داورلر 15
15
شَمشونون فئلئسطلیلردن قئصاص آلماسی
1بئر مودّت کچندن سونرا، بوغدا بئچئنی مؤوسومونده، شَمشون بئر کچی بالاسی گؤتوروب گتدی کی، آروادینا باش چکسئن. و ددی: «ائستهیئرم آروادیمین یانینا، اونون اوتاغینا گئرئم.»#15.1 شَمشونون بوندان مقصدی آروادی ائله یاخینلیق اتمک ائدی. لاکئن آروادین آتاسی قویمادی کی، شَمشون گئرسئن. 2قیزین آتاسی ددی: «اِله بئلدئم کی، سنئن اوندان، حقئقتن، زَهلَن گدئر، اونا گؤره ده آروادینی سنئن صاغدوشونا اَره وردئم. باخ، مگر کئچئک باجیسی اوندان گؤزل دیئل؟ خاهئش ادئرم، قوی اونون یرئنه، بو سنئن اولسون.» 3شَمشون اونلارا ددی: «بو دفه فئلئسطلیلره پئسلئک اِتسَم، هچ تقصئرکار اولمارام.» 4شَمشون گدئب اوچ یوز چاقّال توتدو و مشعللر گؤتوردو. چاقّاللاری جوت-جوت قویروق-قویروغا باغلادی و قویروقلارین آراسینا بئر مشعل قویدو. 5مشعللری یاندیریب، چاقّاللاری فئلئسطلیلرئن اَکئنلرئنه بوراخدی و بونونلا دا تاخیل دَرزلرئنه، اَکئنلره، اوزوملوکلره، زیتونلوقلارا اود ووردو.
6فئلئسطلیلر بئربئرئندن سوروشدولار: «گؤرهسن بونو کئم ادئب؟» ددئلر: «بونو تئمنالینین کورهکَنی شَمشون ادئب، چونکی قایینآتاسی گؤتوروب اونون آروادینی صاغدوشونا اَره ورئب.» فئلئسطلیلر چیخیب او آروادلا آتاسینا اود ووروب یاندیردیلار. 7شَمشون اونلارا ددی: «ائندی کی سئز بله اتدئنئز، سئزدن قئصاصیمی آلمامیش اَل چکمهیهجیم.» 8شَمشون اونلارا آمانسیزجا هوجوم ادئب، اونلاردان بئر چوخونو قیردی؛ و گدئب اِیتام قایاسینین ماغاراسیندا قالدی.
9فئلئسطلیلر چیخیب یهودادا اوردوگاه قوردولار و لِخئده یاییلدیلار. 10یهودا آداملاری ددئلر: «نه اوچون بئزئم ضئدّئمئزه چیخیبسینیز؟» اونلار ددئلر: «بئز گلمئشئک کی، شَمشونون اَل-قولونو باغلایاق و بئزئم باشیمیزا گتئردئیئنی، اونون باشینا گتئرک.» 11یهودادان اوچ مئن نفر اِیتام قایاسینین ماغاراسینا گدئب شَمشونا ددئلر: «بئلمئرسن فئلئسطلیلر بئزئم اوستوموزده داوردئر؟ بو نه ائشدئر کی، باشیمیزا گتئردئن؟» شَمشون اونلارا ددی: «اونلارین منه نه اتدئکلرئنی باشلارینا گتئرمئشم.» 12یهودالیلار اونا ددئلر: «بئز گلمئشئک کی، سنئن اَل-قولونو باغلاییب فئلئسطلیلره تسلئم ادک.» شَمشون اونلارا ددی: «آند ائچئن کی، سئز اؤزونوز منی اؤلدورمهیهجکسئنئز.» 13یهودالیلار اونا ددئلر: «یوخ، بئز آنجاق سنی مؤحکم باغلاییب اونلارا تسلئم ادهجیئک، لاکئن سنی اصلا اؤلدورمیهجیئک.» سونرا اونو ائکی تزه ائپله ساریدیلار و قایادان چیخارتدیلار.
14شَمشون لِخئدن گلنده، فئلئسطلیلر اونو باغیرا-باغیرا پئشواز اتدئلر. اله او آندا ربّئن روحو قودرتلی بئر شکئلده شَمشونون اوستونه اِندی. قوللارینا باغلانان ائپ آلیشیب یانان کتان کئمی قیریلیب یره تؤکولدو. 15شَمشون یرده تزه اؤلموش بئر اِششهیئن چنه سومویونو تاپدی. اَل آتیب سومویو گؤتوردو و اونونلا مئن نفر کئشئنی قیردی. 16سونرا شَمشون ددی:
«اِششهیئن چنه سومویو ائله قالاق اوستونه قالاق یاراتدیم.
اِششهیئن چنه سومویو ائله مئن نفری قیردیم.»
17شَمشون بو سؤزلری دیئب قورتاراندان سونرا، اِششهیئن چنه سومویونو توللادی. اونا گؤره ده او یِره رامَتلِخی #15.17 عئبرانی دئلئنده «چنه سومویو تپهسی»دیئلئر. 18بوندان سونرا شَمشون چوخ سوسوزلادی و ربّه فریاد ادئب ددی: «سن قولونا بو بؤیوک قَلَبهنی وردئن، آمّا ائندی مگر من سوسوزلوقدان اؤلوب، ختنهسئزلرئن اَلئنه دوشهجیم؟» 19او واخت تاری لِخئده چوخور یاریب سو آخیتدی. شَمشون سو ائچدئکده قووّتی دؤنوب جانی تزهلَندی. بونا گؤره بو چشمهنئن آدینی عِینحَقّوره#15.19 «عِین-حَقّوره» - عئبرانی دئلئنده «فریاد ادهنئن چشمهسی» قویدو کی، بو گونه قدر لِخئدهدئر. 20فئلئسطلیلرئن دؤورونده، شَمشون ائسرایئلده ائیئرمی ائل داورلئک اتدی.
Currently Selected:
داورلر 15: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
