یوشَع 19
19
شَمعون قبئلهسئنئن تورپاقلاری
1ائکئنجی پوشک، نسئللرئنه گؤره، شَمعونا، شَمعون اؤولادلارینین قبئلهسئنه دوشدو. اونلارین ائرث تورپاغی یهودا اؤولادلارینین ائرث تورپاغی آراسیندا ائدی. 2اونلارین ائرث تورپاقلاری بونلار ائدی: بئرشئبا، شِبَع، مولادا، 3خَصَرشوعال، بالا، عاصِم، 4اِلتولَد، بِتول، خورما، 5صئقلَگ، بِیتمارکابوت، خَصَرسوسا، 6بِیت لِباعوت، شاروخِن؛ یعنی کَندلری ائله بئرلئکده اون اوچ شهر؛ 7عَیئن، رئمّون، عِتِر، عاشان؛ یعنی کَندلری ائله بئرلئکده دؤرد شهر؛ 8بو شهرلرئن اطرافینداکی بوتون کَندلر بَعَلَتبِعِره قدر، یعنی جنوبدا رامایا قدر اونلارین ائرث اولان تورپاغی ائدی. بونلار نسئللرئنه گؤره شَمعون اؤولادلاری قبئلهسئنئن ائرث اولان تورپاقلاریدیر. 9شَمعون اؤولادلارینین ائرث اولان تورپاغی یهودا اؤولادلارینین پاییندان آلیندی، چونکی یهودا اؤولادلارینین پایی اونلار اوچون چوخ ائدی؛ بونا گؤره ده شَمعون اؤولادلاری اونلارین تورپاقلاری آراسیندا تورپاق ائرث آلدیلار.
زِبولون قبئلهسئنئن تورپاقلاری
10اوچونجو پوشک، نسئللرئنه گؤره، زِبولون اؤولادلارینا دوشدو. اونلارین ائرث اولان تورپاغینین سرحدی سارئده قدر ائدی. 11سونرا سرحدی مَرعهلایا قدر، قربه طرف قالخیردی و دَبّشِتدن کچئب یوقنِعام موقابئلئنده اولان درهیه چاتیردی. 12سارئددن شرقه، گون دوغانا طرف کئسلوتتابور سرحدئنه دؤنوب، دابِرَته یتئشئردی و یافئعَیه چاتیردی. 13اورادان شرقه طرف گَتخِفِره، عِت قاصئنه کچئردی و نِعایا دؤنَن رئمّونا قالخیردی. 14سرحد شئمالا طرف، خَنّاتونا دؤنوب، آخیری یئفتهخِل درهسئنده ائدی. 15قَطّات، نَهَلال، شئمرون، یئدهلا، بیتلِحِم؛ یعنی کَندلری ائله بئرلئکده اون ائکی شهر ائدی. 16نسئللرئنه گؤره زِبولون اؤولادلارینین ائرثی اولان تورپاقلاری کَندلری ائله بئرلئکده بو شهرلر ائدی.
یئسّاکار قبئلهسئنئن تورپاقلاری
17دؤردونجو پوشک، نسئللرئنه گؤره، یئسّاکارا، یئسّاکار اؤولادلارینا دوشدو. 18اونلارین تورپاغی یئزرِعِل، کِسولوت، شونِم، 19خَفارهیئم، شیاون، اَناخَرَت، 20رَبّئت، قئشیون، آبِص، 21رِمِت، عِینگَنّئم، عِینخَدّا، بِیتپَصّص ائدی. 22سرحد تابورا، شَخهسئمایا، بیتشِمِشه چاتیردی. سرحدلرئنئن آخیری اوردون چاییندا ائدی. بونلار کَندلری ائله بئرلئکده اون آلتی شهر ائدی. 23نسئللرئنه گؤره یئسّاکار اؤولادلاری قبئلهسئنئن ائرثی اولان تورپاقلاری کَندلری ائله بئرلئکده بو شهرلر ائدی.
