یوشَع 12
12
اوردون چایینین شرق طرفئنده موسانین قالئب گلدئیی پادشاهلار
1ائسرایئل اؤولادلاری بو پادشاهلارا قالئب گلدئلر و اونلارین تورپاقلارینی - اوردون چایینین شرقئندهکی بوتون عَرابا ائله اَرنون درهسئندن خِرمون داغینا قدر اولان یری ضبط ادئب اؤزلرئنه مولک اتدئلر. 2خِشبوندا یاشایان اِمورلولارین پادشاهی سئخون بو تورپاقلاردا حؤکمرانلیق اتمئشدی: اَرنون درهسی ساحئلئندهکی عَروعِردن - درهنئن اورتاسیندان باشلاییب عَمّونلولارین سرحدی اولان یَبّوق چایینا قدر اوزانیردی و گئلعادین یاریسینا شامئل اولوردو، 3عَرابا بؤلگهسئنئن شرقی ده اونا عایید ائدی. بوراسی کئنّروت دهنزئندن عَرابا دهنزئنه، یعنی دوز دهنزئنه قدر اوزانیردی. شرقده بِیتیِشئموتا، جنوبدا دا پئسگاه داغینین یاماجلارینا یاپیشیردی. 4باشان پادشاهی عوگ کی، صاغ قالان رِفالیلاردان بئری ائدی، عَشتاروتدا و اِدرِعیده یاشاییردی. 5او، خِرمون داغیندا، سالکادا، گِشورلولار و مَعَکاتلیلار سرحدئنه قدر بوتون باشاندا، خِشبون پادشاهی سئخونون سرحدئنه قدر گئلعادین یاریسیندا حؤکمرانلیق ادئردی. 6ربّئن قولو موسا و ائسرایئل اؤولادلاری اونلارا قالئب گلدئلر. سونرا ربّئن قولو موسا اونلارین تورپاقلارینی ائرث اولاراق رِعوبئنلیلره، جادلیلارا، مِنَسّه قبئلهسئنئن یاریسینا وردی.
اوردون چایینین قرب طرفئنده یوشَعئن مغلوب اتدئیی پادشاهلار
7لوبنان درهسئنده اولان بَعَلگاددان سِعئره چیخان خالاق داغینا قدر، اوردون چایینین قرب طرفئنده اولان تورپاقلاردا یوشَعله ائسرایئل اؤولادلارینین قالئب گلدئکلری پادشاهلار بونلاردیر: 8یوشَع داغلیق بؤلگهده، هامار بؤلگهده، عَرابادا، یاماجلاردا، چؤللوکده، نِگِبده یِرلَشن بو تورپاقلاری، یعنی خئتلیلر، اِمورلولار، کَنَعانلیلار، پِرئزلئلر، خئولیلر و یِبوسلولار اؤلکهسئنی، ائسرایئل قبئلهلرئنه اونلارین بؤلوکلرئنه موطابئق ائرث پایی کئمی مولک وردی؛ 9اَرئحا پادشاهی؛ بِیتائلئن یانینداکی عای شهرئنئن پادشاهی؛ 10اورشلئم پادشاهی؛ خِبرون پادشاهی؛ 11یَرموت پادشاهی؛ لاکئش پادشاهی؛ 12عِگلون پادشاهی؛ گِزِر پادشاهی؛ 13دِبئر پادشاهی؛ جادِر پادشاهی؛ 14خورما پادشاهی؛ اَراد پادشاهی؛ 15لئبنا پادشاهی؛ عَدوللام پادشاهی؛ 16مَقّدا پادشاهی؛ بِیتائل پادشاهی؛ 17تَپّواَخ پادشاهی؛ خِفِر پادشاهی؛ 18عَفِق پادشاهی؛ لَشارون پادشاهی؛ 19مادون پادشاهی؛ خاصور پادشاهی؛ 20شئمرونمِرون پادشاهی؛ اَکشاف پادشاهی؛ 21تَعنَک پادشاهی؛ مِگئدّو پادشاهی؛ 22قِدِش پادشاهی؛ کَرمِلدهکی یوقنِعام پادشاهی؛ 23نافوت دورداکی دور پادشاهی؛ گئلگالداکی گویئم پادشاهی؛ 24تئرصا پادشاهی.
بوتون پادشاهلار جَمی ۳۱ نفر ائدئلر.
Currently Selected:
یوشَع 12: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
