داورلر 11
11
یئفتاخین داورلئیی
1گئلعادلی یئفتاخ ائگئد دؤیوشچو ائدی، لاکئن فاحئشه بئر آروادین اوغلو ائدی. اونون آتاسی گئلعاد ائدی. 2گئلعادین آروادی اونا اوغوللار دوغدو؛ و بو آروادین اوغوللاری بؤیویَن زامان یئفتاخی قوووب اونا ددئلر: «آتامیزین اِوئندن سنه مئراث دوشمور، اونا گؤره کی، سن آیری آروادین اوغلوسان.» 3یئفتاخ قارداشلارینین یانیندان قاچیب طوب دئیاریندا یاشادی؛ یئفتاخین باشینا دَیَرسئز آداملار ییغیلیب اونونلا دولانیردیلار.
4بئر مودّتدن سونرا، عَمّون اؤولادلاری ائسرایئللیلرئن ضئدّئنه دؤیوشه چیخدیلار. 5عَمّون اؤولادلاری ائسرایئللیلرئن ضئدّئنه چیخان زامان، گئلعاد آغساقّاللاری گتدئلر کی، یئفتاخی طوب دئیاریندان گتئرسئنلر. 6اونلار یئفتاخا ددئلر: «گل بئزه سرکردهلئک ات کی، عَمّون اؤولادلارینین ضئدّئنه ووروشاق.» 7یئفتاخ گئلعاد آغساقّاللارینا ددی: «مگر سئز مندن نئفرت ادئب آتامین اِوئندن منی قوومادینیز؟ بس ائندی نئیه چتئنلئیه دوشَنده، منئم یانیما گلئبسئنئز؟» 8گئلعاد آغساقّاللاری یئفتاخا ددئلر: «سنئن یانینا اونا گؤره گلمئشئک کی، ائندی سن بئزئمله گدئب عَمّون اؤولادلارینین ضئدّئنه دؤیوشهسن و بوتون گئلعاد اهالئسئنه باشچی اولاسان.» 9یئفتاخ گئلعاد آغساقّاللارینا ددی: «اگر منی آپاراسینیز کی، عَمّون اؤولادلارینین ضئدّئنه دؤیوشم و رب اونلاری منه تسلئم اده، آیا سئزئن باشچینیز اولاجاغام؟» 10گئلعاد آغساقّاللاری یئفتاخا ددئلر: «سنئنله بئزئم آرامیزدا قوی رب شاهئد اولسون! بئز حقئقتن سنئن سؤزونه عمل ادهجیئک.» 11یئفتاخ گئلعاد آغساقّاللاری ائله گتدی و خالق دا اونو اؤزونه باشچی و سرکرده اتدی؛ یئفتاخ مئصپادا، ربّئن حوضوروندا بوتون شرطلرئنی ددی.
12بوندان سونرا یئفتاخ عَمّون پادشاهینین یانینا قاصئدلر گؤندَرئب ددی: «بئزئم آرامیزدا نه اولوب کی، تورپاغیمدا منئمله ووروشماغا گلئبسن؟» 13عَمّون اؤولادلارینین پادشاهی یئفتاخین قاصئدلرئنه ددی: «اونا گؤره کی، ائسرایئللیلر مئصئردن چیخان زامان، منئم تورپاقلاریمی اَرنوندان یَبّوق و اوردون چایلارینا قدر آلیبلار. ائندی اونلاری منه دؤیوشسوز گری قایتارین.» 14یئفتاخ گئنه ده عَمّون خالقینین پادشاهینین یانینا قاصئدلر گؤندَردی. 15قاصئدلر اونا ددئلر: «یئفتاخ بله دیئر: ”ائسرایئللیلر نه موآب تورپاغینی آلیبلار، نه ده عَمّون اؤولادلارینین تورپاغینی. 16چونکی ائسرایئللیلر مئصئردن چیخاندا، قیرمیزی دهنزه قدر صحرادان کچئب قِدِشه گلدئلر، 17سونرا ائسرایئل اِدوم پادشاهینین یانینا قاصئدلر گؤندَرئب بله دِمئشدی: خاهئش ادئرئک تورپاغیندان کچمک اوچون بئزه ائجازه ورهسن. لاکئن اِدوم پادشاهی اونلارا قولاق آسمادی. موآب پادشاهینین یانینا دا آداملار گؤندَردئلر، آمّا او دا راضی اولمادی. اونا گؤره ده ائسرایئللیلر قِدِشده قالدیلار. 18سونرا ائسرایئللیلر صحرانین ائچئندن گتدئلر، اِدوملا موآب تورپاقلارینین اطرافیندان کچئب، موآب اؤلکهسئنئن شرق سمتئنه چاتدیلار و اَرنون درهسئنئن او بئری طرفئنده دوشَرگه سالدیلار. لاکئن موآبین سرحدئنی کچمهدئلر، اونا گؤره کی، اَرنون موآبین سرحدی ائدی. 19ائسرایئللیلر اِمورلولارین پادشاهی، خِشبون پادشاهی سئخونون یانینا قاصئدلر گؤندَرئب دِمئشدئلر: خاهئش ادئرئک، اؤز اؤلکهمئزه چاتانا قدر ائجازه ورهسن کی، سنئن تورپاغیندان کِچک. 20آمّا سئخون ائسرایئللیلره اعتئبار اتمهدی کی، اونلارا اؤز تورپاغیندان کچمک یولو ورسئن؛ بوتون خالقینی ییغیب یاهِصادا اوردوگاه قوردو و ائسرایئللیلرله دؤیوشدو. 21ائسرایئلئن تاریسی رب سئخون و اونون بوتون خالقینی ائسرایئللیلره تسلئم اتدی و اونلاری مغلوب اتدئلر؛ بلهجه، ائسرایئللیلر او یرده یاشایان اِمورلولارین تورپاغینا مالئک اولدولار. 22ائسرایئللیلر بلهجه اَرنوندان یَبّوق چایینا قدر، صحرادان اوردون چایینا قدر بوتون اِمورلولار تورپاقلارینا مالئک اولدولار.