آشِر قبئلهسئنئن تورپاقلاری
24بشئنجی پوشک، نسئللرئنه گؤره، آشِر اؤولادلاری قبئلهسئنه دوشدو. 25اونلارین تورپاغی خِلقَت، خَلی، بِطِن، اَکشاف، 26اَلَممِلِک، عَمعاد و مئشال ائدی. سرحد قربه طرف کَرمِله، شئخورلئبناتا چاتیردی، 27گون دوغانا طرف بِیتداگونا دؤنوردو. سونرا شئمالا طرف زِبولونا، یئفتهخِل درهسئنه، اورادان بِیتعِمِقه، نِعیاِله چاتیردی، سونرا شئمالا طرف کابولا، 28خِبرونا، رِخوبا، خَمّونا، قانایا، بؤیوک صئدونا قدر چاتیردی. 29او واخت سرحد رامایا، قالالی صور شهرئنه دؤنوردو؛ سونرا سرحد خوشایا دؤنوردو، آخیری اَکزئب، 30عوما، عَفِق و رِخوب تورپاغیندا دهنزده قورتاریردی. بونلار کَندلری ائله بئرلئکده ائیئرمی ائکی شهر ائدی. 31نسئللرئنه گؤره آشِر اؤولادلاری قبئلهسئنئن ائرث اولان تورپاقلاری کَندلری ائله بئرلئکده بو شهرلر ائدی.
نَفتالی قبئلهسئنئن تورپاقلاری
32آلتینجی پوشک، نَفتالی اؤولادلاری اوچون، نسئللرئنه گؤره نَفتالی اؤولادلارینا دوشدو. 33اونلارین سرحدی خِلِفدن شَعَنَننئمدهکی پالید آغاجیندان باشلاییب اَدامی نِگِب و یَبنِهاِلی کچئب، لَقّوما چاتیردی، آخیری دا اوردون چاییندا بئتئردی. 34سرحد قربه طرف اَزنوت تابورا دؤنوب، اورادان خوقوقا قالخیردی؛ جنوبدا زِبولونا، قربده آشِره، گون دوغان طرفده اوردون چاییندان یهودایا چاتیردی. 35قالالی شهرلر بونلار ائدی: صئدّئم، صِر، خَمّت، رَقّت، کئنّرِت، 36اَداما، راما، خاصور، 37قِدِش، اِدرِعی، عِینخاصور، 38یئرون، مَجدَلاِل، خورِم، بِیتعَنات، بِیتشِمِش. بونلار کَندلری ائله بئرلئکده اون دوقّوز شهر ائدئلر. 39نسئللرئنه گؤره نَفتالی اؤولادلاری قبئلهسئنئن ائرث اولان تورپاقلاری کَندلری ائله بئرلئکده بو شهرلر ائدی.
دان قبئلهسئنئن تورپاقلاری
40یدّئنجی پوشک، نسئللرئنه گؤره، دان اؤولادلاری قبئلهسئنه دوشدو. 41ائرث تورپاقلاری بونلار ائدی: صورعا، اِشتااول، عئرشِمِش، 42شَعَلهبّئن، اَیّالون، یئتلا، 43اِیلون، تئمنا، عِقرون، 44اِلتِقا، گئبّتون، بَعَلَت، 45یِهود، بِنِهبِرَق، گَترئمّون، 46مِهیَرقون، یافا موقابئلئنده اولان سرحدی ائله رَقّون. 47آمّا دان اؤولادلارینین تورپاغی اونلارین اَلئندن چیخدی. اونا گؤره ده دان اؤولادلاری لِشِم اوستونه دؤیوشه گتدئلر. اورانی آلیب اهالئسئنی قیلینجدان کچئرتدئلر و اورایا صاحئب اولوب مسکن سالدیلار. اونلار آتالاری دانین شَرَفئنه گؤره لِشِمه دان آدی وردئلر. 48نسئللرئنه گؤره دان اؤولادلاری قبئلهسئنئن ائرث اولان تورپاقلاری کَندلری ائله بئرلئکده بو شهرلر ائدی.
تورپاغین بؤلوشدورولمهسئنئن باشا چاتماسی
49اؤلکهنی تورپاق پایلارینا گؤره ائرث اولاراق بؤلوشدوروب قورتاراندان سونرا، ائسرایئل اؤولادلاری نون اوغلو یوشَعه آرالاریندا ائرث تورپاق وردئلر. 50ربّئن امرئنه گؤره ائستهدئیی شهری یعنی اِفرایئمئن داغلیق بؤلگهسئنده تئمنَتسِرهخی اونا وردئلر. او دا بو شهری تئکئب اورادا یاشادی.
51بونلار او ائرث تورپاقلاردیرلار کی، کاهئن اِلعازار. نون اوغلو یوشَع، ائسرایئل قبئلهلرئنئن نسئل باشچیلاری شئلوداکی حوضور چادیرینین گئرئشئنده، ربّئن حوضوروندا پوشکله بؤلدولر. بلهجه، اونلار اؤلکهنئن بؤلوشدورمهسئنی باشا چاتدیردیلار.
Currently Selected:
یوشَع 19: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
