِش وِرمِیسَه. 24غُلِمِ خداوند نَبایِس مِرافَه بَکَه، بلکِم بایِس وا همَه مِرَبُو با، تُونِسوئَه تعلیم بِئَه، وَ دِ تاو اُوِردِه دِ گَنی صُور داشتوئَه. 25بایِس وِنُو نِه کِه هان وِ تیشکِش وا نرمی تَصحیشُو بَکَه، گاس خدا بیارَشُو وِ تُوبَه تا حقیقتِ نِه بَشناسَن، 26وَ بیان وِ خُوشُو، وَ دِ دامِ ابلیس بَجیئَن، سی یَکِه اسیرِ او بییِن تا حاسَه او نِه وِ جا بیارَن.
Currently Selected:
نُومَه دوئِم وِ تیموتائوس 2: NLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نُومَه دوئِم وِ تیموتائوس 2
2
سَروازِ خو مسیح
1پس تو، کُرِم، دِ فیضی کِه دِ مسیح عیسی اَ زوردار با، 2وَ او چیائی کِه دِ تِه شاهِدیا زیاد دِم اِشنَفتی، وِ آیِمیا بَفاداری بَسپار کِه تُونَن وِ باقی هَم یای بِئَن. 3هِه چی سَروازِ خوِ مسیح عیسی، دِ عَذُویا تاو بیار. 4هیچ سَروازی، هِه کِه ها دِ خدمت، خُوشِه گرفتارِ کاریا زِنِهئی خُوش نِمیکَه، سی یَکِه میحا وَه نِه کِه گِرِتِشَه وِ خدمت، راضی بَکَه. 5وَ وِ یِه پَلِوُو تاجِ پَلِوُونی دِئَه نِموئَه مَر یَکِه وِ طبقِ قانون، پَلِوُونی کِردوئَه. 6کشاورزی کِه سخت کار میکَه بایِس اولین کَسی با کِه بَرِ خُوشِه دِ مَصول مِئیرَه. 7وِ او چیئی کِه مُوئِم سیفا کُو، سی یَکِه خداوند دِ هَر چیئی وِ تو فهم مِیئَه.
8عیسی مسیحِ نهِ بیار وِ ویر، کِه دِ مُردَهیا زِنَه بی، وَ دِ نسلِ داوود بی، چِنُو کِه انجیلِ مِه ها مُوئَه، 9سی وَه آ کِه هِه چی یِه جنایتکار، زالِنَهبییَه هام دِ بَن، وَ عَذُو مِئینِم، اما کلُومِ خدا دِ بَن نی. 10زوتا مِه وِ سُنَه وِنُو کِه بَرگُزیَهآن گِردِ چیا نِه تاو میارِم، تا وِنُو هَم او نجاتی نِه کِه ها دِ مسیح عیسی، واردِ جِلالِ ابدی بِئیرَن.
11موئَه وِ ایی قِصَه تمُومِکمال اِطمینُو کِرد کِه:
اَر واردِ او مُردیمَه،
واردِ او هَم زِنِهئی میکیم.
12اَر تاو بیاریم،
واردِ او هَم سِلطِنَت میکیم.
اَر حاشاش بَکیم،
او هَم حاشامُو میکَه؛
13اَر بیبَفا بایم،
او بَفادار میمُونَه،
سی یَکِه نَتُونَه خُوشِه حاشا بَکَه.
14ایی چیا نِه بیار وِ ویرِشُو، وَ دِ بِرُووَرِ خدا وِشُو سفارش کُو کِه وِ ری کِلَمَهیا مِرافَه نَکَن، کِه فایدهای نارَه، بلکِم تَنیا باعث موئَه وِنُو کِه مِیشنُوئَن دِ رَه دِرآن. 15تَقِلا کُو کِه پِسَنِ خدا بای، هِه چی کارگری کِه بور نِموئَه وَ کلُومِ حقیقتِ نِه وِ دُرِسی وِ کار مِئیرَه. 16اما دِ قِصَهیا پیکِپَتیِ دنیائی دیری کُو، سی یَکِه مردِمِ نِه بیشتِرابیشتِر مُورَه والا بیدینی، 17تعلیمِشُو چی خُورَه همَه جا نِه مِئیرَه دِ وَر. هیمِنائوس وَ فیلِتوس دِ ایی دَسَهآن، 18کِه دِ حقیقت وِرگَشتِنَه، وَ مُوئَن او روز کِه مُردَهیا زِنَه موئَن، هِه ایسِهنَه وَ قَری نِه ها دِ ایمُو مُونَن. 19وا ایی حال، پِیِ قُرصِ خدا پایار اَ، وَ وا یَه مُهر بییَه کِه: «خداوند کَسُونِ خُوشِه میشناسَه،» وَ «هَر کَه نُومِ خداوندِ نِه بیارَه، بایِس دِ ناراسی دیری بَکَه.»
20ایمدال دِ یِه حُونَه گَپ، تَنیا ظرفیا طِلا وَ نقرَه نی، بلکِم چوئی وَ گِلی هَم هی؛ قَری سی قُرپ وِ کار مِیرَن، باقی سی وَردَس. 21پس، اَر یَکی خُوشِه دِ ایی چیا پاک بَکَه، ظرفی موئَه سی قُرپ، کِه مقدس وَ مفید سی صِحُو حُونَهآ، وَ حاضِر سی هَر کارِ خو.
22پس دِ هَوَسیا جِوُونی بَجی وَ واردِ وِنُو کِه دِ قلبی پاک خداوندِ نِه هِنا میکن، دِ دُمِ صالحبییِه، ایمُو، محبت وَ صُولوُسِلامتی با. 23دِ قِصَهقُشَهیائی کِه دِ ری نایُونی وَ حماقت اَ، دیری کُو، سی یَکه دُونی مِرافَه دِش وِرمِیسَه. 24غُلِمِ خداوند نَبایِس مِرافَه بَکَه، بلکِم بایِس وا همَه مِرَبُو با، تُونِسوئَه تعلیم بِئَه، وَ دِ تاو اُوِردِه دِ گَنی صُور داشتوئَه. 25بایِس وِنُو نِه کِه هان وِ تیشکِش وا نرمی تَصحیشُو بَکَه، گاس خدا بیارَشُو وِ تُوبَه تا حقیقتِ نِه بَشناسَن، 26وَ بیان وِ خُوشُو، وَ دِ دامِ ابلیس بَجیئَن، سی یَکِه اسیرِ او بییِن تا حاسَه او نِه وِ جا بیارَن.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company