عِزرا 8
8
عِزرانین یول هموطنلرئنئن سئیاهیسی
1اَرتَخشَستانین پادشاهلیغی زامانی منئمله بابئلدن گلن و آدلاری قید ادئلمئش نسئل باشچیلاری بونلاردیر: 2پئنِخاس اؤولادلاریندان گِرشوم، ائتامار اؤولادلاریندان دانیال، داوود اؤولادلاریندان خَطّوش، 3شِکَنیا نسلئندن، پَرعوش اؤولادلاریندان، زِکَرئیّا و اونونلا بئر نسئلدن قیده آلینان یوز اَلّی کئشی. 4پَخَت-موآب اؤولادلاریندان زِرَخیا اوغلو اَلئهوعِنهی و اونونلا برابر ائکی یوز کئشی. 5یَخهزیاِلئن اوغلو شِکَنیانین اؤولادلاریندان اوچ یوز کئشی. 6عادئن اؤولادلاریندان یوناتان اوغلو عِبِد و اونونلا برابر اَلّی کئشی. 7عِیلام اؤولادلاریندان عَتَلیا اوغلو اِشَعیا و اونونلا برابر یتمئش کئشی. 8شِفَطیا اؤولادلاریندان مئکایئل اوغلو زِبَدیا و اونونلا برابر هشتاد کئشی. 9یوآب اؤولادلاریندان یِخیاِل اوغلو عوبَدیا و اونونلا برابر ائکی یوز اون سکّئز کئشی. 10یوسئفیا اوغلو شِلومئت اؤولادلاریندان یوز آلتمیش کئشی. 11بِبهی اؤولادلاریندان بِبهی اوغلو زِکَرئیّا و اونونلا برابر ائیئرمی سکّئز کئشی. 12عَزگاد اؤولادلاریندان هَقّاطان اوغلو یوخانان و اونونلا برابر یوز اون کئشی. 13اَدونئقامین کئچئک اوغوللاریندان آدلاری اِلئفِلِط، یِعیاِل، شِمَعیا و اونلارلا برابر آلتمیش کئشی. 14بئگوای اؤولادلاریندان عوتهی، زَکّور و اونلارلا برابر یتمئش کئشی.
اورشلئمه قاییدیش
15اونلاری اَخهوایا طرفه آخان کانال یانینا ییغدیم و اوچ گون اورادا قالدیق. خالقی و کاهئنلری گؤزدن کچئرتدئم، لاکئن اورادا لاوی اؤولادلاریندان هچ کئمی تاپمادیم. 16باشچیلاردان اِلئعِزِری، اَریاِلی، شِمَعیانی، اِلناتانی، یارئبی، اِلناتانی، ناتانی، زِکَرئیّانی، مِشولّامی، موعلّئملردن ده یویارئبی و اِلناتانی چاغیرتدیردیم. 17اونلاری عئدّونون یانینا گؤندَردئم کی، کاسئفیا دیئلَن یرده باشچیلیق ادئردی. اونلارا اؤیرَتدئم کی، کاسئفیا دیئلَن یرده عئدّو و قارداشلارینا، و معبدئن قوللوقچولارینا نه دسئنلر، یعنی تاریمیزین معبدئنه خئدمت ادن آداملاری بئزه گتئرسئنلر. 18تاریمیزین یاخشی اَلی اوستوموزده اولدوغونا گؤره، ائسرایئل اوغلو لاوی اوغلو مَخلی اؤولادلاریندان بصئرتلی اولان شِرِبیانی گتئردئلر، هم ده اوغوللارینی و قارداشلارینی، جَمی اون سکّئز نفری. 19خَشَبیانی، اونونلا برابر مِراری اؤولادلاریندان اِشَعیانی و قارداشلاری ائله اونلارین اؤولادلاریندان ائیئرمی نفری، 20معبد قوللوقچولاریندان ائکی یوز ائیئرمی نفری ده کی، لاوئلیلره کؤمک اتمک اوچون داوودلا باشچیلاری تعیئن اتمئشدئلر. اونلارین هامیسی آدباآد قید اولموشدو.
