عِزرا 6
6
داریوش کوروشون فرمانینی تصدئق ادئر
1او زامان داریوش پادشاهین وردئیی امره اَساسن، بابئل خزئنهسئنده اولان دفترلر آختاریلدی. 2ماد وئلایتئنده اولان اِکباتانا قالاسیندا بئر طومار تاپیلدی. بو طوماردا بله قید ادئلمئشدی:
3«کوروش پادشاهین پادشاهلیغینین بئرئنجی ائلئنده کوروش پادشاه بله امر ورئب: ”تارینین اورشلئمدهکی معبدی بارهده، قوی بو معبد، قوربانلار تقدئم ادئلَن بو یر، اَوّلکی بونؤورهسی اوستونده تزهدن تئکئلسئن. اوجالیغی ۶۰ قولآچ#6.3 تقرئبن ۲۷ متر، اِنی ده ۶۰ قولآچ اولسون. 4اوچ ردئف بؤیوک داش، بئر ردئف دئرَکله تئکئلسئن. بو ائشئن خرجی پادشاه خزئنهسئندن ورئلسئن. 5هم ده او قیزیل و گوموش قابلار دا کی، نِبوکَدنِصّر تارینین اورشلئمدهکی معبدئندن چیخاردیب بابئله گتئرمئشدی، گری قایتاریلسین. بونلارین هامیسی اؤز یرئنه، اورشلئمده اولان معبده آپاریلسین. اونلاری تارینین معبدئنه قویون.“
6اونا گؤره فَرات چایینین قرب تورپاقلارینین والئسی تَتِنهی، شِتَربوزِنهی و یولداشلاری ائله کی، فَرات چایینین قرب تورپاقلارینداکی مأمورلاردیر، اورادان اوزاق قالسینلار. 7تاری معبدئنئن بو ائشئنه قاریشماسینلار. یهودئلرئن والئسی و یهودئلرئن آغساقّاللاری تارینین بو معبدئنی اؤز یرئنده تزهدن تئکسئنلر. 8من امر ادئرم کی، تارینین بو معبدئنئن تئکئلمهسئنده یهودئلرئن بو آغساقّاللارینا کؤمک ادهسئنئز، ائشلرئنئن دایاندیریلماماسی اوچون بو آداملارین خرجی قطعن پادشاه خزئنهسئندن، فَرات چایینین قرب تورپاقلاریندان ییغیلان خراجدان ورئلسئن. 9گؤیلرئن تاریسینا یاندیرما قوربانلاری ورمک اوچون، احتئیاجلارینا گؤره، جاوان گامیشلار، قوچ و قوزولار، اورشلئمدهکی کاهئنلرئن ائستهدئیی مئقداردا بوغدا، دوز، شراب، زیتون یاغی اَسکئک ادئلمهدن هر گون اونلارا ورئلسئن. 10اونلار گؤیلرئن تاریسینا مقبول اولان قوربانلار تقدئم اتسئنلر و پادشاهلا اؤولادلاری اوچون دوعا اتسئنلر کی، جانلاری صاغ اولسون. 11امر ادئرم کی، بو فرمانی دَیئشدئرَن آدامین اِوئندن بئر دئرَک چیخاردیلیب دئک باسدیریلسین و همئن آدام بو دئرهیئن اوستونه میخلانسین. قوی بله اِو خارابالیغا چِورئلسئن. 12بو معبدی اؤز آدی اوچون مسکن ادن تاری، بو فرمانی دَیئشدئرمیه جهد ادن و اورشلئمدهکی معبدئن داغیلماسینی ائستهین هر پادشاهی و خالقی یوخ اتسئن. من، داریوش امر ادئرم، امرئم سؤزسوز یرئنه یتئرئلسئن.»
تارینین معبدئنئن وقفی
13او زامان فَرات چایینین قرب تورپاقلارینین والئسی تَتِنهی و شِتَربوزِنهی، یولداشلاری ائله بئرلئکده داریوش پادشاهین گؤندَردئیی بو امری سؤزسوز یرئنه یتئردئلر. 14یهودئلرئن آغساقّاللاری بئنا ائشئنی داوام اتدئردئلر و پیغمبر خَگّهی ائله عئدّو اوغلو زِکَرئیّانین پیغمبرلئک سؤزلرئنه اَساسن، اونلارین ائشلری باجاریقلی گدئردی. ائسرایئل تاریسینین امرئنه گؤره، فارس پادشاهلاری کوروش، داریوش و اَرتَخشَستانین امری ائله معبدی تئکئب قورتاردیلار. 15معبد داریوش پادشاهین حاکئمئیّتئنئن آلتینجی ائلی، اَدار آیینین اوچونده باشا چاتدی.
16ائسرایئل اؤولادلاری یعنی کاهئنلر، لاوئلیلر و اسئرلئکدن قاییدانلار بو تاری معبدئنئن وقف مراسئمئنی شادلیقلا توتدولار. 17تارینین معبدئنئن تقدئسی اوچون یوز گامیش، ائکی یوز قوچ، دؤرد یوز قوزو و بوتون ائسرایئل اوچون قبئلهلرئنئن سایینا گؤره، گوناه قوربانی اولاراق اون ائکی اِرکَک کچی تقدئم اتدئلر. 18سونرا اونلار اورشلئمده، تارییا خئدمت اوچون، کاهئنلری اؤز دستهلرئنده و لاوئلیلری اؤز بؤلمهلرئنده دوزدولر، نجه کی، موسانین کئتابیندا یازیلمیشدی.
پاسخا بایرامینین کچئرئلمهسی
19اسئرلئکدن قاییدانلار پاسخا بایرامینی بئرئنجی آیین اون دؤردونده کچئرتدئلر. 20چونکی کاهئنلرله لاوئلیلر اؤزلرئنی تمئز اتدئکلری اوچون هامیسی تمئز ائدئلر. لاوئلیلر بوتون اسئرلئکدن قاییدانلار اوچون، کاهئن قارداشلاری و اؤزلری اوچون پاسخا قوربانی کَسدئلر. 21اسئرلئکدن قاییدان ائسرایئل اؤولادلاری و ائسرایئلئن تاریسی ربّه سئتایئش اتمک اوچون اؤزلرئنی اطراف مئلّتلرئن نجئسلئیئندن آییرانلارین هامیسی قوربان اَتی یدئلر. 22یدّی گون شادلیقلا مایاسیز چؤرک بایرامی کچئرتدئلر، چونکی اونلاری سِوئندئرَن رب ائدی. رب آشور پادشاهینین اورهیئنده میل یاراتمیشدی کی، ائسرایئل تاریسینین معبدئنئن تئکئلمهسی باشا گلسئن.
Currently Selected:
عِزرا 6: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