23ائندی کی، ائسرایئلئن تاریسی رب اؤز خالقی ائسرایئللیلرئن قاباغیندان اِمورلولاری قوووب، مگر سن بورایا صاحئب چیخاجاقسان؟ 24مگر سن اؤز تارین کِموشون سنه وردئکلرئنه مالئک اولمازسان؟ بئز ده تاریمیز ربّئن بوتون بئزه وردئکلرئنی اؤزوموزه آلاجاغیق. 25ائندی سنئن موآب پادشاهی صئپّور اوغلو بالاقدان نهیئن یاخشیدیر؟ گؤر او، ائسرایئلله هچ چکئشدی؟ و یا اونلارین ضئدّئنه هچ دؤیوشدو؟ 26اوچ یوز ائل ائسرایئل خِشبونلا عَروعِرده، بونلارین اطراف قصبهلرئنده و اَرنون درهسی بویونجا یِرلَشَن بوتون شهرلرده یاشادی. نه اوچون بو مودّتده بو تورپاقلاری گری آلمادینیز؟ 27من سنئن ضئدّئنه گوناه اتمهمئشم. آمّا سن منئم ضئدّئمه دؤیوشمکله منه پئسلئک ادئرسن؛ قوی حؤکم ادن رب بو گون ائسرایئل اؤولادلاری ائله عَمّون اؤولادلاری آراسیندا حؤکم اتسئن.“» 28لاکئن عَمّون پادشاهی، یئفتاخین اونا گؤندَردئیی سؤزلره قولاق آسمادی.
29ربّئن روحو یئفتاخین اوستونه اِندی. او، گئلعاددان و مِنَسّهدن کچدی؛ سونرا گئلعادداکی مئصپادان کچئب، عَمّون اؤولادلارینین اوستونه گتدی. 30یئفتاخ ربّه نذر ادئب ددی: «اگر عَمّون اؤولادلارینی حقئقتن منه تسلئم ادهسن، 31او زامان عَمّون اؤولادلارینین دؤیوشوندن صاغ سالامات قاییداندا، اِوئمئن دروازاسیندان قاباغیما بئرئنجی نه چیخسا، ربّئن اولاجاق و اونو یاندیرما قوربانی ادهجیم.» 32یئفتاخ عَمّون اؤولادلاری ائله دؤیوشه چیخدی. رب ده عَمّون اؤولادلارینی یئفتاخا تسلئم اتدی. 33عَمّون اؤولادلارینی عَروعِردن مئنّئته چاتانا قدر، ائیئرمی شهری، آبِلکِرامئمه قدر قتلیعام اتدی. بلهجه اونلار ائسرایئللیلره موطئع اولدولار.
34یئفتاخ مئصپایا، اؤز اِوئنه قاییداندا، یئفتاخین قیزی دف چالیب اوینایاراق اونون پئشوازینا چیخدی. بو اونون یگانه اؤولادی ائدی؛ اوندان باشقا نه اوغلو وار ائدی، نه ده قیزی. 35او، قیزینی گؤرنده پالتارینی جیریب ددی: «وای، قیزیم! بِلئمی اَیدئن، منی فلاکته قویدون! من ربّه نذر اتمئشم، آرتیق سؤزومدن دؤنه بئلمهرم.» 36قیزی اونا ددی: «آتا، سن ربّه نذر ادئبسن. ائندی کی، رب دوشمنلرئندن، عَمّون اؤولادلاریندان سنئن اوچون قئصاص آلیب، سؤز آغزیندان نجه چیخیب، منه اِلهجه ده ات.» 37سونرا قیز آتاسینا ددی: «آنجاق بو آرزومو یرئنه یتئر؛ منه ائکی آی ائجازه ور، قوی رفئقهلرئمله داغلارا گدئب اؤز ناکام قیزلیغیم اوچون آغلاییم.» 38آتاسی اونا ددی: «گت.» بلهجه اونا ائکی آی ائجازه وردی. او دا رفئقهلری ائله گدئب داغلاردا اؤز ناکام قیزلیغینا آغلادی. 39ائکی آی کچندن سونرا، آتاسینین یانینا قاییتدی و آتاسی اونون بارهسئنده اتدئیی نذری یرئنه یتئردی؛ قیزین هچ کئشی ائله رابئطهسی یوخ ائدی. بوندان سونرا ائسرایئلده بو بئر عادت اولدو 40کی، هر ائل ائسرایئل قیزلاری گدئب گئلعادلی یئفتاخین قیزی اوچون ائلده دؤرد گون یاس توتسونلار.
Currently Selected:
داورلر 11: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