21او واخت اورادا، اَخهوا کانالینین یانیندا اوروج اعلان اتدئم کی، تاریمیزین قاباغیندا اؤزوموزو آلچالدیب اوندان اؤزوموز، اؤولادلاریمیز و بوتون مالیمیز اوچون خطرسئز یول آرزو ادک. 22چونکی اوتانیردیم کی، دوشمنئن قاباغیندا یولدا بئزه کؤمک اتمک اوچون پادشاهدان عسگر و آتلیلار ائستهیئم. بئز پادشاهلا دانیشیب بله دِمئشدئک: «تاریمیزین اَلی یاخشیلیق اتمک اوچون اونو آختارانلارین اوستوندهدئر. لاکئن اوندان دؤنَنلرئن هامیسینا اؤز گوجونو و قضبئنی گؤرسدئر.» 23اله بونا گؤره ده بئز اوروج توتوب تاریمیزا یالواردیق. او بئزئم دوعامیزی موستَجاب اتدی.
24کاهئنلرئن رهبرلری آراسیندان اون ائکی نفری یعنی شِرِبیا، خَشَبیا و اونلارلا اون نفر قارداشلارینی سچدئم 25و او قیزیل، گوموش، و قابلاری چکئب اونلارا وردئم کی، پادشاه، مصلحتچئلر، ریئسلر و اورادا اولان بوتون ائسرایئللیلر، تاریمیزین معبدی اوچون تقدئم اتمئشدئلر. 26اونلارین اَلئنه آلتی یوز اَلّی تالانت#8.26 تقرئبن ۴/۲۲ تون گوموش، یوز تالانت#8.26 تقرئبن ۴۵/۳ تون گوموش قاب، یوز تالانت قیزیل، 27مئن دِرهَملئک#8.27 تقرئبن ۵/۸ کئلو دَیَری اولان ائیئرمی قیزیل کاسا چکئب اونلارا وردئم. پارلاق مئسدن ائکی گؤزل قابی دا کی، قیزیل قدر قئیمتلی ائدی، چکئب وردئم. 28سونرا اونلارا ددئم: «سئز ربّئن موقدّسلرئسئنئز، بو قابلار دا موقدّسدئر. بو قیزیللا گوموش آتالارینیزین تاریسی رب اوچون اؤز گؤیلو ائله ادئلَن تقدئمدئر. 29دئقّتلی اولون! اونلاری کاهئنلرئن رهبرلری، لاوئلیلر و ائسرایئلئن نسئل باشچیلاری قاباغیندا اورشلئمدهکی ربّئن معبدئنئن آنبارلاریندا چکئب تحوئل ورنه قدر موواظئب اولون.» 30کاهئنلر و لاوئلیلر چکئلمئش قیزیل و گوموشله قابلاری گؤتوردولر کی، اونلاری اورشلئمه، تاریمیزین معبدئنه آپارسینلار.
31بئرئنجی آیین اون ائکئنجی گونو اَخهوا کانالینین یانیندان یولا دوشدوک کی، اورشلئمه گِدَک. تاریمیزین اَلی اوستوموزده ائدی و بئزی دوشمنئن اَلئندن، یولوموزداکی کمئنلردن قورتاردی. 32بلهجه اورشلئمه چاتدیق و اورادا اوچ گون قالدیق. 33دؤردونجو گون تاریمیزین معبدئنده قیزیل، گوموش و قابلاری چکئب کاهئن اورئیانین اوغلو مِرِموتون اَلئنه وردئک. پئنِخاس اوغلو اِلعازار، لاوئلیلردن اولان یوشَع اوغلو یوزاباد و بئنّوی اوغلو نوعَدیا دا اونلارلا ائدئلر. 34اشیالارین هامیسی ساییلیب چکئلدی و بوتون چکی مئقداری یازیلدی.
35اسئرلئکدن قاییدانلار ائسرایئلئن تاریسینا بوتون ائسرایئل اوچون یاندیرما قوربانی اولاراق اون ائکی گامیش، دوخسان آلتی قوچ، یتمئش یدّی قوزو و گوناه قوربانی اولاراق اون ائکی اِرکَک کچی تقدئم اتدئلر. بونلارین هامیسی ربّه یاندیرما قوربانلاری ائدی. 36سونرا اونلار پادشاهین فرمانلارینی پادشاهین ساتراپلارینا و فَرات چایینین قرب طرفئندهکی والئلرئنه وردئلر. اونلار دا خالقا و تارینین معبدئنه کؤمک اتدئلر.
Currently Selected:
عِزرا 8: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
